«Գրանցված է»
ՀՀ արդարադատության
նախարարության կողմից
12 մարտի 2014 թ.
Պետական գրանցման թիվ 10014130
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌՈՂՋԱՊԱՀՈՒԹՅԱՆ ՆԱԽԱՐԱՐ
|
17 դեկտեմբերի 2013 թ. ք. Երևան |
N 81-Ն |
Հ Ր Ա Մ Ա Ն
ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ՊԱՅՄԱՆՆԵՐՈՎ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ՇՐՋԱՆԱԿՆԵՐՈՒՄ ՎԱՐԱԿԻՉ ԵՎ ՄԱԿԱԲՈՒԾԱՅԻՆ ՀԻՎԱՆԴՈՒԹՅՈՒՆՆԵՐՈՎ ՊԱՑԻԵՆՏՆԵՐԻ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԿԱԶՄԱԿԵՐՊՄԱՆ ԵՎ ԻՐԱԿԱՆԱՑՄԱՆ ՉԱՓՈՐՈՇԻՉԸ ՀԱՍՏԱՏԵԼՈՒ ՄԱՍԻՆ
(վերնագիրը խմբ. 06.02.25 N 13-Ն)
Հիմք ընդունելով «Բնակչության բժշկական օգնության և սպասարկման մասին» օրենքի 2-րդ հոդվածի 1-ին մասի 33-րդ կետը.
(նախաբանը խմբ. 06.02.25 N 13-Ն)
Հրամայում եմ`
1. Հաստատել պետության կողմից երաշխավորված անվճար պայմաններով բժշկական օգնության և սպասարկման շրջանակներում վարակիչ և մակաբուծային հիվանդություններով պացիենտների բժշկական օգնության և սպասարկման կազմակերպման և իրականացման չափորոշիչը` համաձայն հավելվածի:
(1-ին կետը խմբ. 06.02.25 N 13-Ն)
| Դ. Դումանյան |
|
Հավելված ՀՀ առողջապահության նախարարի 2013 թվականի դեկտեմբերի 17-ի N 81-Ն հրամանի |
ՉԱՓՈՐՈՇԻՉ
ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ՊԱՅՄԱՆՆԵՐՈՎ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ՇՐՋԱՆԱԿՆԵՐՈՒՄ ՎԱՐԱԿԻՉ ՀԻՎԱՆԴՈՒԹՅՈՒՆՆԵՐՈՎ ՊԱՑԻԵՆՏՆԵՐԻ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԿԱԶՄԱԿԵՐՊՄԱՆ ԵՎ ԻՐԱԿԱՆԱՑՄԱՆ
(վերնագիրը խմբ. 06.02.25 N 13-Ն)
1. ԸՆԴՀԱՆՈՒՐ ԴՐՈՒՅԹՆԵՐ
1. Սույն չափորոշչով կարգավորվում են պետության կողմից երաշխավորված անվճար պայմաններով բժշկական օգնության և սպասարկման շրջանակներում վարակիչ հիվանդություններով պացիենտների բժշկական օգնության և սպասարկման կազմակերպման և իրականացման հետ կապված հարաբերությունները:
2. Բժշկական օգնության և սպասարկման շրջանակներում վարակիչ հիվանդություններով պացիենտների բժշկական օգնությունը և սպասարկումն իրականացվում է համապատասխան տեսակի լիցենզիա ունեցող բժշկական կազմակերպություններում:
3. Վարակիչ հիվանդություններով օտարերկրյա քաղաքացիների բժշկական օգնությունը և սպասարկումն իրականացվում է Հայաստանի Հանրապետության օրենսդրության, ինչպես նաև Հայաստանի Հանրապետության միջազգային պայմանագրերի համաձայն:
2. ԱՐՏԱՀԻՎԱՆԴԱՆՈՑԱՅԻՆ ՊԱՅՄԱՆՆԵՐՈՒՄ ՎԱՐԱԿԻՉ ՀԻՎԱՆԴՈՒԹՅՈՒՆՆԵՐՈՎ ՊԱՑԻԵՆՏՆԵՐԻ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԿԱԶՄԱԿԵՐՊՈՒՄԸ
4. Առողջության առաջնային պահպանման (այսուհետ` ԱԱՊ) ծառայություններ մատուցող բժշկական կազմակերպություններում վարակիչ հիվանդություններով պացիենտներին տրամադրվող բժշկական օգնությունը և սպասարկումն իրականացվում է պետության կողմից երաշխավորված անվճար պայմաններով: Վարակիչ հիվանդությունների հետ կապված բժշկական օգնությունը և սպասարկումը ԱԱՊ ծառայություններ մատուցող բժշկական կազմակերպություններում իրականացվում է համապատասխան կաբինետների վարակաբանների կամ ընտանեկան բժշկի, մանկաբույժի, թերապևտի կողմից:
5. Վարակիչ հիվանդությունների հետ կապված պետության կողմից երաշխավորված անվճար բժշկական օգնությունը և սպասարկումն իր մեջ ներառում է`
1) կանխարգելում, այդ թվում՝ կանխարգելիչ պատվաստումների իրականացում` համաձայն Հայաստանի Հանրապետության կառավարության 2020 թվականի դեկտեմբերի 17-ի N 2129-Ն որոշման.
2) պացիենտների ընդունելություն` մասնագիտական խորհրդատվություն, բուժում, տնային այցերի կազմակերպում.
3) վարակիչ հիվանդությունների հաշվառում և հաղորդում՝ համաձայն Հայաստանի Հանրապետության առողջապահության նախարարի 2010 թվականի դեկտեմբերի 17-ի N 35-Ն հրամանի.
4) վարակիչ հիվանդությամբ պացիենտների դիսպանսերային (շարունակական) հսկողություն.
5) վարակիչ հիվանդությունների բռնկումների ժամանակ բժշկական օգնության և սպասարկման կազմակերպում և իրականացում.
6) վարակիչ հիվանդությունների բռնկման ժամանակ ԱԱՊ ծառայություններ մատուցող բժշկական կազմակերպությունների մասնագետների կողմից բակային համայցերի կազմակերպում` վարակիչ հիվանդությամբ պացիենտների հայտնաբերման նպատակով, իսկ կառավարելի վարակիչ հիվանդությունների դեպքում նաև կոնտակտավորների շրջանում չպատվաստված կամ թերի պատվաստվածների հայտնաբերում և պատվաստումների կազմակերպում և իրականացում.
7) վարակիչ հիվանդությամբ պացիենտների հետ շփված անձանց (այսուհետ` կոնտակտավորներ) շրջանում միջոցառումներ` նոր պացիենտների հայտնաբերում, կանխարգելիչ պատվաստումների իրականացում, բուժում և դինամիկ հսկողության կազմակերպում, հայտնաբերված վարակիչ հիվանդությամբ պացիենտի և նրա կոնտակտավորների նմուշառում, նմուշների լաբորատորիա տեղափոխման կազմակերպում․
8) վարակիչ հիվանդությունների կանխարգելման, նրանց նկատմամբ բնակչության զգոնության բարձրացման նպատակով հիգիենայի հարցերին նվիրված առողջ ապրելակերպի քարոզչություն` օգտագործելով ժամանակակից տեղեկատվական միջոցները․
9) արևադարձային և ենթաարևադարձային երկրներ մեկնող և այդ երկրներից ժամանած անձանց վարակիչ հիվանդությունների վերաբերյալ խորհրդատվություն:
6. Վարակիչ հիվանդությունների օջախներում ԱԱՊ ծառայություններ մատուցող բժշկական կազմակերպությունների մասնագետները մասնակցում են համաճարակաբանական հետազոտության և հակահամաճարակային միջոցառումների իրականացման գործընթացներին:
3. ՎԱՐԱԿԻՉ ՀԻՎԱՆԴՈՒԹՅՈՒՆՆԵՐՈՎ ՊԱՑԻԵՆՏՆԵՐԻ ԴԻՍՊԱՆՍԵՐԱՅԻՆ (ՇԱՐՈՒՆԱԿԱԿԱՆ) ՀՍԿՈՂՈՒԹՅԱՆ ԾԱՌԱՅՈՒԹՅԱՆ ԿԱԶՄԱԿԵՐՊՈՒՄԸ ԵՎ ԻՐԱԿԱՆԱՑՈՒՄԸ
7. Պետության կողմից երաշխավորված անվճար բժշկական օգնության և սպասարկման շրջանակներում վարակիչ հիվանդություններով պացիենտների դիսպանսերային (շարունակական) հսկողությունը ներառում է`
1) վարակիչ հիվանդություններով պացիենտներին մասնագիտացված բժշկական օգնության և սպասարկման տրամադրում.
2) քրոնիկ վարակիչ հիվանդություններով պացիենտների և ռեկոնվալեսցենտների դիսպանսերային շարունակական հսկողություն.
3) հիմնավորված ցուցումների դեպքում, պետության կողմից երաշխավորված անվճար և արտոնյալ պայմաններով բժշկական օգնություն և սպասարկում ստանալու իրավունք ունեցող` բնակչության սոցիալապես անապահով ու առանձին (հատուկ) խմբերի ցանկում ընդգրկված անձանց անհրաժեշտ հատուկ և դժվարամատչելի ախտորոշիչ հետազոտությունների կազմակերպում՝ համաձայն Հայաստանի Հանրապետության առողջապահության նախարարի 2013 թվականի սեպտեմբերի 20-ի թիվ 53-Ն հրամանով հաստատված չափորոշչի.
4) ԱԱՊ ծառայություններ մատուցող բժշկական կազմակերպություններում ռիսկի խմբերում ընդգրկված անձանց շրջանում վարակիչ հիվանդությունների հայտնաբերման նպատակով պարտադիր հետազոտությունների կազմակերպման ապահովում, իսկ համաճարակաբանական ցուցումների դեպքում՝ բնակչության այլ խմբերում ընդգրկված անձանց նշված հետազոտությունների կազմակերպման ապահովում.
5) կոնտակտավորների և վարակի աղբյուրների հայտնաբերման ուղղությամբ տարվող աշխատանքներ, անհրաժեշտ հետազոտությունների և ըստ անհրաժեշտության կանխարգելիչ բուժման կազմակերպման ապահովում կոնտակտավորների շրջանում.
6) մասնագիտական խորհրդատվությունների և բուժման կազմակերպման նպատակով պացիենտների ուղեգրում ինֆեկցիոն բժշկական կազմակերպություններ, բժշկական կազմակերպության ինֆեկցիոն բաժանմունք կամ ինֆեկցիոն վերակենդանացման և ինտենսիվ թերապիայի բաժանմունք.
7) ժամանակավոր անաշխատունակության փորձաքննության, պացիենտների առողջության վերաբերյալ տեղեկանքների տրամադրում, համապատասխան անձի ֆունկցիոնալության գնահատման փորձաքննության կազմակերպում:
8. Վարակիչ հիվանդություններով պացիենտների դիսպանսերային (շարունակական) հսկողությունը և բուժումը (մասնագիտական խորհրդատվություն, լաբորատոր-գործիքային ախտորոշիչ հետազոտություններ, դեղորայքային բուժում) իրականացվում է հետևյալ ախտորոշումների դեպքում՝
1) խոլերա, որովայնային տիֆ, պարատիֆեր Ա և Բ (A և B) և շիգելյոզ.
2) սուր վիրուսային հեպատիտ Բ (B).
3) սուր վիրուսային հեպատիտ Ց (C).
4) սուր վիրուսային հեպատիտ Դ (D).
5) սուր վիրուսային հեպատիտ Ե (E).
6) վիրուսային հեպատիտ Ա (A).
7) քրոնիկ վիրուսային հեպատիտ/վարակ.
8) բրուցելոզ.
9) սուր տոքսոպլազմոզ՝ հղիների* շրջանում, բնածին տոքսոպլազմոզ.
10) բնածին կարմրախտային համախտանիշ.
11) դիֆթերիայի տոքսիկ ձևեր.
12) մենինգոկոկային վարակ.
13) ցիտոմեգալովիրուսային (այսուհետ՝ ՑՄՎ) վարակ.
14) արևադարձային, եռօրյա և օվալե մալարիա.
15) ընդերային և մաշկային լեյշմանիոզ.
16) էխինոկոկոզներ (բշտային և ալվեոկոկոզ).
17) կարմիր քամի.
18) սուր Q տենդ:
9․ Սույն կետում նշված վարակիչ հիվանդությունների դեպքում դիսպանսերային (շարունակական) հսկողությունն իրականացվում է ըստ անհրաժեշտության՝ կախված կլինիկական ընթացքից, զարգացած բարդություններից և մնացորդային երևույթներից` ԱԱՊ բժշկական հաստատությունների համապատասխան մասնագետների կամ ընտանեկան բժիշկների կողմից.
1) աղիքային յերսինիոզ.
2) ամեոբիազ.
3) լեպտոսպիրոզ.
4) կարմրուկային էնցեֆալիտ.
5) կապույտ հազ.
6) քութեշ.
7) հերպեսային վարակ հարուցված 1-ին և 2-րդ տիպի հերպես վիրուսներով.
8) գոտևորող որքին.
9) ինֆեկցիոն մոնոնուկլեոզ.
10) հեմոռագիկ տենդ երիկամային համախտանիշով.
11) տուլարեմիա.
12) տրիխինելոզ.
13) Լայմի հիվանդություն:
4. ՀԻՎԱՆԴԱՆՈՑԱՅԻՆ ՊԱՅՄԱՆՆԵՐՈՒՄ ՎԱՐԱԿԻՉ ՀԻՎԱՆԴՈՒԹՅՈՒՆՆԵՐՈՎ ՊԱՑԻԵՆՏՆԵՐԻ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԿԱԶՄԱԿԵՐՊՈՒՄԸ
10. Վարակիչ հիվանդություններով 18 տարեկան և բարձր տարիքի պացիենտների հիվանդանոցային պայմաններում բժշկական օգնությունն և սպասարկումն, անկախ սոցիալական կարգավիճակից իրականացվում է պետության կողմից երաշխավորված անվճար պայմաններով՝ համաձայն Հայաստանի Հանրապետության առողջապահության նախարարի 2013 թվականի հոկտեմբերի 18-ի թիվ 65-Ն հրամանի, իսկ մինչև 18 տարեկան երեխաների հիվանդանոցային պայմաններում բժշկական օգնությունն և սպասարկումը` համաձայն Հայաստանի Հանրապետության առողջապահության նախարարի 2022 թվականի հունիս 2-ի N 34-Ն հրամանի:
11. Վարակիչ հիվանդություններով պացիենտների պետության կողմից երաշխավորված անվճար հիվանդանոցային պայմաններում բժշկական օգնությունն և սպասարկումն ընդգրկում է`
1) մասնագիտացված ինֆեկցիոն հիվանդանոցներում, հիվանդանոցների ինֆեկցիոն բաժանմունքներում՝ բժշկական օգնության և սպասարկման կազմակերպումը.
2) զորակոչային տարիքի անձանց հետազոտումը և բուժումը՝ համապատասխան ուղեգրերի առկայության դեպքում:
12. Սեռական ճանապարհով փոխանցվող վարակիչ հիվանդություններով պացիենտների պետության կողմից երաշխավորված անվճար պայմաններով բժշկական օգնությունն և սպասարկումն իրականացվում է Հայաստանի Հանրապետության կառավարության 2004 թվականի մարտի 4-ի N 318-Ն որոշմամբ սահմանված պետության կողմից երաշխավորված անվճար և արտոնյալ պայմաններով բժշկական օգնություն և սպասարկում ստանալու իրավունք ունեցող բնակչության սոցիալապես անապահով ու առանձին (հատուկ) խմբերում ընդգրկված անձանց, բացառությամբ սիֆիլիսի բոլոր ձևերի` որոնք ամբողջ բնակչությանը մատուցվում են պետության կողմից երաշխավորված անվճար պայմաններով` համաձայն Հայաստանի Հանրապետության առողջապահության նախարարի 2013 թվականի հոկտեմբերի 18-ի թիվ 65-Ն հրամանով հաստատված հավելված 1-ի 2-րդ կետի 13-րդ ենթակետի:
13. Տուբերկուլոզ ախտորոշմամբ պացիենտների հիվանդանոցային բժշկական օգնությունը, սպասարկումը և հսկողությունը կազմակերպվում և իրականացվում է Հայաստանի Հանրապետության առողջապահության նախարարի 2022 թվականի փետրվարի 1-ի N 06-Ն հրամանով հաստատված չափորոշչի համաձայն:
14. ՄԻԱՎ վարակով պացիենտների հիվանդանոցային բժշկական օգնությունը և սպասարկումը կազմակերպվում և իրականացվում է Հայաստանի Հանրապետության առողջապահության նախարարի 2013 թվականի նոյեմբերի 22-ի N 75-Ն հրամանով հաստատված չափորոշչի և 2019 թվականի մայիսի 21-ի N 1279-Լ հրամանով հաստատված կարգի համաձայն:
15. Բժշկական օգնություն և սպասարկում իրականացնող կազմակերպություններում, օդային և օդակաթիլային ճանապարհով փոխանցվող վարակիչ հիվանդությունների ներհիվանդանոցային տարածումը կանխարգելելու նպատակով, պացիենտին մինչ համապատասխան բաժանմունք, այդ թվում՝ մեկուսարան ուղղորդումն, ընդունարանի առաջնային հատվածում համապատասխան բուժաշխատողի կողմից անհրաժեշտ է ենթարկել բժշկական զննության (ջերմաչափում, օբյեկտիվ զննում և այլն հետազոտություններ` կախված գանգատներից և օբյեկտիվ զննման արդյունքներից) հավաքելով համաճարակաբանական վերհուշ՝ շփում ցանկացած վարակիչ հիվանդությամբ պացիենտի հետ: Վարակիչ հիվանդությանը բնորոշ կլինիկական ախտանշանների առկայության դեպքում, մասնավորապես՝ ջերմության բարձրացում, ինտքոսիկացիա, կատարալ երևույթներ, հազ, նշիկաբորբ, ավշահանգույցների մեծացում, ցանավորում, շաղկապենաբորբ, լուծ, դեղնուկ, մենինգիալ ախտանշաններ, ինչպես նաև վարակիչ հիվանդության կասկածի դեպքում անհրաժեշտ է տեղափոխել մեկուսարան, եթե այլ հիվանդության հիմնավորված կասկածը բացակայում է:
16. Հոսպիտալացման ցուցումների բացակայության դեպքում, պացիենտի բուժօգնությունն իրականացվում է Հայաստանի Հանրապետության առողջապահության նախարարի 2019 թվականի հոկտեմբերի 18-ի N 44-Ն հրամանի հավելված 1-ի 3-րդ գլխի համաձայն:
17. Սույն հավելվածի 18-րդ, 19-րդ և 20-րդ կետերում նշված ախտորոշումներով կասկածելի կամ հաստատված դեպքերի բժշկական օգնությունն ու սպասարկումը կազմակերպվում է ինֆեկցիոն բժշկական կազմակերպությունում, բժշկական կազմակերպության ինֆեկցիոն բաժանմունքում կամ ինֆեկցիոն վերակենդանացման և ինտենսիվ թերապիայի բաժանմունքում, իսկ առանձին դեպքերում` թերպևտիկ բաժանմունքում կամ անհետաձգելի բուժօգնության (Էմերջենսի) բաժանմունքում անվճար պայմաններով բժշկական օգնության և սպասարկման շրջանակներում՝ անկախ կլինիկական ընթացքից:
18. Հիվանդանոցային պայմաններում բժշկական օգնության և սպասարկման համար հոսպիտալացման բացարձակ ցուցումներ ունեցող ախտորոշումներն են (հաշվի առնելով հիվանդությունների առանձնակի ծանր ընթացքը և վտանգավորությունը).
1) A00 Խոլերա.
2) A01 Տիֆ և պարատիֆեր.
3) A05.1 Բոտուլիզմ.
4) A20 Ժանտախտ, ներառյալ` Իերսինիա պեստիսից (Yersinia pestis) հարուցված վարակը.
5) A22 Սիբիրյան խոց (Անտրաքս), ներառյալ` բացիլուս անթրացիսով (Bacillus anthracis) հարուցված վարակը.
6) A24 Սապ (խլնախտ) և մելիոիդոզ.
7) A25 Առնետի կծելուց առաջացած տենդ.
8) A27 Լեպտոսպիրոզ.
9) A33 Նորածնի (նեոնատալ) տետանուս (պրկախտ, փայտացում).
10) A34 Մանկաբարձական տետանուս.
11) A35 Տետանուսի այլ ձևեր, ներառյալ` տետանուս` ԱՀՃ, բացառությամբ` տետանուսի` նորածնի (նեոնատալ) (A33), մանկաբարձական (A34).
12) A36 Դիֆթերիա.
13) A39 Մենինգոկոկային վարակ.
14) A48.1 Լեգիոներների հիվանդություն.
15) A75 Բծավոր տիֆ, բացառությամբ` Ռիկետսիոզի` հարուցված Էրլիխիա սենետսուով (Ehrlichia sennetsu (A79.8).
16) A75.0 Համաճարակային ոջլային տիֆ` հարուցված Ռիկետսիա պրովացեկիով (Rickettsia prowazekii) Դասական տիֆ (տենդ).
17) A77 Բծավոր տենդ (տզային ռիկետսիոզ).
18) A80 Սուր պոլիոմիելիտ.
19) A82 Կատաղություն.
20) A83 Մոծակային վիրուսային էնցեֆալիտ, ներառյալ` մոծակային վիրուսային մենինգոէնցեֆալիտը, բացառությամբ` Վենեսուելայի ձիու էնցեֆալիտի (A92.2).
21) A84 Տզային վիրուսային էնցեֆալիտ, ներառյալ` տզային վիրուսային մենինգոէնցեֆալիտը.
22) A85 Վիրուսային այլ էնցեֆալիտներ՝ այլ դասերում չդասակարգված, ներառյալ` ճշտված վիրուսային՝ մենինգոէնցեֆալիտը այլ դասերում չդասակարգված, էնցեֆալոմիելիտը՝ այլ դասերում չդասակարգված, բացառությամբ` բարորակ միալգիկ էնցեֆալոմիելիտի (G93.3), լիմֆոցիտար խորիոմենինգիտի (A87.2), էնցեֆալիտի, առաջացած` հերպեսի վիրուսից (Herpes simplex) (B00.4), կարմրուկի վիրուսից (B05.), համաճարակային պարօտիտի (խոզուկի) վիրուսից (B26.2), պոլիոմիելիտի վիրուսից (A80.-), գոտևորող որքինի վիրուսից (B02.0).
23) A86 Վիրուսային էնցեֆալիտ չճշտված, ներառյալ` վիրուսային` էնցեֆալոմիելիտը` ԱՀՃ, մենինգոէնցեֆալիտը` ԱՀՃ.
24) A87 Վիրուսային մենինգիտ, բացառությամբ` մենինգիտի, հարուցված` հերպեսի վիրուսով (herpes simplex) (B00.3), կարմրուկի վիրուսով (B05.1), համաճարակային պարօտիտի (խոզուկի) վիրուսով (B26.1), պոլիոմիելիտի վիրուսով (A80.-), գոտևորող որքինի վիրուսով (B02.1).
25) A88 Կենտրոնական նյարդային համակարգի վիրուսային վարակներ` այլ դասերում չդասակարգված, բացառությամբ` վիրուսային մենինգիտի` ԱՀՃ (A87.9), էնցեֆալիտի` ԱՀՃ (A86).
26) A89 Կենտրոնական նյարդային համակարգի վիրուսային վարակներ` չճշտված.
27) A90-A99 Հոդվածոտանիներով փոխանցվող վիրուսային տենդեր և վիրուսային հեմոռագիկ տենդեր.
28) B03 Բնական ծաղիկ (variola nigra).
29) B15 Սուր հեպատիտ Ա (A).
30) B16 Սուր հեպատիտ Բ (B).
31) B17 Այլ վիրուսային սուր հեպատիտներ.
32) B37-B49 Միկոզներ, ինվազիվ ընթացք.
33) B50 Մալարիա (դողէրոցք)` հարուցված պլազմոդիում ֆալցիպարումով (Plasmodium falciparum), ներառյալ` խառը վարակները` հարուցված պլազմոդիում ֆալցիպարումով (Plasmodium falciparum) մալարիայի մակաբույծների (պլազմոդիումների) այլ ձևերի հետ.
34) B51 Մալարիա` հարուցված պլազմոդիում վիվաքսով (Plasmodium vivax) ներառյալ` խառը վարակները` հարուցված պլազմոդիում վիվաքսով (Plasmodium vivax) պլազմոդիումների այլ տեսակների հետ, բացառությամբ` պլազմոդիում ֆալցիպարումի (Plasmodium falciparum), բացառությամբ` պլազմոդիում ֆալցիպարումի (Plasmodium falciparum) հետ խառը վարակների (B50.-).
35) B52 Մալարիա` հարուցված պլազմոդիում մալարիայով (Plasmodium malariae) ներառյալ` խառը վարակներ` հարուցված պլազմոդիում մալարիայով (Plasmodium malariae) և այլ տիպի պլազմոդիումներով (Plasmodium), բացառությամբ` պլազմոդիում ֆալցիպարումով (Plasmodium falciparum) և պլազմոդիում վիվաքսով (Plasmodium vivax).
36) B53 Մալարիայի մակաբուծաբանորեն հաստատված այլ տեսակներ.
37) B54 Մալարիա` չճշտված, ներառյալ` կլինիկորեն ախտորոշված մալարիա առանց մակաբուծաբանական հաստատման.
38) B55 Լեյշմանիոզ.
39) G00-G05 Կենտրոնական նյարդային համակարգի բորբոքային հիվանդություններ, բացառությամբ` G06-G09 ախտորոշումների:
19. Իմունոսուպրեսված կամ իմունային անբավարարությամբ (առաջնային, երկրորդային) անձանց վարակիչ հիվանդությունների դեպքում պացիենտը հոսպիտալացվում է ըստ կլինիկական և համաճարակաբանական ցուցումների ինֆեկցիոն բժշկական կազմակերպությունում, բժշկական կազմակերպության ինֆեկցիոն բաժանմունքում, ինֆեկցիոն վերակենդանացման և ինտենսիվ թերապիայի բաժանմունքում կամ այլ բժշկական կազմակերպությունում, որտեղ հիմնական հիվանդության կապակցությամբ բուժում է ստանում:
20. Համաճարակաբանական ցուցումների դեպքում բնակչության սոցիալական պաշտպանության հաստատությունների շահառուները և հոգեբուժական կազմակերպությունների պացիենտները հոսպիտալացվում են անկախ հիվանդության ծանրությունից՝ հակահամաճարակային ռեժիմի պահպանման անհնարինության դեպքում:
21. Հիվանդանոցային պայմաններում բժշկական օգնության և սպասարկման համար հոսպիտալացման ցուցումները ներկայացված են աղյուսակ 1-ում:
Աղյուսակ 1
|
Հ/Հ |
Հիվանդության կոդ և հիվանդություններ` ըստ ՀՄԴ-ի |
Հոսպիտալացման ցուցումներ |
Բժշկական կազմակերպություն/ բաժանմունք | |||||||
|
1.
2.
3.
4.
5.
6.
7.
8. |
A02 Սալմոնելոզային այլ վարակներ, ներառյալ` սալմոնելայի (Salmonella) ցանկացած շճատիպից հարուցված վարակները (կամ սննդային թունավորումները), տարբերվող սալմոնելա տիֆի և սալմոնելա պարատիֆի (S. typhi, S. paratyphi) շճատիպից
A03 Շիգելյոզ
A04 Այլ մանրէային (բակտերիալ) աղիքային վարակներ, բացառությամբ` սննդային թունավորումների` այլ դասերում դասակարգված տուբերկուլյոզային էնտերիտի (A18.3)
A05 Այլ մանրէային սննդային թունավորումներ` այլ դասերում չդասակարգված, բացառությամբ` Վարակի` հարուցված էշերիխիա կոլիով (Escherichia coli) (A04.0-A04.4) լիստերիոզի (A32.-), սալմոնելոզային սննդային թունավորումների և վարակի (A02.-), թունավոր սննդամթերքների թունավոր ազդեցության (T61-T62)
A06 Ամեոբիազ, ներառյալ` Վարակ` հարուցված էնտամեոբա հիստոլիտիկայով (Entameoba histollytica), բացառությամբ` պրոտոզոային այլ աղիքային հիվանդությունների (A07.-)
A07 Պրոտոզոային (նախակենդանիների) այլ աղիքային հիվանդություններ
A08 Վիրուսային և ճշտված այլ աղիքային վարակներ, բացառությամբ` գրիպի` ստամոքսաղիքային համակարգի ախտահարմամբ (J10.8) (J11.8)
A09 Այլ գաստրոէնտերիտ և կոլիտ վարակային` չճշտված ծագմամբ, բացառությամբ` մանրէներով, պրոտոզոաներով (նախակենդանիներով), վիրուսներով և այլ ճշտված վարակային գործոնով հարուցված հիվանդությունների (A00-A08), ոչ վարակային դիարեայի (K52.9), նորածնային (նեոնատալ)` ոչ վարակային դիարեայի (P78.3) |
Դիարեան (լուծ) բնորոշվում է օրական 3 կամ ավել (կամ ավելի հաճախակի կղազատում, քան սովորական է անհատի համար)՝ թույլ կոնսիստենցիայի կամ ջրիկ կղազատմամբ
1. Ենթադրյալ աղիքային վարակների հոսպիտալացման կլինիկական ցուցումներն են նշվածներից առնվազն մեկի առկայությունը (բոլոր տարիքային խմբերի համար)`
1) հիվանդության բոլոր արտաաղիքային բարդացած ձևերը 2) արտահայտված ինտոքսիկացիա 3) ինտոքսիկացիա և արյունային լուծ 4) գիտակցության խանգարմամբ ընթացող աղիքային վարակներ 5) չնայած բերանացի ռեհիդրատացիայի խորացող ջրազրկում, կլինիկական ախտանշանների վատթարացում 6) 24 ժամ անհետաձգելի բուժօգնության բաժանմունքում ինֆուզիոն/սիմպտոմատիկ բուժումներից հետո դրական դինամիկայի բացակայություն (անբավարար դրական դինամիկա)
2․ Մեծահասակների համար (18 տարեկան և բարձր)` 1) II, III, IV (Աղյուսակ 2) աստիճանի ջրազրկում 2) I (Աղյուսակ 2) աստիճանի ջրազրկում, եթե առկա է ցուցումների դեպքում բերանացի էթիոտրոպ բուժման անհնարինություն
3․ Երեխաների համար (մինչև 18 տարեկան) 1) ծանր ջրազրկում (Աղյուսակ 3) 2) չափավոր ջրազրկում (Աղյուսակ 3) և նշվածներից առնվազն մեկի առկայությունը ա. ինտոքսիկացիա բ. 0-1 տարեկան գ. արյունային լուծ դ. անբավարար փարթամություն ե. ծանր քրոնիկ ուղեկցող հիվանդություններ զ. տնային պայմաններում խնամքի անհնարինություն |
Ինֆեկցիոն բժշկական կազմակերպություն
Բժշկական կազմակերպության ինֆեկցիոն բաժանմունք
Ինֆեկցիոն վերակենդանացման և ինտենսիվ թերապիայի բաժանմունք | |||||||
|
4. Նշվածներից առնվազն մեկի առկայության դեպքում՝ 1) Չափավոր ջրազրկում (մեծահասակների համար I (Աղյուսակ 2) աստիճանի ջրազրկում) բավարար ծավալով հեղուկների բերանացի ընդունման անհնարինություն 2) անզուսպ փսխումներ 3) արտահայտված որովայնացավ 4) անհրաժեշտության դեպքում, բարձր ռիսկի պացիենտների հսկողության սահմանում (օր.՝ 70-ից բարձր տարիք, ծանր ուղեկցող հիվանդություններ) |
Անհետաձգելի բուժօգնության (Էմերջենսի) բաժանմունք | |||||||||
|
5. Արտաաղիքային ձևերի դեպքում (լյարդի, թոքերի թարախակույտ և այլ) |
Բժշկական կազմակերպության վիրաբուժական բաժանմունք` ըստ պացիենտի հայտնաբերման վայրի | |||||||||
|
9. |
A21 Տուլարեմիա, ներառյալ` Եղնիկի ճանճի տենդը ֆրանցիսելա տուլարենսիսով (Francisella tularensis) հարուցված վարակը Ճագարային տենդը |
1. բուբոնային, խոցաբուբոնային, ակնաբուբոնային, անգինոզ-բուբոնային հիվանդության միջին ծանրության և ծանր դեպքերը. 2. կասկածելի և հաստատված դեպքերի հոսպիտալացում անկախ հիվանդության ծանրությունից՝ թոքային, աբդոմինալ և գեներալիզացված ձևերի դեպքում. 3. բարդացած ընթացք. 4. ռիսկի խմբեր անկախ ծանրությունից՝ իմունոսուպրեսիայով պացիենտներ, հղիներ: |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
10. |
A23 Բրուցելյոզ, ներառյալ` մալթայան տենդը, միջերկրածովային տենդը, ալիքավոր (undulant) տենդը |
Նշվածներից առնվազն մեկի առկայության դեպքում՝ 1) արտահայտված ինտոքսիկացիա 2) հղիություն 3) միզասեռական համակարգի ախտահարում՝ օրխիտ, էպիդիդիմիտ, ձվարանափողային թարախակույտ, գլոմերուլոնեֆրիտ, ինտերստիցիալ նեֆրիտ, ցիստիտ, երիկամի թարախակույտ 4) կենտրոնական նյարդային համակարգի (այսուհետ` ԿՆՀ) ախտահարում՝ մենինգիտ, էնցեֆալիտ, միելիտ 5) սիրտ-անոթային համակարգի (այսուհետ` ՍԱՀ) ախտահարում՝ էնդոկարդիտ, միոկարդիտ, պերիկարդիտ, էնդարտերիտ, թրոմբոֆլեբիտ, միկոտիկ անևրիզմա 6) շնչառական համակարգի (այսուհետ` ՇՀ) ախտահարում՝ թոքաբորբ, թարախակույտ, պլևրալ արտաքիրտ 7) աղեստամոքսային տրակտի ախտահարումներ (այսուհետ` ԱՍՏ)՝ պանկրեատիտ 8) ոսկրահոդային ախտահարումներ, որոնք սահմանափակում են պացիենտի շարժունակությունը՝ ախտահարման ծավալի կամ արտահայտված ցավային համախտանիշի պատճառով 9) մանկական տարիք՝ պարէնտերալ բուժման անհրաժեշտության դեպքում։ |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք Բժշկական կազմակերպության ընդհանուր թերապևտիկ, նյարդաբանական կամ ռևմատոլոգիական բաժանմունքներ | |||||||
|
11. |
A26 Էրիզիպելոիդ |
1. Կասկածելի և հաստատված դեպքերի hոսպիտալացում բոլոր դեպքերում, բացառությամբ՝ մաշկային տեղային (լոկալ) ախտահարման։
2. Մաշկային տեղային (լոկալ) ախտահարման ժամանակ՝ հոսպիտալացում միջին ծանրության և ծանր ընթացքի դեպքում։ |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
12. |
A28.0 Պաստերելյոզ |
1․ Ոսկրերի, հոդերի, շնչառական համակարգի կամ այլ ինվազիվ ընթացքի ժամանակ բոլոր դեպքերի հոսպիտալացում։ 2. Միայն փափուկ հյուսվածքների ախտահարման ժամանակ՝ միջին ծանրության և ծանր ընթացքի դեպքում։ |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
13. |
A28.1 Բարորակ լիմֆադենիտ հիվանդություն (հոմանիշը` կատուների ճանկռելուց առաջացած հիվանդություն (տենդ)) |
1. Մաշկի և ավշային հանգույցների տեղային (լոկալ) ախտահարման ժամանակ՝ միջին ծանրության և ծանր ընթացքի դեպքում։
2. Գեներալիզացված հիվանդության բոլոր դեպքերում։ |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
14. |
A32 Լիստերիոզ, ներառյալ` լիստերիոզային սննդային վարակը, բացառությամբ` նորածնային դիսեմինացված (տարածուն) լիստերիոզի (P37.2) |
1. Գաստրոէնտերիտիկ ընթացքի դեպքում հոսպիտալացման ցուցումները նույնն են, ինչպես այլ աղիքային վարակների դեպքում։
2. Ինվազիվ հիվանդության բոլոր դեպքերում։
3. Ռիսկի խմբի բոլոր դեպքերում՝ անկախ ծանրությունից: Ռիսկի խմբերն են՝ 1) մինչև 5 տարեկան երեխաներ 2) տարեցներ` ≥65 տարեկան 3) ծանր քրոնիկ ուղեկցող հիվանդություններով պացիենտներ 4) իմունոսուպրեսիայով պացիենտներ 5) հղիներ |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
15. |
A37 Կապույտ հազ |
Իրականացվում է համաձայն Հայաստանի Հանրապետության առողջապահության նախարարի 2010 թվականի N 32-Ն հրամանի: Հղիներ, ուղեկցող հիվանդություններ, որոնք կարող են սրվել կապույտ հազի վարակի պատճառով (օրինակ՝ իմունոսուպրեսիայով պացիենտներ, ասթմա ունեցող պացիենտներ և այլ շնչական մակերեսի կրճատմամբ ընթացող հիվանդություններ): |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
16. |
A38 Քութեշ, բացառությամբ` ստրեպտոկոկային անգինայի (բկաբորբի) (J02.0) |
1. Ծանր կլինիկական ձևերի նշվածներից առնվազն մեկի առկայության դեպքում՝ 1) դժվարաշնչություն 2) արտահայտված ինտոքսիկացիա 3) գիտակցության խանգարումներ 4) բերանացի հակաբիոտիկների ընդունման կամ հեղուկների ընդունման անհնարինություն 2. Բարդացած ձևերի դեպքում |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
17.
18. |
A46 Կարմիր քամի, բացառությամբ` ծննդաբերական շրջանի կամ հետծննդյան կարմիր քամուց (Օ86.8)
L03 Ցելյուլիտ, ներառյալ՝ սուր ավշանոթաբորբ, բացառությամբ՝ ֆլեգմոնան ուղիղ աղու և հետանցքի շրջանի (K61.-), արտաքին լսողական ուղու (H60.1) , արտաքին սեռական օրգանների ցելյուլիտի՝ կանանց (N76.4), տղամարդկանց (N48.2, N49.-), կոպի (H00.0), արցունքային համակարգի (H04.3), բերանի (K12.2), քթի (J34.0), Վելսի էոզինոֆիլային ցելյուլիտի (L98.3), Սուիթի տենդային նեյտրոֆիլային մաշկախտի (L98.2), ենթասուր քրոնիկ ավշանոթաբորբի (I89.1) |
1․ Ծանր ընթացքի ժամանակ նշվածներից առնվազն մեկի առկայության դեպքում՝ 1) էրիթեմատոզ-բուլյոզ ձևեր 2) էրիթեմատոզ-հեմոռագիկ ձևեր 3) հեմոռագիկ-բուլյոզ ձևեր 4) արտահայտված ինտոքսիկացիա 5) բերանացի հակաբիոտիկների կամ հեղուկների ընդունման անհնարինություն 2. Բարդացած ձևերի դեպքում 3․ Ծանր ուղեկցող քրոնիկ հիվանդությունների դեպքում
Պարենտերալ բուժման ցուցումներն են` 1) համակարգային հիվանդության նշաններ՝ ջերմություն >38°C, հիպոտենզիա կամ կայուն տախիկարդիա 2) էրիթեմայի արագ առաջընթաց (օրինակ՝ տուժած տարածքի կրկնապատկումը 24 ժամվա ընթացքում, մասնավորապես` մի քանի ժամվա ընթացքում ուժեղ ցավով ընդլայնումը պետք է հուշի նեկրոզացնող ֆասցիտի մասին) 3) ընդարձակ էրիթեմա 4) բարձր ռիսկային նեյտրոպենիա, այլ իմունոսուպրեսիայով պացիենտների դեպքում օգտագործել կլինիկական դատողություն` ռիսկերը գնահատելու նպատակով 5) բարդությունների առկայություն (բակտերեմիա, տոքսիկ շոկի համախտանիշ, սեպսիս, աբսցես, գանգրենա և այլ բարդություններ) 4. Դեմքի շրջանի կարմիր քամի` անկախ ծանրությունից |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք Բարդությունների դեպքում նաև վիրաբուժական բաժանմունք | |||||||
|
19. |
A78 Քյու տենդ (Q fever), ներառյալ` Վարակ` հարուցված կոքսիելա բուրնետիով (Coxiella burnetti), Իններորդ մղոնի տենդը, Քվադրիլատերալ տենդը (Quadrilateral) |
1․ Սուր Քյու տենդ՝ միջին ծանրության, ծանր ընթացքի և բարդացած ձևերի դեպքում
2․ Քրոնիկ (պերսիստող) Քյու տենդի բոլոր դեպքերում |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
20.
21.
22. |
A75 Բծավոր տիֆ, բացառությամբ` Ռիկետսիոզի` հարուցված Էրլիխիա սենետսուով (Ehrlichia sennetsu (A79.8)
A77 Բծավոր տենդ (տզային ռիկետսիոզներ)
A79 Այլ ռիկետցիոզներ |
Միջին ծանրության և ծանր ընթացքի դեպքում |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
23.
24. |
A92 Մոծակային վիրուսային այլ տենդեր, բացառությամբ` Ռոսս գետի հիվանդության (B33.1)
A92.3 Արևմտյան Նեղոսի (West Nile) հիվանդություն Արևմտյան Նեղոսի տենդ (վիրուսային) |
Միջին ծանրության և ծանր ընթացքի դեպքում, ներառյալ` ԿՆՀ ախտահարումները |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
25.
26.
27. |
J03 Սուր տոնզիլիտ** (նշաբորբ), բացառությամբ` պերիտոնզիլային աբսցեսի (J36), Բկաբորբի (կոկորդի ցավ) ԱՀՃ (J02.9), սուր (J02.-), ստրեպտոկոկային (J02.0)
J06 Վերին շնչառական ուղիների սուր վարակներ, բազմակի և չճշտված տեղակայումով, բացառությամբ` շնչառական վարակի` ԱՀՃ (J22) գրիպի վիրուսի` նույնականացրած (J09, J10.1), չնույնականացրած (J11.1)
J20 Սուր բրոնխիտ, ներառյալ` բրոնխիտ` ԱՀՃ սուր և ենթասուր` բրոնխոսպազմով, ֆիբրինային, թաղանթային, թարախային, սեպտիկ, տրախեիտով Սուր տրախեոբրոնխիտ, բացառությամբ` բրոնխիտի` ԱՀՃ 18 տարեկանից բարձր անձանց մոտ (J40), ալերգիկ` ԱՀՃ (J45.0), քրոնիկ` ԱՀՃ (J42), լորձաթարախային (J41.1), խցանող (J44.-), հասարակ (J41.0) տրախեոբրոնխիտ`ԱՀՃ (J40), քրոնիկ (J42),խցանող (J44.-) |
1. Ծանր կլինիկական ձևերի նշվածներից առնվազն մեկի առկայության դեպքում՝ 1) ծանր ջրազրկում 2) արտահայտված ինտոքսիկացիա 3) վերին շնչուղիների օբստրուկցիա 4) ընդհանուր վիճակի վատթարացում 5) գիտակցության խանգարումներ
2. Բարդացած ձևերի դեպքում |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք Երեխաների բժշկական օգնություն և սպասարկում իրականացնող բաժանմունք, ինտենսիվ թերապիայի բաժանմունք | |||||||
|
28.
29.
30. |
J09 Գրիպ՝ հարուցված նույնականացրած գրիպի վիրուսով փոխանցվող օդակաթիլային ճանապարհով, ներառյալ՝ A/H1N1 գրիպի համաճարակը 2009 (Խոզի գրիպը), A/H5N1 գրիպի համաճարակը (թռչնագրիպը), բացառությամբ՝ Հեմոֆիլուս ինֆլյուենցիայի Haemophilusinfluenzae (H.influenzae) վարակի` ԱՀՃ (A49.2), մենինգիտի (G00.0)թոքաբորբի (J14)
J10 Գրիպ` հարուցված այլ նույնականացրած գրիպի վիրուսով
J11 Գրիպ*, հարուցիչը չճշտված, ներառյալ` վիրուսային գրիպը, (հիշեցում․ նույնականացման գրիպի հարուցիչը բացակայում է), բացառությամբ` H.influenzae` վարակ ԱՀՃ (A49.2), մենինգիտ (G00.0), պնևմոնիա (J14) |
1․ Ծանր ընթացքի ժամանակ նշվածներից առնվազն մեկի առկայության դեպքում՝ 1) բարձր ջերմություն (40 °C և բարձր) 2) գիտակցության խանգարում կամ ցնցումներ 3) կրկնվող փսխումներ 4) մենինգիալ համախտանիշ 5) հեմոռագիկ համախտանիշ 6) շնչառական անբավարարություն 7) սրտանոթային անբավարարություն
2. Երեխաների համար նշվածներից առնվազն մեկի առկայության դեպքում՝ 1) դիսպնոէ 2) գիտակցության փոփոխություն 3) պրոգրեսիվ հիվանդության ընթացք կամ կլինիկական վատացում, հատկապես, եթե ասսոցացվում է հիպոքսիայով 4) ջրազրկում կամ բերանացի բավականաչափ հեղուկների ընդունման անհնարինություն 5) քրոնիկ հիվանդության դեկոմպենսացիա/սրացում
3. Բարդացած ձևերի դեպքում՝ 1) միոկարդիտ 2) էնցեֆալիտ 3) ստորին շնչուղիների ախտահարում 4) ծանր միոզիտներ Վերոնշյալ ցուցանիշների բացակայության դեպքում հոսպիտալացումը՝ հսկողություն ապահովելու նպատակով, կարող է անհրաժետ լինել բարդությունների բարձր ռիսկ ունեցող պացիենտների դեպքում և հիվանդության ոչ հստակ ընթացքի դեպքում: Ռիսկի խմբերն են հետևյալ ուղեկցող հիվանդություններ ունեցող անձիք` 1) սրտի քրոնիկական հիվանդություն (օրինակ՝ կորոնար անոթների հիվանդություններ, սրտի բնածին հիվանդություններ, սրտային անբավարարություն) 2) ասթմա և թոքային քրոնիկ հիվանդություն (օրինակ՝ թոքերի քրոնիկ օբստրուկտիվ հիվանդություն [COPD], ցիստիկ ֆիբրոզ) 3) երիկամների քրոնիկ հիվանդություն 4) նյութափոխանակության խանգարումներ 5) էնդոկրին խանգարումներ (օրինակ՝ շաքարային դիաբետ) 6) նյարդաբանական և նյարդային զարգացման խանգարումներ 7) լյարդի հիվանդություն 8) արյունաբանական հիվանդություններ (օրինակ, մանգաղ բջջային հիվանդություն) 9) իմունոսուպրեսիայով պացիենտներ (օրինակ՝ ՄԻԱՎ/ՁԻԱՀ, չարորակ նորագոյացություններ, քիմիաթերապիա կամ համակարգային կորտիկոստերոիդներ ստացող անձինք)
Ծանր հիվանդության ավելի մեծ վտանգի տակ գտնվող այլ անձինք են` 1) հղի կանայք և կանայք մինչև 2 շաբաթ ծննդաբերությունից հետո 2) 59 ամսական, հատկապես 2 տարեկանից փոքր երեխաներ 3) 65 տարեկան և բարձր տարիքի անձինք 4) մինչև 19 տարեկան անձինք, ովքեր երկարատև օգտագործում են ասպիրին կամ սալիցիլատ պարունակող դեղեր 5) 40 և ավելի բարձր մարմնի զանգվածի ինդեքս (BMI) ունեցող անձինք |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք Երեխաների բժշկական օգնություն և սպասարկում իրականացնող բաժանմունք, ինտենսիվ թերապիայի բաժանմունք | |||||||
|
31.
32.
33.
34.
35.
36.
37. |
J12 Վիրուսային թոքաբորբ՝ այլ դասերում չդասակարգված, ներառյալ` բրոնխոպնևմոնիա` հարուցված այլ վիրուսներով, տարբերվող գրիպի վիրուսից, բացառությամբ` բնածին կարմրախտային պնևմոնիտից (P35.0), թոքաբորբից` ասպիրացիոն, ԱՀՃ (J96.0), անզգայացման դեպքում՝ ծննդաբերության և ծնման ժամանակ (Օ74.0), հղիության ժամանակ (Օ29.0), հետծննդյան շրջանում (Օ89.0), նորածինների (P24.9), ծանր և հեղուկ նյութերի ներշնչման դեպքում (J69.-), բնածին (P23.0), գրիպի դեպքում (J10.0, J11.0, J09), միջանկյալ (ինտերստիցիալ) ԱՀՃ (J84.9), ճարպային (J69.1) Արտահայտված սուր շնչառական համախտանիշ (ԱՍՇՀ, SARS¤ ) (U04.9)
J13 Թոքաբորբ` հարուցված թոքաբորբային ստրեպտոկոկով** (Streptococcus pneumonia), ներառյալ` Բրոնխոպնևմոնիա` հարուցված թոքաբորբային ստրեպտոկով (Streptococcus pneumonia), բացառությամբ` բնածին թոքաբորբից` հարուցված թոքաբորբային ստրեպտոկով (P23.6), թոքաբորբի` առաջացած այլ ստրեպտոկոկերից (J15.3-J15.4)
J14 Թոքաբորբ` հարուցված հեմոֆիլուս ինֆլուենզիայով Haemophilus Influenzae(Աֆանասև-Պֆեյֆերի ցուպիկով), ներառյալ` Բրոնխոպնևմոնիա հարուցված հեմոֆիլուս ինֆլուենզիայով (H. Influenzae), բացառությամբ` բնածին թոքաբորբի` հարուցված հեմոֆիլուս ինֆլուենզիայով (H. Influenzae) (P23.6)
J15 Մանրէային թոքաբորբ` այլ դասերում չդասակարգված**, ներառյալ` բրոնխոպնևմոնիա` հարուցված այլ թոքաբորբային ստրեպտոկով (S.pneumoniae) և հեմոֆիլուս ինֆլուենզիայով (H.influenzae) տարբերվող մանրէներով, բացառությամբ` հարուցված խլամիդիաներով (J16.0), բնածին թոքաբորբից(P23.-) լեգիոներների հիվանդությունից (A48.1)
J16 Թոքաբորբ, առաջացած այլ վարակիչ հարուցիչներից, չդասակարգված այլ խորագրերում (բացառությամբ` օրնիտոզի (A70), թոքաբորբի` ԱՀՃ (J18.9), բնածին (P23.-), պնևմոցիստոզ (B59))
J17 Թոքաբորբ` այլ դասերում դասակարգված հիվանդությունների ժամանակ
J18 Թոքաբորբ` առանց հարուցչի ճշտմամբ, բացառությամբ` թոքերի աբսցեսից (թարախակույտից)` թոքաբորբով (J85.1) թոքերի դեղորայքային ինտերստիցիալ հիվանդություններից (J70.2-J70.4), թոքաբորբից` ասպիրացիոն` ԱՀՃ (J69.0), անզգայացման ժամանակ` ծննդաբերության գործունեության և ծնման ժամանակ (Օ74.0), հղիության ժամանակ (Օ29.0), հետծննդյան շրջանում (Օ89.0), նորածինների (P24.9), ծանր և հեղուկ նյութերի ներշնչման ժամանակ (J69.-), բնածին (P23.9) , միջանկյալ (ինտերստիցիալ)` ԱՀՃ (J84.9), ճարպային (J69.1), սովորական ինտերստիցիալ (J84.1), պնևմոնիտ առաջացած արտաքին գործոններից (J67-J70) |
Նշվածներից առնվազն մեկի առկայության դեպքում՝ 1) սեպտիկ շոկ կամ շնչական անբավարարություն 2) հեղուկների կամ դեղի բերանացի ընդունման անկարողություն 3) SpO2<92% (եթե մինչև թոքաբորբի զարգանալը SpO2-ը եղել է նորմալ մակարդակի) 4) շնչառական շարժումների հաճախությունը գերազանցում է սահմանված տարիքային նորմայի առավելագույն ցուցանիշը, որը հաշվվել է նորմալ մարմնի ջերմաստիճանի և պացիենտի հանգստի վիճակում (երեխաների դեպքում քնած ժամանակ) 5) պաթոլոգիկ շնչառության առկայություն 6) արտահիվանդանոցային 48-72 ժամվա բուժման ֆոնին վիճակի վատթարացում
