ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌՈՂՋԱՊԱՀՈՒԹՅԱՆ ՆԱԽԱՐԱՐ
|
«08» հոկտեմբեր 2024 թ. |
N 5469-Ա |
Հ Ր Ա Մ Ա Ն
«ՄԱՐԳ-ՖԱՐՄԱՑԻԱ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ 2011 ԹՎԱԿԱՆԻ ՀՈՒՆԻՍԻ 7-ԻՆ ՏՐՎԱԾ ԴԵՂԱՏՆԱՅԻՆ ԳՈՐԾՈՒՆԵՈՒԹՅՈՒՆ (ԴԵՂԱՏՆԱՅԻՆ ԿՐՊԱԿ) ԻՐԱԿԱՆԱՑՆԵԼՈՒ N Կ–XX-001460 ԼԻՑԵՆԶԻԱՅԻ ԳՈՐԾՈՂՈՒԹՅՈՒՆԸ ՆՇՎԱԾ ԴԵՂԱՏԱՆ ԱՇԽԱՏԱԿԻՑՆԵՐԻ ՄԱՍՈՎ ԿԱՍԵՑՆԵԼՈՒ ՄԱՍԻՆ
Հիմք ընդունելով «Լիցենզավորման մասին» օրենքի 8-րդ հոդվածի 5-րդ մասը, 9-րդ հոդվածի 1-ին մասը, 12-րդ հոդվածի 1-ին մասը, 36-րդ հոդվածի 1-ին մասի 2-րդ և 8-րդ կետերը և 8-րդ մասը, Առողջապահության նախարարության լիցենզավորման հանձնաժողովի եզրակացությունը, Առողջապահական և աշխատանքի տեսչական մարմնի (այսուհետ` Տեսչական մարմին) 2024 թվականի հուլիսի 25-ի և օգոստոսի 14-ի կասեցման միջնորդագրերը, ըստ որի, «Մարգ-Ֆարմացիա» սահմանափակ պատասխանատվությամբ ընկերությունում (այսուհետ՝ նաև Ընկերություն) իրականացվել է ստուգում, արձանագրվել է առկա լիցենզավորման ոլորտը կանոնակարգող ՀՀ օրենսդրության պահանջների խախտում, այն է` Ընկերությանը պատկանող ՀՀ ք․Երևան, Ավան, Խուդյակովի փողոց, 112/1 շենք հասցեում գործող դեղատանը (դեղեր չպատրաստող)՝ դեղերի ընդունում, պահպանում, իրացում և բացթողումն իրականացնող աշխատակիցներ Դավիթ Առաքելյանը, Վահագն Ավագյանը և Վահե Շահումյանը չունեն (չի ներկայացվել) օրենքով սահմանված կարգով դեղագետի կամ դեղագործի որակավորում, իսկ աշխատակից Անի Հովհաննիսյանը չունի (չի ներկայացվել) վերջին հինգ տարվա ընթացքում վերապատրաստում անցնելու վերաբերյալ վկայականներ, որով խախտվել է «Բնակչության բժշկական օգնության և սպասարկման մասին» օրենքի 33-րդ և 34-րդ հոդվածների և ՀՀ կառավարության 2002 թվականի հունիսի 29-ի N 867 որոշման հավելված 3-ի 12-րդ կետով սահմանված պահանջները.
ՀՐԱՄԱՅՈՒՄ ԵՄ`
1. «ՄԱՐԳ-ՖԱՐՄԱՑԻԱ» սահմանափակ պատասխանատվությամբ ընկերությանն (ք.Երևան, Խուդյակովի փող., թիվ 112/1) Առողջապահության նախարարության կողմից 2011 թվականի հունիսի 7-ին տրված N Կ–XX-001460 դեղատնային գործունեության (դեղատնային կրպակ) լիցենզիայի գործողությունը` դեղատան աշխատակիցներ Դավիթ Առաքելյանի, Վահագն Ավագյանի, Վահե Շահումյանի և Անի Հովհաննիսյանի մասով` մինչև ՀՀ օրենսդրության սահմանված պահանջներին համապատասխան մասնագետների առկայության ապահովումը:
2. Առողջապահության նախարարության լիցենզավորման գործակալության պետ Վահե Ալեքսանյանին`
1) ապահովել լիցենզիայի կասեցման մասին տեղեկությունների գրանցումը համապատասխան գրանցամատյանում,
2) եռօրյա ժամկետում ապահովել սույն հրամանի առաքումը նորմատիվ իրավական ակտերը հրապարակող մարմին և Պետական եկամուտների կոմիտե:
3. Առողջապահության նախարարության քարտուղարության պետ Աստղիկ Առաքելյանին` եռօրյա ժամկետում ապահովել սույն հրամանի առաքումը «ՄԱՐԳ-ՖԱՐՄԱՑԻԱ» սահմանափակ պատասխանատվությամբ ընկերությանն:
4. Սույն հրամանն ուժի մեջ է «ՄԱՐԳ-ՖԱՐՄԱՑԻԱ» սահմանափակ պատասխանատվությամբ ընկերությանն իրազեկելու հաջորդող օրվանից:
5. Սույն հրամանը կարող է բողոքարկվել Առողջապահության նախարարություն, ինչպես նաև Վարչական դատավարության օրենսգրքի 219-րդ հոդվածի 1-ին մասի համաձայն վարչական դատարան՝ վարչական ակտը ստանալուց հետո՝ տասնհինգօրյա ժամկետում:
|
Ա. ԱՎԱՆԵՍՅԱՆ |