«Գրանցված է»
ՀՀ արդարադատության
նախարարության կողմից
22 հունիսի 2016 թ.
Պետական գրանցման թիվ 11816199
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՖԻՆԱՆՍՆԵՐԻ ՆԱԽԱՐԱՐ
|
13 հունիսի 2016 թ. |
N 112-Ն |
Հ Ր Ա Մ Ա Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐԻ 2003 ԹՎԱԿԱՆԻ ՀՈԿՏԵՄԲԵՐԻ 23-Ի N 803-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Իրավական ակտերի մասին» Հայաստանի Հանրապետության օրենքի 70-րդ հոդվածը, Հայաստանի Հանրապետության կառավարության 2003 թվականի օգոստոսի 8-ի N 1048-Ն որոշմամբ հաստատված Հայաստանի Հանրապետությունում հաշվապահների որակավորման կարգի 5-րդ և 18-րդ կետերը և ղեկավարվելով Հայաստանի Հանրապետության կառավարության 2008 թվականի մայիսի 15-ի թիվ 503-Ն որոշմամբ հաստատված Հայաստանի Հանրապետության ֆինանսների նախարարության կանոնադրության 11-րդ կետի 1-ին ենթակետով`
Հրամայում եմ`
1. Հայաստանի Հանրապետության ֆինանսների և էկոնոմիկայի նախարարի 2003 թվականի հոկտեմբերի 23-ի «Հայաստանի Հանրապետությունում հաշվապահների որակավորման քննությանը մասնակցելու դիմումի և որակավորված հաշվապահի վկայականի ձևերը հաստատելու մասին» N 803-Ն հրամանում (այսուհետ` հրաման) կատարել հետևյալ փոփոխությունները.
1) հրամանի վերնագրում «հաշվապահների որակավորման քննությանը մասնակցելու դիմումի և որակավորված հաշվապահի վկայականի ձևերը հաստատելու մասին» բառերը փոխարինել «որակավորված հաշվապահի վկայականի ձևը հաստատելու մասին» բառերով.
2) հրամանի նախաբանում «5-րդ և 18-րդ կետերը» բառերը փոխարինել «18-րդ կետը» բառերով.
3) ուժը կորցրած ճանաչել հրամանի «ա» կետը.
4) հրամանի հավելված 2-ից հանել «Հայաստանի Հանրապետությունում հաշվապահների որակավորման հանձնաժողովի XX.XX.20XX թ. N_արձանագրություն» բառերը, իսկ «անձնագրի N-ը» բառերը փոխարինել «անձը հաստատող փաստաթղթի համարը» բառերով:
| Գ. Խաչատրյան |