Նշված հոսպիտալացման ցուցումների բացակայության դեպքում օգտագործել CURB-65 թոքաբորբի ծանրության գնահատման հաշվիչը՝ 1) գիտակցության խանգարում (1 միավոր) 2) միզանյութ >20mg/dl (7mmol/L) (1 միավոր) 3) շնչառական շարժումների հաճախականություն ≥30շշ/րոպե (1 միավոր) 4) ցածր սիստոլիկ (<90 mmHg) կամ դիաստոլիկ (≤60 mmHg) արյան ճնշում (1միավոր) 5) տարիք ≥65 տարեկան (1 միավոր)
CURB-65` 0 միավոր ունեցող պացիենտները բուժվում են ամբուլատոր պայմաններում CURB-65` 1 կամ 2 միավոր ունեցող պացիենտները սովորաբար պետք է հոսպիտալացվեն: Այն պացիենտներին, ովքեր ստանում են 1 միավոր, քանի որ ≥65 տարեկան են և չունեն հիմնական ուղեկցող հիվանդություններ, հոսպիտալացումը պարտադիր չէ: Նման պացիենտները կարող են բուժվել ամբուլատոր կամ անհետաձգելի բուժօգնության (Էմերջենսի) բաժանմունքում (<24 ժամ) դիտարկմամբ CURB-65` 3 և ավել միավոր ունեցող պացիենտները պետք է հոսպիտալացվեն և զննվեն անեսթեզիոլոգ-ռեանիմատոլոգի կողմից, վերակենդանացման և ինտենսիվ թերապիայի բաժանմունքում հետագա հոսպիտալացման համար
Երեխաների համար նշվածներից առնվազն մեկի առկայության դեպքում՝ 1) մինչև 6 ամսական երեխաներ՝ անկախ ծանրության աստիճանից 2) անկախ տարիքից և ծանրությունից, եթե ամբուլատոր պայմաններում հնարավոր չէ ադեկվատ խնամքի և բուժման կազմակերպում 3) հիպօքսեմիա 4) ջրազրկում կամ բերանացի հեղուկների ընդունումը ապահովելու անկարողություն, նորածնի դեպքում՝ կերակրելու անկարողություն 5) չափավոր և ծանր շնչառական դիսթրես՝ նշվածներից առնվազն մեկի առկայության դեպքում՝ ա․ շնչառության հաճախությունը >70 շնչառություն/րոպե նորածինների համար, >50 շնչառություն/րոպե ավելի մեծ երեխաների համար բ. ներքաշումներ (retractions) գ. խռռոցով աղմկոտ շնչառություն (Grunting) դ. քթի թևերի մասնակցություն շնչառությանը (Nasal flaring) ե. ապնոէ 6) դժվարաշնչություն 7) ցիանոզ 8) գիտակցության խանգարում 9) կերակրումից հրաժարում 10) ինտոքսիկացիա 11) ուղեկցող հիվանդություններ, որոնք կարող են նախատրամադրել թոքաբորբի ավելի ծանր ընթացքի (օրինակ՝ սիրտ-թոքային հիվանդություն, ժառանգական համախտանիշներ, նեյրոկոգնիտիվ խանգարումներ), վիճակներ, որոնք կարող են վատթարանալ թոքաբորբի պատճառով (օրինակ՝ նյութափոխանակության խանգարում) կամ կարող են բացասաբար ազդել բուժման արձագանքի վրա (օրինակ՝ իմունային անբավարարություն) 12) բարդությունների առկայություն 13) կասկած կամ հաստատում, որ թոքաբորբը պայմանավորված է բարձր վիրուլենտությամբ պաթոգենով, ինչպիսին է Staphylococcus aureus-ը կամ A խմբի Streptococcus-ը 14) ամբուլատոր բուժման ձախողում (48-72 ժամվա ընթացքում վատթարացում կամ պատասխանի բացակայություն) |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք Երեխաների բժշկական օգնություն և սպասարկում իրականացնող բաժանմունք, ինտենսիվ թերապիայի բաժանմունք | |||||||
|
38. |
B00 Հասարակ հերպես վիրուսով (herpes simplex) հարուցված վարակներ, բացառությամբ` հետանցքասեռական հերպեսային վիրուսային վարակի (A60.-), բնածին հերպեսային վիրուսային վարակի (P35.2), գամմա-հերպեսվիրուսային մոնոնուկլեոզի (B27.0), հերպեսային անգինայի (բկաբորբ) (B08.5) |
1. Նշվածներից առնվազն մեկի առկայության դեպքում՝ 1) մենինգիտ 2) էնցեֆալիտ
2. Գեներալիզացված ընթացքի բոլոր դեպքերում
3. Միջին ծանրության և ծանր ընթացքի նշված դեպքում՝ 1) վիրուսային հերպես 2) Կապոշի էկզեմա 3) հերպեսային գինգիվոստոմատիտ 4) ֆարինգոտոնզիլիտ 5) աչքի հերպեսային հիվանդություն |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
39. |
B01 Ջրծաղիկ (Varicella) |
1․ Ծանր կլինիկական ձևերի նշվածներից առնվազն մեկի առկայության դեպքում՝ 1) արտահայտված ինտոքսիկացիա 2) գիտակցության խանգարումներ 3) ցուցումների դեպքում բերանացի հակավիրուսայինների ընդունման կամ հեղուկների բերանացի ընդունման անհնարինություն 2. Բարդացած ձևերի նշվածներից առնվազն մեկի առկայության դեպքում՝ 1) մաշկի և փափուկ հյուսվածքների երկրորդային բակտերիալ վարակ 2) թոքաբորբ 3) ԿՆՀ ախտահարում (Էնցեֆալիտ, ցերեբերալ ատաքսիա), 4) հեմոռագիկ բարդություններ 5) սեպտիցեմիա |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
40. |
B02 Գոտևորող որքին (հերպես զոստեր) (herpes zoster), բացառությամբ` գոտևորող հերպեսի (shingles, zona) |
1․ Նշվածներից առնվազն մեկի առկայության դեպքում՝ 1) մենինգիտ 2) էնցեֆալիտ 2․ Գեներալիզացված ընթացքի բոլոր դեպքերում հոսպիտալացում՝ անկախ հիվանդության ծանրության աստիճանից 3. Աչքի հերպեսային հիվանդության միջին ծանրության և ծանր ընթացքի դեպքում 4. Ռիսկի խումբ՝ ծանր կամ քրոնիկ ուղեկցող հիվանդություններով պացիենտներ, իմունոսուպրեսիայով պացիենտներ, ՄԻԱՎ-ով պացիենտներ, հղիներ |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
41. |
B04 Վարակ` հարուցված կապիկի ծաղկի վիրուսով |
1․ Ծանր կլինիկական ձևերի նշվածներից առնվազն մեկի առկայության դեպքում՝ 1) արտահայտված ինտոքսիկացիա 2) գիտակցության խանգարումներ 3) արտահայտված ցավային համախտանիշ 4) բերանացի հեղուկների բավականաչափ օգտագործման անկարողություն 2. Բարդացած ձևեր |
||||||||
|
42. |
B05 Կարմրուկ*, ներառյալ` մորբիլի (morbilli) հիվանդությունը, բացառությամբ` ենթասուր կարծրացնող (սկլերոզացնող) պանէնցեֆալիտի (A81.1) |
1․ Ծանր կլինիկական ձևերի նշվածներից առնվազն մեկի առկայության դեպքում՝ 1) արտահայտված ինտոքսիկացիա 2) գիտակցության խանգարումներ 3) բերանացի հեղուկների բավականաչափ օգտագործման անկարողություն
2․ Բարդացած ձևեր
3․ Ռիսկի խումբ՝ անկախ ծանրության աստիճանից, նշվածներից առնվազն մեկի առկայության դեպքում՝ 1) մինչև 1 տարեկան երեխաներ 2) անբավարար փարթամությամբ երեխաներ 3) ծանր, դեկոմպենսացված քրոնիկ ուղեկցող հիվանդություններ 4) հղի կանայք 5) իմունոսուպրեսիայով պացիենտներ |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
43. |
B06 Կարմրախտ*, բացառությամբ` բնածին կարմրախտի (P35.0) |
1. Ծանր կլինիկական ձևերի նշվածներից առնվազն մեկի առկայության դեպքում՝ 1) արտահայտված ինտոքսիկացիա 2) գիտակցության խանգարումներ 3) բերանացի հեղուկների բավականաչափ օգտագործման անկարողություն
2․ Բարդացած ձևեր
3․ Ռիսկի խումբ՝ անկախ ծանրության աստիճանից, նշվածներից առնվազն մեկի առկայության դեպքում՝ 1) հղիներ 2) իմունոսուպրեսիայով պացիենտներ |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
44.
45. |
B08 Մաշկի և լորձաթաղանթի ախտահարումով բնորոշվող այլ վիրուսային վարակներ` այլ դասերում չդասակարգաված, բացառությամբ` վեզիկուլյար ստոմատիտի (բշտիկավոր բերանաբորբի) վիրուսով հարուցված հիվանդության (A93.8)
B09 Մաշկի և լորձաթաղանթի ախտահարումով բնորոշվող վիրուսային վարակներ` չճշտված, ներառյալ` Վիրուսային` էնանտեման` ԱՀՃ, էկզանտեման` ԱՀՃ |
1. Ծանր կլինիկական ձևերի նշվածներից առնվազն մեկի առկայության դեպքում՝ 1) արտահայտված ինտոքսիկացիա 2) գիտակցության խանգարումներ 3) բերանացի հեղուկների բավականաչափ օգտագործման անկարողություն
2. Բարդացած ձևեր |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք Երեխաների բժշկական օգնություն և սպասարկում իրականացնող բաժանմունք, ինտենսիվ թերապիայի բաժանմունք | |||||||
|
46. |
B25 Ցիտոմեգալովիրուսային հիվանդություն, բացառությամբ` բնածին ցիտոմեգալովիրուսային վարակի (P35.1), ցիտոմեգալովիրուսային մոնոնուկլեոզի (B27.1) |
Թիրախ օրգանի ախտահարմամբ ընթացող վարակի դեպքում |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
47. |
B26 Համաճարակային պարօտիտ (խոզուկ), ներառյալ` պարօտիտ` վարակային, համաճարակային |
1․ Ծանր կլինիկական ձևերի նշվածներից առնվազն մեկի առկայության դեպքում՝ 1) արտահայտված ինտոքսիկացիա 2) գիտակցության խանգարումներ 3) կենտրոնական նյարդային համակարգի, ամորձիների, ենթաստամոքսային գեղձի կամ այլ օրգան համակարգերի ախտահարում 4) բերանացի հեղուկների բավականաչափ օգտագործման անկարողություն
2. Բարդացած ձևեր |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
48. |
B27 Վարակային մոնոնուկլեոզ, ներառյալ` Պֆեյֆֆերի հիվանդությունը (Pfeiffer), գեղձային տենդը, մոնոցիտար անգինան (բկաբորբ) |
1. Ծանր կլինիկական ձևերի նշվածներից առնվազն մեկի առկայության դեպքում՝ 1) արտահայտված ինտոքսիկացիա 2) գիտակցության խանգարումներ 3) հեղուկների բերանացի բավականաչափ օգտագործման անկարողություն 4) կլման և շնչառության դժվարացում
2. Բարդացած ձևեր |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք Երեխաների բժշկական օգնություն և սպասարկում իրականացնող բաժանմունք, ինտենսիվ թերապիայի բաժանմունք | |||||||
|
49. |
U07.1, U07.2 Կորոնավիրուսներ (Covid 19)* |
COVID-19 պացիենտների հոսպիտալացման ցուցումներն են՝ 1) COVID-19 և հղիությունը (COVID-19-ի հետևյալ ախտանշաններից որևէ մեկի առկայության դեպքում՝ ջերմություն 37,5°C–ից բարձր, արյան թթվածնով հագեցվածությունը SpO2 ≤95%) 2) COVID-19 միջին ծանրության ընթացքը՝ (թոքաբորբ առանց հիպoքսիայի) և 60-ից բարձր տարիք 3) COVID-19 միջին ծանրության ընթացքը (թոքաբորբ առանց հիպoքսիայի) և քրոնիկ սրտանոթային հիվանդություն, զարկերակային գերճնշում, շաքարային դիաբետ, թոքերի քրոնիկ օբստրուկտիվ հիվանդություն, իմունադեֆիցիտային վիճակներ, քաղցկեղ, ճարպակալում, քրոնիկ երիկամային անբավարարություն, լյարդի ցիռոզ 4) COVID-19 ծանր թոքաբորբով, որի նշաններն են բարձր ջերմությունից և շնչառական ախտանիշներից բացի ստորև նշված նշանների մեկ կամ մեկից ավելիի առկայությունը․ ա. շնչառության հաճախություն` ≥30/րոպե (մեծահասակներ) բ. արյան թթվածնով հագեցվածությունը SpO2 ≤93% գ. 24-48 ժամվա ընթացքում թոքային դաշտի >50% ընդգրկող ինֆիլտրատներ 5) COVID-19 կրիտիկական վիճակները (շնչառական անբավարարություն, սեպտիկ շոկ և/կամ բազմաօրգանային անբավարարություն, թրոմբոէմբոլիզմ)` Հայաստանի Հանրապետության Առողջապահության նախարարի 2022 թվականի մարտի 16-ի թիվ 15-Ն հրամանով հաստատված արտահիվանդանոցային պայմաններում կորոնավիրուսային հիվանդությամբ (COVID-19) պացիենտների բժշկական օգնության և սպասարկման կազմակերպման կարգի համաձայն |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք Երեխաների բժշկական օգնություն և սպասարկում իրականացնող բաժանմունք, ինտենսիվ թերապիայի բաժանմունք | |||||||
|
50. |
B58 Տոքսոպլազմոզ*, ներառյալ` տոքսոպլազմա գոնդիով (Toxoplasma gondii) հարուցված վարակը, բացառությամբ` բնածին տոքսոպլազմոզի (P37.1) |
1․ Մենինգոէնցեֆալիտ՝ հոսպիտալացում անկախ հիվանդության ծանրության աստիճանից 2․ Միջին ծանրության և ծանր ընթացք՝ խորիորետինիտ, ռիսկի խումբ՝ իմունոսուպրեսիայով պացիենտներ, ՄԻԱՎ-ով պացիենտներ, հղիներ |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
51. |
B75 Տրիխինելյոզ |
Միջին ծանրության և ծանր ընթացքի դեպքում |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
52. |
A69.2 Լայմի հիվանդություն |
Միջին ծանրության և ծանր ընթացքի դեպքում |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք | |||||||
|
53.
54.
55.
56.
57.
58. |
B34 Վիրուսային վարակ` չճշտված տեղակայմամբ, բացառությամբ` ցիտոմեգալովիրուսային հիվանդության` ԱՀՃ (B25.9), հերպեսի վիրուսով (herpex simplex) հարուցված վարակի` ԱՀՃ (B00.9), ռետրովիրուսային վարակի` ԱՀՃ (B33.3), վիրուսներ, որպես այլ դասերում դասակարգված հիվանդությունների պատճառ (B97.-)
B34.0 Ադենովիրուսային վարակ` չճշտված
B34.1 Էնտերովիրուսային վարակ` չճշտված, Կոկսակի վիրուսի վարակ` ԱՀՃ, Էխովիրուսի վարակ` ԱՀՃ
B34.2 Կորոնավիրուսային վարակ` չճշտված տեղակայմամբ, բացառությամբ` Առանձին սուր ռեսպիրատոր համախտանիշի (U04.9)
B34.3 Պարվովիրուսային վարակ` չճշտված տեղակայմամբ
B34.4 Պապովավիրուսային վարակ` չճշտված տեղակայմամբ |
1․ Միջին ծանրության և ծանր ընթացք
2․ Բարդացած ձևեր |
Ինֆեկցիոն բժշկական կազմակերպություն Բժշկական կազմակերպության ինֆեկցիոն բաժանմունք Ինֆեկցիոն վերակենդանացման և ինտենսիվ թերապիայի բաժանմունք Երեխաների բժշկական օգնություն և սպասարկում իրականացնող բաժանմունք, ինտենսիվ թերապիայի բաժանմունք | |||||||
Ծանոթություն` * հղիների/ծննդկանի/ծննդաբերի դեպքում բժշկական օգնությունը և սպասարկումն իրականացվում է նաև հիվանդանոցային պայմաններում մանկաբարձագինեկոլոգիական տեսակի բժշկական օգնություն և սպասարկում իրականացնող բժշկական կազմակերպություններում` բժշկական կոնսիլիումի եզրակացության հիման վրա.
** մինչև 18 տարեկան երեխաների դեպքում, բժշկական օգնությունը և սպասարկումն իրականացվում է երեխաների բժշկական օգնություն և սպասարկում իրականացնող բժշկական կազմակերպություններում:
22. Սուր աղիքային վարակների ժամանակ 18 տարեկանից բարձր տարիքի անձանց ջրազրկման գնահատումը ներկայացված է աղյուսակ 2-ում:
Աղյուսակ 2
|
Հ/Հ |
Ախտանշաններ |
I աստիճան |
II աստիճան |
III աստիճան |
IV աստիճան |
|
1. |
Կորցրած հեղուկի ծավալը մարմնի զանգվածի համեմատ |
Մինչև 3% |
4-6% |
7-9% |
10% և ավել |
|
2. |
Փսխում |
Մինչև 5 անգամ |
5-9 անգամ |
10-19 անգամ |
20 և ավել |
|
3. |
Ջրիկ կղանք |
Մինչև 10 անգամ |
10-19 անգամ |
20 և ավել |
Անթիվ |
|
4. |
Ցիանոզ |
Չկա |
Մաշկի գունատություն, քիթշրթունքային եռանկյան ցիանոզ |
Ակրոցիանոզ |
Դիֆֆուզ ցիանոզ |
|
5. |
Ցնցումներ |
Չկա |
Ձկնամկաններում, կարճատև բնույթի |
Ավելի երկարատև բնույթի, ցավոտ |
Գեներալիզացված, կլոնիկ |
|
6. |
Հեմատոկրիտի ինդեքս |
40-46% |
46-50% |
50-55% |
>55% |
|
7. |
Դիուրեզ |
Փոփոխված չէ |
Օլիգուրիա |
Օլիգոանուրիա |
Անուրիա |
23. Լուծով հիվանդ երեխաների (մինչև 18 տարեկան) մոտ ջրազրկման գնահատումը ներկայացված է աղյուսակ 3-ում:
Աղյուսակ 3
|
Հ/Հ |
Ջրազրկման ծանրության աստիճանը |
Նշաններ կամ ախտանիշներ |
|
1. |
Ջրազրկման բացակայություն |
Ոչ բավարար նշանների առկայություն, որոնցով հնարավոր կլինի դասակարգել որպես ջրազրկման չափավոր կամ ծանր աստիճան |
|
2. |
Չափավոր ջրազրկում |
Նշված կետերից առնվազն երկուսի առկայության դեպքում՝ 1) անհանգստություն, դյուրագրգռվածություն 2) ներընկած աչքեր 3) խմում է ագահորեն, ծարավ է 4) մաշկի ծալքը դանդաղ է հարթվում |
|
3. |
Ծանր ջրազրկում |
Նշված կետերից առնվազն երկուսի առկայության դեպքում՝ 1) լեթարգիա կամ անգիտակից վիճակ 2) ներընկած աչքեր 3) ի վիճակի չէ խմել կամ վատ է խմում 4) մաշկի ծալքը շատ դանդաղ է հարթվում (≥ 2 վրկ) |