ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ
Ո Ր Ո Շ ՈՒ Մ Ը
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴՊՐՈՑՆԵՐԻ, ԲՈՒՀԵՐԻ ԵՎ ԱՅԼ ՊԵՏԱԿԱՆ ԿՐԹԱԿԱՆ ՀԱՍՏԱՏՈՒԹՅՈՒՆՆԵՐԻ ԲՆԱԿԱՆՈՆ ԳՈՐԾՈՒՆԵՈՒԹՅՈՒՆԸ ՎԵՐԱԿԱՆԳՆԵԼՈՒ ՄԱՍԻՆ
Հաշվի առնելով հանրապետության պետական կրթական համակարգի, մասնավորապես դպրոցի գործունեության ձմեռային երկարատև ընդհատումների կործանարար ներգործությունը ուսուցման որակի, մանկավարժական ներուժի, համակարգի ինֆրակառուցվածքի, ինչպես նաև կրթական միջավայրի բարոյահոգեբանական մթնոլորտի վրա, նպատակ ունենալով կասեցնել պետական կրթական համակարգի հետագա փլուզումը և հնարավորություն ստեղծել նրա բարեփոխումների համար, Հայաստանի Հանրապետության Գերագույն խորհուրդը որոշում է.
1. Անընդունելի համարել հանրապետության դպրոցներում, բուհերում և այլ պետական կրթական հաստատություններում ուսումնական պարապմունքների երկարատև ընդհատումները:
2. Հայաստանի Հանրապետության կառավարությանը`
ա) վերականգնել հանրապետության դպրոցների, բուհերի և այլ պետական կրթական հաստատությունների շուրջտարյա բնականոն գործունեությունը.
բ) մինչև ս.թ. հունիսի 1-ը Գերագույն խորհրդին ներկայացնել հանրապետության պետական կրթական համակարգի շուրջտարյա գործունեությունն ապահովելու համար անհրաժեշտ միջոցառումների պլանը:
|
Հայաստանի Հանրապետության ԳԵՐԱԳՈՒՅՆ ԽՈՐՀՐԴԻ Նախագահ |
բ. արարքցյան |
|
|