ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ
Ո Ր Ո Շ ՈՒ Մ Ը
«ՀԱՅԱՍՏԱՆԻ ԱԶԳԱՅԻՆ ԱՐԽԻՎԱՅԻՆ ՖՈՆԴԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ԿԻՐԱՐԿՄԱՆ ԿԱՐԳԻ ՄԱՍԻՆ
Հայաստանի Հանրապետության Գերագույն խորհուրդը որոշում է.
1. «Հայաստանի ազգային արխիվային ֆոնդի մասին» Հայաստանի Հանրապետության օրենքը կիրարկել հրապարակման պահից:
2. Հայաստանի Հանրապետության նախագահին առաջարկել`
ա) մեկամսյա ժամկետում հաստատել Հայաստանի ազգային արխիվային ֆոնդի` գաղտնիքներ պարունակող փաստաթղթերի օգտագործման կարգը.
բ) վեցամսյա ժամկետում ստուգման ենթարկել մինչև 1962 թվականը ներառյալ ձևակերպված գաղտնի և սահմանափակ օգտագործման փաստաթղթերը, գաղտնազերծել դրանք կամ հաստատել ժամանակավոր պահպանման կարգավիճակում թողնելու անհրաժեշտությունը:
3. Հայաստանի Հանրապետության կառավարությանը`
ա) մեկամսյա ժամկետում`
- Հայաստանի Հանրապետության Գերագույն խորհրդի հաստատմանը ներկայացնել Հայաստանի ազգային արխիվային ֆոնդի մասին Հայաստանի Հանրապետության օրենքով պայմանավորված փոփոխություններ և լրացումներ Հայաստանի Հանրապետության գործող օրենսդրության մեջ,
- Հայաստանի Հանրապետության կառավարությանն առընթեր արխիվային վարչությունը վերանվանել Հայաստանի Հանրապետության Արխիվային գործի վարչություն և հաստատել նրա կանոնադրությունը,
- հաստատել պետությանը պատկանող փաստաթղթերի մշտական պահպանումն իրագործող արխիվների համակարգը և կարգավիճակը,
- հաստատել փաստաթղթերի ժամանակավոր պահպանումն իրագործող գերատեսչական արխիվների համակարգը և կարգավիճակը,
- Հայաստանի Հանրապետության Գերագույն խորհրդի հաստատմանը ներկայացնել Հայաստանի Հանրապետության գաղտնի տեղեկությունների ցանկը.
բ) վեցամսյա ժամկետում հաստատել պետական կենտրոնական արխիվների և դրանց մասնաճյուղերի համալրման հիմնարկ-աղբյուրների ցուցակները.
գ) միամյա ժամկետում`
- հաստատել արխիվային գործի և գործավարության կազմակերպման պետական հսկողության կարգը,
- միջոցներ ձեռնարկել արխիվային գործի վարչությունը արխիվագետների միջազգային կազմակերպություններում ներկայացնելու և արխիվների փոխհարաբերությունների հարցերը միջպետական պայմանագրերում արտացոլելու ուղղությամբ.
դ) 1993-94 ուսումնական տարվանից սկսած պատրաստել միջին և բարձր որակավորման արխիվագետ և փաստաթղթագետ կադրեր:
4. Պարտավորեցնել կինոժապավեններ, ձայնագրություններ, լուսանկարներ, տեսաժապավեններ առաջացնող մարմիններին, հիմնարկ-ձեռնարկություններին ու կազմակերպություններին փաստաթղթերի իսկականները, ինչպես նաև հանրապետությունում լույս տեսնող մամուլի բոլոր տեսակների մեկական օրինակները պարտադիր կարգով հանձնել հանրապետության համապատասխան պետական կենտրոնական արխիվներին:
5. Պատգամավորների շրջանային և քաղաքային խորհուրդների գործադիր կոմիտեներին` արխիվային գործի վարչության հետ համաձայնեցնելով, միամյա ժամկետում հաստատել շրջանային և քաղաքային պետական արխիվների համալրման աղբյուր-հիմնարկների ցուցակները:
|
Հայաստանի Հանրապետության ԳԵՐԱԳՈՒՅՆ ԽՈՐՀՐԴԻ Նախագահ |
բ. արարքցյան |
|
|