ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՈՒՐԴ

Ո Ր Ո Շ ՈՒ Մ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԸՆՏՐՈՒԹՅՈՒՆՆԵՐԻ ՄԱՍԻՆ» ՕՐԵՆՔԸ ԿԻՐԱՐԿԵԼՈՒ ՄԱՍԻՆ

Հայաստանի Հանրապետության Գերագույն խորհուրդը որոշում է.

1. «Հայաստանի Հանրապետության նախագահի ընտրությունների մասին» Հայաստանի Հանրապետության օրենքը կիրարկել այն հրապարակելու օրվանից:

2. Հայաստանի Հանրապետության նախագահի ընտրությունների կազմակերպման և անցկացման պարտականությունները դնել Հայաստանի Հանրապետության Գերագույն խորհրդի պատգամավորների ընտրությունների կենտրոնական ընտրական հանձնաժողովի վրա` նրան օժտելով Հայաստանի Հանրապետության նախագահի ընտրությունների կենտրոնական ընտրական հանձնաժողովի լիազորություններով:

3. Հայաստանի Հանրապետության շրջաններում և հանրապետական ենթակայության քաղաքներում Հայաստանի Հանրապետության նախագահի ընտրությունների կազմակերպման և անցկացման պարտականությունները դնել Հայաստանի Հանրապետության հանրաքվեի շրջանային և քաղաքային հանձնաժողովների վրա, իսկ Երևան և Լենինական քաղաքների շրջաններում` Հայաստանի Հանրապետության տեղական խորհուրդների պատգամավորների ընտրությունների Երևան և Լենինական քաղաքների համապատասխան շրջանային հանձնաժողովների վրա` նրանց օժտելով Հայաստանի Հանրապետության նախագահի ընտրությունների շրջանային և քաղաքային հանձնաժողովների լիազորություններով:

4. 1991 թվականի սեպտեմբերի 21-ի Հայաստանի Հանրապետության հանրաքվեից հետո չլուծարել հանրաքվեի տեղամասային հանձնաժողովները` նրանց վրա դնելով համապատասխան ընտրական տեղամասերում Հայաստանի Հանրապետության նախագահի ընտրությունների կազմակերպման և անցկացման պարտականությունները:

5. Նշված հանձնաժողովների կազմը փոփոխել և լրացնել` դրանցում ներգրավելով նաև Հայաստանի Հանրապետության նախագահի թեկնածու առաջադրած հասարակական-քաղաքական կազմակերպությունների և քաղաքացիների նախաձեռնող խմբերի ներկայացուցիչներին:

6. Հայաստանի Հանրապետության Նախարարների խորհրդին`

Հայաստանի Հանրապետության նախագահի ընտրությունների կենտրոնական ընտրական հանձնաժողովի ներկայացմամբ Հայաստանի Հանրապետության առաջին նախագահի ընտրությունների կազմակերպման և անցկացման համար տրամադրել անհրաժեշտ միջոցներ: