«Գրանցված է»

ՀՀ արդարադատության

նախարարության կողմից

1 հունիսի 2017 թ.

Պետական գրանցման թիվ 11817227

Ղեկավարվելով «Գնումների մասին» Հայաստանի Հանրապետության օրենքի 16-րդ հոդվածի 2-րդ մասի 9-րդ կետով,

1. Հաստատել պետական բյուջեի, ինչպես նաև Հայաստանի Հանրապետության կառավարության 2017 թվականի ապրիլի 13-ի N 390-Ն որոշմամբ հաստատված N 3 հավելվածի 7-րդ կետով նշված միջոցների հաշվին կատարվելիք գնումների պլանում փոփոխություններ և լրացումներ կատարելու մասին ծանուցման օրինակելի ձևը` համաձայն հավելված N 1-ի և դրա լրացման կարգը` համաձայն հավելված N 2-ի:

2. Սահմանել, որ սույն հրամանի 1-ին կետում նշված ծանուցման վերաբերյալ Հայաստանի Հանրապետության ֆինանսների նախարարության դիրքորոշումը ներկայացվում է ծանուցումը ստանալու օրվան հաջորդող յոթ աշխատանքային օրվա ընթացքում:

3. Ուժը կորցրած ճանաչել Հայաստանի Հանրապետության ֆինանսների նախարարի 2013 թվականի հոկտեմբերի 10-ի «Գնումների պլանի ձևը, լրացման կարգը, գնումների միասնական անվանացանկի բացվածքը` ըստ թվային ծածկագրի յուրաքանչյուր բաժնի խմբերի, դասերի և դասակարգիչների, գնումների պլանում փոփոխությունների և լրացումների մասին ծանուցման օրինակելի ձևը հաստատելու, Հայաստանի Հանրապետության ֆինանսների նախարարի 2013 թվականի օգոստոսի 6-ի N 673-Ն հրամանում փոփոխություն կատարելու, Հայաստանի Հանրապետության ֆինանսների նախարարի 2013 թվականի հունիսի 14-ի N 485-Ն հրամանը ուժը կորցրած ճանաչելու մասին» N 896-Ն հրամանը:

4. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

1. Սույն կարգով կարգավորվում են սույն հրամանի 1-ին կետով հաստատված ծանուցման լրացման հետ կապված հարաբերությունները:

2. Սույն հրամանի 1-ին կետով նախատեսված ծանուցումը (այսուհետ` ծանուցում) պատվիրատուի կողմից լրացվում է հետևյալ կերպ.

1) գործող գնումների պլանում փոփոխություն կատարվելու դեպքում լրացվում է ծանուցման «Ա» մասը՝ հետևյալ կերպ.

ծանուցման

ա. 1-ին և 2-րդ սյունակներում լրացվում են Հայաստանի Հանրապետության կառավարության 2017 թվականի ապրիլի 13-ի N 390-Ն որոշման N 1 հավելվածով հաստատված գնումների միասնական անվանացանկով (այսուհետ` անվանացանկ) սահմանված միջանցիկ ծածկագիրն ու գնման առարկայի անվանումը` անվանացանկի 4-րդ մակարդակին համապատասխան,

բ. 3-րդ, 4-րդ, 5-րդ և 18-րդ սյունակներում լրացվում են փոփոխության ենթարկվող գնման առարկայի՝ գործող գնումների պլանով հաստատված համապատասխան տվյալները,

գ. 6-րդ, 7-րդ սյունակներում լրացվում են տվյալ գնման առարկայի շրջանակներում առկա կնքված պայմանագրի /պայմանագրերի/ համապատասխան տվյալները: Եթե այդ գնման առարկայի մասով առկա չէ կնքված պայմանագիր /պայմանագրեր/, ապա այդ սյունակը չի լրացվում,

դ. 8-րդ սյունակում լրացվում է տվյալ գնման առարկայի շրջանակներում առկա կնքված պայմանագրերի ընդհանուր գումարը` հազար դրամներով /(u.7xu.6)/1000/: Եթե այդ գնման առարկայի մասով առկա չէ կնքված պայմանագիր /պայմանագրեր/, ապա այդ սյունակը չի լրացվում,

ե. 9-րդ սյունակում նշվում է 5-րդ և 8-րդ սյունակներում նշված գումարների տարբերությունը /u.5-u.8/,

զ. 10-րդ սյունակում նշվում է տվյալ գնման առարկայի շրջանակներում փոփոխվող քանակը, ընդ որում ավելացումը նշվում է դրական նշանով, իսկ նվազեցումը՝ բացասական նշանով: Եթե տվյալ գնման առարկայի չափման միավորը նշված է «դրամ», ապա ծանուցման 10-րդ սյունակը չի լրացվում, բացառությամբ այն դեպքերի, երբ նվազեցվում է գնման առարկայի ամբողջ գումարը,

է. 11-րդ սյունակում նշվում է տվյալ գնման առարկայի շրջանակներում փոփոխվող քանակի /10-րդ սյունակում նշված քանակի/ մեկ միավորի գինը դրամներով` դրական նշանով, ընդ որում, եթե տվյալ գնման առարկայի չափման միավորը նշված է «դրամ», ապա ծանուցման 11-րդ սյունակը չի լրացվում, բացառությամբ այն դեպքերի, երբ նվազեցվում է գնման առարկայի ամբողջ գումարը,

ը. 12-րդ սյունակում նշվում է տվյալ գնման առարկայի շրջանակներում փոփոխվող ընդհանուր գումարը հազար դրամներով /(u.11xu.10)/1000/: Ընդ որում, այն դեպքում, երբ գնման առարկայի չափման միավորը նշված է «դրամ» և 10-րդ ու 11-րդ սյունակները չեն լրացվում, ապա 12-րդ սյունակում ավելացումը նշվում է դրական նշանով, իսկ նվազեցումը՝ բացասական նշանով,

թ. 13-րդ սյունակում նշվում է 4-րդ և 10-րդ սյունակներում նշված թվերի գումարը /u.4+u.10/,

ժ. 14-րդ սյունակում նշվում է 5-րդ և 12-րդ սյունակների գումարը /u.5+u.12/,

ժա. 15-րդ և 16-րդ սյունակներում նշվում են տվյալ գնման առարկայի մասով բյուջետային ծախսերի տնտեսագիտական դասակարգման համապատասխան հոդվածի անվանումը և համարը,

ժբ. 17-րդ սյունակում նշվում է 12-րդ սյունակում նշված տեղեկատվությունը /u.17=u.12/,

ժգ. եթե ծանուցմամբ նախատեսվում է փոխել նաև գնման ձևը (ընթացակարգը), ապա 18-րդ սյունակում նշվում է գնման նոր ձևը (ընթացակարգը)` պահպանելով ՀՀ կառավարության 13.04.2017թ. N 390-Ն որոշմամբ հաստատված կարգի 2-րդ կետի 2-րդ ենթակետով սահմանված սկզբունքը.

2) գործող գնումների պլանում չներառված՝ նոր գնման առարկա ավելացնելու դեպքում լրացվում է ծանուցման «Բ» մասը՝ հետևյալ կերպ.

ծանուցման

ա. 1-ին, 2-րդ և 3-րդ սյունակներում նշվում են նոր լրացվող գնման առարկայի միջանցիկ ծածկագիրը, անվանումը և համապատասխան չափման միավորը: Ընդ որում 1-ին, 2-րդ, 3-րդ սյունակները լրացվում են պահպանելով սույն կարգի 3-րդ և 5-րդ կետերով սահմանված սկզբունքները,

բ. 4-ից 9-րդ սյունակները չեն լրացվում,

գ. 10-րդ, 11-րդ և 12-րդ սյունակներում համապատասխանաբար լրացվում են տվյալ գնման առարկայի քանակը, միավորի գինը (դրամներով) և ընդհանուր գումարը (հազար դրամներով),

դ. 13-րդ սյունակում լրացվում է 10-րդ սյունակում նշված տեղեկատվությունը,

ե. 14-րդ սյունակում լրացվում է 12-րդ սյունակում նշված տեղեկատվությունը,

զ. 15-րդ և 16-րդ սյունակներում նշվում են տվյալ գնման առարկայի մասով բյուջետային ծախսերի տնտեսագիտական դասակարգման համապատասխան հոդվածի անվանումը և համարը,

է. 17-րդ սյունակում նշվում է 12-րդ սյունակում նշված տեղեկատվությունը,

ը. 18-րդ սյունակում լրացվում է գնման ձևը` /ընթացակարգը/ պահպանելով սույն կարգի 4-րդ կետում նշված սկզբունքը.

3) ծանուցման «Ամբողջը» և «Ընդամենը» տողերում լրացվում են միայն 5-րդ, 8-րդ, 9-րդ, 12-րդ, 14-րդ և 17-րդ սյունակները: Ընդ որում, «Ամբողջը» տողի 5-րդ, 8-րդ, 9-րդ, 12-րդ, 14-րդ և 17-րդ սյունակներում նշվում են «Ընդամենը» տողերի համապատասխան սյունակներում նշված թվերի հանրագումարները, իսկ «Ընդամենը» տողերի 5-րդ, 8-րդ, 9-րդ, 12-րդ, 14-րդ և 17-րդ սյունակներում նշվում են ծանուցման համապատասխան /«Ա»,«Բ»/ մասի համապատասխան սյունակներում նշված թվերի հանրագումարները.

4) եթե գնումներ հանդիսացող բյուջետային ծախսերի տնտեսագիտական դասակարգման հոդվածով նախատեսված միջոցները կամ դրանց մի մասը ուղղվում են նույն հոդվածի շրջանակներում գնումներ չհանդիսացող ծախսերին, ապա կատարվող փոփոխությունները նշվում են ծանուցման համապատասխանաբար «Ա» և «Բ» մասերում` պահպանելով սույն կարգով սահմանված ծանուցագրի լրացման սկզբունքները: Ընդ որում, 1-ին և 2-րդ սյունակներում միջանցիկ ծածկագիրն ու գնման առարկայի անվանումը լրացնելով անվանացանկի «Գնումներ չհանդիսացող ծախսեր» 1-ին մակարդակի համապատասխան 4-րդ մակարդակում նշված անվանումը և դրան համապատասխան միջանցիկ ծածկագիրը: