«Գրանցված է»
ՀՀ արդարադատության
նախարարության կողմից
16 փետրվարի 2009 թ.
Պետական գրանցման թիվ 12109061

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ
ՓՈԽՎԱՐՉԱՊԵՏ

26 հունվարի 2009 թ. ք. Երևան

N 05-Ն

Հ Ր Ա Մ Ա Ն

ՀԱՄԱՅՆՔԱՅԻՆ ԾԱՌԱՅՈՂՆԵՐԻ ԳՐԱՆՑԱՄԱՏՅԱՆԻ ՎԱՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

Ղեկավարվելով «Համայնքային ծառայության մասին» Հայաստանի Հանրապետության օրենքի 30-րդ հոդվածի 2-րդ մասով.

ՀՐԱՄԱՅՈՒՄ ԵՄ՝

1. Սահմանել համայնքային ծառայողների գրանցամատյանը վարելու կարգը` համաձայն հավելվածի:

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

Ա. Գևորգյան

Հավելված ՀՀ փոխվարչապետ, տարածքային կառավարման նախարարի 2009 թ. հունվարի 26-ի N 05-Ն հրամանի

Կ Ա Ր Գ

ՀԱՄԱՅՆՔԱՅԻՆ ԾԱՌԱՅՈՂՆԵՐԻ ԳՐԱՆՑԱՄԱՏՅԱՆԻ ՎԱՐՄԱՆ

1. Համայնքային ծառայողների գրանցամատյանը (այսուհետ` գրանցամատյան)` համայնքային ծառայության պաշտոններ զբաղեցնող անձանց մասին կադրային գործի վարման համար անհրաժեշտ տեղեկությունների ամբողջականությունն է:

2. Հայաստանի Հանրապետության կառավարության լիազորած պետական կառավարման մարմինը (այսուհետ` լիազորած մարմին) համապատասխան քաղաքապետարանի (գյուղապետարանի) աշխատակազմի (այսուհետ` աշխատակազմ) տրամադրած տեղեկությունների հիման վրա վարում է միասնական գրանցամատյանը, որում պարունակվող տեղեկությունները թարմացվում են սույն կարգով սահմանված ժամկետներում:

(2-րդ կետը լրաց. 21.07.09 N 13-Ն, փոփ. 29.05.13 N  2-Ն)

3. Գրանցամատյանը չի հրապարակվում:

4. Գրանցամատյանում գրանցելու հիմք է հանդիսանում անձին օրենքով սահմանված կարգով համայնքային ծառայության պաշտոնում նշանակելը, ինչպես նաև համայնքային ծառայության պաշտոն զբաղեցնելու համար անձի հետ ժամկետային աշխատանքային պայմանագիր կնքելը:

5. Գրանցամատյանում տեղեկությունները ներառվում են համայնքային կազմակերպությունների հաստիքացուցակների և համայնքային ծառայության պաշտոններ զբաղեցնող անձանց անձնական գործերի սույն կարգի 8-րդ կետում նշված տվյալների հիման վրա:

(5-րդ կետը խմբ. 05.11.14 N 13-Ն)

6. Գրանցամատյանը բաղկացած է հետևյալ բաժիններից.

1) համայնքային կազմակերպություններ.

2) համայնքային կազմակերպությունների հաստիքացուցակներ.

3) համայնքային ծառայության պաշտոններ.

4) համայնքային ծառայության պաշտոններ զբաղեցնող, ինչպես նաև համայնքային ծառայության պաշտոններից ազատված անձինք:

(6-րդ կետը խմբ. 05.11.14 N 13-Ն)

6.1. «Համայնքային կազմակերպություններ» բաժնում ներառվում են հետևյալ տեղեկությունները` կազմակերպության անվանումը, տեսակը և ստորաբաժանման անվանումը` այդպիսին լինելու դեպքում:

(6.1-ին կետը լրաց. 05.11.14 N 13-Ն)

6.2. «Համայնքային կազմակերպությունների հաստիքացուցակներ» բաժնում ներառվում են հետևյալ տեղեկությունները` հաստիքի տեսակը (քաղաքական, հայեցողական, համայնքային ծառայության, տեխնիկական սպասարկման և այլն), անվանումը, կազմակերպության անվանումը, պաշտոնի ծածկագիրը, հաստիքային միավորը, պաշտոնային դրույքաչափը, հավելումը, հավելավճարը և աշխատավարձի չափը:

(6.2-րդ կետը լրաց. 05.11.14 N 13-Ն)

7. «Համայնքային ծառայության պաշտոններ» բաժնում ներառվում են հետևյալ տեղեկությունները` համայնքային ծառայության պաշտոնի լրիվ անվանումը, համայնքային ծառայության պաշտոնների խումբը և ենթախումբը, աշխատակազմի անվանումը և կազմակերպաիրավական տեսակը, ստորաբաժանման անվանումը` այդպիսին լինելու դեպքում, պաշտոնը ստեղծելու, ինչպես նաև փոփոխելու մասին իրավական ակտի համարը, ամիսը, ամսաթիվը, տարեթիվը:

(7-րդ կետը փոփ. 29.05.13 N  2-Ն, խմբ. 05.11.14 N 13-Ն)

8. «Համայնքային ծառայության պաշտոններ զբաղեցնող, ինչպես նաև համայնքային ծառայության պաշտոններից ազատված անձինք» բաժնում ներառվում են սույն կարգի N 1 և N 2 ձևերով նախատեսված տեղեկությունները:

(8-րդ կետը փոփ., խմբ., լրաց. 29.05.13 N  2-Ն, խմբ. 05.11.14 N 13-Ն)

9. (կետն ուժը կորցրել է 05.11.14 N 13-Ն)

10. Գրանցամատյանային տեղեկությունները աշխատակազմի կողմից թղթյա կրիչով կամ էլեկտրոնային եղանակով ներկայացվում են համապատասխան մարզպետարան (Երևանում` Երևանի քաղաքապետարան)՝ համայնքային կազմակերպությունների հաստիքացուցակների և սույն կարգի N 1 և N 2 ձևերով նախատեսված տվյալների հիման վրա:

(10-րդ կետը խմբ. 29.05.13 N  2-Ն, 05.11.14 N 13-Ն)

11. (կետն ուժը կորցրել է 29.05.13 N  2-Ն)

12. Սույն կարգի 6.1-ին, 6.2-րդ, 7-րդ և 8-րդ կետերով նախատեսված տեղեկությունները, ինչպես նաև դրանց փոփոխությունները համապատասխան մարզպետարանը (Երևանում` Երևանի քաղաքապետարանը) 3 աշխատանքային օրվա ընթացքում մուտքագրում է գրանցամատյան:

(12-րդ կետը խմբ. 05.11.14 N 13-Ն)

12.1. Գրանցամատյանը վարվում է էլեկտրոնային եղանակով՝ համակարգչային այնպիսի ծրագրով, որը հնարավորություն է տալիս գրանցամատյանում գրառումներ կատարել միայն համապատասխան գաղտնաբառեր մուտքագրելու արդյունքում և հասանելի լինի միայն գրանցամատյանը վարող պատասխանատու անձանց համար:

 (12.1-ին կետը լրաց. 05.11.14 N 13-Ն)

12.2. Մարզպետարանի աշխատակազմի ղեկավարը (Երևանում` Երևանի քաղաքապետարանի աշխատակազմի քարտուղարը) նշանակում է մարզի համայնքների (Երևանի քաղաքապետարանի) պատասխանատու աշխատակիցներ, որոնց լիազորած մարմնի կողմից տրվում են գաղտնաբառեր` համակարգչային ծրագիր մուտք գործելու համար:

(12.2-րդ կետը լրաց. 05.11.14 N 13-Ն)

12.3. Գրանցամատյանում գրառումները կատարվում են յունիկոդ տառատեսակով:

(12.3-րդ կետը լրաց. 05.11.14 N 13-Ն)

12.4. Տեխնիկական պատճառներով համապատասխան մարզպետարանի (Երևանի քաղաքապետարանի) կողմից սույն կարգի 12-րդ կետում նշված տեղեկությունները մուտքագրելու անհնարինության դեպքում այդ տեղեկությունները վերջիններս լիազորած մարմին են ներկայացնում թղթյա կրիչով կամ էլեկտրոնային եղանակով՝ սույն կարգի 12-րդ կետում նշված ժամկետում:

(12.4-րդ կետը լրաց. 05.11.14 N 13-Ն)

12.5. Սույն կարգի 12.4-րդ կետում նշված տեղեկությունը ստանալուց հետո լիազորած մարմինը 5 աշխատանքային օրվա ընթացքում մուտքագրում է գրանցամատյան:

(12.5-րդ կետը լրաց. 05.11.14 N 13-Ն)

13. Գրանցամատյանում գրանցում, փոփոխություն կատարելու համար աշխատակազմերը (բացառությամբ` Երևանի քաղաքապետարանի) սույն կարգի 6.1-ին, 6.2-րդ, 7-րդ և 8-րդ կետերով նախատեսված տեղեկությունները և դրանց փոփոխությունները համապատասխան մարզպետարան են ներկայացնում նշված տեղեկությունների և դրանց փոփոխությունների ի հայտ գալուց հետո 7 աշխատանքային օրվա ընթացքում:

(13-րդ կետը խմբ. 05.11.14 N 13-Ն)

13.1. Գրանցամատյանում գրանցում, փոփոխություն կատարելու համար Երևանի քաղաքապետարանի աշխատակազմը սույն կարգի 6.1-ին, 6.2-րդ, 7-րդ և 8-րդ կետերով նախատեսված տեղեկությունները և դրանց փոփոխությունները մուտքագրում է գրանցամատյան` դրանց ի հայտ գալուց հետո 10 աշխատանքային օրվա ընթացքում:

(13.1-ին կետը լրաց. 05.11.14 N 13-Ն)

14. (կետն ուժը կորցրել է 29.05.13 N  2-Ն)

15. Համապատասխան մարզպետարանի աշխատակազմի ղեկավարի, ինչպես նաև համապատասխան աշխատակազմի քարտուղարի գրավոր հարցման հիման վրա լիազորած մարմինը նրանց տրամադրում է տվյալ աշխատակազմի վերաբերյալ գրանցամատյանից անհրաժեշտ տեղեկություններ:

Գ Ր Ա Ն Ց Ա Մ Ա Տ Յ Ա Ն

__________ քաղաքապետարանի (գյուղապետարանի) աշխատակազմի համայնքային ծառայության պաշտոն զբաղեցնող անձանց վերաբերյալ

(ձևը լրաց. 05.11.14 N 13-Ն)

Գ Ր Ա Ն Ց Ա Մ Ա Տ Յ Ա Ն

__________ քաղաքապետարանի (գյուղապետարանի) աշխատակազմի համայնքային ծառայության պաշտոնից ազատված անձանց վերաբերյալ

(հավելվածը լրաց. 21.07.09 N 13-Ն, փոփ., խմբ., լրաց. 29.05.13 N  2-Ն, 05.11.14 N 13-Ն)