ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

03 փետրվար 2023 թ.

N 507-Ա

Հ Ր Ա Մ Ա Ն

Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասը և «ՄԻՔԱՅԵԼՅԱՆ ՎԻՐԱԲՈՒԺՈՒԹՅԱՆ ԻՆՍՏԻՏՈՒՏ» փակ բաժնետիրական ընկերության տնօրենի կողմից 2023 թվականի հունվարի 31-ին ներկայացված դիմումը.

ՀՐԱՄԱՅՈՒՄ ԵՄ`

1. Առողջապահության նախարարի 2019 թվականի հոկտեմբերի 04-ի ««ՄԻՔԱՅԵԼՅԱՆ ՎԻՐԱԲՈՒԺՈՒԹՅԱՆ ԻՆՍՏԻՏՈՒՏ» փակ բաժնետիրական ընկերության Առողջապահության նախարարության կողմից 2018 թվականի հունիսի 14-ին տրամադրված բժշկական օգնության և սպասարկման N Կ-ԲՕ-002413 լիցենզիայի հիվանդանոցային` երիկամաբանական, թոքաբանական, ալերգոլոգիական, ինտերվենցիոն սրտաբանական, շտապ և անհետաձգելի բժշկական օգնության, պալիատիվ, անոթանեյրովիրաբուժական, լաբորատոր ախտորոշիչ` շճաբանական (սերոլոգիական), իմունաբանական, սնկաբանական տեսակների գործունեությունը կասեցնելու մասին» թիվ 2815-Ա հրամանից հանել «հիվանդանոցային` երիկամաբանական, թոքաբանական, ալերգոլոգիական, շտապ և անհետաձգելի բժշկական օգնության, լաբորատոր ախտորոշիչ` շճաբանական (սերոլոգիական), իմունաբանական, սնկաբանական» բառերը:

2. Առողջապահության նախարարության լիցենզավորման գործակալության պետ Վահե Ալեքսանյանին` եռօրյա ժամկետում ապահովել սույն հրամանի առաքումը գերատեսչական նորմատիվ իրավական ակտերը հրապարակող մարմին և Պետական եկամուտների կոմիտե:

3. Առողջապահության նախարարության քարտուղարության պետ Աստղիկ Առաքելյանին` եռօրյա ժամկետում ապահովել սույն հրամանի առաքումը դիմողին:

4. Սույն հրամանը կարող է բողոքարկվել Առողջապահության նախարարություն, ինչպես նաև Վարչական դատավարության օրենսգրքի 219-րդ հոդվածի 1-ին մասի համաձայն վարչական դատարան՝ վարչական ակտն ստանալուց հետո՝ տասնհինգօրյա ժամկետում:

Ա. Ավանեսյան