ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՈՒՐԴ
Ո Ր Ո Շ ՈՒ Մ
ՀԱՆՐԱՊԵՏՈՒԹՅԱՆ ԴՊՐՈՑԱԿԱՆ ՀԱՄԱԿԱՐԳՈՒՄ ՏԻՐՈՂ ԻՐԱՎԻՃԱԿԻ ՄԱՍԻՆ
Նկատի ունենալով հանրապետության դպրոցների ուսումնական բնականոն գործընթացի խափանումները, ուսումնառության համար անհրաժեշտ պայմանների բացակայությունը, ուսուցիչների տարեցտարի վատթարացող սոցիալական վիճակը, և, հատկապես, դրանով պայմանավորված, նրանց արտահոսքը կրթական համակարգից,
հաշվի առնելով, որ կրթական ոլորտն ունի ռազմավարական նշանակություն և արձանագրելով կառավարության գործունեության լուրջ թերացումն այս բնագավառում, ինչն էլ հանգեցրել է մանկավարժական կոլեկտիվների պայքարի անցանկալի ձևի` գործադուլի, Հայաստանի Հանրապետության Գերագույն խորհուրդը որոշում է.
Հայաստանի Հանրապետության կառավարությանը` Հայաստանի Հանրապետության Գերագույն խորհրդի 1994 թվականի նոյեմբերի 28-ի արտահերթ նիստում ներկայացնել հաշվետվություն դպրոցական համակարգի վիճակի մասին և հրատապ միջոցառումների ծրագիր` ստեղծված իրավիճակից համակարգը դուրս բերելու համար:
|
Հայաստանի Հանրապետության |
|
քաղ. Երևան |