ԱՌՈՂՋԱՊԱՀՈՒԹՅԱՆ ՆԱԽԱՐԱՐ

26 հունիսի 2023 թ.

N 3160-Ա

Հ Ր Ա Մ Ա Ն

«ՇԵՆԳԱՎԻԹ-Ա» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ 2005 ԹՎԱԿԱՆԻ ԱՊՐԻԼԻ 13-ԻՆ ՏՐՎԱԾ ԴԵՂԱՏՆԱՅԻՆ ԳՈՐԾՈՒՆԵՈՒԹՅՈՒՆ (ԴԵՂԱՏՈՒՆ/ԱՌԱՆՑ ՍՏԵՐԻԼ ԴԵՂԵՐԻ ՊԱՏՐԱՍՏՄԱՆ) ԻՐԱԿԱՆԱՑՆԵԼՈՒ N Կ-XX-000658 ԼԻՑԵՆԶԻԱՅԻ ԳՈՐԾՈՂՈՒԹՅՈՒՆԸ ԵՎ ԱՇԽԱՏԱԿԻՑՆԵՐԻ ԿՈՂՄԻՑ ԴԵՂԱՏՆԱՅԻՆ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆԵԼԸ ԿԱՍԵՑՆԵԼՈՒ ՄԱՍԻՆ

Հիմք ընդունելով «Լիցենզավորման մասին» Հայաստանի Հանրապետության օրենքի 8-րդ հոդվածի 5-րդ մասը, 12-րդ հոդվածի 1-ին մասը, 36-րդ հոդվածի 1-ին մասի 2-րդ և 8-րդ կետերը, Առողջապահության նախարարության լիցենզավորման հանձնաժողովի եզրակացությունը, Հայաստանի Հանրապետության առողջապահական և աշխատանքի տեսչական մարմնի ղեկավարի 2023 թվականի մարտի 10-ի թիվ 23030157 հանձնարարագրի ք. Երևան, Բագրատունյաց 14 հասցեում դեղատնային գործունեություն իրականացնող «ՇԵՆԳԱՎԻԹ-Ա» սահմանափակ պատասխանատվությամբ ընկերությունում իրականացված ստուգման արդյունքը, այն է` Արուսյակ Ավետիսյանի (ում Երևանի բժշկական ինստիտուտի կողմից, 1979 թվականի հուլիսի 02-ին տրվել է դիպլոմ և շնորհվել դեղագետի որակավորում), Անուշ Նազարյանի (ում Երևանի պետական բժշկական ուսումնարանի կողմից, 1974 թվականի հուլիսի 02-ին շնորհվել է դեղագործի որակավորում), Կարինե Ղազարյանի (ում Երևանի պետական բժշկական ինստիտուտի կողմից, 1981 թվականի հուլիսի 01-ին տրվել է դիպլոմ և շնորհվել է դեղագետի որակավորում), Նազիկ Թադևոսյանի (ում Երևանի պետական բժշկական ինստիտուտի կողմից, 1979 թվականի հուլիսի 02-ին տրվել է դիպլոմ և շնորհվել է դեղագետի որակավորում), Մելանյա Նազարյանի (ում Երևանի N 1 բժշկական ուսումնարանի կողմից, 1978 թվականի հուլիսի 05-ին տրվել է դիպլոմ և շնորհվել է դեղագործի որակավորում) կողմից առանց համապատասխան վկայականների` վերոնշյալ կազմակերպությունում իրականացվում է դեղատնային գործունեություն, խախտելով` ՀՀ կառավարության 2002 թվականի հունիսի 29-ի «Հայաստանի Հանրապետությունում դեղերի արտադրության, դեղատնային գործունեության, կազմակերպությունների կամ անհատ ձեռնարկատերերի կողմից բժշկական օգնության և սպասարկման իրականացման, դեղերի մեծածախ իրացման լիցենզավորման կարգերը և նշված գործունեությունների իրականացման լիցենզիայի ձևերը հաստատելու մասին» N 867 որոշման N3 հավելվածի 43.1-ին կետի պահանջները, և ղեկավարվելով «Լիցենզավորման մասին» Հայաստանի Հանրապետության օրենքի 36-րդ հոդվածի 1-ին մասի 2-րդ և 8-րդ կետերի պահանջներով՝

ՀՐԱՄԱՅՈՒՄ ԵՄ`

1. Կասեցնել «ՇԵՆԳԱՎԻԹ-Ա» սահմանափակ պատասխանատվությամբ ընկերության աշխատակիցներ`

1) Արուսյակ Ավետիսյանի (ում Երևանի բժշկական ինստիտուտի կողմից, 1979 թվականի հուլիսի 02-ին տրվել է դիպլոմ և շնորհվել դեղագետի որակավորում)

2) Անուշ Նազարյանի (ում Երևանի պետական բժշկական ուսումնարանի կողմից, 1974 թվականի հուլիսի 02-ին շնորհվել է դեղագործի որակավորում),

3) Կարինե Ղազարյանի (ում Երևանի պետական բժշկական ինստիտուտի կողմից, 1981 թվականի հուլիսի 01-ին տրվել է դիպլոմ և շնորհվել է դեղագետի որակավորում),

4) Նազիկ Թադևոսյանի (ում Երևանի պետական բժշկական ինստիտուտի կողմից, 1979 թվականի հուլիսի 02-ին տրվել է դիպլոմ և շնորհվել է դեղագետի որակավորում),

5) Մելանյա Նազարյանի (ում Երևանի N 1 բժշկական ուսումնարանի կողմից, 1978 թվականի հուլիսի 05-ին տրվել է դիպլոմ և շնորհվել է դեղագործի որակավորում) կողմից դեղատնային գործունեությամբ զբաղվելու իրավունքը:

2. Կասեցնել «ՇԵՆԳԱՎԻԹ-Ա» սահմանափակ պատասխանատվությամբ ընկերության Առողջապահության նախարարության կողմից (ք. Երևան, Բագրատունյաց 14 հասցեում) 2005 թվականի ապրիլի 13-ին տրված դեղատնային գործունեություն (դեղատուն/առանց ստերիլ դեղերի պատրաստման) իրականացնելու N Կ-XX-000658 լիցենզիայի գործողությունը` մինչև խախտման պատճառի վերացումը:

3. Առողջապահության նախարարության լիցենզավորման գործակալության պետ Վահե Ալեքսանյանին`

1) ապահովել լիցենզիայի կասեցման մասին տեղեկությունների գրանցումը համապատասխան գրանցամատյանում,

2) եռօրյա ժամկետում ապահովել սույն հրամանի առաքումը գերատեսչական նորմատիվ իրավական ակտերը հրապարակող մարմին և Պետական եկամուտների կոմիտե:

4. Առողջապահության նախարարության քարտուղարության պետ Աստղիկ Առաքելյանին` եռօրյա ժամկետում ապահովել սույն հրամանի առաքումը «ՇԵՆԳԱՎԻԹ-Ա» սահմանափակ պատասխանատվությամբ ընկերությանը:

5. Սույն հրամանն ուժի մեջ է «ՇԵՆԳԱՎԻԹ-Ա» սահմանափակ պատասխանատվությամբ ընկերությանն իրազեկելուն հաջորդող օրվանից:

6. Սույն հրամանը կարող է բողոքարկվել Առողջապահության նախարարություն, ինչպես նաև Վարչական դատավարության օրենսգրքի 219-րդ հոդվածի 1-ին մասի համաձայն վարչական դատարան՝ վարչական ակտը ստանալուց հետո՝ տասնհինգօրյա ժամկետում:

Ա. ԱՎԱՆԵՍՅԱՆ