ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ

ՆԱԽԱԳԱՀ

4 հոկտեմբերի 2022 թ.

N 1032-Ն

Հ Ր Ա Մ Ա Ն

ՏՐԱՆՍՖԵՐԱՅԻՆ ԳՆԱԳՈՅԱՑՄԱՆ ՀԱՇՎԱՐԿԻ ՁԵՎԸ (այդ թվում` ճշտված), ԼՐԱՑՄԱՆ ԵՎ ՆԵՐԿԱՅԱՑՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

Ղեկավարվելով Հայաստանի Հանրապետության հարկային օրենսգրքի 374-րդ հոդվածի 6-րդ մասով`

ՀՐԱՄԱՅՈՒՄ ԵՄ՝

1․ Հաստատել տրանսֆերային գնագոյացման հաշվարկի ձևը (այդ թվում` ճշտված), լրացման և ներկայացման կարգը` համաձայն Հավելված 1-ի։

2․ Սույն հրամանն ուժի մեջ է մտնում պաշտոնական հրապարակմանը հաջորդող օրվանից և կիրառելի է 2020 թվականի հունվարի 1-ից հետո իրականացված վերահսկվող գործարքների նկատմամբ։

(2-րդ կետը փոփ. 15.05.23 N 477-Ն)

Ռ. ԲԱԴԱՍՅԱՆ

Հավելված N 1 Հայաստանի Հանրապետության պետական եկամուտների կոմիտեի նախագահի 2022 թվականի հոկտեմբերի 4-ի N 1032-Ն հրամանի

Ճշգրտման ենթակա վերահսկվող գործարքի մասին տեղեկատվություն
27․ Ճշգրտման ենթակա վերահսկվող գործարքը	Ծանուցման մասի համարը	Տողի համարը

Տրանսֆերային գնագոյացման հաշվարկի ձևի լրացման և ներկայացման կարգը

1. Տրանսֆերային գնագոյացման հաշվարկը (այսուհետ` հաշվարկ) հարկ վճարողների կողմից լրացվում և ներկայացվում է Հայաստանի Հանրապետության հարկային օրենսգրքի (այսուհետ` Օրենսգիրք) 374-րդ հոդվածին համապատասխան:

2. Հաշվարկի 1-ին կետում լրացվում է կազմակերպության հարկ վճարողի հաշվառման համարը:

3. Հաշվարկի 2-րդ կետում լրացվում է հաշվարկ ներկայացնող կազմակերպության լրիվ անվանումը:

4. Հաշվարկի 3-րդ կետում` կազմակերպության գտնվելու վայրը.

5. Հաշվարկի 4-րդ կետում` հաշվետու տարին, որի համար ներկայացվում է հաշվարկը կամ ճշտված հաշվարկը:

6. Հաշվարկի 5-րդ կետում` hամախառն եկամուտը մինչև ճշգրտումը, որը ներկայացվել է հաշվետու տարվա շահութահարկի հաշվարկով:

7. Հաշվարկի 6-րդ կետում` ճշգրտվող եկամուտը և չափը: Լրացվում է ճշգրտման ենթակա եկամտի տեսակը՝ ըստ շահութահարկի հաշվարկի և ճշգրտվող գումարի չափը:

8. Հաշվարկի 7-րդ կետում` համախառն եկամտի չափը ճշգրտումից հետո` (5)+(6):

9. Հաշվարկի 8-րդ կետում` նվազեցումներ մինչև ճշգրտումը, որը ներկայացվել է հաշվետու տարվա շահութահարկի հաշվարկով:

10. Հաշվարկի 9-րդ կետում՝ ճշգրտվող նվազեցումները և չափը: Լրացվում է ճշգրտման ենթակա նվազեցման տեսակը՝ ըստ շահութահարկի հաշվարկի, և ճշգրտվող գումարի չափը:

11. Հաշվարկի 10-րդ կետում` նվազեցումների չափը ճշգրտումից հետո (8)-(9):

12. Հաշվարկի 11-րդ կետում` հարկվող շահույթը մինչև ճշգրտումը, որը ներկայացվել է հաշվետու տարվա շահութահարկի հաշվարկով:

13. Հաշվարկի 12-րդ կետում` ճշգրտվող հարկվող շահույթը`(6)+(9):

14. Հաշվարկի 13-րդ կետում` հարկվող շահույթը ճշգրտումից հետո` (7)-(10):

15. Հաշվարկի 14-րդ կետում` հարկի դրույքաչափը (%):

16. Հաշվարկի 15-րդ կետում` ճշգրտումից հետո հաշվարկված հարկի չափը` (13)*(14):

17. Հաշվարկի 16-րդ կետում` հաշվետու տարվա համար ներկայացված շահութահարկի հաշվարկով շահութահարկի գումարի չափը մինչև ճշգրտումը:

18. Հաշվարկի 17-րդ կետում` վճարման ենթակա հարկի չափը (15)-(16):

19. Հաշվարկի 18-րդ կետում` ռոյալթիի հաշվարկման բազան մինչև ճշգրտումը, որը ներկայացվել է հաշվետու տարվա ռոյալթիի հաշվարկով:

20. Հաշվարկի 19-րդ կետում` ռոյալթիի հաշվարկման բազան ճշգրտումից հետո:

21. Հաշվարկի 20-րդ կետում` հաշվետու տարվա ռոյալթիի հաշվարկով ներկայացված շահույթ նախքան հարկումը:

22. Հաշվարկի 21-րդ կետում` շահույթ նախքան հարկումը ճշգրտումից հետո:

23. Հաշվարկի 22-րդ կետում` ռոյալթիի դրույքաչափը (%) մինչև ճշգրտումը՝ հաշվետու տարվա ռոյալթիի հաշվարկով հաշվարկված ռոյալթիի դրույքաչափը:

24. Հաշվարկի 23-րդ կետում` ռոյալթիի դրույքաչափը (%) ճշգրտումից հետո:

25. Հաշվարկի 24-րդ կետում` ռոյալթիի գումարի չափը մինչև ճշգրտումը՝ հաշվետու տարվա ռոյալթիի հաշվարկով հաշվարկված ռոյալթին:

26. Հաշվարկի 25-րդ կետում` ճշգրտված ռոյալթիի գումարի չափը` (19)*(23):

27. Հաշվարկի 26-րդ կետում` վճարման ենթակա ռոյալթիի չափը` (25)-(24):

28․ Հաշվարկի 27-րդ կետում լրացվում է ճշգրտման ենթակա վերահսկվող գործարքների մասին տեղեկատվությունը։ Մասնավորապես, նշվում է վերահսկվող գործարքների մասին ծանուցման մասի համարը և տվյալ մասում լրացված գործարքի տողի համարը:

(28-րդ կետը լրաց. 15.05.23 N 477-Ն)

(հավելվածը լրաց. 15.05.23 N 477-Ն)

Պաշտոնական հրապարակման օրը՝ 6 հոկտեմբերի 2022 թվական: