ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ
Ո Ր Ո Շ ՈՒ Մ Ը
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻՆ ԱՌԸՆԹԵՐ ՎԵՐԱՀՍԿԻՉ ՊԱԼԱՏԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ ԿԻՐԱՐԿԵԼՈՒ ՄԱՍԻՆ
Հայաստանի Հանրապետության Գերագույն խորհուրդը որոշում է.
1. «Հայաստանի Հանրապետության Գերագույն խորհրդին առընթեր վերահսկիչ պալատի մասին» Հայաստանի Հանրապետության օրենքը կիրարկել հրապարակման պահից:
2. Հայաստանի Հանրապետության կառավարությանը` «Հայաստանի Հանրապետության Գերագույն խորհրդին առընթեր վերահսկիչ պալատի մասին» օրենքի հրապարակման պահից երկու ամսվա ընթացքում Հայաստանի Հանրապետության Գերագույն խորհրդի 1994 թվականի ծախսերի նախահաշվում առանձին տողով նախատեսել վերահսկիչ պալատի պահպանման ծախսերը և Գերագույն խորհրդի հաստատմանը ներկայացնել առաջարկներ պետական բյուջեում համապատասխան փոփոխություններ կատարելու մասին:
3. Գերագույն խորհրդի ֆինանսավարկային և բյուջետային հարցերի մշտական հանձնաժողովին` հաշվի առնելով Հայաստանի Հանրապետության Գերագույն խորհրդի մշտական հանձնաժողովների առաջարկությունները, «Հայաստանի Հանրապետության Գերագույն խորհրդին առընթեր վերահսկիչ պալատի մասին» օրենքի հրապարակման պահից երեք ամսվա ընթացքում Հայաստանի Հանրապետության Գերագույն խորհրդի նախագահության քննարկմանը ներկայացնել վերահսկիչ պալատի նախագահի թեկնածություններ:
4. Ուժը կորցրած համարել Հայաստանի Հանրապետության Գերագույն խորհրդի «Հայաստանի Հանրապետության Գերագույն խորհրդին առընթեր վերահսկիչ պալատի մասին» Հայաստանի Հանրապետության օրենքը կիրարկելու մասին» 1993 թվականի հուլիսի 19-ի որոշումը:
|
Հայաստանի Հանրապետության ԳԵՐԱԳՈՒՅՆ ԽՈՐՀՐԴԻ Նախագահ |
բ. արարքցյան |
|
|