ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ

Ո Ր Ո Շ ՈՒ Մ Ը

«ՄԱՔՍԱՅԻՆ ՍԱԿԱԳՆԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ ԿԻՐԱՐԿԵԼՈՒ ՄԱՍԻՆ

Հայաստանի Հանրապետության Գերագույն խորհուրդը որոշում է.

1. «Մաքսային սակագնի մասին» Հայաստանի Հանրապետության օրենքը կիրարկել հրապարակման պահից:

2. Մաքսային սակագնին վերաբերող նորմատիվային ակտերը կիրառվում են այնքանով, որքանով դրանք չեն հակասում «Մաքսային սակագնի մասին» Հայաստանի Հանրապետության օրենքին:

3. Հայաստանի Հանրապետության կառավարությանը` հրապարակման պահից երկամսյա ժամկետում`

ա) սահմանված կարգով Հայաստանի Հանրապետության Գերագույն խորհուրդ ներկայացնել առաջարկություններ Հայաստանի Հանրապետության օրենսդրական ակտերը «Մաքսային սակագնի մասին» Հայաստանի Հանրապետության օրենքին համապատասխանեցնելու վերաբերյալ,

բ) Հայաստանի Հանրապետության կառավարության որոշումները և կարգադրությունները համապատասխանեցնել «Մաքսային սակագնի մասին» Հայաստանի Հանրապետության օրենքին,

գ) ապահովել Հայաստանի Հանրապետության նախարարությունների, պետական վարչությունների և գերատեսչությունների ընդունած ակտերի համապատասխանեցումը «Մաքսային սակագնի մասին» Հայաստանի Հանրապետության օրենքին,

դ) սահմանել մաքսատուրքերի հաշվարկման և վճարման կարգը,

ե) «Մաքսային սակագնի մասին» Հայաստանի Հանրապետության օրենքին համապատասխան սահմանել`

մաքսային սակագինը,

մաքսատուրքի վճարումից ազատելու կարգն ու պայմանները,

ապրանքների և այլ առարկաների արտահանման կամ ներմուծման նվազագույն հսկիչ գները,

ազատ մաքսային գոտիների սահմանները հատելիս հարկային արտոնությունների տրամադրման կարգը:

Հայաստանի Հանրապետության ԳԵՐԱԳՈՒՅՆ ԽՈՐՀՐԴԻ Նախագահ	բ. արարքցյան
19 հուլիսի 1993 թվականի, քաղ. Երևան արձ. հ. 325, կետ 3 հ.ն-0898-1