ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՈՒՐԴ

Ո Ր Ո Շ ՈՒ Մ

29 հոկտեմբերի 1991 թվականի N 623

քաղ. Երևան

ԽՍՀՄ ՔԱՂԱՔԱՑԻԱԿԱՆ ԱՎԻԱՑԻԱՅԻ ՆԱԽԱՐԱՐՈՒԹՅԱՆ «ՀԱՅԿԱԿԱՆ ԱՎԻԱՈՒՂԻՆԵՐ» ԱՎԻԱԸՆԿԵՐՈՒԹՅՈՒՆԸ ՀԱՅԱՍՏԱՆԻ ՊԵՏԱԿԱՆ ԱՎԻԱԸՆԿԵՐՈՒԹՅԱՆ ՎԵՐԱԿԱԶՄԱՎՈՐԵԼՈՒ ՄԱՍԻՆ

Հայաստանի Հանրապետության Նախարարների խորհուրդը որոշում է`

1. ԽՍՀՄ քաղաքացիական ավիացիայի նախարարության «Հայկական ավիաուղիներ» ավիաընկերությունը վերակազմավորել Հայաստանի պետական ավիաընկերության:

2. Հանձնարարել Հայաստանի Հանրապետության Նախարարների խորհրդի նախագահի տեղակալ պրն. Վ. Ամիրբեկյանին` Հայաստանի պետական ավիաընկերության, Հայաստանի Հանրապետության էկոնոմպետկոմի և ֆինանսների նախարարության հետ համատեղ, մասնագետների ներգրավմամբ, ստեղծել հանձնախումբ և հանձնարարել մեկամսյա ժամկետում`

ա) ԽՍՀՄ քաղաքացիական ավիացիայի նախարարության հետ վարել բանակցություններ Հայաստանի պետական ավիաընկերությունը Հայաստանի Հանրապետության իրավասությանը հանձնելու վերաբերյալ.

բ) ԽՍՀՄ քաղաքացիական ավիացիայի նախարարության և շահագրգռված մյուս կազմակերպությունների հետ լուծել Հայաստանի պետական ավիաընկերության սեփականության հարցերը.

գ) մշակել և Հայաստանի Հանրապետության Նախարարների խորհրդի հաստատմանը ներկայացնել Հայաստանի ավիացիայի կառավարման կառուցվածքը:

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի նախագահԻ ՊԱՇՏՈՆԱԿԱՏԱՐ

Հ. ԲԱԳՐԱՏՅԱՆ

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՀԱԿՈԲՅԱՆ