ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՈՒՐԴ

Ո Ր Ո Շ ՈՒ Մ

1 նոյեմբերի 1991 թվականի N 630

քաղ. Երևան

ՄԱՄՈՒԼԻ ԵՎ ԶԱՆԳՎԱԾԱՅԻՆ ԼՐԱՏՎՈՒԹՅԱՆ ՄՅՈՒՍ ՄԻՋՈՑՆԵՐԻ ԳՐԱՆՑՄԱՆ ՀԱՄԱՐ ԳԱՆՁՎՈՂ ՏՈՒՐՔԻ ՄԱՍԻՆ

Համաձայն «Մամուլի և զանգվածային լրատվության մյուս միջոցների մասին» Հայաստանի Հանրապետության օրենքի, Հայաստանի Հանրապետության Նախարարների խորհուրդը որոշում է`

1. Մամուլի և զանգվածային լրատվության մյուս միջոցների գրանցման համար սահմանել տուրք` 1000 ռուբլու չափով, որը մուծվում է Հայաստանի Հանրապետության արդարադատության նախարարության գրավոր համաձայնությունը ստանալուց հետո` մեկշաբաթյա ժամկետում:

2. Մամուլի և զանգվածային լրատվության մյուս միջոցների գրանցման վկայականում փոփոխություններ ու լրացումներ կատարելու համար գանձվում է տուրք` 500 ռուբլու չափով:

3. Մամուլի և զանգվածային լրատվության մյուս միջոցների գրանցման, գրանցման վկայականում փոփոխություններ ու լրացումներ կատարելու համար վճարված տուրքը փոխանցվում է հանրապետական բյուջե:

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի նախագահԻ ՊԱՇՏՈՆԱԿԱՏԱՐ

Հ. ԲԱԳՐԱՏՅԱՆ

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՀԱԿՈԲՅԱՆ