ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐ

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՐԱԺՇՏԱԿԱՆ, ԱՐՎԵՍՏԻ, ԳԵՂԱՐՎԵՍՏԻ ԵՎ ՊԱՐԱՐՎԵՍՏԻ ԴՊՐՈՑՆԵՐԻ 2021-2022 ՈՒՍՈՒՄՆԱԿԱՆ ՏԱՐՎԱ ՕՐԻՆԱԿԵԼԻ ՈՒՍՈՒՄՆԱԿԱՆ ՊԼԱՆՆԵՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Կրթության մասին» Հայաստանի Հանրապետության օրենքի 37-րդ հոդվածի 1-ին մասի 3-րդ կետը

Հրամայում եմ

1. Հաստատել երաժշտական, արվեստի, գեղարվեստի և պարարվեստի դպրոցների 2021-2022 ուսումնական տարվա օրինակելի ուսումնական պլանները` համաձայն հավելվածի:

2. Հսկողությունը վերապահել Հայաստանի Հանրապետության կրթության, գիտության, մշակույթի և սպորտի նախարարի տեղակալ Ժաննա Անդրաեսյանին:

ՕՐԻՆԱԿԵԼԻ ՈՒՍՈՒՄՆԱԿԱՆ ՊԼԱՆՆԵՐ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՐԱԺՇՏԱԿԱՆ, ԱՐՎԵՍՏԻ, ԳԵՂԱՐՎԵՍՏԻ ԵՎ ՊԱՐԱՐՎԵՍՏԻ ԴՊՐՈՑՆԵՐԻ 2021-2022 ՈՒՍՈՒՄՆԱԿԱՆ ՏԱՐՎԱ

ԸՆԴՀԱՆՐԱԿԱՆ ՊԱՐԶԱԲԱՆՈՒՄՆԵՐ

1. Հայաստանի Հանրապետության երաժշտական, արվեստի, գեղարվեստի և պարարվեստի դպրոցներում (այսուհետ` Դպրոց) ուսումնական տարին մեկնարկում է պետական հանրակրթական ուսումնական հաստատությունների համար նախատեսված ժամկետներին համապատասխան: Նույնը վերաբերում է նաև աշնանային, ձմեռային և գարնանային արձակուրդներին:

2. Ուսումնական տարվա տևողությունը 34-40 շաբաթ է, ուսումնական տարին բաժանվում է կիսամյակների:

3. Ելնելով մասնագիտական առանձնահատկություններից և շենքային պայմաններից՝ կարող է սահմանվել վեցօրյա ուսումնական շաբաթ:

4. Առարկաների և դասաժամերի քանակը ուսումնական պլանում կարող է ընդլայնվել` ելնելով Դպրոցի ֆինանսական հնարավորություններից:

5. Ուսումնադաստիարակչական աշխատանքների կազմակերպման հիմնական ձևերն են անհատական և խմբային պարապմունքները:

6. Անհատական դասի տևողությունը` 45, խմբայինը` 40 րոպե է:

7. Դպրոցի սովորողների (այսուհետ՝ սովորող) գիտելիքների գնահատումը կատարվում է ուսումնական պլանով նախատեսված առարկաների մասով կազմակերպվող ստուգարքներով (այդ թվում նաև՝ տարեվերջյան տարբերակված ստուգարքներով) և քննություններով:

8. Քննությունների անցկացման համար Դպրոցի տնօրենի հրամանով ձևավորվում են մասնագիտական հանձնաժողովներ:

9. Քննությունը գնահատվում է գնահատման առավելագույն 10 միավորային համակարգով, գնահատականը համարվում է բավարար՝ 3, 4, 5, լավ՝ 6, 7, 8 և գերազանց՝ 9, 10 միավորների դեպքում:

10. Փոխադրական քննությունն անբավարար, ստուգարքը «չստուգված» ստանալու դեպքում, տվյալ առարկայի համար կազմակերպվում է վերաքննություն՝ նոր ուսումնական տարվա մեկնարկից առաջ՝ օգոստոսի 15-25-ն ընկած ժամանակահատվածում: Սույն դրույթը չի վերաբերում «Համույթ», «Երգչախումբ», «Նվագախումբ», «Մարմնամարզություն» առարկաներին, որոնց ստուգարքը գնահատվում է «ստուգված»՝ նշված առարկաների հաճախումների առնվազն 75 տոկոսի դեպքում:

11. Վերաքննության, ինչպես նաև ավարտական քննությունների քննական հանձնաժողովի կազմում կարող է ընդգրկվել Դպրոցի կառավարումն իրականացնող լիազոր պետական (համայնքային) մարմնի (այսուհետ՝ Լիազոր մարմին) ներկայացուցիչը:

12. Փոխադրական քննությունն անբավարար, կամ ստուգարքը «չստուգված» ստանալու դեպքում, կամ ուսումնական տարվա ընթացքում ընդհանուր 60 և ավելի, կամ մեկ առարկայից ընդհանուր 16 և ավելի դասաժամ անհարգելի բացակայություն ունեցող սովորողը չի փոխադրվում հաջորդ դասարան և կրկնում է տվյալ ուսումնական տարվա դասընթացը:

13. Դպրոցի և սովորողի ծնողի (օրինական ներկայացուցչի) փոխադարձ համաձայնությամբ՝ սովորողի անհատական պարապմունքների անընդմեջ մինչև 16 դասաժամ հարգելի բացակայության դասաժամերը կարող են համալրվել՝ Դպրոցի կողմից առաջարկված ժամանակացույցի համաձայն:

14. Դրսեկության ձևով (էքստեռն) դասարանից հաջորդ դասարան վաղաժամկետ փոխադրումը կազմակերպվում է ուսումնական պլանով նախատեսված ստուգարքների և քննությունների հանձնման, սովորողի գերազանց առաջադիմության, Դպրոցի մանկավարժական խորհրդի հավանության և Լիազոր մարմնի թույլտվության դեպքում:

15. Ուսումնառության ամբողջ ժամանակահատվածում սովորողը դասարանից հաջորդ դասարան վաղաժամկետ կարող է փոխադրվել միայն մեկ անգամ:

16. Դրսեկության ձևով (էքստեռն) Դպրոցում ընդունելության կազմակերպման գործընթացն իրականացվում է մինչև նոր ուսումնական տարվա մեկնարկը՝ Լիազոր մարմնի թույլտվությամբ, Դպրոցի մանկավարժական խորհրդի առաջարկած դասարանում, տվյալ դասարան փոխադրման համար նախատեսված ստուգարքներն ու քննությունները հանձնելու դեպքում:

17. Դպրոցից Դպրոց սովորողի տեղափոխությունը կարող է իրականացվել ուսումնական տարվա ընթացքում՝ Լիազոր մարմնի թույլտվությամբ, ուսումնառության նախկին Դպրոցի կողմից տրված համապատասխան տեղեկանքի հիման վրա:

18. Դպրոցի ավարտական վկայականը տրվում է ավարտական ստուգարքներն ու քննությունները հանձնած և ուսումնական պլանով նախատեսված բոլոր դասաժամերի առնվազն 70% հաճախում ունեցած սովորողներին:

19. Դպրոցում վճարովի հիմունքներով կարող է կազմակերպվել նախադպրոցական, հետդպրոցական, ինչպես նաև ընդհանուր գեղագիտական զարգացման գծով ուսումնառություն:

20. Տեսական առարկաների (սոլֆեջո, երաժշտական գրականություն, արվեստի պատմություն, երաժշտական գրագիտություն և ունկնդրում) խմբային պարապմունքների մեկ խմբում ընդգրկված սովորողների թվաքանակը սահմանվում է 6-12: Առանձին դեպքերում, փոքր համակազմ ունեցող Դպրոցում այն կարող է բաղկացած լինել` սկսած 3 սովորողից:

21. Լիազոր մարմնի որոշմամբ՝ Դպրոցում ուսուցումը կարող է կազմակերպվել հեռավար եղանակով:

22. Օրինակելի ուսումնական պլանի աղյուսակում ներկայացված են տվյալ մասնագիտության ուսուցման առարկաների ցանկը և նվազագույն դասաժամերը, որոնք պարտադիր են ավարտական ստուգարքներին և քննություններին մասնակցության համար, եթե «Լրացուցիչ պարզաբանումներ» բաժնում այլ բան նախատեսված չէ: Աղյուսակներում ներկայացված է նաև ստուգարքների և քննությունների անցկացման ժամանակացույցը:

23. Օրինակելի ուսումնական պլանի յուրաքանչյուր բաժնի «Լրացուցիչ պարզաբանումներ» մասում ներկայացված է տվյալ բաժնում ուսուցման կազմակերպման գործընթացի մանրամասն նկարագիրը:

Աղյուսակ 1

ԵՐԱԺՇՏԱՐՎԵՍՏ

7-ԱՄՅԱ ԿՐԹՈՒԹՅՈՒՆ
	Առարկայի անվանումը	Ուսումնա-ռության տարի	Շաբաթական դասաժամերի քանակը			ստուգարք	քննություն
			ԴԱՇՆԱՄՈՒՐ	ԼԱՐԱՅԻՆ, ՓՈՂԱՅԻՆ, ԱԶԳԱՅԻՆ ՆՎԱԳԱՐԱՆՆԵՐ, ՀԱՐՎԱԾԱՅԻՆ ԳՈՐԾԻՔՆԵՐ, ԱԿՈՐԴԵՈՆ, ՏԱՎԻՂ, ԿԻԹԱՌ	ԵՐԳԵՑՈ-ՂՈՒԹՅՈՒՆ
						Ըստ կիսամյակների
1.	Հիմնական առարկա	I	2	2	1.5	II
		II	2	2	1.5	I,II
		III	2	2	1.5	I,II
		IV	2	2	1.5	I	II
		V	2	2	1.5	I,II
		VI	2	2	2	I,II
		VII	2	2	2	I	II
2.	Սոլֆեջո	I	1.5	1.5	1.5	II
		II	1.5	1.5	1.5	I,II
		III	1.5	1.5	1.5	I,II
		IV	1.5	1.5	1.5	I	II
		V	1.5	1.5	1.5	I,II
		VI	1.5	1.5	1.5	I,II
		VII	1.5	1.5	1.5	I	II
3.	Երաժշտական գրականություն	I
		II
		III
		IV	1.5	1.5	1.5	II
		V	1.5	1.5	1.5	II
		VI	1.5	1.5	1.5	II
		VII	1.5	1.5	1.5	II
4.	Համույթ կամ նվագախումբ կամ երգչախումբ	I	1	1
		II	1	1	1	II
		III	1	1	1	II
		IV	1	1	1	II
		V	2	2	2	II
		VI	2	2	2	II
		VII	2	2	2	II
5.	Ընտրովի	I			1
		II	1	1	1	II
		III	1	1	1	II
		IV	1	1	1	II
		V	1	1	1	II
		VI	1	1	1	II
		VII	1	1	1	II

Աղյուսակ 2

ԵՐԱԺՇՏԱՐՎԵՍՏ

5-ԱՄՅԱ ԿՐԹՈՒԹՅՈՒՆ
	Առարկայի անվանումը	Ուսումնառության տարի	Շաբաթական դասաժամերի քանակը		ստուգարք	քննություն
			ՓՈՂԱՅԻՆ, ԱԶԳԱՅԻՆ ՆՎԱԳԱՐԱՆՆԵՐ, ՀԱՐՎԱԾԱՅԻՆ ԳՈՐԾԻՔՆԵՐ, ԱԼՏ, ԿՈՆՏՐԱԲԱՍ, ԱԿՈՐԴԵՈՆ, ՏԱՎԻՂ, ԿԻԹԱՌ	ԵՐԳԵՑՈՂՈՒԹՅՈՒՆ
					Ըստ կիսամյակների
1.	Հիմնական առարկա	I	2	1.5	II
		II	2	1.5	I,II
		III	2	1.5	I	II
		IV	2	2	I,II
		V	2	2	I	II
2.	Սոլֆեջո	I	1.5	1.5	II
		II	1.5	1.5	I,II
		III	1.5	1.5	I	II
		IV	1.5	1.5	I,II
		V	1.5	1.5	I	II
3.	Երաժշտական գրականություն	I
		II	1.5	1.5	II
		III	1.5	1.5	II
		IV	1.5	1.5	II
		V	1.5	1.5	II
4.	Համույթ կամ նվագախումբ կամ երգչախումբ	I	1
		II	1	1	II
		III	2	2	II
		IV	2	2	II
		V	2	2	II
5.	Ընտրովի	I		1
		II	1	1	II
		III	1	1	II
		IV	1	1	II
		V	1	1	II

ԼՐԱՑՈՒՑԻՉ ՊԱՐԶԱԲԱՆՈՒՄՆԵՐ

1. Երաժշտարվեստի բաժիններում ընդունելությունը կազմակերպվում է 6-9 տարեկան երեխաների համար՝ 7-ամյա կրթության դեպքում, իսկ 5-ամյա կրթության դեպքում՝ 9-12 տարեկան երեխաների համար:

2. «Հիմնական առարկա» և «Ընտրովի» առարկաների ուսուցումը կազմակերպվում է անհատական, իսկ «Սոլֆեջո», «Երաժշտական գրականություն» և «Համույթ կամ նվագախումբ կամ երգչախումբ» առարկաների ուսուցումը` խմբային պարապմունքների եղանակով, բացառությամբ «Ազգային նվագարաններ» բաժնի «Դհոլ» երաժշտական գործիքի «Հիմնական առարկա» դասաժամերի, որի 50%-ը հատկացվում է անհատական, 50%-ը՝ 3-6 սովորողից բաղկացած խմբային պարապմունքների համար:

3. «Երգեցողություն» բաժնի «Հիմնական առարկա» դասաժամի տևողությունը սահմանվում է 40 րոպե:

4. «Համույթ» առարկայի ուսուցումը կազմակերպվում է 2-9, «Նվագախումբ»-ը՝ 10-20, իսկ «Երգչախումբ»-ը՝ 20-35 սովորողներից բաղկացած խմբային պարապմունքներով:

5. Ելնելով «Համույթ» և «Նվագախումբ» առարկաների պարապմունքների առանձնահատկություններից` «Համույթ» առարկայի համար 9 և «Նվագախումբ» առարկայի համար 15 սովորողներից բաղկացած խմբի պարապմունքների համար սահմանել մեկ միավոր համույթի և նվագախմբի ղեկավարների համար (նշված թվաքանակից ցածր կամ բարձր կազմերի դեպքում՝ համամասնորեն նվազեցնելով կամ ավելացնելով հատկացվող միավորը): Նույն հիմքով և սկզբունքով՝ 27 սովորողից բաղկացած երգչախմբի ղեկավարի և կոնցերտմայստերի համար սահմանել համապատասխանաբար 1 և 0.5-1 միավոր:

6. «Համույթ», «Նվագախումբ» կամ «Երգչախումբ» առարկայի բաշխումն ըստ սովորողների իրականացվում է Դպրոցի կողմից: «Համույթ» և «Նվագախումբ» առարկաների պարապմունքները 7-ամյա կրթության պարագայում իրականացվում են 3-րդ կամ 4-րդ, իսկ 5-ամյա կրթության դեպքում՝ 2-րդ դասարանից, որոնց պետք է մասնակցեն գործիքային բաժինների (բացի դաշնամուրային բաժնի) սովորողների առնվազն 70 տոկոսը:

7. «Ընտրովի» առարկայի դասաժամերը հատկացվում են այլ երաժշտական գործիք, երգեցողություն, ընդհանուր դաշնամուր, թերթից ընթերցում, կոմպոզիցիա առարկաների պարապմունքներին:

8. «Ընդհանուր դաշնամուր» առարկայի ուսուցումը պարտադիր է «Երգեցողություն» բաժնի սովորողների համար: Դպրոցի շենքային պայմանների և նյութատեխնիկական համապատասխան հագեցվածության պարագայում՝ լարային, փողային, ազգային նվագարաններ, հարվածային գործիքներ բաժիններում սովորողների համար նախատեսել 0.5 դասաժամ՝ «Ընդհանուր դաշնամուր» առարկայի պարապմունքների համար:

9. «Հիմնական առարկա» (բացի դաշնամուր, տավիղ, ակորդեոն, դհոլ, կիթառ երաժշտական գործիքներից) դասաժամի անցկացման համար հատկացվում է դաշնամուրային նվագակցության ժամեր շաբաթական 0.5-1 ժամի չափով: «Դաշնամուր» բաժնում նվագակցության դասաժամերը (կոնցերտային նվագակցություն/իլյուստրացիա) տրամադրվում են 4-7-րդ դասարանների սովորողների համար՝ շաբաթական 0.5 ժամի չափով:

10. Լրացուցիչ վարձավճարով երաժշտարվեստի բաժնի սովորողները կարող են ստանալ հավելյալ ուսումնառություն՝ այլ հիմնական առարկայի (երկրորդ գործիք/ երգեցողություն) գծով:

11. «Ալտ», «Կոնտրաբաս», «Տուբա» երաժշտական գործիքների ուսուցումը նպատակահարմար է կազմակերպել բարձր դասարանների սովորողների համար, կամ 5-ամյա կրթության դեպքում՝ 12-13 տարեկան երեխաների ընդունելության կազմակերպման միջոցով:

Աղյուսակ 3

ԿԵՐՊԱՐՎԵՍՏ

	Առարկայի անվանումը	Ուսումնա-ռության տարի	7-ԱՄՅԱ ԿՐԹՈՒԹՅՈՒՆ			4-ԱՄՅԱ ԿՐԹՈՒԹՅՈՒՆ
			Շաբա-թական դասա-ժամերի քանակը	Ստուգարք	Քննություն	Շաբա-թական դասա-ժամերի քանակը	Ստուգարք	Քննություն
				Ըստ կիսամյակների			Ըստ կիսամյակների
1.	Կերպարվեստի հիմունքներ և նկարչություն	I	2	II
		II	2	II
		III	2	I,II
		IV
		V
		VI
		VII
2.	Կիրառական արվեստ	I	2	II
		II	2	II
		III	2	I,II
		IV
		V
		VI
		VII
3.	Ծեփագործություն	I	2	II
		II	2	II
		III	2	I,II
		IV
		V
		VI
		VII
4.	Գծանկար	I				3
		II				3	I,II
		III				4	I,II
		IV	3	I,II		4	I	II
		V	3	I,II
		VI	4	I,II
		VII	4	I	II
5.	Գունանկար	I				3
		II				3	I,II
		III				3	I,II
		IV	3	I,II		3	I	II
		V	3	I,II
		VI	3	I,II
		VII	3	I	II
6.	Կոմպոզիցիա (ստեղծագործական թեմատիկ նկարչություն) հաստոցային/կիրառական	I				2/1
		II				2/1	I,II
		III				2/1	I,II
		IV	2/1	I,II		2/1	I	II
		V	2/1	I,II
		VI	2/1	I,II
		VII	2/1	I	II
7.	Քանդակ կամ կիրառական արվեստ	I				2
		II				2	I,II
		III				1	I,II
		IV	2	I,II		1	I	II
		V	2	I,II
		VI	1	I,II
		VII	1	I	II
8.	Արվեստի պատմություն	I				1
		II				1
		III				1
		IV	1	I,II		1	II
		V	1	I,II
		VI	1	I,II
		VII	1	II

ԼՐԱՑՈՒՑԻՉ ՊԱՐԶԱԲԱՆՈՒՄՆԵՐ

1. Կերպարվեստի բաժնում ընդունելությունը կազմակերպվում է 6-9 տարեկան երեխաների համար՝ 7-ամյա կրթության դեպքում, իսկ 4-ամյա կրթության դեպքում՝ 10-12 տարեկան երեխաների համար:

2. Դպրոցի հայեցողությամբ «Կոմպոզիցիա» առարկայի ավարտական քննությունը կարող է կազմակերպվել հաստոցային կամ կիրառական ձևերից մեկով:

3. Խմբային պարապմունքների մեկ խմբում ընդգրկված սովորողների թվաքանակը սահմանվում է 6-12: Առանձին դեպքերում, փոքր համակազմ ունեցող Դպրոցում այն կարող է բաղկացած լինել` սկսած 3 սովորողից:

4. Ուսումնական պլանի դասաժամերից բացի, անհրաժեշտ է նախատեսել`

1) դասաժամեր համադպրոցական միջոցառումների նախապատրաստման համար՝ շաբաթական 0.25 դասաժամի հաշվարկով.

2) պլեներային աշխատանքի դասաժամեր՝ յուրաքանչյուր խմբի համար շաբաթական մինչև 1,5 դասաժամի հաշվարկով:

5. Ելնելով Դպրոցի շենքային պայմաններից, ֆինանսական և նյութատեխնիկական հագեցվածության հնարավորություններից՝ բարձր դասարաններում յուրաքանչյուր խմբի համար կարող է պլանավորվել շաբաթական 0.5-1 ժամ «Ընտրովի» առարկա: «Ընտրովի» առարկաներն են` հեռանկարչություն, անատոմիա, գրաֆիկա, համակարգչային գրաֆիկա:

Աղյուսակ 4

ՊԱՐԱՐՎԵՍՏ

	Առարկայի անվանումը	Ուսումնա-ռության տարի	7-ԱՄՅԱ ԿՐԹՈՒԹՅՈՒՆ			5-ԱՄՅԱ ԿՐԹՈՒԹՅՈՒՆ
			Շաբա-թական դասա-ժամերի քանակը	Ստուգարք	Քննություն	Շաբա-թական դասա-ժամերի քանակը	Ստուգարք	Քննություն
				Ըստ կիսամյակների			Ըստ կիսամյակների
1.	Դասական պար	I				4.5	II
		II				4.5	I,II
		III	4.5	I,II		4.5	I,II
		IV	4.5	I,II		4.5	I,II
		V	4.5	I,II		4.5	I	II
		VI	4.5	I,II
		VII	4.5	I	II
2.	Հայկական պար	I				2
		II				2	II
		III	2	I,II		2	I,II
		IV	2	I,II		2	I,II
		V	2	I,II		2	I	II
		VI	2	I,II
		VII	2	I	II
3.	Ժամանակակից պար	I
		II				1.5	II
		III				1.5	I,II
		IV	1.5	I,II		1.5	I,II
		V	1.5	I,II		1.5	I	II
		VI	1.5	I,II
		VII	1.5	I	II
4.	Պատմակենցաղային պար	I				2	I,II
		II
		III	2	I,II
		IV
		V
		VI
		VII
5.	Ժողովուրդներին բնորոշ բեմական պար	I
		II
		III				1.5	I,II
		IV				1.5	I,II
		V	1.5	I,II		1.5	I	II
		VI	1.5	I,II
		VII	1.5	I	II
6.	Ռիթմիկա և պար	I	4
		II	4	II
		III
		IV
		V
		VI
		VII
7.	Մարմնամարզություն	I	1.5			1	II
		II	2	II		1	II
		III	1	II		1	II
		IV	1	II		1	II
		V	1	II		1	II
		VI	1	II
		VII	1	II
8.	Երաժշտական գրագիտություն և ունկնդրում	I				0.5
		II				0.5
		III	0.5			0.5
		IV	0.5			0.5
		V	0.5			0.5	II
		VI	0.5
		VII	0.5	II
9.	Արվեստի պատմություն	I
		II				1	I,II
		III				1	I,II
		IV	1	I,II		1	I,II
		V	1	I,II		1	I,II
		VI	1	I,II
		VII	1	I,II

ԼՐԱՑՈՒՑԻՉ ՊԱՐԶԱԲԱՆՈՒՄՆԵՐ

1. Պարարվեստի բաժնում ընդունելությունը կազմակերպվում է 6-8 տարեկան երեխաների համար՝ 7-ամյա կրթության դեպքում, իսկ 5-ամյա կրթության դեպքում՝ 9-12 տարեկան երեխաների համար:

2. Բոլոր առարկաները ուսուցանվում են խմբային պարապմունքների եղանակով:

3. «Դասական պար», «Հայկական պար», «ժամանակակից պար», «Պատմակենցաղային պար», «ժողովուրդներին բնորոշ բեմական պար» առարկաների պարապմունքների մեկ խմբում ներգրավված սովորողների թվաքանակը սահմանվում է 8-12, իսկ «Ռիթմիկա և պար», «Մարմնամարզություն» /պարտեր/ առարկաների խմբերում՝ 10-16: Առանձին դեպքերում առարկաների ուսուցումը կարող է իրականացվել առանձնացված՝ տղաների և աղջիկների խմբերով (տղաների խմբում թվաքանակը թույլատրելի է` սկսած 4-ից):

4. Ուսումնական պլանի դասաժամերից բացի, անհրաժեշտ է նախատեսել`

1) դասաժամեր նախաելույթային փորձերի և միջոցառումների նախապատրաստման համար՝ շաբաթական 1 դասաժամի հաշվարկով.

2) դասաժամեր «Բեմական փորձառություն» առարկայի պարապմունքների համար՝ շաբաթական 2 դասաժամի հաշվարկով.

3) նվագակցության ժամեր՝ «Բեմական փորձառություն» և Աղյուսակ 4-ի 1-7-րդ կետերի առարկաների պարապմունքների համար՝ նշված դասաժամերին համապատասխան.

5. Ելնելով Դպրոցի շենքային պայմաններից, նյութատեխնիկական հագեցվածության և ֆինանսական հնարավորություններից՝ բարձր դասարաններում յուրաքանչյուր սովորողի կամ խմբի համար կարող է պլանավորվել շաբաթական 0.5-1 ժամ «Ընտրովի» առարկա: «Ընտրովի» առարկաներն են` երաժշտական գործիք, մեներգեցողություն (անհատական), ստեպ, դերասանի վարպետություն (խմբային):

Աղյուսակ 5

ԹԱՏԵՐԱՐՎԵՍՏ

	Առարկայի անվանումը	Ուսումնա-ռության տարի	7-ԱՄՅԱ ԿՐԹՈՒԹՅՈՒՆ			5-ԱՄՅԱ ԿՐԹՈՒԹՅՈՒՆ
			Շաբա-թական դասա-ժամերի քանակը	Ստուգարք	Քննություն	Շաբա-թական դասա-ժամերի քանակը	Ստուգարք	Քննություն
				Ըստ կիսամյակների			Ըստ կիսամյակների
1.	Դերասանի վարպետություն	I	2	II		2	II
		II	2	I,II		2	I,II
		III	2	I,II		2	I,II
		IV	2	I	II	3	I,II
		V	2	I,II		3	I	II
		VI	3	I,II
		VII	3	I	II
2.	Բեմական խոսք	I	1	II		1	II
		II	1	I,II		1.5	I,II
		III	1	I,II		1.5	I,II
		IV	1.5	I	II	1.5	I,II
		V	1.5	I,II		1.5	I	II
		VI	1.5	I,II
		VII	1.5	I	II
3.	Բեմական շարժում	I
		II				1
		III				1
		IV	1			1
		V	1			1
		VI	1
		VII	1
4.	Արվեստի պատմություն	I
		II				1	I,II
		III				1	I,II
		IV	1	I,II		1	I,II
		V	1	I,II		1	I,II
		VI	1	I,II
		VII	1	I,II
5.	Պար	I
		II				1	II
		III	1	II		1	II
		IV	1	I,II		1	II
		V	1	I,II		1	II
		VI	1	I,II
		VII	1	I,II
6.	Ռիթմիկա	I	1			1
		II	1
		III
		IV
		V
		VI
		VII
7.	Երաժշտության գրականություն և ունկնդրում	I				0.5
		II				0.5
		III	0.5			0.5
		IV	0.5			0.5
		V	0.5			0.5	II
		VI	0.5
		VII	0.5	II

ԼՐԱՑՈՒՑԻՉ ՊԱՐԶԱԲԱՆՈՒՄՆԵՐ

1. Թատերարվեստի բաժնում ընդունելությունը կազմակերպվում է 6-9 տարեկան երեխաների համար՝ 7-ամյա կրթության դեպքում, իսկ 5-ամյա կրթության դեպքում՝ 9-12 տարեկան երեխաների համար:

2. Բոլոր առարկաները ուսուցանվում են խմբային պարապմունքների եղանակով:

3. Խմբային պարապմունքների խմբերի սովորողների թվաքանակը սահմանվում է 6-12 սովորող, «Բեմական խոսք» առարկայի համար` մինչև 5 սովորող:

4. Ուսումնական պլանի դասաժամերից բացի, անհրաժեշտ է նախատեսել `

1) դասաժամեր նախաելույթային փորձերի և միջոցառումների նախապատրաստման համար՝ շաբաթական 1 դասաժամի հաշվարկով.

2) դասաժամեր «Բեմական փորձառություն» առարկայի պարապմունքների համար՝ շաբաթական 2 դասաժամի հաշվարկով.

3) Նվագակցողին հատկացվող ժամեր՝ շաբաթական առնվազն 0.25 ժամի չափով՝ «Ընտրովի» առարկայի համար (բացի դաշնամուր, ակորդեոն, դհոլ, կիթառ գործիքների):

5. Ելնելով Դպրոցի շենքային պայմաններից, նյութատեխնիկական հագեցվածության և ֆինանսական հնարավորություններից՝ յուրաքանչյուր սովորողի կամ խմբի համար կարող է պլանավորվել շաբաթական 0.5-1 ժամ «Ընտրովի» առարկա: «Ընտրովի» առարկաներն են` երաժշտական գործիք, մեներգեցողություն (անհատական), գեղարվեստական խոսք, տիկնիկային թատրոն, (խմբային) և այլն:

Պաշտոնական հրապարակման օրը՝ 17 օգոստոսի 2021 թվական: