«Գրանցված է»
ՀՀ արդարադատության
նախարարության կողմից
26 մայիսի 2017 թ.
Պետական գրանցման թիվ 10017212
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌՈՂՋԱՊԱՀՈՒԹՅԱՆ ՆԱԽԱՐԱՐ
|
17 մայիսի 2017թ. |
N 25-Ն |
Հ Ր Ա Մ Ա Ն
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՊԱՏՇԱՃ ԿԼԻՆԻԿԱԿԱՆ ԳՈՐԾՈՒՆԵՈՒԹՅԱՆ ԿԱՆՈՆՆԵՐԸ ՀԱՍՏԱՏԵԼՈՒ ՄԱՍԻՆ
Հիմք ընդունելով Հայաստանի Հանրապետության «Դեղերի մասին» օրենքի 14-րդ հոդվածի առաջին մասը`
Հրամայում եմ`
1. Սահմանել, որ Հայաստանի Հանրապետությունում կլինիկական փորձարկումներն իրականացվում են Եվրոպական պառլամենտի և Խորհրդի 2001 թվականի ապրիլի 4-ի N 2001/20/EC և Եվրոպական հանձնաժողովի 2005 թվականի ապրիլի 8-ի N 2005/28/EC դիրեկտիվների համաձայն հաստատված «Պատշաճ կլինիկական գործունեության ուղեցույցի» կամ դեղերի գրանցման տեխնիկական պահանջների ներդաշնակեցման միջազգային համաժողովի կողմից ընդունված «Պատշաճ կլինիկական գործունեության ուղեցույցների» կամ Եվրասիական տնտեսական միության հանձնաժողովի Խորհրդի 2016 թ. նոյեմբերի 3-ի N 79 որոշմամբ հաստատված «Եվրասիական տնտեսական միության պատշաճ կլինիկական գործունեության կանոնների» համաձայն:
2. Սույն հրամանը ուժի մեջ մտնելու հաջորդ օրը «Պատշաճ կլինիկական գործունեության ուղեցույցները» և «Եվրասիական տնտեսական միության պատշաճ կլինիկական գործունեության կանոնները» տեղադրել Հայաստանի Հանրապետության առողջապահության նախարարության պաշտոնական ինտերնետային կայքում (www.moh.am):
|
Նախարարի պաշտոնակատար |
Լ. Ալթունյան |