«Գրանցված է»

ՀՀ արդարադատության

նախարարության կողմից

7 հուլիսի 2016 թ.

Պետական գրանցման թիվ 11216242

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Հայաստանի Հանրապետության կառավարության 2004 թվականի ապրիլի 29-ի թիվ 806-Ն որոշմամբ հաստատված հավելվածի 15-րդ կետի «իբ» ենթակետի համաձայն.

Հրամայում եմ`

1. Հիմնել`

1) Հայաստանի Հանրապետության կառավարությանն առընթեր Հայաստանի Հանրապետության ոստիկանության մեդալներ`

ա. «Սխրագործության համար»,

բ. «Իրավակարգի ամրապնդման համար»,

գ. «Մարտական զորակցություն»,

դ. «Օրենքի պատվար»,

ե. «Համագործակցության ամրապնդման համար»,

զ. «Ոստիկանությունում երկարամյա ծառայության համար» 1-ին աստիճանի,

է. «Ոստիկանությունում երկարամյա ծառայության համար» 2-րդ աստիճանի,

ը. «Ոստիկանությունում երկարամյա ծառայության համար» 3-րդ աստիճանի,

2) Հայաստանի Հանրապետության կառավարությանն առընթեր Հայաստանի Հանրապետության ոստիկանության կրծքանշաններ`

ա. «Հայաստանի Հանրապետության ոստիկանության պատվավոր ծառայող»,

բ. «Ոստիկանությունում գերազանց ծառայության համար»,

գ. «Ոստիկանության զորքերում գերազանց ծառայության համար» 1-ին աստիճանի,

դ. «Ոստիկանության զորքերում գերազանց ծառայության համար» 2-րդ աստիճանի,

3) «Հայաստանի Հանրապետության ոստիկանության պատվավոր ծառայող» պատվավոր կոչում,

4) Հայաստանի Հանրապետության կառավարությանն առընթեր Հայաստանի Հանրապետության ոստիկանության պատվոգիր:

2. Հաստատել`

1) Հայաստանի Հանրապետության կառավարությանն առընթեր Հայաստանի Հանրապետության ոստիկանության մեդալների, կրծքանշանների ձևերը և նկարագրերը, Հայաստանի Հանրապետության կառավարությանն առընթեր Հայաստանի Հանրապետության ոստիկանության պատվոգրի ձևը` համաձայն հավելվածի:

3. Հայաստանի Հանրապետության կառավարությանն առընթեր Հայաստանի Հանրապետության ոստիկանության (այսուհետ` Հայաստանի Հանրապետության ոստիկանություն) տնտեսական վարչության պետին` Հայաստանի Հանրապետության ոստիկանության կադրերի վարչության կողմից ներկայացված հայտերի հիման վրա կազմակերպել Հայաստանի Հանրապետության ոստիկանության մեդալների, կրծքանշանների, դրանց հետ տրվող շերտաձողիկների և վկայականների, պատվոգրի և դրանց կազմերի պատվիրումն ու պատրաստումը:

4. Հայաստանի Հանրապետության ոստիկանության ֆինանսաբյուջետային վարչության պետին` Հայաստանի Հանրապետության ոստիկանության տնտեսական վարչության կողմից ներկայացված հայտի հիման վրա տրամադրել անհրաժեշտ ֆինանսական միջոցներ:

5. Հրամանը ուժի մեջ է մտնում պաշտոնական հրապարակման օրվան հաջորդող տասներորդ օրը:

Գեներալ-լեյտենանտ

Վ. Գասպարյան

ՀԱՎԵԼՎԱԾ ՀՀ ոստիկանության պետի 2016 թվականի հունիսի 28-ի թիվ 11-Ն հրամանի

Ձև 1

«ՍԽՐԱԳՈՐԾՈՒԹՅԱՆ ՀԱՄԱՐ» ՄԵԴԱԼ

1. «Սխրագործության համար» մեդալը բաղկացած է երկու մասից` կախիչից և դրան կապօղակով ամրացված սկավառակից:

2. Կախիչը պատրաստվում է թեթև մետաղից և ունի հնգանիստ բազմանկյան ձև, որը պաստառապատված է կարմիր գույնի մետաքսյա 24 մմ լայնություն ունեցող ժապավենով: Ժապավենի աջ եզրից 4 մմ դեպի կենտրոն վերից-վար անցնում է 4 մմ լայնություն ունեցող մուգ մոխրագույն շերտագիծ:

3. Կախիչի աջ և ձախ կողմերի բարձրությունները նույնն են` 39 մմ: Կախիչի վերին մասի երկարությունը 27 մմ է, ներքևինը` 47 մմ, լայնությունը` 1 մմ: Կախիչի վերին մասի երկարության կենտրոնից մինչև ներքին գագաթը` վերից-վար 50 մմ է: Կախիչի հակառակ երեսում ամրացված է գնդասեղ` հագուստին ամրացնելու համար:

4. Սկավառակը պատրաստվում է արծաթափայլ մետաղից, որի տրամագիծը 32 մմ է, հաստությունը` 3 մմ:

5. Սկավառակի դիմերեսին ցայտորեն պատկերվում են խաչվող ուղղանկյուններ: Ուղղանկյունների խաչման դրսի չորս անկյուններից դեպի շրջանագիծը ուղղվում են լայնացող ճառագայթներ: Ուղղանկյունների խաչման մակերեսում պատկերված է ոսկեփայլ մետաղից պատրաստված` սուր և վահան ցայտաքանդակ:

6. Սկավառակի հակառակ երեսի կենտրոնում երկու տողով, ուռուցիկ տառերով գրված է «ՍԽՐԱԳՈՐԾՈՒԹՅԱՆ ՀԱՄԱՐ» բառերը: Տողերի տակ կա ուղղանկյուն շերտիկ, որի վրա փորագրվում է մեդալի հերթական համարը: Շրջանագծին զուգահեռ ուռուցիկ տառերով գրված է «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆ» բառերը:

7. Սկավառակի հակառակ երեսի հիմնամասը հեծանածածկված է: Սկավառակը եզրապատված է 1 մմ լայնություն ունեցող կողային շերտով:

8. Մեդալի շերտաձողիկի չափերն են` 24x12 մմ: Շերտաձողիկը պաստառապատված է կարմիր գույնի մետաքսյա ժապավենով, որի աջ եզրագծից 4 մմ դեպի կենտրոն անցնում է 4 մմ լայնությամբ մուգ մոխրագույն շերտագիծ:

Ձև 2

«ԻՐԱՎԱԿԱՐԳԻ ԱՄՐԱՊՆԴՄԱՆ ՀԱՄԱՐ» ՄԵԴԱԼ

1. «Իրավակարգի ամրապնդման համար» մեդալը բաղկացած է երկու մասից` կախիչից և դրան կապօղակով ամրացված սկավառակից:

2. Կախիչը պատրաստվում է թեթև մետաղից և ունի հնգանիստ բազմանկյան ձև, որը պաստառապատված է մուգ մոխրագույն մետաքսյա 24 մմ լայնություն ունեցող ժապավենով: Ժապավենի աջ կողմը վերից-վար ամփոփված է կարմիր, կապույտ և նարնջագույն երանգներով 6 մմ լայնություն ունեցող եռագույն ժապավենով:

3. Կախիչի աջ և ձախ կողմերի բարձրությունները նույնն են` 39 մմ: Կախիչի վերևի մասի երկարությունը 27 մմ է, ներքևինը` 47 մմ, լայնությունը` 1 մմ: Կախիչի վերին մասի երկարության կենտրոնից մինչև ներքին գագաթը` վերից-վար 50 մմ է: Կախիչի հակառակ երեսում ամրացված է գնդասեղ` հագուստին ամրացնելու համար:

4. Սկավառակը պատրաստվում է ոսկեպղինձ (томпак) մետաղից, որի տրամագիծը 32 մմ է, հաստությունը` 3 մմ:

5. Սկավառակի դիմերեսին պատկերված է Հայաստանի առաջին հանրապետության ներքին գործերի նախարար Արամ Հարությունի Մանուկյանի դիմապատկերով ցայտաքանդակ` փայլեցված ողորկ մակերեսով:

6. Սկավառակն ունի 3 մմ լայնությամբ եզրաժապավեն, որի վերին գոգավորության մասում ուռուցիկ տառերով գրված է «ԱՐԱՄ ՄԱՆՈՒԿՅԱՆ» բառերը, իսկ ներքևի մասում` «1918» թիվը:

7. Սկավառակի հակառակ երեսի կենտրոնական մասում հորիզոնական երեք տողով, ուռուցիկ տառերով գրված է «ԻՐԱՎԱԿԱՐԳԻ ԱՄՐԱՊՆԴՄԱՆ ՀԱՄԱՐ» բառերը, որոնց տակ կա ուղղանկյուն շերտ: Շերտի վրա փորագրվում է մեդալի հերթական համարը: Սկավառակի հակառակ կողմն ունի 3մմ լայնություն ունեցող եզրաժապավեն, որի վրա շրջանագծին զուգահեռ, ուռուցիկ տառերով գրվում է «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆ» բառերը:

8. Սկավառակի հակառակ երեսի հիմնամասը հեծանածածկված է:

9. Սկավառակը եզրապատված է 1 մմ լայնություն ունեցող կողային շերտով:

10. Մեդալի շերտաձողիկի չափերն են` 24x12 մմ: Շերտաձողիկը պաստառապատվում է մուգ մոխրագույն մետաքսյա ժապավենով, որի աջ մասը երանգավորված է` կարմիր, կապույտ և նարնջագույն գույներով, 6 մմ լայնություն ունեցող եռագույն ժապավենով:

Ձև 3

«ՄԱՐՏԱԿԱՆ ԶՈՐԱԿՑՈՒԹՅՈՒՆ» ՄԵԴԱԼ

1. «Մարտական զորակցություն» մեդալը բաղկացած է երկու մասից` կախիչից և դրան կապօղակով ամրացված սկավառակից:

2. Կախիչը պատրաստվում է թեթև մետաղից և ունի հնգանիստ բազմանկյան ձև, որը պաստառապատված է 24 մմ լայնություն ունեցող մուգ կարմիր գույնի մետաքսյա ժապավենով: Ժապավենի երկու եզրերից անցնում է 2 մմ լայնություն ունեցող մուգ կապույտ շերտագիծ: Կախիչի աջ և ձախ կողմերի բարձրությունները նույնն են` 39 մմ: Կախիչի վերին մասի երկարությունը 27 մմ է, ներքևինը` 47 մմ, լայնությունը` 1 մմ: Կախիչի վերին մասի երկարության կենտրոնից մինչև ներքին գագաթը` վերից-վար 50 մմ է: Կախիչի հակառակ երեսում ամրացված է գնդասեղ` հագուստին ամրացնելու համար:

3. Սկավառակը պատրաստվում է մելքիոր մետաղից, որի տրամագիծը 32 մմ է, հաստությունը` 3 մմ:

4. Սկավառակի դիմերեսը բաղկացած է 1 մմ լայնությամբ շրջանակից և շրջանագծից: Սկավառակի դիմերեսին պատկերված է ոսկեփայլ մետաղից պատրաստված երկու ձեռքով բռնած սուր ցայտաքանդակ, դիմերեսի հիմնամասը հեծանածածկված է: Սկավառակն ունի 4 մմ լայնությամբ եզրաժապավեն, որի վերին մասում ուռուցիկ տառերով գրված է «ՄԱՐՏԱԿԱՆ ԶՈՐԱԿՑՈՒԹՅՈՒՆ» բառերը: Սկավառակի ներքևի մասում տեղադրված է ոսկեգույն հավերժության նշան ցայտաքանդակ:

5. Սկավառակի հակառակ երեսի կենտրոնում երեք տողով, ուռուցիկ տառերով գրված է «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆ» բառերը: Սկավառակի կենտրոնից աջ և ձախ կողմերից շրջանագծով պատկերված են հավերժության նշաններ: Շրջանագծի վերևի և ներքևի հատվածներում ուռուցիկ տառերով գրված է «ЗА БОЕВОЕ СОДРУЖЕСТВО» և «FOR COMBAT COMMONWEALTH»:

6. Սկավառակը եզրապատված է 1 մմ լայնություն ունեցող կողային շերտով:

7. Մեդալի շերտաձողիկի չափերն են` 24x12 մմ: Շերտաձողիկը պաստառապատված է մուգ կարմիր գույնի մետաքսյա ժապավենով, որի երկու եզրերից անցնում է 2 մմ լայնություն ունեցող մուգ կապույտ շերտագիծ:

Ձև 4

«ՕՐԵՆՔԻ ՊԱՏՎԱՐ» ՄԵԴԱԼ

1. «Օրենքի պատվար» մեդալը բաղկացած է երկու մասից` կախիչից և դրան կապօղակով ամրացված սկավառակից:

2. Կախիչը պատրաստվում է թեթև մետաղից և ունի հնգանիստ բազմանկյան ձև, որը պաստառապատված է 24 մմ լայնություն ունեցող մուգ կապույտ գույնի մետաքսյա ժապավենով: Ժապավենի երկու եզրերից անցնում է 2 մմ լայնություն ունեցող մուգ կարմիր շերտագիծ: Կախիչի աջ և ձախ կողմերի բարձրությունները նույնն են` 39 մմ: Կախիչի վերին մասի երկարությունը 27 մմ է, ներքևինը` 47 մմ, լայնությունը` 1 մմ: Կախիչի վերին մասի երկարության կենտրոնից մինչև ներքին գագաթը` վերից-վար 50 մմ է: Կախիչի հակառակ երեսում ամրացված է գնդասեղ` հագուստին ամրացնելու համար:

3. Սկավառակը պատրաստվում է արծաթափայլ ոսկեպղինձ (томпак) մետաղից, որի տրամագիծը 32 մմ է, հաստությունը` 3 մմ:

4. Սկավառակի դիմերեսը բաղկացած է 1 մմ լայնությամբ շրջանակից և վերին կետում հատվող երկու ընդհանուր կենտրոն չունեցող շրջանագծերից: Փոքր շրջանակը մեծի մակերեսի մեջ փոսընկած է 0.5 մմ խորությամբ և հեծանածածկված է:

5. Սկավառակի դիմերեսին փոքր շրջանագծի սահմաններում պատկերված է ոսկեփայլ մետաղից պատրաստված սուր և վահան ցայտաքանդակ: Վահանի երկու կողմերից պատկերված են ցորենի հասկեր, իսկ վահանի կենտրոնով պատկերված է Հայաստանի Հանրապետության զինանշանը: Վահանի տակ պատկերված է գիրք «ՕՐԵՆՔ» բառով: Վահանի կենտրոնից դեպի երկու կողմ փորագրված են ոսկեփայլ կշեռքի թաթեր: Մեծ շրջանագծի ներքևի մասում տեղադրված է ոսկեգույն բառերով «ՕՐԵՆՔԻ ՊԱՏՎԱՐ» ցայտաքանդակ, որի սկզբում և վերջում պատկերված է հավերժության նշանը:

6. Սկավառակի հակառակ երեսի կենտրոնում երեք տողով, ուռուցիկ տառերով գրվում է «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆ» բառերը: Սկավառակի շրջանագծի ներքևի մասում տեղադրված է «LEX EST LEX» ցայտաքանդակ:

7. Սկավառակը եզրապատված է 1 մմ լայնություն ունեցող կողային շերտով:

8. Մեդալի շերտաձողիկի չափերն են` 24x12 մմ: Շերտաձողիկը պաստառապատվում է մուգ կապույտ գույնի մետաքսյա ժապավենով, որի երկու եզրերից անցնում է 2 մմ լայնություն ունեցող մուգ կարմիր շերտագիծ:

Ձև 5

«ՀԱՄԱԳՈՐԾԱԿՑՈՒԹՅԱՆ ԱՄՐԱՊՆԴՄԱՆ ՀԱՄԱՐ» ՄԵԴԱԼ

1. «Համագործակցության ամրապնդման համար» մեդալը բաղկացած է երկու մասից` կախիչից և դրան կապօղակով ամրացված բազմածայր աստղից:

2. Կախիչը պատրաստվում է թեթև մետաղից և ունի հնգանիստ բազմանկյան ձև, որը պաստառապատվում է մոխրագույն մետաքսյա 24 մմ լայնություն ունեցող ժապավենով, որի կենտրոնով վերից-վար անցնում է 4 մմ լայնություն ունեցող դեղին գույնի շերտագիծ:

3. Կախիչի աջ և ձախ կողմերի բարձրությունները նույնն են` 39 մմ: Կախիչի վերին մասի երկարությունը 27 մմ է, ներքևինը` 47 մմ, լայնությունը` 1 մմ: Կախիչի վերին մասի երկարության կենտրոնից մինչև ներքին գագաթը` վերից-վար 50 մմ է: Կախիչի հակառակ երեսում ամրացված է գնդասեղ` հագուստին ամրացնելու համար:

4. Աստղը պատրաստված է արծաթափայլ մետաղից` որի մեծ տրամագիծն է` 48 մմ, փոքր տրամագիծը` 45 մմ: Աստղի դիմերեսի հիմնամասում ներգծված է 29 մմ տրամագծով շրջանագիծ: Շրջանագծի կենտրոնում պատկերված է` սուր և վահան ցայտաքանդակ: Շրջանագծին զուգահեռ ուռուցիկ տառերով գրվում է «ՀԱՄԱԳՈՐԾԱԿՑՈՒԹՅԱՆ ԱՄՐԱՊՆԴՄԱՆ ՀԱՄԱՐ» բառերը:

5. Աստղի հակառակ երեսի վրա ներգծված է 32 մմ տրամագծով ուռուցիկ շրջանագիծ: Շրջանագծի ներսում, շրջանագծին զուգահեռ ուռուցիկ տառերով գրվում է «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆ» բառերը: Շրջանի կենտրոնական մասում, հորիզոնական տողերով, ռուսերեն և անգլերեն լեզուներով, ուռուցիկ տառերով գրվում է «ЗА УКРЕПЛЕНИЕ СОТРУДНИЧЕСТВА» և «FOR ENFORSEMENT OF COOPERATION» բառերը:

6. Շրջանի ներքին մասում առկա է ուղղանկյուն շերտ, որի վրա փորագրվում է մեդալի հերթական համարը:

7. Մեդալի շերտաձողիկի չափերն են` 24x12 մմ: Շերտաձողիկը պաստառապատվում է մորեգույն մետաքսյա ժապավենով, որի կենտրոնով վերից-վար անցնում է 4 մմ լայնություն ունեցող դեղին գույնի շերտագիծ:

Ձև 6

«ՈՍՏԻԿԱՆՈՒԹՅՈՒՆՈՒՄ ԵՐԿԱՐԱՄՅԱ ԾԱՌԱՅՈՒԹՅԱՆ ՀԱՄԱՐ» ՄԵԴԱԼ

1. «Ոստիկանությունում երկարամյա ծառայության համար» մեդալը բաղկացած է երկու մասից` կախիչից և դրան կապօղակով ամրացված սկավառակից:

2. Կախիչը պատրաստվում է թեթև մետաղից և ունի հնգանիստ բազմանկյան ձև, որը պաստառապատված է 24 մմ լայնություն ունեցող կարմիր գույնի մետաքսյա ժապավենով: Ժապավենի եզրերն ամփոփված են 2 մմ լայնություն ունեցող կանաչ գույնի շերտագծով: Ժապավենի կենտրոնով, վերից-վար անցնում է 3 մմ լայնություն ունեցող դեղին գույնի շերտագիծ` 1-ին աստիճանի մեդալի դեպքում` մեկ շերտագիծ, 2-րդ աստիճանի մեդալի դեպքում` երկու շերտագիծ, 3-րդ աստիճանի մեդալի դեպքում` երեք շերտագիծ:

3. Կախիչի աջ և ձախ կողմերի բարձրությունները նույնն են` 39 մմ: Կախիչի վերևի մասի երկարությունը 27 մմ է, ներքևինը` 47 մմ, լայնությունը` 1 մմ: Կախիչի վերին մասի երկարության կենտրոնից մինչև ներքին գագաթը` վերից-վար 50 մմ է: Կախիչի հակառակ երեսում ամրացված է գնդասեղ` հագուստին ամրացնելու համար:

4. Սկավառակի տրամագիծը 32 մմ է, հաստությունը` 3 մմ:

5. 1-ին աստիճանի մեդալի սկավառակը պատրաստվում է ոսկեփայլ մետաղից:

6. 2-րդ և 3-րդ աստիճանների մեդալների սկավառակները պատրաստվում են արծաթափայլ մետաղից:

7. Սկավառակի դիմերեսի կենտրոնում պատկերված է սուր և վահան ուռուցիկ ցայտաքանդակ, վահանի հիմնամասը հեծանածածկված է: Վահանի ստորին հատվածը երկու կողմից պատված է սկավառակի շրջանագծին զուգահեռ պատկերված կաղնու ճյուղով, իսկ կենտրոնում պատկերվում է Հայաստանի Հանրապետության զինանշանի ցայտաքանդակը:

8. 1-ին և 2-րդ աստիճանների մեդալների սկավառակների վրա պատկերված սուրը, վահանը, զինանշանը և կաղնու ճյուղը ոսկեգույն են:

9. 3-րդ աստիճանի մեդալի սկավառակի վրա պատկերված սուրը, վահանը, զինանշանը և կաղնու ճյուղը արծաթագույն են:

10. 1-ին աստիճանի մեդալի սկավառակի հակառակ երեսի կենտրոնական մասում ուռուցիկ տառերով գրվում է` «20 ՏԱՐՎԱ ԾԱՌԱՅՈՒԹՅԱՆ ՀԱՄԱՐ» բառերը: Շրջանագծին զուգահեռ ուռուցիկ տառերով գրվում է «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆ» բառերը:

11. 2-րդ աստիճանի մեդալի սկավառակի հակառակ երեսի կենտրոնական մասում ուռուցիկ տառերով գրվում է` «15 ՏԱՐՎԱ ԾԱՌԱՅՈՒԹՅԱՆ ՀԱՄԱՐ» բառերը: Շրջանագծին զուգահեռ, ուռուցիկ ոսկեգույն տառերով գրվում է «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆ» բառերը:

12. 3-րդ աստիճանի մեդալի սկավառակի հակառակ երեսի կենտրոնական մասում ուռուցիկ տառերով գրվում է` «10 ՏԱՐՎԱ ԾԱՌԱՅՈՒԹՅԱՆ ՀԱՄԱՐ» բառերը: Շրջանագծին զուգահեռ ուռուցիկ տառերով գրվում է «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆ» բառերը:

13. Մեդալը եզրապատված է 1 մմ լայնություն ունեցող կողային շերտով:

14. Մեդալի շերտաձողիկի չափերն են` 24x12 մմ: Շերտաձողիկը պաստառապատվում է կարմիր գույնի մետաքսյա ժապավենով, որի եզրերն ամփոփված են 2 մմ լայնություն ունեցող կանաչ գույնի շերտագծով: 1-ին աստիճանի մեդալի դեպքում` ժապավենի կենտրոնով վերից-վար անցնում է 3 մմ լայնություն ունեցող դեղին գույնի մեկ շերտագիծ, 2-րդ աստիճանի մեդալի դեպքում` այդպիսի երկու շերտագիծ, 3-րդ աստիճանի մեդալի դեպքում` երեք շերտագիծ:

Ձև 7

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԱՏՎԱՎՈՐ ԾԱՌԱՅՈՂ» ԿՐԾՔԱՆՇԱՆ

1. «Հայաստանի Հանրապետության ոստիկանության պատվավոր ծառայող» կրծքանշանը ձվաձև է, պատրաստվում է արծաթափայլ մետաղից և ունի հետևյալ չափերը` հորիզոնական` 35 մմ, ուղղահայաց` 49 մմ:

2. Կրծքանշանի կենտրոնում ոսկեփայլ մետաղից ամրացված է սուր և վահան: Վահանից դեպի կրծքանշանի եզրաշերտն ուղղվում են ուռուցիկ ճառագայթներ: Վահանի վրա ամրացվում է ոսկեփայլ մետաղից պատրաստված Հայաստանի Հանրապետության զինանշանը: Զինանշանից ներքև` վահանի վրա ամրացվում է Հայաստանի Հանրապետության դրոշը, որը եզրազարդում է վահանը: Դրոշի հորիզոնական մասում երեք տողով, ուռուցիկ տառերով գրվում է «ՈՍՏԻԿԱՆՈՒԹՅԱՆ ՊԱՏՎԱՎՈՐ ԾԱՌԱՅՈՂ» բառերը:

3. Կրծքանշանը հակառակ կողմի կենտրոնական մասում ունի պտուտակային ամրակ` հագուստին ամրացնելու համար: Կրծքանշանը համարակալվում է փորագրությամբ:

4. Կրծքանշանի բոլոր տարրերը դեպի միջնամաս ուռուցիկ են:

Ձև 8

«ՈՍՏԻԿԱՆՈՒԹՅՈՒՆՈՒՄ ԳԵՐԱԶԱՆՑ ԾԱՌԱՅՈՒԹՅԱՆ ՀԱՄԱՐ» ԿՐԾՔԱՆՇԱՆ

1. «Ոստիկանությունում գերազանց ծառայության համար» կրծքանշանը պատրաստվում է ոսկեփայլ մետաղից: Կրծքանշանի հիմնամասը իրենից ներկայացնում է խաչ` հորիզոնական` 29 մմ, ուղղահայաց` 49 մմ չափերով: Խաչի թևերը արծնածածկված են մուգ կարմիր գույնով: Խաչի կենտրոնական մասում ամրացվում է սուր և վահան, վահանի կենտրոնում ամրացվում է Հայաստանի Հանրապետության 3x12 մմ չափեր ունեցող զինանշանը` պատրաստված ոսկեփայլ մետաղից: Զինանշանից ներքև` վահանի վրա հորիզոնական դիրքով ամրացված է Հայաստանի Հանրապետության դրոշը` արծնածածկված կարմիր, կապույտ և նարնջագույն գույներով: Դրոշի վրա երեք տողով, ուռուցիկ տառերով գրվում է «ԳԵՐԱԶԱՆՑ ԾԱՌԱՅՈՒԹՅԱՆ ՀԱՄԱՐ» բառերը:

2. Կրծքանշանը հակառակ կողմի կենտրոնական մասում ունի պտուտակային ամրակ` հագուստին ամրացնելու համար, որի տակ ուռուցիկ տառերով, աղեղնաձև գրվում է «ՀՀ ՈՍՏԻԿԱՆՈՒԹՅՈՒՆ» բառերը:

3. Կրծքանշանի բոլոր տարրերը դեպի միջնամաս ուռուցիկ են:

Ձև 9

«ՈՍՏԻԿԱՆՈՒԹՅԱՆ ԶՈՐՔԵՐՈՒՄ ԳԵՐԱԶԱՆՑ ԾԱՌԱՅՈՒԹՅԱՆ ՀԱՄԱՐ» ԿՐԾՔԱՆՇԱՆ

1. «Ոստիկանության զորքերում գերազանց ծառայության համար» կրծքանշանի հիմնամասը շեղանկյունաձև է, որն ունի հետևյալ չափերը` հորիզոնական` 40 մմ, ուղղահայաց` 49 մմ: Հիմնամասի մակերեսով, կենտրոնից դեպի բոլոր կողմերն ուղղվում են ուռուցիկ ճառագայթներ:

2. «Ոստիկանության զորքերում գերազանց ծառայության համար» 1-ին աստիճանի կրծքանշանը պատրաստված է ոսկեփայլ մետաղից, կրծքանշանի դիմերեսի կենտրոնական մասում ամրացված է 23 մմ տրամագիծ ունեցող շրջանագիծ, որի ներքևի մասում պատկերված է սուր և վահան, որի վրա պատկերված է Հայաստանի Հանրապետության զինանշանը: Վահանի երկու կողմերից ծածանվում է կարմիր, կապույտ և նարնջագույն գույներով արծնածածկված Հայաստանի Հանրապետության դրոշը: Շրջանագծի վերևի մասում ուռուցիկ մորեգույն տառերով, երեք տողով գրված է «ԳԵՐԱԶԱՆՑ ԾԱՌԱՅՈՒԹՅԱՆ ՀԱՄԱՐ» բառերը: Սուր և վահանի վերևի մասում պատկերված է ոսկեփայլ մետաղից պատրաստված, բացված թևերով արծիվ:

3. «Ոստիկանության զորքերում գերազանց ծառայության համար» 2-րդ աստիճանի կրծքանշանը պատրաստված է արծաթափայլ մետաղից, որի նկարագրությունը համընկնում է «Ոստիկանության զորքերում գերազանց ծառայության համար» 1-ին աստիճանի կրծքանշանի նկարագրությանը, բացառությամբ սուր և վահանի, որը մորեգույն է և վրան բացակայում է Հայաստանի Հանրապետության զինանշանը:

4. Կրծքանշանը հակառակ կողմի կենտրոնական մասում ունի պտուտակային ամրակ` հագուստին ամրացնելու համար, որի տակ ուռուցիկ տառերով գրվում է «ՈՍՏԻԿԱՆՈՒԹՅԱՆ ԶՈՐՔԵՐ» բառերը:

5. Կրծքանշանների բոլոր տարրերը դեպի միջնամաս ուռուցիկ են:

Ձև 10