ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

5 դեկտեմբերի 1992 թվականի N 617

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ՕՏԱՐԵՐԿՐՅԱ ՔԱՂԱՔԱՑԻՆԵՐԻ ԵՎ ՔԱՂԱՔԱՑԻՈՒԹՅՈՒՆ ՉՈՒՆԵՑՈՂ ԱՆՁԱՆՑ ՎՃԱՐՈՎԻ ԲՈՒԺՍՊԱՍԱՐԿՄԱՆ ՄԱՍԻՆ

Հայաստանի Հանրապետության կառավարությունը որոշում է`

1. Սահմանել, որ Հայաստանի Հանրապետության տարածքում օտարերկրյա (այդ թվում` նախկին ԽՍՀՄ այլ հանրապետությունների այն քաղաքացիները, որոնք մշտապես չեն բնակվում Հայաստանի Հանրապետությունում) քաղաքացիների և քաղաքացիություն չունեցող անձանց բուժօգնությունը (բացառությամբ շտապ, անհետաձգելի բուժօգնության) և բուժսպասարկումն իրականացվում է վճարովի հիմունքներով, եթե միջազգային պայմանագրերով կամ համաձայնագրերով այլ կարգ չի սահմանված:

2. Վճարովի բուժօգնության և այլ բնույթի բժշկական վճարովի ծառայությունների սակագները Հայաստանի Հանրապետությունում սահմանվում են առողջապահական հիմնարկի կողմից, համաձայն Հայաստանի Հանրապետության կառավարության 1992 թվականի հունվարի 4-ի «Շուկայական ազատ գների և սակագների մասին» N 1 որոշման:

3. Վճարովի բուժօգնության և այլ բնույթի վճարովի ծառայությունների իրականացումից ստացված միջոցները հաշվեգրվում են պետական առողջապահական հիմնարկի արտաբյուջետային միջոցների հաշվում:

Հայաստանի Հանրապետության վարչապետ

Խ. Հարությունյան

ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՔՈԹԱՆՅԱՆ