ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ

ՆԱԽԱԳԱՀ

«23» սեպտեմբերի 2024 թ.

N 1211-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՆԱԽԱԳԱՀԻ 2016 ԹՎԱԿԱՆԻ ԴԵԿՏԵՄԲԵՐԻ 30-Ի N 300-Ն ՀՐԱՄԱՆՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 33-րդ հոդվածը և 34-րդ հոդվածի 1-ին մասը`

ՀՐԱՄԱՅՈՒՄ ԵՄ՝

1. Հայաստանի Հանրապետության կառավարությանն առընթեր պետական եկամուտների կոմիտեի նախագահի 2016 թվականի դեկտեմբերի 30-ի «Եկամտային հարկի և սոցիալական վճարի ամսական (պարզեցված) հաշվարկների, եկամտային հարկի և սոցիալական վճարի տարեկան հաշվարկի (հայտարարագրի), տեղեկությունների և տեղեկանքի ձևերը և դրանց լրացման կարգերը հաստատելու մասին» N 300-Ն հրամանի`

1) N1 հավելվածով հաստատված եկամտային հարկի և սոցիալական վճարի ամսական հաշվարկի ձևի 2-րդ բաժնում՝

ա. լրացման կարգի 16-րդ կետի 2-րդ ենթակետից հետո լրացնել հետևյալ բովանդակությամբ 3-րդ ենթակետ՝

«3) խոշոր շահումների մասով եկամտային հարկը հաշվարկվում է 10 տոկոս դրույքաչափով, իսկ Հայաստանի Հանրապետության օրենսդրությամբ սահմանված կարգով և պայմաններով իրականացվող՝ գովազդային վիճակախաղերի մասնակիցների դրամական և իրային շահումների մասով՝ յուրաքանչյուր շահման դեպքում 50 հազար դրամը գերազանցող մասի նկատմամբ եկամտային հարկը հաշվարկվում է 20 տոկոս դրույքաչափով։».

բ. 2-րդ աղյուսակի 3-րդ տողը շարադրել հետևյալ խմբագրությամբ.

«

3. Շահում 003 20%(10%) 103 20%(10%)

».

2) N3 հավելվածով հաստատված եկամտային հարկի և սոցիալական վճարի տարեկան հաշվարկի (հայտարարագրի) ձևի`

ա. 1-ին բաժնի 2-րդ գլխի լրացման կարգի 4-րդ կետի 3-րդ ենթակետի «ը.» պարբերության մեջ «չափով» բառից հետո լրացնել «և խոշոր շահումներ» բառերը.

բ. 2-րդ բաժնի լրացման կարգի 6-րդ կետի 16-րդ ենթակետից հանել «խաղարկությունով, ոչ խաղարկությունով և համակցված վիճակախաղերի, ինչպես նաև տոտալիզատորի մասնակիցների դրամական և իրային շահումները կամ խաղատներում, շահումով խաղերում և (կամ) ինտերնետ շահումով խաղերում ստացված շահումները,» բառերը.

գ. 3-րդ բաժնի աղյուսակի 1-ին կետի 13-րդ ենթակետից հետո լրացնել հետևյալ բովանդակությամբ 13.1-ին ենթակետ.

«

13.1) շահում [3.16.1]   5%(20%)

».

դ. 3-րդ բաժնի լրացման կարգի 8-րդ կետի 13-րդ ենթակետից հետո լրացնել հետևյալ բովանդակությամբ 13.1-ին ենթակետ.

«13.1) շահումները՝ բացառությամբ հարկային գործակալից ստացվող խոշոր շահումների և հարկային գործակալից գովազդային վիճակախաղի շրջանակում ստացվող շահումների (տող [3.16.1]),».

ե. 5-րդ բաժնի լրացման կարգի 14-րդ կետի 9-րդ ենթակետը շարադրել հետևյալ խմբագրությամբ.

«9) [5.10] տողում լրացվում է պետական բյուջեից փոխհատուցման ենթակա եկամտային հարկի գումարը ([5.7] տող - [5.8] տող - [5.6] տող, եթե այն < 0-ից): Ընդ որում, [5.10] տողի արժեքը չի կարող գերազանցել [5.6] տողի արժեքը։»։

2. Սույն հրամանն ուժի մեջ է մտնում «Խաղային գործունեության կարգավորման մասին» օրենքն ամբողջությամբ գործողության մեջ դրվելու օրվանից, բացառությամբ սույն հրամանի 1-ին կետի 2-րդ ենթակետի «ե» պարբերության, որն ուժի մեջ է մտնում սույն հրամանի պաշտոնական հրապարակման օրվան հաջորդող օրվանից։

9/23/2024

Ռ. ԲԱԴԱՍՅԱՆ

Պաշտոնական հրապարակման օրը՝ 24 սեպտեմբերի 2024 թվական: