ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՈՒՐԴ

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԶԻՆԱՆՇԱՆԻ ԵՎ ՀԻՄՆԻ ՄԱՍԻՆ

Հայաստանի Հանրապետության զինանշանը եւ հիմնը «Հայաստանի անկախության մասին» Հռչակագրի ոգուն եւ անկախ պետականության հաստատման սկզբունքներին համապատասխանեցնելու նպատակով Հայաստանի Հանրապետության Գերագույն խորհուրդը որոշում է`

Հանձնարարել Հայաստանի Հանրապետության նախարարների խորհրդին Հանրապետության Գերագույն խորհրդի համապատասխան մշտական հանձնաժողովների հետ միասին կազմակերպել Հայաստանի Հանրապետության պետական զինանշանի և հիմնի ստեղծման մրցույթ:

Մրցույթի արդյունքների հիման վրա երեք ամսվա ընթացքում առաջարկություն ներկայացնել Հայաստանի Հանրապետության Գերագույն խորհուրդ: