«Գրանցված է»

ՀՀ արդարադատության

նախարարության կողմից
22 նոյեմբերի 2016 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2009 ԹՎԱԿԱՆԻ ԴԵԿՏԵՄԲԵՐԻ 22-Ի N 25-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հիմք ընդունելով «Իրավական ակտերի մասին» Հայաստանի Հանրապետության օրենքի 70-րդ հոդվածի 2-րդ մասի 1-ին կետը, 3-րդ մասը և ղեկավարվելով Հայաստանի Հանրապետության կառավարության 2002 թվականի օգոստոսի 15-ի N 1300-Ն որոշման հավելված 1-ով հաստատված Հայաստանի Հանրապետության առողջապահության նախարարության կանոնադրության 12-րդ կետի «դ» ենթակետով,

Հրամայում եմ`

1. Հայաստանի Հանրապետության առողջապահության նախարարի 2009 թվականի դեկտեմբերի 22-ի «Բնակավայրերի տարածքների սանիտարական պահպանմանը, սպառման թափոնների հավաքմանը, պահմանը, փոխադրմանը, մշակմանը, վերամշակմանը, օգտահանմանը, վնասազերծմանը և թաղմանը, բնակավայրերի տարածքների սանիտարական պահպանման, սպառման թափոնների գործածության ոլորտում աշխատանքներ իրականացնող անձնակազմի աշխատանքային անվտանգությանը ներկայացվող հիգիենիկ պահանջներ» N 2.1.7.002-09 սանիտարական կանոնները և նորմերը հաստատելու մասին» N 25-Ն հրամանի հավելվածում (այսուհետ` Հավելված) կատարել հետևյալ փոփոխությունները և լրացումը.

1) Հավելվածի 8-րդ կետում «տարածքային կառավարման մարմինների կողմից «Թափոնների մասին» Հայաստանի Հանրապետության օրենքի, հոդված 10-ով» բառերը փոխարինել «Աղբահանության և սանիտարական մաքրման մասին» Հայաստանի Հանրապետության օրենքով սահմանված օպերատորի կողմից» բառերով:

2) Հավելվածի 10-րդ կետում`

ա. «հարթակների» բառը փոխարինել «կոշտ պատվածքով տարածքների» բառերով, իսկ «հարթակը» բառը փոխարինել «կոշտ պատվածքով տարածք» բառերով,

բ. հանել «մայթերի» բառը,

3) Հավելվածի 11-րդ կետում լրացնել նոր պարբերություն` հետևյալ բովանդակությամբ.

«Փակ վիճակում պահվող կափարիչներով կոնտեյներների կոշտ պատվածքով տարածքը կարող է երեք կողմից պատնեշ կամ մետաղյա դեկորատիվ ցանկապատ չունենալ: Կոնտեյների կափարիչին փակցվում է հրահանգ (բացատրություն և նկար)` կափարիչը փակելու և բացելու վերաբերյալ պարզաբանմամբ:»:

Լ. Ալթունյան