ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԵՆԹԱԿԱՌՈՒՑՎԱԾՔՆԵՐԻ

ՆԱԽԱՐԱՐ

11 փետրվարի 2022 թ. ք. Երևան

N 3-Ն

Հ Ր Ա Մ Ա Ն

ԹՌԻՉՔԱՅԻՆ ԱՆՁՆԱԿԱԶՄԻ ՊԱՀԱՆՋՆԵՐԻ ՏԵԽՆԻԿԱԿԱՆ ԵՎ ԱԴՄԻՆԻՍՏՐԱՏԻՎ ԿԱՆՈՆԱԿԱՐԳԸ (AIR CREW REGULATION) ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՔԱՂԱՔԱՑԻԱԿԱՆ ԱՎԻԱՑԻԱՅԻ ԳԼԽԱՎՈՐ ՎԱՐՉՈՒԹՅԱՆ ՊԵՏԻ 2010 ԹՎԱԿԱՆԻ ՀՈԿՏԵՄԲԵՐԻ 20-Ի ԹԻՎ 181-Ն ՀՐԱՄԱՆՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով «Տրանսպորտի մասին» օրենքի 5-րդ հոդվածի 2-րդ մասի «զ» կետով և «Նորմատիվ իրավական ակտերի մասին» օրենքի 10-րդ հոդվածի 4-րդ մասով և 37-րդ հոդվածով և հիմք ընդունելով Հայաստանի Հանրապետության վարչապետի 2019 թվականի հունիսի 1-ի N 659-Լ որոշմամբ հաստատված հավելվածի 19-րդ կետի 20-րդ ենթակետը՝

ՀՐԱՄԱՅՈՒՄ ԵՄ

1. Հաստատել թռիչքային անձնակազմի պահանջների տեխնիկական և ադմինիստրատիվ կանոնակարգը (air crew regulation)՝ համաձայն հավելվածի:

2. Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետի 2010 թվականի հոկտեմբերի 20-ի «Եվրոպական ավիացիայի անվտանգության գործակալության «Հաստատված տեխսպասարկման ուսուցում և քննություններ» ՓԱՐՏ-147-ի, «Վկայագրող տեխնիկական սպասարկման անձնակազմ» ՓԱՐՏ-66-ի, ԱՐՄ-ԷՅՐ-ՔՐՈՒ (ARM-AIR-CREW)» N 181-Ն հրամանն ուժը կորցրած ճանաչել։

3. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը։

4. Գործող շահառուները՝ տրամադրված վկայականների և հաստատված ձեռնարկների ժամկետը լրանալու կապակցությամբ նոր վկայականներ տրամադրելու և ձեռնարկները հաստատելու համար կարող են հայտ ներկայացնել սույն հրամանի 2-րդ կետով նշված հրամանի 3-րդ հավելվածի պահանջներին համապատասխան՝ հրամանն ուժի մեջ մտնելուց հետո մեկ տարվա ընթացքում։

Նախարար`

Գ. Սանոսյան

Հավելված Մաս 1 Հայաստանի Հանրապետության տարածքային կառավարման և ենթակառուցվածքների նախարարի 2022 թվականի փետրվարի 11-ի թիվ 3-Ն հրամանի ANNEX Part-1 of order 3-N of the Minister of Territorial Administration and Infrastructure of the Republic of Armenia by 11-th February 2022

Հավելված Մաս 2 Հայաստանի Հանրապետության տարածքային կառավարման և ենթակառուցվածքների նախարարի 2023 թվականի դեկտեմբերի 26-ի թիվ 15-Ն հրամանի ANNEX Part-2 of order 15-N of the Minister of Territorial Administration and Infrastructure of the Republic of Armenia by 26 December 2023

(հավելվածը խմբ. 26.12.23 N 15-Ն)

Հավելված Մաս 3 Հայաստանի Հանրապետության տարածքային կառավարման և ենթակառուցվածքների նախարարի 2024 թվականի օգոստոսի 09-ի թիվ 09-Ն հրամանի ANNEX Part 3 of order 09-N of the Minister of Territorial Administration and Infrastructure of the Republic of Armenia by August 09, 2024

(հավելվածը լրաց. 09.08.24 N 09-Ն)

Պաշտոնական հրապարակման օրը՝ 23 փետրվարի 2022 թվական: