ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

2 մարտի 1992 թվականի N 137

քաղ. Երևան

ՀԱՆՐԱՊԵՏՈՒԹՅԱՆ ՄԻ ՇԱՐՔ ՇՐՋԱՆՆԵՐՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՎԱՐՉՈՒԹՅԱՆ ԺԱՄԱՆԱԿԱՎՈՐ ՄԱՔՍԱՅԻՆ ԿԵՏԵՐ ՍՏԵՂԾԵԼՈՒ ՄԱՍԻՆ

Հայաստանի Հանրապետության կառավարությունը որոշում է`

1. Երևանի «Զվարթնոց» և «Էրեբունի» օդանավակայաններում, ինչպես նաև Հայաստանի Հանրապետության սահմանային տարածքի որոշ անցակետերում ստեղծել ժամանակավոր մաքսային կետեր`

ա) Աշոցքի շրջանում` Բավրա բնակավայրով անցնող ավտոմոբիլային ճանապարհի վրա.

բ) Տաշիրի շրջանում` Գոգարան և Պրիվոլնոյե բնակավայրերով անցնող ավտոմոբիլային ճանապարհների վրա.

գ) Նոյեմբերյանի շրջանում` Բագրատաշեն բնակավայրով անցնող ավտոմոբիլային ճանապարհի վրա.

դ) Թումանյանի շրջանում` «Այրում» երկաթուղային կայարանում:

2. Հայաստանի Հանրապետության մաքսային վարչության ժամանակավոր մաքսային կետերի պահպանման ծախսերը կատարել հանրապետության բյուջեի միջոցների հաշվին:

3. Հայաստանի Հանրապետության մաքսային վարչությանը ենթակա մաքսային մարմինների աշխատողների աշխատանքի վարձատրության ֆոնդը հաստատել տարեկան 1782,0 հազ. ռուբլի:

4. Հայաստանի Հանրապետության մաքսային վարչությանը` մինչև 1992 թվականի մարտի 6-ը պատգամավորների համապատասխան շրջանային խորհուրդների գործադիր կոմիտեների, համապատասխան նախարարությունների, պետական վարչությունների և գերատեսչությունների հետ համատեղ որոշել նշված ուղղություններով Հայաստանի Հանրապետության պետական սահմանի անցակետերի տարածքներն ու մաքսային վերահսկողության գոտիները և ապահովել Հայաստանի Հանրապետության մաքսային վարչության ժամանակավոր մաքսային կետերի գործունեությունը:

ՀԱՅԱՍՏԱՆի հանրապետության փոխնախագահ, վարչապետ

Գ. ՀԱՐՈՒԹՅՈՒՆՅԱՆ

ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՔՈԹԱՆՅԱՆ