Գլխավոր տեղեկություն
Номер
N 51
Տիպ
Քաղվածք
Тип
Исходный акт (30.12.2011-01.01.2022)
Статус
Գործողությունը դադարեցված է
Первоисточник
Չի հրապարակվել պաշտոնական պարբերականում
Принят
ՀՀ կառավարություն
Дата принятия
29.12.2011
Подписан
ՀՀ վարչապետ
Дата подписания
30.12.2011
Дата вступления в силу
30.12.2011
Ուժը կորցնելու ամսաթիվ
01.01.2022

Ք Ա Ղ Վ Ա Ծ Ք

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ

Ա Ր Ձ Ա Ն Ա Գ Ր ՈՒ Թ Յ ՈՒ Ն Ի Ց

 29 դեկտեմբերի 2011 թվականի N 51

67. «Սոցիալական փաթեթի բովանդակությունը, ծառայությունների ցանկը, ծառայությունները մատուցող կազմակերպությունների ցանկերը ԵՎ (կամ) չափորոշիչները հաստատելու մասին» Հայաստանի Հանրապետության կառավարության որոշման նախագծի բժշկական ապահովագրության ծառայության ապահովման ՄԱՍԻՆ

(անվավեր է ճանաչվել 21.10.21 N 1728-Ն որոշման 1-ին կետով)

 

«Սոցիալական փաթեթի բովանդակությունը, ծառայությունների ցանկը, ծառայությունները մատուցող կազմակերպությունների ցանկերը և (կամ) չափորոշիչները հաստատելու մասին» Հայաստանի Հանրապետության կառավարության որոշման նախագծի բժշկական ապահովագրության ծառայության ապահովման նպատակով`

1. Հայաստանի Հանրապետության ֆինանսների նախարար Վ. Գաբրիելյանին` կազմակերպել ապահովագրական ընկերությունների կողմից առաջարկվող միասնական փաթեթի ու լրացուցիչ առաջարկվող փաթեթների ստացումը և բոլոր շահագրգիռ մարմիններ դրանց առաքումը` մինչև 2012 թվականի փետրվարի 1-ը:

2. Առաջարկել Հայաստանի Հանրապետության կենտրոնական բանկի նախագահ Ա. Ջավադյանին յուրաքանչյուր եռամսյակը մեկ անգամ Հայաստանի Հանրապետության ֆինանսների նախարար Վ. Գաբրիելյանին տրամադրել տեղեկատվություն ապահովագրական փաթեթի բեռնվածության մասին:

3. Հայաստանի Հանրապետության ֆինանսների նախարար Վ. Գաբրիելյանին` ապահովագրական փաթեթի բեռնվածությունը 85 տոկոսը գերազանցելու դեպքում դրա մասին զեկուցել Հայաստանի Հանրապետության վարչապետին:

4. Բոլոր շահագրգիռ մարմինների ղեկավարներին` մինչև 2012 թվականի հունվարի 20-ը հստակեցնել իրենց համակարգերում սոցիալական փաթեթից օգտվողների ցուցակները՝ ըստ Հայաստանի Հանրապետության ֆինանսների նախարարություն ներկայացված թվերի:

5. Հայաստանի Հանրապետության ֆինանսների նախարար Վ. Գաբրիելյանին` համագործակցելով շահագրգիռ մարմինների հետ՝ մեկամսյա ժամկետում Հայաստանի Հանրապետության կառավարության քննարկմանը ներկայացնել սոցիալական փաթեթի բժշկական ապահովագրության բազային փաթեթի մեջ մտնող դեղերի ու բժշկական ծառայությունների գների մոնիթորինգ և կարգավորում իրականացնող միջգերատեսչական հանձնաժողովի գործունեության կարգը:

 

Հայաստանի Հանրապետության
վարչապետ

 Տ. Սարգսյան

 

2011 թ. դեկտեմբերի 30

Երևան

 

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան