«Գրանցված է»

ՀՀ արդարադատության

նախարարության կողմից

16 ապրիլի 2013 թ.

Պետական գրանցման թիվ 10513144

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԲՆԱՊԱՀՊԱՆՈՒԹՅԱՆ ՆԱԽԱՐԱՐ

8 ապրիլի 2013 թ. ք. Երևան

N 65-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲՆԱՊԱՀՊԱՆՈՒԹՅԱՆ ՆԱԽԱՐԱՐԻ 2011 ԹՎԱԿԱՆԻ ՀՈՒՆԻՍԻ 20-Ի N 121-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Համաձայն «Իրավական ակտերի մասին» Հայաստանի Հանրապետության օրենքի 70-րդ հոդվածի և հիմք ընդունելով Հայաստանի Հանրապետության կառավարության 2010 թվականի դեկտեմբերի 16-ի N 1668-Ն որոշման 1-ին կետի 2-րդ ենթակետով սահմանված կարգի 65-րդ կետը և 2013 թվականի մարտի 7-ի N 201-Ն որոշման 3-րդ կետը.

ՀՐԱՄԱՅՈՒՄ ԵՄ՝

1. Հայաստանի Հանրապետության բնապահպանության նախարարի 2011 թվականի հունիսի 20-ի «Հայաստանի Հանրապետության բնապահպանության նախարարության «Բնապահպանական ծրագրերի իրականացման գրասենյակ» պետական հիմնարկի աշխատողների թափուր պաշտոններ զբաղեցնելու համար մրցութային հանձնաժողովի ձևավորման կարգը, կազմը, մրցույթի անցկացման ընթացակարգը և պետական հիմնարկի յուրաքանչյուր պաշտոնի գնահատման չափանիշները սահմանելու մասին» N 121-Ն հրամանում կատարել հետևյալ փոփոխությունները և լրացումները.

1) հրամանի N 1 հավելվածի՝

ա. 9-րդ կետի 1-ին ենթակետում «ՀՀ բնապահպանության նախարարության աշխատակազմի անձնակազմի կառավարման բաժնից» բառերը փոխարինել «պետական հիմնարկի աշխատակազմից» բառերով,

բ. 10-րդ կետում «ՀՀ բնապահպանության նախարարության աշխատակազմի անձնակազմի կառավարման բաժնի» բառերը փոխարինել «պետական հիմնարկի աշխատակազմի» բառերով.

2) հրամանի N 2 հավելվածի՝

ա. 5-րդ կետը շարադրել հետևյալ խմբագրությամբ.

«5. Մրցույթի նախապատրաստական աշխատանքներն իրականացնում է ՀՀ բնապահպանության նախարարության «Բնապահպանական ծրագրերի իրականացման գրասենյակ» պետական հիմնարկը (այսուհետ` պետական հիմնարկ): Մրցույթի նախապատրաստական աշխատանքների կազմակերպման անմիջական պատասխանատուն պետական հիմնարկի տնօրենի հրամանով նշանակված անձն է (այսուհետ` մրցույթի նախապատրաստական աշխատանքների պատասխանատու անձ):»,

բ. 8-րդ կետում «հիմնարկը» բառից հետո լրացնել «` մրցույթի նախապատրաստական աշխատանքների պատասխանատու անձի կողմից» բառերով,

գ. 10-րդ կետի 5-րդ ենթակետը շարադրել հետևյալ խմբագրությամբ,

«5) պետական հիմնարկի գտնվելու վայրն ու հեռախոսահամարը:».

դ. 11-րդ կետում «մրցույթի նախապատրաստական աշխատանքներ իրականացնող անձնակազմի կառավարման բաժին» բառերը փոխարինել «պետական հիմնարկի աշխատակազմ» բառերով,

ե. 13-րդ կետում «աշխատանքներն իրականացնող անձնակազմի կառավարման բաժինը» բառերը փոխարինել «աշխատանքների պատասխանատու անձը» բառերով,

զ. 17-րդ կետում «անձնակազմի կառավարման բաժնից» բառերը փոխարինել «մրցույթի նախապատրաստական աշխատանքների պատասխանատու անձից» բառերով,

է. 18-րդ կետում «նախապատրաստական աշխատանքներ իրականացնող անձնակազմի կառավարման բաժինը» բառերը փոխարինել «պետական հիմնարկի աշխատակազմը» բառերով,

ը. 23-րդ կետում «անձնակազմի կառավարման բաժինը» բառերը փոխարինել «պետական հիմնարկի աշխատակազմը» բառերով,

թ. 31-րդ կետում «անձնակազմի կառավարման բաժնի» բառերը փոխարինել «մրցույթի նախապատրաստական աշխատանքների պատասխանատու անձի» բառերով,

ժ. 35-րդ կետը շարադրել հետևյալ խմբագրությամբ.

«35. Սույն կարգի 34-րդ կետով նախատեսված գրավոր բողոքը (այսուհետ` գրավոր բողոք) քննության է առնում մրցույթի նախապատրաստական աշխատանքներ իրականացնող մարմինը` «Բնապահպանական ծրագրերի իրականացման գրասենյակ» պետական հիմնարկը, այն հիմնարկում մուտքագրվելուց հետո երեք աշխատանքային օրվա ընթացքում։»,

ժա. 36-րդ կետն ուժը կորցրած ճանաչել,

ժբ. 38-րդ կետում «անձնակազմի կառավարման բաժինը» բառերը փոխարինել «պետական հիմնարկի աշխատակազմը» բառերով,

ժգ. 39-րդ կետում «անձնակազմի կառավարման բաժինը» բառերը փոխարինել «պետական հիմնարկի աշխատակազմը» բառերով,

ժդ. 45-րդ կետում «անձնակազմի կառավարման բաժնին» բառերը փոխարինել «պետական հիմնարկի աշխատակազմին» բառերով.

3) N 2 հավելվածը լրացնել հետևյալ բովանդակությամբ 15.1. և 15.2. կետերով.

«15.1. Եթե մրցույթին մասնակցելու համար ներկայացվել է մեկ դիմում, ապա մրցույթը համարվում է չկայացած, և հայտարարվում է նոր մրցույթ` ընդհանուր հիմունքներով:

15.2. Եթե մրցույթը սույն կարգի 15.1-ին կետով համարվում է չկայացած, ապա քաղաքացին դրա մասին տեղեկացվում է փաստաթղթերի հանձնման վերջնաժամկետի հաջորդ աշխատանքային օրը:».

4) N 3 հավելվածի 2-րդ կետում «բաժնի պետ» բառերից հետո լրացնել «և տնօրենի խորհրդական» բառերը:

Նախարար`

Ա. Հարությունյան