ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Ղեկավարվելով «Լիցենզավորման մասին» ՀՀ օրենքի 12-րդ հոդվածի 1-ին մասով, «Բարձրագույն և հետբուհական մասնագիտական կրթության մասին» ՀՀ օրենքի 13.1 հոդվածի 1-ին մասով, 3-րդ մասի 1-ին կետի ա.; ե. պարբերություններով, 5-րդ մասի 6-րդ և 7-րդ կետերով, Հայաստանի Հանրապետության կառավարության 2009 թ. հուլիսի 9-ի N 808-Ն որոշմամբ հաստատված հավելված 17-ի և հավելված 19-ի 10-րդ կետերի 2-րդ ենթակետերով, 4-րդ ենթակետերի ա. պարբերությունների պահանջներով, հիմք ընդունելով համալսարանի ռեկտորի դիմումը և ՀՀ կրթության և գիտության նախարարության կրթական ծրագրերի իրականացման լիցենզավորման հանձնաժողովի N 77/9ա եզրակացությունը`

Հրամայում եմ`

1. Ուժը կորցրած ճանաչել «ՊՐՈԳՐԵՍ ՀԱՄԱԼՍԱՐԱՆ» ԱԿ-ին ՀՀ կրթության և գիտության նախարարի 2014 թվականի սեպտեմբերի 5-ի N 877-Ա/Ք հրամանով տրված`

1) բակալավրի կրթական ծրագրով գործունեության` սերիա Բ N 0011 լիցենզիայի գործողությունը «Ստոմատոլոգիա» մասնագիտության մասով` լիցենզավորման կարգերով սահմանված լիցենզիայի պարտադիր պահանջների և պայմանների` հիմնական պրոֆեսորադասախոսական կազմ, ուսումնամեթոդական ապահովվածություն, ուսումնաարտադրական պրակտիկայի բազա, բարձրագույն ուսումնական հաստատության գործունեությունը կարգավորող օրենսդրության պահանջների խախտման և համալսարանի ռեկտորի դիմումի հիմքերով,

2) մագիստրոսի կրթական ծրագրով գործունեության` սերիա Մ N 0011 լիցենզիայի գործողությունը «Ստոմատոլոգիա» մասնագիտության մասով` լիցենզավորման կարգերով սահմանված լիցենզիայի պարտադիր պահանջների և պայմանների` հիմնական պրոֆեսորադասախոսական կազմ, ուսումնամեթոդական ապահովվածություն, ուսումնաարտադրական պրակտիկայի բազա, բարձրագույն ուսումնական հաստատության գործունեությունը կարգավորող օրենսդրության պահանջների խախտման և համալսարանի ռեկտորի դիմումի հիմքերով:

2. Սույն հրամանի կատարման կազմակերպումը հանձնարարել նախարարության աշխատակազմի լիցենզավորման գործակալության պետ Մ. Մովսիսյանին:

3. Հրամանի կատարման հսկողությունը հանձնարարել ՀՀ կրթության և գիտության նախարարի տեղակալ Մ. Մկրտչյանին:

Ա. Աշոտյան