«Գրանցված է»

ՀՀ արդարադատության

նախարարության կողմից

18 հունիսի 2012 թ.

Պետական գրանցման թիվ 11012250

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ

25 մայիսի 2012 թ.

N 537-Ն

Հ Ր Ա Մ Ա Ն

ՀԱՆՐԱԿՐԹԱԿԱՆ ՀԻՄՆԱԿԱՆ ԸՆԴՀԱՆՈՒՐ ԵՎ ՀԱՏՈՒԿ ՊԵՏԱԿԱՆ ԾՐԱԳՐԵՐ ԻՐԱԿԱՆԱՑՆՈՂ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ 2012-2013 ՈՒՍՈՒՄՆԱԿԱՆ ՏԱՐՎԱ ՕՐԻՆԱԿԵԼԻ ՈՒՍՈՒՄՆԱԿԱՆ ՊԼԱՆՆԵՐԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Կրթության մասին» Հայաստանի Հանրապետության օրենքի 14-րդ հոդվածի 2-րդ մասի պահանջով՝

ՀՐԱՄԱՅՈՒՄ ԵՄ՝

1. Հաստատել՝

1) հանրակրթական հիմնական ընդհանուր պետական ծրագրեր իրականացնող ուսումնական հաստատությունների 2012-2013 ուսումնական տարվա օրինակելի ուսումնական պլանները՝ համաձայն Հավելված 1-ի.

2) հանրակրթական հիմնական հատուկ պետական ծրագրեր իրականացնող ուսումնական հաստատությունների 2012-2013 ուսումնական տարվա օրինակելի ուսումնական պլանները՝ համաձայն Հավելված 2-ի:

2. Հայաստանի Հանրապետության կրթության և գիտության նախարարության աշխատակազմի հանրակրթության և իրավաբանական վարչություններին՝ փաստաթուղթը սահմանված կարգով ներկայացնել Հայաստանի Հանրապետության արդարադատության նախարարություն՝ պետական գրանցման:

3. Հայաստանի Հանրապետության կրթության և գիտության նախարարության ֆինանսատնտեսագիտական և հաշվապահական հաշվառման վարչությանը (պետ՝ Վ. Թոփալյան)՝ հանրակրթական ուսումնական հաստատությունների ֆինանսավորումն իրականացնել՝ հիմք ընդունելով հաստատված օրինակելի ուսումնական պլանները:

4. Հայաստանի Հանրապետության կրթության և գիտության նախարարության հանրակրթության վարչությանը (պետ՝ Ն. Հովհաննիսյան)՝ ապահովել ուսումնական հաստատությունների գործունեությունը՝ օրինակելի ուսումնական պլանների պահանջներին համապատասխան:

5. Հայաստանի Հանրապետության կրթության և գիտության նախարարության կրթության ազգային ինստիտուտին (տնօրեն՝ Ն. Ղուկասյան)՝ իրականացնել անհրաժեշտ օժանդակություն ուսումնական հաստատություններին՝ օրինակելի ուսումնական պլաններով ուսումնական հաստատությունների գործունեությունն ապահովելու նպատակով:

6. Հրամանի կատարման հսկողությունը վերապահել Հայաստանի Հանրապետության կրթության և գիտության նախարարի տեղակալ Մ. Մկրտչյանին:

Ա. Աշոտյան

Հավելված 1 ՀՀ կրթության և գիտության նախարարի 2012 թվականի մայիսի 25-ի N 537-Ն հրամանի

Օ Ր Ի Ն Ա Կ Ե Լ Ի   ՈՒ Ս ՈՒ Մ Ն Ա Կ Ա Ն   Պ Լ Ա Ն Ն Ե Ր

ՀԱՆՐԱԿՐԹԱԿԱՆ ՀԻՄՆԱԿԱՆ ԸՆԴՀԱՆՈՒՐ ՊԵՏԱԿԱՆ ԾՐԱԳՐԵՐ ԻՐԱԿԱՆԱՑՆՈՂ ՀԱՆՐԱԿՐԹԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ 2012-2013 ՈՒՍՈՒՄՆԱԿԱՆ ՏԱՐՎԱ

1. ԸՆԴՀԱՆՐԱԿԱՆ ՊԱՐԶԱԲԱՆՈՒՄՆԵՐ

Հանրակրթական հիմնական ընդհանուր պետական ծրագրեր իրականացնող հանրակրթական ուսումնական հաստատության (այսուհետ՝ հաստատություն) 2012-2013 ուսումնական տարվա օրինակելի ուսումնական պլանները (այսուհետ` օրինակելի ուսումնական պլաններ), բացառությամբ 9-րդ աղյուսակի, ունեն երկու` պետական և դպրոցական բաղադրիչ։ Պետական և դպրոցական բաղադրիչները պարտադիր են և պետական ուսումնական հաստատություններում ֆինանսավորվում են պետական բյուջեից: Հանրակրթական պետական ծրագիր իրականացնող հաստատությունը` օրինակելի ուսումնական պլանների հիման վրա (այսուհետ՝ օրինակելի ուսումնական պլան), դպրոցական բաղադրիչով սահմանված ժամաքանակի տնօրինմամբ, հաստատում է տվյալ ուսումնական տարվա ուսումնական պլանը։

1. Պետական բաղադրիչով սահմանված ժամաքանակում փոփոխություն կարող է կատարվել միայն Հայաստանի Հանրապետության կրթության և գիտության նախարարության (այսուհետ` Նախարարություն) համաձայնությամբ`

1) արտակարգ ընդունակություններ ունեցող սովորողների ուսուցումն առավել բարենպաստ պայմաններում կազմակերպելու համար,

2) բազմահամակազմ կամ թերբեռնված դասարանների առկայության դեպքում,

3) օրենքով սահմանված կարգով երաշխավորված այլընտրանքային ծրագրերով ու մեթոդներով ուսուցում իրականացնելու դեպքում,

4) օրենքով սահմանված կարգով երաշխավորված մանկավարժական գիտափորձ իրականացնելու համար։

2. Ուսպլանի դպրոցական բաղադրիչի ժամաքանակի տնօրինման կարգը սահմանված է`

1) «Ընդհանրական պարզաբանումներ»-ում,

2) օտար լեզվի ընտրությունը` «Օտար լեզվի ընտրության կարգ»-ում։

3. Ուսումնական պարապմունքները հաստատությունում սկսվում են 2012թ. սեպտեմբերի 1-ին, ավարտվում 2013թ. մայիսի 24-ին՝ ապահովելով առնվազն 30 ուսումնական շաբաթ` առաջին, 32` երկրորդ և 34՝ երրորդից տասներկուերորդ դասարանների համար։

4. Հաստատությունում ուսումնական շաբաթվա հնգօրյա կամ վեցօրյա տևողությունը սահմանում է հաստատությունը, իսկ ոչ պետական ուսումնական հաստատությունում` հիմնադիրը: Հաստատությունը յուրաքանչյուր կիսամյակը սկսելուց առաջ` առնվազն տասնհինգօրյա ժամկետում այդ հարցը համաձայնեցնում է Նախարարության հետ:

5. Ներառական կրթություն իրականացնող ուսումնական հաստատություններում կրթության առանձնահատուկ պայմանների կարիք ունեցող երեխաների կրթությունը կազմակերպվում է «Հանրակրթական ընդհանուր պետական ծրագրեր իրականացնող հաստատության 2012-2013 ուսումնական տարվա օրինակելի ուսումնական պլանների» հիման վրա` յուրաքանչյուր սովորողի համար կազմելով անհատական ուսուցման պլան (ԱՈՒՊ):

6. Ուսումնական պլանի պետական պարտադիր և դպրոցական բաղադրիչներն ուղղված են հանրակրթության պետական չափորոշչով, առարկայական չափորոշիչներով և ծրագրերով ամրագրված գիտելիքների, կարողությունների ու հմտությունների յուրացման ապահովմանը։

7. Հաստատությունում (2-12-րդ դասարաններ) գործում է սովորողների գնահատման 10 միավորային համակարգ։

8. Ընթացիկ գնահատման ժամանակ կարող են կիրառվել նաև գնահատման այլ համակարգեր, որոնք բերվում են 10 միավորային գրանցման: Գիտելիքների ստուգումների, հիմնական և միջնակարգ կրթության ավարտական և պետական ավարտական քննությունների ժամանակ կիրառվող գնահատման համակարգերը բերվում են գնահատման 10 կամ 20 միավորային գրանցման։

9. Ուսումնական տարին բաժանվում է կիսամյակների: Սովորողների ընթացիկ գնահատականների հիման վրա ձևավորվում են կիսամյակային, իսկ կիսամյակային գնահատականների (գնահատականի) հիման վրա` տարեկան գնահատականները, բացառությամբ սույն հրամանի 1-ին կետի 1-ին ենթակետի Հավելված 1-ի (այսուհետ՝ Հավելված 1) 10-րդ կետով նախատեսված դեպքի:

10. 120-200 ժամ բացակայելու դեպքում «Հանրակրթության մասին» ՀՀ օրենքի 16-րդ հոդվածի 11-րդ մասով սահմանված` տվյալ դասարանի ուսումնական պլանով նախատեսված հինգ առարկաներից անցկացվում են քննություններ, իսկ մյուս առարկաներից` ամփոփիչ ստուգողական աշխատանքներ («Ֆիզկուլտուրա» առարկայից նորմատիվների հանձնում): Քննությունների և ստուգողական աշխատանքների գնահատականները 2-11-րդ դասարանների սովորողների համար համարվում են տարեկան գնահատականներ.

1) որևէ կիսամյակում 120-200 ժամ բացակայության դեպքում կիսամյակային գնահատականներ չեն նշանակվում` անկախ ընթացիկ գնահատականների առկայությունից: Բոլոր առարկաների տարեկան գնահատականները որոշվում են սույն կետով նախատեսված քննությունների և ամփոփիչ ստուգողական աշխատանքների արդյունքում:

11. Առաջին դասարանում սովորողներին ընթացիկ և ամփոփիչ գնահատականներ չեն նշանակվում, ընթացիկ գնահատումը կատարվում է բնութագրման միջոցով: Տարեկան ամփոփիչ գնահատման նպատակով կազմվում է յուրաքանչյուր սովորողի կրթական զարգացման բնութագիրը` համաձայն Հայաստանի Հանրապետության կրթության և գիտության նախարարի 2007 թվականի հոկտեմբերի 4-ի N 846-Ն հրամանով հաստատված կարգի:

12. Հաստատությունում խմբային ուսուցման կազմակերպման հիմնական ձևը դասն է: Դասի տևողությունը 45 րոպե է։

13. Տարրական դպրոցում յուրաքանչյուր դասաժամի միջնամասում որոշակի ժամանակ հատկացվում է լիցքաթափող և վերականգնող վարժություններին ու խաղերին` Նախարարության մեթոդական ցուցումների համաձայն:

14. Ուսումնական տարվա ընթացքում 3-12-րդ դասարանների սովորողներին տրվում են արձակուրդներ` աշնանային՝ 2012թ. հոկտեմբերի 22-ից 28-ը ներառյալ, ձմեռային՝ 2012թ. դեկտեմբերի 29-ից 2013թ. հունվարի 13-ը ներառյալ, գարնանային՝ մարտի 18-ից 24-ը ներառյալ:

15. Առաջին դասարանցիների աշնանային արձակուրդները տևում են հոկտեմբերի 22-ից նոյեմբերի 4-ը ներառյալ, ձմեռայինը՝ դեկտեմբերի 29-ից 2013թ. հունվարի 27-ը ներառյալ, իսկ գարնանայինը՝ մարտի 18-ից մարտի 31-ը ներառյալ:

16. Երկրորդ դասարանցիների արձակուրդները տևում են 2012թ. հոկտեմբերի 22-ից 28-ը ներառյալ, դեկտեմբերի 29-ից 2013թ. հունվարի 27-ը ներառյալ և մարտի 18-ից 24-ը ներառյալ:

17. Տարածքային կառավարման լիազորված մարմինների (Երևանի քաղաքապետարանի) (այսուհետ՝ լիազոր մարմին) ենթակայության հաստատությունների համար վերևում սահմանված արձակուրդների ժամկետներում, հաստատության նախաձեռնության դեպքում, լիազոր մարմնի կողմից կարող են կատարվել փոփոխություններ՝ առնվազն 5 օր առաջ համաձայնեցնելով Նախարարության հետ:

18. Հաստատությունը (անկախ ենթակայությունից), դեկտեմբեր, հունվար, փետրվար ամիսների ընթացքում` եղանակային անբարենպաստ պայմանների դեպքում, կարող է նախատեսել մինչև 10 օր տևողությամբ հավելյալ արձակուրդ` բաց թողած ժամերը լրացնելու և ըստ ենթակայության՝ լիազոր մարմնին և Նախարարությանը 5-օրյա ժամկետում տեղեկացնելու պայմանով:

1) Նախարարության ենթակայության հաստատություններում վերոնշյալ արձակուրդների ժամկետների փոփոխությունները, ինչպես նաև հաստատության կողմից հավելյալ արձակուրդի նախատեսումը կատարվում են նույն ընթացակարգով:

2) Ոչ պետական ուսումնական հաստատությունում արձակուրդների տևողությունը և ժամկետները սահմանում է հիմնադիրը` այդ մասին 5 օր առաջ տեղյակ պահելով Նախարարությանը:

2. ՀԱՍՏԱՏՈՒԹՅԱՆ ՈՒՍՈՒՄՆԱԿԱՆ ՊԼԱՆԻ ԸՆԴՀԱՆՐԱԿԱՆ ՊԱՐԶԱԲԱՆՈՒՄՆԵՐ

19. Դպրոցական բաղադրիչի տնօրինման կարգ

1) Դպրոցական բաղադրիչի ժամաքանակը հատկացվում է ուսումնական պլանի պետական բաղադրիչով տվյալ դասարանի պետական պարտադիր առարկայացանկում նախատեսված և (կամ) Նախարարության կողմից երաշխավորված լրացուցիչ առարկայացանկում ընդգրկված առարկաներին, հոսքային կամ առանձին առարկաների խորացված ուսուցման ծրագրերի իրականացմանը և (կամ) սովորողների նախասիրություններին, ուսումնական հաստատության առանձնահատկություններին, համայնքի կարիքներին համապատասխան կրթություն կազմակերպելու նպատակով:

2) Նախարարությունը կարող է երաշխավորել «Կիրառական տնտեսագիտություն», «Կյանքի հմտություններ», «Բնապահպանություն», «Էկոլոգիա», «Էներգիայի և ռեսուրսների օգտագործում», «Ֆերմերային գործ», «Տրամաբանություն», «Գրաբար», «Հայոց եկեղեցու պատմություն» (տարրական դպրոց, ավագ դպրոցի բնագիտամաթեմատիկական հոսք), «Հայկական հարցի պատմություն», «Հոգեբանություն», «Բարոյագիտություն», «Մշակույթի պատմություն» առարկաների ուսուցումը՝ հաստատության կողմից դրանց առարկայական ծրագրերը սահմանված կարգով Նախարարության հաստատմանը ներկայացվելու դեպքում:

3) Հաստատությունը կարող է ներդնել նաև նոր առարկաներ (դասընթացներ)՝ դրանց ծրագրերը սահմանված կարգով Նախարարությանը հաստատման ներկայացնելու դեպքում:

Հաստատության տնօրենը ուսպլանի դպրոցական բաղադրիչի ժամաքանակի բաշխումը կատարում է մանկավարժական խորհրդի որոշմամբ՝ ելնելով հաստատության, դասարանի պատրաստությունից, մանկավարժներով, ծրագրերով, դասագրքերով և երաշխավորված լրացուցիչ առարկայացանկի որևէ առարկայի լիարժեք ուսուցման կազմակերպման նպատակով Նախարարության կողմից հանրակրթական ուսումնական հաստատությունների համար երաշխավորված այլ ուսումնական գրականությամբ ապահովվածությունից և ուսուցման կազմակերպման համար անհրաժեշտ այլ պայմաններից, ինչպես նաև Նախարարության հանձնարարականներից։

4) Դպրոցական բաղադրիչի ժամաքանակի բաշխումը պարտադիր է:

5) Դպրոցական բաղադրիչով սահմանված ժամաքանակի շրջանակում դասավանդվող առարկայացանկը ամրագրվում է հաստատության ուսպլանում և դասացուցակում։

6) Դպրոցական բաղադրիչի ժամաքանակը ուսումնական պլանի պետական բաղադրիչում ընդգրկված առարկաներին տրամադրվելու դեպքում դասարանը կիսելու հարցը կարգավորվում է «Հաստատության ուսումնական պլանի ընդհանրական պարզաբանումների» համաձայն։ Դասարանը նույն կարգով կարող է կիսվել երկու խմբի նաև Նախարարության երաշխավորած «Գրաբար» առարկայի պարապմունքների ժամանակ։

7) 6-7-րդ դասարաններում «Կերպարվեստ» և «Երաժշտություն» առարկաներից մեկը հաստատության ընտրությամբ դասավանդվում է առաջին, մյուսը` երկրորդ կիսամյակում:

20. Ուսումնական գործընթացի կազմակերպումը 12-րդ դասարանում

1) 12-րդ դասարանում առարկայական ծրագրերով նախատեսված ուսումնական թեմաների ուսումնասիրությունն իրականացվում է առաջին կիսամյակում:

2) 12-րդ դասարանում ուսումնական պլանով նախատեսված ժամաքանակը երկրորդ կիսամյակում հատկացվում է անհատական և խմբային պարապմունքների միջոցով պետական քննական (ավարտական, միասնական) առարկաների ուսումնական ամբողջ նյութի կրկնությանը: Այդ նպատակով կազմվում է սովորողների անհատական և խմբային ուսուցման ժամանակացույց:

3) Երկրորդ կիսամյակում քննական առարկաների (բացառությամբ «Ֆիզկուլտուրա» առարկայի) կրկնությանը հատկացված ժամաքանակը չի կարող պակաս լինել այդ առարկաներին առաջին կիսամյակում օրինակելի ուսպլանով հատկացված ժամաքանակից:

4) 12-րդ դասարանի երկրորդ կիսամյակում յուրաքանչյուր դասարանի (խմբի) համար ուսուցումը պետք է իրականացվի խմբային եղանակով շաբաթական 34 ժամ ծավալով՝ յուրաքանչյուր սովորողի համար:

5) Բնագիտական առարկայի(ների) դասաժամին տվյալ ուսումնական հաստատության 12-րդ դասարանի(ների) բոլոր սովորողները խմբավորվում են՝ ըստ իրենց կողմից ընտրված բնագիտական առարկայի(ների): Նույն սկզբունքով կատարվում է նաև օտար լեզվի խմբի (խմբերի) ձևավորումը:

6) Սովորողների կողմից ընտրված բնագիտական առարկաների կամ օտար լեզուների ուսուցման կազմակերպման նպատակահարմարությունից ելնելով՝ անհրաժեշտ է ըստ առարկաների ձևավորված յուրաքանչյուր խմբերի, անկախ սովորողների թվից, հատկացնել շաբաթական միևնույն քանակի դասաժամ:

7) Խմբերում սովորողների խտությունը չի կարող գերազանցել 10-12-րդ դասարանների համար սահմանված առավելագույն թիվը՝ 30 սովորող:

8) Ուսումնական պլանով նախատեսված ոչ քննական առարկաներից տարեկան գնահատականները նշանակվում են սովորողների առաջին կիսամյակի կիսամյակային գնահատականների հիման վրա:

ա. Քննական առարկաների տարեկան գնահատականները նշանակվում են առաջին կիսամյակի կիսամյակային գնահատականի և երկրորդ կիսամյակում բանավոր ստուգման, գործնական և գրավոր աշխատանքների գնահատականների արդյունքում ձևավորված կիսամյակային գնահատականի միջին թվաբանականի հիման վրա, բացառությամբ Հավելված 1-ի 20-րդ կետի 9-րդ ենթակետով նախատեսված դեպքի:

բ. Քննական յուրաքանչյուր առարկայից տրվում են ստուգողական աշխատանքներ: Այդ աշխատանքները տրվում են կրկնվող թեմայի, ինչպես նաև մի քանի բովանդակային ամբողջություն կազմող քննական ծրագրային նյութերի ամփոփումից հետո:

գ. Բանավոր ստուգման, գործնական և գրավոր աշխատանքների գնահատականները լրացվում են դասամատյաններում:

9) 120-200 ժամ բացակայելու դեպքում «Հանրակրթության մասին» ՀՀ օրենքի 16-րդ հոդվածի 11-րդ մասով սահմանված` տվյալ դասարանի ուսումնական պլանով նախատեսված հինգ առարկաներից անցկացվում են քննություններ, իսկ մյուս առարկաներից` ամփոփիչ ստուգողական աշխատանքներ («Ֆիզկուլտուրա» առարկայից նորմատիվների հանձնում): Քննությունների և ստուգողական աշխատանքների գնահատականները 12-րդ դասարանի սովորողների համար համարվում են տարեկան գնահատականներ.

ա. որևէ կիսամյակում 120-200 ժամ բացակայության դեպքում կիսամյակային (տարեկան) գնահատականներ չեն նշանակվում` անկախ ընթացիկ գնահատականների առկայությունից: Բոլոր առարկաների տարեկան գնահատականները որոշվում են սույն կետով նախատեսված քննությունների և ամփոփիչ ստուգողական աշխատանքների արդյունքում:

21. Օտար լեզվի ընտրության կարգ

1) Հանրակրթական հիմնական ընդհանուր պետական ծրագրեր իրականացնող ուսումնական հաստատություններում դասավանդվում է երկու օտար լեզու, որոնցից մեկը ռուսերենն է, մյուսը` անգլերեն, ֆրանսերեն, գերմաներեն և այլ լեզուներից որևէ մեկը:

2) Հաստատության ընտրությամբ երրորդ օտար լեզու (բացի ռուսերենից և մյուս հիմնական օտար լեզվից) կարելի է դասավանդել դպրոցական բաղադրիչի ժամաքանակի հաշվին՝ սկսած 5-րդ դասարանից, Նախարարության կողմից երաշխավորված ծրագրերի, ուսումնական գրականության հիման վրա, ուսուցման համար անհրաժեշտ պայմանների առկայության դեպքում:

3) Հաստատությունը դասավանդվող երկրորդ օտար լեզուն կարող է փոխարինել այլ օտար լեզվով` Նախարարության որոշմամբ։ Նախարարությունը քննարկում է Հաստատության մանկավարժական խորհրդի և ըստ հաստատության ենթակայության` լիազոր մարմնի առաջարկությունները օտար լեզվի փոխարինման վերաբերյալ և կայացնում համապատասխան որոշում։

4) Նոր հիմնադրված ուսումնական հաստատությունում դասավանդվող երկրորդ օտար լեզուն, ըստ հաստատության մանկավարժական խորհրդի և հաստատության ենթակայության լիազոր մարմնի առաջարկությունների` որոշում է Նախարարությունը:

3. ՀԱՍՏԱՏՈՒԹՅԱՆ ՈՒՍՈՒՄՆԱԿԱՆ ՊԼԱՆԻ ՊԱՐԶԱԲԱՆՈՒՄՆԵՐ

22. Հաստատության դասարանների միջին խտությունը` կրթական երեք աստիճանների համար սահմանվում է 25-30 սովորող՝ սանիտարական նորմերի պահպանմամբ, ընդ որում՝ սովորողների թիվը 1-9-րդ դասարաններում չի կարող գերազանցել 35-ը, իսկ 10-12-րդ դասարաններում` 30-ը: Հիմնադրի կողմից սահմանված խտությունից ավելի պակաս խտությամբ դասարան կարող է բացվել հաստատության լրացուցիչ ֆինանսավորման միջոցների հաշվին՝ հաստատության խորհրդի որոշմամբ:

23. Տարրական դպրոցում (1-4-րդ դասարաններ), եթե դասարանում սովորողների թիվը 30 և ավելի է, «Ռուսաց լեզու», «Օտար լեզու» առարկաների դասաժամերին կարելի է դասարանը բաժանել երկու խմբի։

24. Միջին դպրոցում «Հայոց լեզու» (7-9-րդ դասարաններ), «Ռուսաց լեզու», «Օտար լեզու» (5-9-րդ դասարաններ), «Ինֆորմատիկա» (6-9-րդ դասարաններ` համակարգչային դասարանի առկայության դեպքում) առարկաների պարապմունքներին դասարանը կարելի է բաժանել երկու խմբի, եթե դասարանում սովորողների թիվը 30 և ավելի է։

«Տեխնոլոգիա» առարկայի պարապմունքներին դասարանը կիսվում է երկու խմբի՝ տղաների և աղջիկների՝ անկախ սովորողների թվից (ուսուցումը կազմակերպվում է յուրաքանչյուր խմբի համար հաստատված համապատասխան առարկայական ծրագրով)։

25. 10-12-րդ դասարաններում «Հայոց լեզու», «Ռուսաց լեզու», «Օտար լեզու», «Ինֆորմատիկա» (համակարգչային դասարանի առկայության դեպքում) առարկաների և ավագ դպրոցի արհեստագործական մասնագիտական դասընթացների դասաժամերին դասարանը կարելի է բաժանել երկու խմբի, եթե տվյալ դասարանի սովորողների թիվը 30 և ավելի է:

26. Նախնական զինվորական պատրաստության ծրագիրը սովորողները կարող են յուրացնել նաև նախաբանակային պատրաստության ճամբարներում։

27. Անհրաժեշտության դեպքում հաստատությունն իրավասու է վերաբաշխելու առարկաների ուսուցմանը օրինակելի ուսումնական պլանով հատկացված ժամերը` պահպանելով տվյալ առարկայի տարեկան ընդհանուր ժամաքանակը:

28. 8-11-րդ դասարաններում Նախարարության կողմից երաշխավորված ծրագրի և ուսումնական նյութերի հիման վրա դասավանդվում է «Առողջ ապրելակերպ» դասընթացը, որին յուրաքանչյուր դասարանում տարեկան տրամադրվում է 14 դասաժամ:

1) «Առողջ ապրելակերպ» դասընթացին տրամադրված ժամաքանակը ձևավորվում է «Ֆիզկուլտուրա» առարկայի տարեկան ժամաքանակից առանձնացված 14 դասաժամի հաշվին:

2) «Ֆիզկուլտուրա» առարկայի ծրագրով նախատեսված ուսումնական նյութերը ենթարկվում են թեմատիկ վերաբաշխման` պահպանելով տվյալ դասարանի համար Նախարարության հաստատած ծրագրային ամբողջ ծավալը:

3) «Առողջ ապրելակերպ» դասընթացը դասավանդվում է 2013թ. հունվար-փետրվար ամիսներին:

4) «Առողջ ապրելակերպ» դասընթացի ընթացիկ գնահատում չի կատարվում: Դասամատյանում դասընթացի գրանցումները կատարվում են առանձին էջում:

29. 6-12-րդ դասարաններում «Հայոց լեզու», «Մաթեմատիկա», «Ինֆորմատիկա», «Քիմիա», «Ֆիզիկա», «Կենսաբանություն», «Հայոց պատմություն» և այլ առարկաների ծրագրերով ամսական առնվազն 1 (մեկ) ժամ ուսուցումը կազմակերպվում է համակարգչային կաբինետում (դրա առկայության դեպքում)` ելնելով յուրաքանչյուր առարկայից մատուցվող ուսումնական նյութի բովանդակային և դասավանդման մեթոդական պահանջներից: Այն առավել արդյունավետ իրականացնելու համար անհրաժեշտ է օգտագործել Նախարարության կողմից երաշխավորված էլեկտրոնային ուսումնական նյութերը (լազերային սկավառակներ և այլն):

30. «Համաշխարհային պատմություն» և «Հայոց պատմություն» առարկաների համաժամանակյա թեմաների ուսուցումն ապահովելու նպատակով ուսուցիչներին իրավունք է տրվում մասնակի փոփոխություններ կատարել նշված առարկաների դասացանկում՝ պահպանելով յուրաքանչյուր առարկային հատկացված ընդհանուր ժամաքանակը:

4. ԱՌԱՆՁԻՆ ԳՈՐԾՈՂ ԱՎԱԳ ԴՊՐՈՑԻ ՀՈՍՔԱՅԻՆ ՈՒՍՈՒՑՄԱՆ ԾՐԱԳՐԵՐԻ 2012-2013 ՈՒՍՈՒՄՆԱԿԱՆ ՏԱՐՎԱ ՕՐԻՆԱԿԵԼԻ ՈՒՍՈՒՄՆԱԿԱՆ ՊԼԱՆՆԵՐ ԸՆԴՀԱՆՐԱԿԱՆ ՊԱՐԶԱԲԱՆՈՒՄՆԵՐ

31. Օրինակելի ուսումնական պլանները սահմանում են հոսքային ուսուցման ծրագրեր իրականացնող առանձին գործող ավագ դպրոցում (այսուհետ` Ավագ դպրոց) միջնակարգ կրթության բովանդակության կառուցվածքը՝ ըստ տարբերակված հոսքերի, հանրակրթական ուսումնական առարկաներին հատկացվող շաբաթական ժամաքանակները` ըստ բաղադրիչների, հոսքային (արհեստագործական հոսքում` մասնագիտական), ընդհանուր հանրակրթական, դպրոցական և սովորողների շաբաթական ուսումնական բեռնվածության առավելագույն չափը` ըստ դասարանների:

32. Ավագ դպրոցում երաշխավորվում են հոսքերի հետևյալ խմբերը`

1) հիմնական - հումանիտար, բնագիտամաթեմատիկական, արհեստագործական,

2) լրացուցիչ - արվեստի, մարզական, ռազմական,

3) ընդհանուր:

33. Ավագ դպրոցի X-XII դասարանների ուսումնական պլանները՝ ըստ հոսքերի տրված են.

1) հումանիտար հոսքը` «Հանրակրթական ավագ դպրոցի հումանիտար հոսքի X-XII դասարանի ուսումնական պլան»-ում,

2) բնագիտամաթեմատիկական հոսքը` «Հանրակրթական ավագ դպրոցի բնագիտամաթեմատիկական հոսքի X-XII դասարանի ուսումնական պլան»-ում,

3) արհեստագործական հոսքը` «Հանրակրթական ավագ դպրոցի արհեստագործական հոսքի X-XII դասարանի ուսումնական պլան»-ում,

4) ընդհանուր հոսքը` «Հաստատության ուսումնական պլան»-ում (տես` Աղյուսակ 1):

34. Ուսումնական պարապմունքները Ավագ դպրոցում սկսվում են 2012թ. սեպտեմբերի 1-ին, ավարտվում են 2013 թ. մայիսի 24-ին՝ ապահովելով ոչ պակաս, քան 34 ուսումնական շաբաթ:

35. Պետական Ավագ դպրոցում ուսումնական շաբաթվա հնգօրյա կամ վեցօրյա տևողությունը սահմանում է Ավագ դպրոցը, իսկ ոչ պետական Ավագ դպրոցում` հիմնադիրը:

Ավագ դպրոցը, կիսամյակը սկսելուց առնվազն տասնհինգ օր առաջ, այդ հարցը համաձայնեցնում է Նախարարության հետ:

36. Ուսումնական պլանի ընդհանուր հանրակրթական, հոսքային, դպրոցական բաղադրիչներն ուղղված են Հանրակրթության պետական չափորոշչով, առարկայական չափորոշիչներով և ծրագրերով ամրագրված գիտելիքների, կարողությունների ու հմտությունների ապահովմանը։

37. Ավագ դպրոցում գործում է գնահատման 10 միավորային համակարգ։ Ընթացիկ գնահատման ժամանակ կարող են կիրառվել նաև գնահատման այլ համակարգեր, որոնք բերվում են 10 միավորային գրանցման: Պետական ավարտական քննությունների ժամանակ կիրառվող գնահատման համակարգերը բերվում են 10 կամ 20 միավորային գրանցման։

38. Ավագ դպրոցում խմբային ուսուցման կազմակերպման հիմնական ձևը դասն է: Դասի տևողությունը 45 րոպե է։

39. Ուսումնական տարին բաժանվում է կիսամյակների: Սովորողների ընթացիկ գնահատականների հիման վրա ձևավորվում են կիսամյակային, իսկ կիսամյակային գնահատականների միջոցով` տարեկան գնահատականները, բացառությամբ Հավելված 1-ի 43-րդ կետի 8-րդ ենթակետով նախատեսված դեպքի:

40. Ուսումնական տարվա ընթացքում 10-12-րդ դասարանների սովորողներին տրվում են արձակուրդներ՝ աշնանային՝ 2012թ. հոկտեմբերի 22-ից 28-ը ներառյալ, ձմեռային՝ 2012թ. դեկտեմբերի 29-ից 2013թ. հունվարի 13-ը ներառյալ, գարնանային՝ մարտի 18-ից 24-ը ներառյալ:

41. Ավագ դպրոցի դասարանների միջին խտությունը ուսպլանի ընդհանուր հանրակրթական և հոսքային ուսուցման առարկաների դասերին սահմանվում է 20-25 սովորող (ընդ որում` ընդհանուր հանրակրթական և հոսքային առարկաների դասերին սովորողների թիվը չի կարող գերազանցել 30-ը):

42. Հոսքային ուսուցման առարկաների դասերին` ֆինանսական միջոցների առկայության դեպքում դասարանի միջին խտությունը կարող է սահմանվել 12-15 սովորող` սանիտարական նորմերի պահպանմամբ:

43. Ուսումնական գործընթացի կազմակերպումը 12-րդ դասարանում

1) 12-րդ դասարանում առարկայական ծրագրերով նախատեսված ուսումնական թեմաների ուսումնասիրությունն իրականացվում է առաջին կիսամյակում:

2) 12-րդ դասարանում ուսումնական պլանով նախատեսված ժամաքանակը երկրորդ կիսամյակում հատկացվում է անհատական և խմբային պարապմունքների միջոցով պետական քննական (ավարտական, միասնական) առարկաների ուսումնական ամբողջ նյութի կրկնությանը: Այդ նպատակով կազմվում է սովորողների անհատական և խմբային ուսուցման ժամանակացույց:

3) 12-րդ դասարանի երկրորդ կիսամյակում յուրաքանչյուր դասարանի (խմբի) համար ուսուցումը պետք է իրականացվի խմբային եղանակով՝ յուրաքանչյուր սովորողի համար ապահովելով շաբաթական 34 դասաժամ:

4) Առաջին կիսամյակում համալրված դասարանները, երկրորդ կիսամյակում, «Հայոց լեզու և հայ գրականություն», «Մաթեմատիկա», «Հայոց պատմություն», «Ֆիզկուլտուրա» քննական առարկաների դասաժամերին սովորողների ուսումնառությունը շարունակվում է նույն համակազմով` որպես մեկ ուսումնական խումբ:

5) Սովորողների կողմից ընտրված բնագիտական առարկաների կամ օտար լեզուների, ուսուցման կազմակերպման նպատակահարմարությունից ելնելով` անհրաժեշտ է` ըստ առարկաների ձևավորված խմբերի` անկախ սովորողների քանակից, հատկացնել միևնույն քանակի շաբաթական դասաժամ, որը պետք է պակաս չլինի օրինակելի ուսումնական պլանով առաջին կիսամյակում այդ առարկաների համար նախատեսված ժամաքանակից: Սույն դրույթի պահանջը չի տարածվում «Ֆիզկուլտուրա» առարկայի վրա:

6) Բնագիտական առարկաների դասաժամերին տվյալ ուսումնական հաստատության 12-րդ դասարանի(ների) բոլոր սովորողները խմբավորվում են՝ ըստ իրենց կողմից ընտրված բնագիտական առարկայի(ների): Նույն սկզբունքով կատարվում է նաև օտար լեզվի խմբի (խմբերի) ձևավորումը:

7) Ուսումնական պլանով նախատեսված ոչ քննական առարկաներից տարեկան գնահատականները նշանակվում են սովորողների առաջին կիսամյակի կիսամյակային գնահատականների հիման վրա:

ա. Քննական առարկայի տարեկան գնահատականը նշանակվում է առաջին կիսամյակի կիսամյակային գնահատականի և երկրորդ կիսամյակում բանավոր ստուգման, գործնական և գրավոր աշխատանքների գնահատականների արդյունքում ձևավորված կիսամյակային գնահատականի միջին թվաբանականի հիման վրա:

բ. Քննական յուրաքանչյուր առարկայից տրվում են ստուգողական աշխատանքներ: Այդ աշխատանքները տրվում են կրկնվող թեմայի, ինչպես նաև մի քանի բովանդակային ամբողջություն կազմող քննական ծրագրային նյութերի ամփոփումից հետո:

գ. Բանավոր ստուգման, գործնական և գրավոր աշխատանքների գնահատականները լրացվում են դասամատյաններում:

8) 120-200 ժամ բացակայելու դեպքում «Հանրակրթության մասին» ՀՀ օրենքի 16-րդ հոդվածի 11-րդ մասով սահմանված` տվյալ դասարանի ուսումնական պլանով նախատեսված հինգ առարկաներից անցկացվում են քննություններ, իսկ մյուս առարկաներից` ամփոփիչ ստուգողական աշխատանքներ («Ֆիզկուլտուրա» առարկայից նորմատիվների հանձնում): Քննությունների և ստուգողական աշխատանքների գնահատականները 12-րդ դասարանի սովորողների համար համարվում են տարեկան գնահատականներ.

ա. որևէ կիսամյակում 120-200 ժամ բացակայության դեպքում կիսամյակային (տարեկան) գնահատականներ չեն նշանակվում` անկախ ընթացիկ գնահատականների առկայությունից: Բոլոր առարկաների տարեկան գնահատականները որոշվում են սույն կետով նախատեսված քննությունների և ամփոփիչ ստուգողական աշխատանքների արդյունքում:

44. Օրինակելի ուսումնական պլանների կառուցվածքը

1) Հոսքային (խորացված) ուսուցման օրինակելի ուսումնական պլանները կազմված են ընդհանուր հանրակրթական, հոսքային և դպրոցական բաղադրիչներից:

ա. Ընդհանուր հանրակրթական բաղադրիչը ներառում է հանրակրթական ուսումնական առարկան(երը) և յուրաքանչյուր առարկայի համար նախատեսված շաբաթական ժամաքանակներն՝ ըստ դասարանների: Ընդհանուր հանրակրթական առարկաները պարտադիր են տվյալ հոսքի (ենթահոսքի) համար:

բ. Հոսքային բաղադրիչով սահմանված ժամաքանակը տրամադրվում է խորացված ուսուցմամբ առարկաների դասավանդմանը, իսկ արհեստագործական հոսքում` մասնագիտական դասընթացներին: Հոսքային բաղադրիչներում ընդգրկված առարկաներն (դասընթացներն) ուղղված են սովորողի հետագա մասնագիտական կրթության հիմքերի ստեղծմանը և հանրակրթությունից մասնագիտական կրթության անցման շարունակականության ապահովմանը, իսկ արհեստագործական հոսքի պարագայում` նախնական մասնագիտական կրթության որևէ որակավորման ձեռքբերմանը:

գ. Դպրոցական բաղադրիչը հոսքային ուսուցման դեպքում ընդգրկում է հետագա մասնագիտական կրթության նախապատրաստմանն ուղղված ընտրովի առարկաներ, դասընթացներ և յուրաքանչյուր առարկայի (դասընթացի) համար ըստ դասարանների նախատեսված ժամաքանակները: Այս բաղադրիչը տնօրինում է դպրոցը` ղեկավարվելով Նախարարության կողմից հաստատված լրացուցիչ առարկայացանկով:

դ. Ավագ դպրոցն, օրինակելի ուսումնական պլանների հիման վրա, ընդհանուր հանրակրթական, հոսքային, դպրոցական բաղադրիչների տնօրինմամբ մշակում է յուրաքանչյուր հոսքի` տվյալ ուստարվա ենթահոսքերի ուսումնական պլանները: Ենթահոսքերի ուսումնական պլանները կազմելիս դպրոցն ընդհանուր հանրակրթական և հոսքային բաղադրիչներով նախատեսված ժամաքանակի բաշխումից հետո մնացած ժամաքանակը հատկացնում է դպրոցական բաղադրիչին:

ե. Ընդհանուր հանրակրթական, հոսքային և դպրոցական բաղադրիչները ֆինանսավորվում են պետական բյուջեից:

զ. 10-12-րդ դասարաններում դասարանի շաբաթական ուսումնական պարտադիր բեռնվածությունը բոլոր հոսքերում սահմանվում է 34 դասաժամ:

45. Դպրոցական բաղադրիչի տնօրինման կարգ

1) Ընդհանուր հոսքում դպրոցական բաղադրիչի ժամաքանակը տրամադրվում է Նախարարության կողմից հաստատված լրացուցիչ առարկայացանկի, ինչպես նաև տվյալ դասարանի ընդհանուր հանրակրթական բաղադրիչի մեջ մտնող առարկաներին, իսկ հոսքային ուսուցմամբ դասարաններում` նաև հոսքային ուսուցման առարկաներին:

Ավագ դպրոցի խորացված ուսուցմամբ հոսքերի համար կարող են երաշխավորվել լրացուցիչ հետևյալ՝ «Գրաբար», «Գրականագիտություն» (գրականության տեսություն), «Արտասահմանյան գրականություն», «Բանահյուսություն» (հին և միջնադարյան շրջան), «Ճարտասանություն», «Ժամանակակից գրական գործընթաց», «Արևմտահայերեն», «Իրավունքի պատմություն», «Հայկական հարցի պատմություն», «Հայ մշակույթի պատմություն», «Հնագիտություն», «Հայաստանի պատմական աշխարհագրություն», «Ազգագրություն», «Հայաստանի հարակից երկրների պատմություն», «Կրոնի պատմություն», «Արվեստի պատմություն», «Հայոց եկեղեցու պատմություն» (բնագիտամաթեմատիկական հոսք), «Կիրառական տնտեսագիտություն», «Տրամաբանության հիմունքներ», «Թվային համակարգեր», «Երկրաչափության հիմունքներ», «Դիսկրետ մաթեմատիկայի տարրեր», «Աստղագիտություն», «Ռադիոէլեկտրոնիկա», «Էկոլոգիա», «Բնօգտագործման և բնապահպանության հիմունքներ», «Կիրառական քիմիա», «Գիտական ճանաչողության հիմունքներ», «Բնական գիտությունները և մաթեմատիկան», «Բնագիտական մտքի պատմություն», «Երկրագիտություն» (ուսումնասիրվող օտար լեզվով), «Քերականություն և բառագիտություն» (ուսումնասիրվող օտար լեզվով), «Գրականություն» (ուսումնասիրվող օտար լեզվով), «Մասնագիտական կողմնորոշում», «Տեխնոլոգիա» առարկաների ուսուցումը՝ հաստատության կողմից դրանց առարկայական ծրագրերը սահմանված կարգով Նախարարություն հաստատման ներկայացվելու դեպքում:

2) Հաստատությունը կարող է ներդնել նաև նոր առարկաներ (դասընթացներ), դրանց ծրագրերը սահմանված կարգով Նախարարությանը հաստատման ներկայացնելու դեպքում:

3) Ավագ դպրոցի տնօրենը ուսպլանի դպրոցական բաղադրիչի ժամաքանակի բաշխումը կատարում է մանկավարժական խորհրդի որոշմամբ՝ ելնելով դպրոցի, դասարանի պատրաստությունից, մանկավարժներով, ծրագրերով, դասագրքերով և երաշխավորված լրացուցիչ առարկայացանկի որևէ առարկայի լիարժեք ուսուցման կազմակերպման նպատակով Նախարարության կողմից հանրակրթական ուսումնական հաստատությունների համար երաշխավորված այլ ուսումնական գրականությամբ ապահովվածությունից, հոսքային կամ առանձին առարկաների խորացված կրթական ծրագրերի իրականացման և (կամ) սովորողների նախասիրություններին, ուսումնական հաստատության առանձնահատկություններին, համայնքի կարիքներին համապատասխան կրթություն կազմակերպելու նպատակով, ինչպես նաև հիմք ընդունելով Նախարարության հանձնարարականները:

ա. Դպրոցական բաղադրիչով սահմանված ժամաքանակի շրջանակում դասավանդվող առարկայացանկն ամրագրվում է դպրոցի ուսպլանում և դասացուցակում։

բ. Եթե դպրոցական բաղադրիչի ժամաքանակը տրամադրվել է ուսումնական պլանի ընդհանուր հանրակրթական բաղադրիչում ընդգրկված առարկաներին, ապա դասարանը կիսելու հարցը կարգավորվում է Հավելված 1-ի մաս 3-ի («Հաստատության ուսումնական պլանի պարզաբանումներ») 25-րդ կետով սահմանված կարգով։

46. Օտար լեզվի ընտրության կարգ

1) Ավագ դպրոցում դասավանդվում է առնվազն երկու օտար լեզու, որոնցից մեկը ռուսերենն է, մյուսը` անգլերեն, ֆրանսերեն, գերմաներեն կամ որևէ այլ լեզու:

2) Երրորդ (հիմնական և մյուս օտար լեզվից բացի) օտար լեզու կարելի է դասավանդել հումանիտար հոսքում, ոչ ավելի, քան այդ հոսքում Հոսքային բաղադրիչ 1-ում «Օտար լեզու-1» առարկային տրամադրված ժամաքանակի չափով` Նախարարության կողմից համապատասխան ծրագրի և ուսումնական գրականության երաշխավորության հիման վրա:

3) Ավագ դպրոցը դասավանդվող օտար լեզուն կարող է փոխարինել այլ օտար լեզվով` Նախարարության որոշմամբ։ Նախարարությունը քննարկում է Ավագ դպրոցի մանկավարժական խորհրդի առաջարկությունը օտար լեզվի փոխարինման վերաբերյալ և կայացնում համապատասխան որոշում։

4) Նոր հիմնադրված ավագ դպրոցում դասավանդվող երկրորդ օտար լեզուն, հաստատության մանկավարժական խորհրդի առաջարկությամբ, որոշում է Նախարարությունը:

47. Սույն օրինակելի ուսումնական պլանի Հավելված 1.1-ի (այսուհետ՝ Հավելված 1.1-ի) աղյուսակների պարզաբանումներ

1) Աղյուսակ 1-ում, Աղյուսակ 5-ում, Աղյուսակ 6-ում, Աղյուսակ 7-ում և Աղյուսակ 8-ում՝

ա. «¹» նշագրումը նշանակում է, որ նշված դասաժամերի շրջանակում ուսուցումն իրականացվում է 11-ամյա միջնակարգ ընդհանուր կրթության առարկայական ծրագրերով:

2) Հավելված 1.1-ի Աղյուսակ 2-ում՝

ա. «¹» նշագրումը նշանակում է, որ խորացված ուսուցման առարկաներ սովորողն ընտրում է բերված ցանկից մինչև չորս առարկա,

բ. «²» նշագրումը նշանակում է, որ բնագիտական առարկաներ են համարվում «Ֆիզիկան», «Քիմիան», «Կենսաբանությունը» և «Աշխարհագրությունը»,

գ. «³» նշագրումը նշանակում է, որ նշված դասաժամերի շրջանակում ուսուցումն իրականացվում է 11-ամյա միջնակարգ ընդհանուր կրթության առարկայական ծրագրերով,

դ. Օտար լեզու-1 ընտրելու դեպքում սովորողը չի ուսումնասիրում «Օտար լեզու-2» առարկան, «Ռուսաց լեզու» առարկան ուսումնասիրում է ընդհանուր հանրակրթական բաղադրիչով սահմանված ժամաքանակով: Օտար լեզու-1 և Ռուսաց լեզու-1 ընտրելու դեպքում` սովորողը չի ուսումնասիրում «Օտար լեզու-2» և «Ռուսաց լեզու-2» առարկաները:

3) Սովորողը խորացված ուսուցմամբ առարկայացանկից (հոսքային բաղադրիչ) ընտրում է որոշակի թվով առարկաներ (տե՛ս կետ 47-րդ կետի 2-րդ ենթակետի ա. պարբերության պարզաբանումը): Այդ դեպքում սովորողը չի ուսումնասիրում ուսպլանի Ընդհանուր հանրակրթական բաղադրիչում ընդգրկված միևնույն առարկաները:

4) Հումանիտար հոսքի որևէ ենթահոսքի առարկաների` հոսքային և ընդհանուր հանրակրթական բաղադրիչներով սահմանված ժամաքանակի բաշխումից հետո մնացած ժամաքանակը տնօրինվում է Հավելված 1-ի մաս 3-ի «Դպրոցական բաղադրիչի տնօրինման կարգի» համաձայն:

5) Ավագ դպրոցի հումանիտար հոսքի ուսումնական պլանով (տե՛ս Հավելված 1.1-ի Աղյուսակ 2):

ա. 10-րդ դասարանում բնագիտական առարկաներից մեկն ուսումնասիրվում է հարակից առարկաների ծրագրով (շաբաթական 2 ժամ), իսկ մնացած երեք բնագիտական առարկաները, համապատասխանաբար, այդ առարկաների` հումանիտար հոսքի ծրագրերով:

բ. 11-րդ դասարանում հումանիտար հոսքի ենթահոսքերից յուրաքանչյուրի սովորողներն ընտրում են չորս բնագիտական առարկաներից երկուսը, ընդ որում` այդ առարկաներից մեկն ուսումնասիրվում է բնագիտական հոսքի հարակից առարկաների, իսկ մյուսը` հումանիտար հոսքի ծրագրով:

գ. 12-րդ դասարանում բնագիտական առարկաներից սովորողների ուսուցումը շարունակվում է 10-րդ դասարանում նրանց ընտրած բնագիտական հոսքի հարակից առարկայի ծրագրով:

դ. 11-րդ դասարանում դպրոցական բաղադրիչում ձևավորված ժամաքանակից 0.5 ժամ կարող է հատկացվել «Հասարակագիտություն» առարկային` հանրակրթական դպրոցի ընդհանուր հոսքի համար նախատեսված ծրագրով ուսուցում կազմակերպելու նպատակով (տե՛ս Աղյուսակ 1):

6) Հավելված 1.1-ի Աղյուսակ 3-ում՝

ա. «¹» նշագրումը նշանակում է, որ խորացված ուսուցման առարկաներ սովորողն ընտրում է բերված ցանկից մինչև երեք առարկա,

բ. «²» նշագրումը նշանակում է, որ բնագիտական առարկաներ են համարվում «Ֆիզիկան», «Քիմիան», «Կենսաբանությունը» և «Աշխարհագրությունը»,

գ. «³» նշագրումը նշանակում է, որ Օտար լեզու-1 ընտրելու դեպքում սովորողը չի ուսումնասիրում «Օտար լեզու-2» առարկան, «Ռուսաց լեզու» առարկան ուսումնասիրում է ընդհանուր հանրակրթական բաղադրիչով սահմանված ժամաքանակով:

7) Ավագ դպրոցի բնագիտամաթեմատիկական հոսքի ուսումնական պլանով (տե՛ս Հավելված 1.1-ի Աղյուսակ 3)՝

ա. Սովորողը խորացված ուսուցմամբ առարկայացանկից (հոսքային բաղադրիչ) առարկա(ներ) ընտրելու դեպքում չի ուսումնասիրում ուսպլանի Ընդհանուր հանրակրթական բաղադրիչում ընդգրկված միևնույն առարկան(երը):

բ. Բնագիտամաթեմատիկական հոսքի որևէ ենթահոսքի առարկաների` Հոսքային և Ընդհանուր հանրակրթական բաղադրիչներով սահմանված ժամաքանակի բաշխումից հետո մնացած ժամաքանակը տնօրինվում է Հավելված 1-ի մաս 3-ի «Դպրոցական բաղադրիչի տնօրինման կարգի» համաձայն:

գ. Եթե սովորողը խորացված ուսուցմամբ ընտրում է մեկ բնագիտական առարկա, ապա 10-րդ դասարանում Ընդհանուր հանրակրթական բաղադրիչում ընդգրկված մնացած բնագիտական առարկաներից մեկը՝ շաբաթական 2 ժամով, ուսումնասիրում է բնագիտական հոսքի հարակից առարկաների ծրագրերով, իսկ մյուս երկու բնագիտական առարկաները` այդ առարկաների` հումանիտար հոսքի ծրագրերով: 11-12-րդ դասարաններում մեկ բնագիտական առարկայի խորացված ուսուցումը շարունակելու դեպքում մնացած երկու բնագիտական առարկաներից մեկն ուսումնասիրում է այդ առարկայի` բնագիտական հոսքի հարակից առարկայական ծրագրով, իսկ մյուսը` այդ առարկայի` հումանիտար հոսքի ծրագրով:

դ. Եթե սովորողը խորացված ուսուցմամբ ընտրում է երկու բնագիտական առարկա, ապա Ընդհանուր հանրակրթական բաղադրիչում ընդգրկված բնագիտական առարկաներից մյուս երկուսը 10-րդ դասարանում ուսումնասիրում է այդ առարկաների` հումանիտար հոսքի ծրագրերով: 11-12-րդ դասարաններում երկու բնագիտական առարկաների խորացված ուսուցումը շարունակելու դեպքում մնացած մեկ բնագիտական առարկան ուսումնասիրում է այդ առարկայի` հումանիտար հոսքի ծրագրով:

ե. Եթե սովորողը խորացված ուսուցմամբ առարկայացանկից (հոսքային բաղադրիչ) ընտրում է այն առարկաները, որոնց ուսուցման համար ուսպլանի Ընդհանուր հանրակրթական բաղադրիչով նույնպես նախատեսված է որոշակի ժամաքանակ, ապա այդ ժամաքանակը տրվում է ուսպլանի դպրոցական բաղադրիչին (բացառությամբ` Ընդհանուր հանրակրթական բաղադրիչում «Մաթեմատիկա» առարկայի ժամաքանակի, քանի որ այդ ժամաքանակը ներառված է «Մաթեմատիկա-1» առարկային հատկացված ժամաքանակում):

զ. 11-12-րդ դասարաններում «Հասարակագիտություն» առարկան ուսումնասիրվում է հանրակրթական դպրոցի հումանիտար և բնագիտամաթեմատիկական հոսքերի համար նախատեսված ծրագրով:

է. Եթե սովորողը 12-րդ դասարանում ուսումնասիրում է «Օտար լեզու-1» առարկան, ապա չի շարունակում «Օտար լեզու-2» առարկային տրված ժամաքանակի շրջանակում նախատեսված համապատասխան ծրագրերի ուսումնասիրությունը: Ռուսաց լեզուն սովորողն ուսումնասիրում է Ընդհանուր հանրակրթական բաղադրիչով սահմանված ժամաքանակով՝ «Ռուսաց լեզու-2»: Եթե սովորողը 12-րդ դասարանում չի ուսումնասիրում «Օտար լեզու-1» առարկան, ապա շարունակում է «Օտար լեզու-2» և «Ռուսաց լեզու-2» առարկաներին տրված ժամաքանակների շրջանակներում նախատեսված համապատասխան ծրագրերի ուսումնասիրությունը:

ը. «Համաշխարհային պատմություն» առարկան ավագ դպրոցի մանկավարժական խորհրդի որոշմամբ կարող է ընդգրկվել Ընդհանուր հանրակրթական բաղադրիչի առարկայացանկում և ուսումնասիրվել առարկայի` ընդհանուր և բնագիտամաթեմատիկական հոսքերի համար երաշխավորված ծրագրով (տե՛ս Աղյուսակ 3):

8) Հավելված 1.1-ի Աղյուսակ 4-ում՝

ա. «¹» նշագրումը նշանակում է, որ մասնագիտական դասընթացներ (առարկաներ) են համարվում դպրոցի կողմից իրականացվող նախամասնագիտական ուսումնական ծրագրերը:

բ. «²» նշագրումը նշանակում է, որ բնագիտական առարկաներ են համարվում «Ֆիզիկան», «Քիմիան», «Կենսաբանությունը» և «Աշխարհագրությունը»:

9) Ավագ դպրոցի արհեստագործական հոսքի ուսումնական պլանով (տե՛ս Հավելված 1.1-ի Աղյուսակ 4)՝

ա. 10-րդ դասարանում բնագիտական առարկաներից մեկն ուսումնասիրվում է բնագիտական հոսքի` հարակից առարկաների ծրագրերով (շաբաթական 2 ժամ), իսկ մնացած երեք բնագիտական առարկաները, համապատասխանաբար, այդ առարկաների` հումանիտար հոսքի համար նախատեսված ծրագրերով:

բ. 11-րդ դասարանում սովորողներն ընտրում են չորս բնագիտական առարկաներից երկուսը, ընդ որում` այդ առարկաներից մեկն ուսումնասիրվում է բնագիտական հոսքի` հարակից առարկաների ծրագրով, իսկ մյուսը` հումանիտար հոսքի համար նախատեսված ծրագրով:

գ. 12-րդ դասարանում բնագիտական առարկաներից սովորողների ուսուցումը շարունակվում է 10-րդ դասարանում՝ նրանց ընտրած բնագիտական հոսքի հարակից առարկայի ծրագրով:

դ. Մասնագիտական դասընթացների ժամաքանակը ներառում է նաև պրակտիկ ուսուցման ժամեր: Ուսպլանի 12-րդ դասարանի երկրորդ կիսամյակի ժամաքանակը հատկացվում է ուսումնական պրակտիկայի կազմակերպմանը, պետական պարտադիր առարկաների կրկնությանը և պետական ավարտական քննություններին նախապատրաստմանը:

ե. «Համաշխարհային պատմություն» առարկան դպրոցի մանկավարժական խորհրդի որոշմամբ կարող է ընդգրկվել Ընդհանուր հանրակրթական բաղադրիչի առարկայացանկում և ուսումնասիրվել առարկայի` ընդհանուր և բնագիտամաթեմատիկական հոսքերի համար երաշխավորված ծրագրով (տե՛ս Աղյուսակ 4):

10) Ռուսերենով ուսուցմամբ միջնակարգ հանրակրթական դպրոցի (դասարանի) ուսումնական պլանով (տե՛ս Հավելված 1.1-ի Աղյուսակ 6)՝

ա. ռուսերենով ուսուցմամբ դպրոցում (դասարանում) «Մայրենի» առարկայի դասաժամերը 1-ին դասարանի 1-ին կիսամյակում հատկացվում են բանավոր խոսքի զարգացմանը, 2-րդ կիսամյակում՝ տառուսուցմանը։

11) Ազգային փոքրամասնությունների միջնակարգ հանրակրթական դպրոցի (դասարանի) ուսումնական պլանով (տե՛ս Հավելված 1.1-ի Աղյուսակ 7)՝

ա. ազգային փոքրամասնություններով համալրված դպրոցներում (դասարաններում) ռուսաց լեզվին և գրականությանը տրված ժամաքանակից 2-ական ժամ՝ 1-4-րդ դասարաններում, 1-ական ժամ՝ 5-12-րդ դասարաններում կարող է հատկացվել ազգային լեզվին և գրականությանը՝ ուսուցման համար անհրաժեշտ պայմանների առկայության դեպքում: Դասաժամերի փոփոխություն կարող է կատարվել միայն ազգային փոքրամասնության համայնքի առաջարկությամբ:

12) Երևան քաղաքի Պուշկինի անվան հ. 8 հիմնական դպրոցի, Երևանի հ. 29 ավագ դպրոցի, Կոտայքի մարզի Արզնի, Արարատի մարզի Դիմիտրով և Վերին Դվին գյուղերի դպրոցների ռուսերենով ուսուցմամբ և ասորերենի ուսումնասիրմամբ դասարանների օրինակելի ուսումնական պլանով (տե՛ս Հավելված 1.1-ի Աղյուսակ 8)՝

ա. 5-9-րդ դասարաններում «Հայոց եկեղեցու պատմությանը» լրացուցիչ դասաժամեր չեն հատկացվում: Ռուսերենով ուսուցմամբ դպրոցում (դասարանում) «Մայրենի» (հայերեն) առարկայի դասաժամերը 1-ին դասարանի 1-ին կիսամյակում հատկացվում են բանավոր խոսքի զարգացմանը, 2-րդ կիսամյակում՝ տառուսուցմանը:

13) Տնային և հիվանդանոցային պայմաններում երկարատև բուժվող երեխաների անհատական ուսուցման ուսումնական պլանով (տե՛ս Հավելված 1.1-ի Աղյուսակ 9)՝

ա. ռուսերենով ուսուցման դեպքում ռուսաց լեզվին տրվում են հայերենի համար հատկացված դասաժամերը` ապահովելով նույն ժամաքանակի սահմաններում նաև ռուս գրականության ուսուցումը, իսկ ռուսերենի համար նախատեսված ժամաքանակը տրվում է հայոց լեզվի ուսուցմանը։

բ. Տնային պայմաններում ուսուցում կազմակերպվում է բնակավայրը սպասարկող բուժհիմնարկի փաստաթղթերի հիման վրա (եթե բուժման ընթացքը տնային պայմաններում շարունակվելու է մեկ ամսից ավելի)` մարզպետարանի (Երևանի քաղաքապետարանի) կրթության վարչության թույլտվությամբ։

գ. Տնային պայմաններում ուսուցման կազմակերպումն իրականացնում է այն ուսումնական հաստատությունը, որտեղ հաշվառված է սովորողը։

դ. Տնային պայմաններում ուսուցում կազմակերպող ուսուցիչները վճարվում են դրույքաչափով, եթե ուսուցումը նախատեսվում է ամբողջ ուստարվա համար, մնացած դեպքերում՝ ժամավճարով։

ե. Հիվանդանոցներում երկարատև բուժվող երեխաների ուսուցումը կազմակերպվում է` ըստ դասարանների՝ նույն կարգի պահպանմամբ, տվյալ բուժհաստատությունը սպասարկող ուսումնական հաստատության կողմից (տե՛ս Հավելված 1.1-ի Աղյուսակ 9):

2012 թ. մայիսի 25-ի թիվ 537-Ն հրամանով հաստատված օրինակելի ուսումնական պլանի Հավելված 1.1

Աղյուսակ 1

Հաստատության ուսումնական պլան

Աղյուսակ 2

Ավագ դպրոցի հումանիտար հոսքի ուսումնական պլան

X-XII դասարաններ

Աղյուսակ 3

Ավագ դպրոցի բնագիտամաթեմատիկական հոսքի ուսումնական պլան

X-XII դասարաններ

Աղյուսակ 4

Ավագ դպրոցի արհեստագործական հոսքի ուսումնական պլան

X-XII դասարաններ

Աղյուսակ 5

Ռուսերենի խորացված ուսուցմամբ I-IX դասարանների ուսումնական պլան

Աղյուսակ 6

Ռուսերենով ուսուցմամբ միջնակարգ հանրակրթական դպրոցի (դասարանի) ուսումնական պլան

Աղյուսակ 7

Ազգային փոքրամասնությունների հանրակրթական դպրոցի (դասարանի) ուսումնական պլան

Աղյուսակ 8

Երեվան քաղաքի Պուշկինի անվան հ. 8 հիմնական դպրոցի, ԵրԵՎանի հ. 29 ավագ դպրոցի, Կոտայքի մարզի Արզնի, Արարատի մարզի Դիմիտրով եվ Վերին Դվին գյուղերի դպրոցների ռուսերենով ուսուցմամբ եվ ասորերենի ուսումնասիրմամբ դասարանների օրինակելի ուսումնական պլան

Տնային եվ հիվանդանոցային պայմաններում երկարատեվ բուժվող երեխաների անհատական ուսուցման ուսումնական պլան

Հավելված 2 ՀՀ կրթության և գիտության նախարարի 2012 թվականի մայիսի 25-ի N 537-Ն հրամանի

Օ Ր Ի Ն Ա Կ Ե Լ Ի  ՈՒ Ս ՈՒ Մ Ն Ա Կ Ա Ն  Պ Լ Ա Ն Ն Ե Ր

ՀԱՆՐԱԿՐԹԱԿԱՆ ՀԱՏՈՒԿ ՊԵՏԱԿԱՆ ԾՐԱԳՐԵՐ ԻՐԱԿԱՆԱՑՆՈՂ ՀԱՆՐԱԿՐԹԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ 2012-2013 ՈՒՍՈՒՄՆԱԿԱՆ ՏԱՐՎԱ

1. ԸՆԴՀԱՆՐԱԿԱՆ ՊԱՐԶԱԲԱՆՈՒՄՆԵՐ

1. Օրինակելի ուսումնական պլանները նախատեսված են 2012-2013 ուսումնական տարվա համար: Ուսումնական պլանները մշակված են հանրակրթական հիմնական ընդհանուր պետական ծրագրեր իրականացնող ուսումնական հաստատությունների 2012-2013 ուսումնական տարվա օրինակելի ուսումնական պլանների (այսուհետ` օրինակելի ուսումնական պլաններ) հիման վրա՝ հաշվի առնելով հանրակրթական հատուկ ծրագրեր իրականացնող ուսումնական հաստատությունների (այսուհետ` ուսումնական հաստատություն) առանձին տիպերի առանձնահատկությունները: Ստորև տրված օրինակելի ուսումնական պլանները ներառում են հանրակրթական հատուկ պետական ծրագրեր իրականացնող ուսումնական հաստատությունների բոլոր տիպերը:

2. Ուսումնական պլանները (բացառությամբ՝ սույն օրինակելի ուսումնական պլանի Հավելված 2.1-ի Աղյուսակներ 5, 6, 7, 8-ի) ունեն երեք՝ պետական, դպրոցական (դպրոցի ընտրությամբ) և զարգացնող, հատուկ մանկավարժական բաղադրիչներ: Պետական, դպրոցական և զարգացնող, հատուկ մանկավարժական բաղադրիչները պարտադիր են և ֆինանսավորվում են պետական բյուջեից:

3. Հակասոցիալական վարք դրսևորած երեխաների հատուկ հանրակրթական ուսումնական հաստատատությունների` անձի ձևավորման, նրա սոցիալ-հոգեբանական հմտությունների և նախասիրությունների զարգացման նպատակով կազմակերպված խմբակների գործունեությունը իրականացվում է համաձայն Հավելված 2-ի 50-րդ կետի:

4. Յուրաքանչյուր ուսումնական հաստատություն օրինակելի ուսումնական պլանի հիման վրա դպրոցական բաղադրիչով սահմանված ժամաքանակի տնօրինմամբ մշակում է տվյալ ուսումնական տարվա իր ուսումնական պլանը:

5. Հավելված 2.1-ի Աղյուսակ 1-ում, Աղյուսակ 2.1-ում, Աղյուսակ 2.2-ում, Աղյուսակ 3-ում, Աղյուսակ 4-ում, Աղյուսակ 7-ում և Աղյուսակ 8-ում հետևյալ նշագրումը «¹» նշանակում է, որ նշված դասաժամերի շրջանակում ուսուցումն իրականացվում է 11-ամյա միջնակարգ ընդհանուր կրթության առարկայական ծրագրերով:

6. Ուսումնական հաստատության ավագ դպրոցում (դասարանում) ուսուցումը կազմակերպվում է «Հանրակրթական հիմնական ընդհանուր պետական ծրագրեր իրականացնող ուսումնական հաստատությունների 2012-2013 ուսումնական տարվա օրինակելի ուսումնական պլանների» և «Առանձին գործող հանրակրթական ավագ դպրոցի հոսքային ուսուցման ծրագրերի 2012 - 2013 ուսումնական տարվա օրինակելի ուսումնական պլանների» հիման վրա:

7. Պետական բաղադրիչով սահմանված ժամաքանակում փոփոխություն կարող է կատարվել միայն Հայաստանի Հանրապետության կրթության և գիտության նախարարության (այսուհետ` Նախարարություն) համաձայնությամբ՝

1) թերբեռնված դասարաններում կամ սահմանված կարգով երաշխավորված այլընտրանքային ծրագրերով ու մեթոդներով ուսուցում իրականացնելու դեպքում,

2) սահմանված կարգով երաշխավորված մանկավարժական գիտափորձ իրականացնելու համար:

8. Ուսպլանի դպրոցական բաղադրիչի ժամաքանակի տնօրինման կարգը սահմանված է`

1) հանրակրթական հատուկ պետական ծրագրեր իրականացնող ուսումնական հաստատությունների ուսումնական պլանների (Հավելված 2) «Ընդհանրական պարզաբանումներ»-ում,

2) օտար լեզվի ընտրությունը` հանրակրթական հիմնական ընդհանուր պետական ծրագրեր իրականացնող ուսումնական հաստատատության ուսումնական պլանի (Հավելված 1) ընդհանրական պարզաբանումների «Օտար լեզվի ընտրության կարգ»-ում:

9. Անհրաժեշտության դեպքում կրթության առանձնահատուկ պայմանների կարիք ունեցող երեխաների ուսուցումը կարող է կազմակերպվել տնային պայմաններում՝ համաձայն «Հանրակրթական ընդհանուր պետական ծրագրեր իրականացնող միջնակարգ ուսումնական հաստատության 2012-2013 ուսումնական տարվա օրինակելի ուսումնական պլանների»՝ Հավելված 1.1, Աղյուսակ 9:

10. Հաստատությունում պարապմունքները սկսվում են 2012թ. սեպտեմբերի 1-ին, ավարտվում են 2013թ. մայիսի 24-ին` ապահովելով առնվազն 30 ուսումնական շաբաթ՝ առաջին, 32՝ երկրորդ և 34՝ երրորդ և բարձր դասարանների համար:

11. Հաստատություններում ուսումնական շաբաթվա հնգօրյա կամ վեցօրյա տևողությունը սահմանում է հաստատությունը: Հաստատությունը յուրաքանչյուր կիսամյակը սկսելուց առաջ առնվազն տասնհինգօրյա ժամկետում այդ հարցը համաձայնեցնում է Նախարարության հետ:

12. Ուսումնական պլանի պետական և դպրոցական բաղադրիչները ուղղված են Հանրակրթության պետական չափորոշչով, առարկայական չափորոշիչներով և ծրագրերով ամրագրված գիտելիքների, կարողությունների, հմտությունների յուրացման ապահովմանը:

13. Մտավոր թերզարգացում ունեցող երեխաների հանրակրթական հատուկ դպրոցի ուսումնական պլանի պետական և դպրոցական բաղադրիչներն ապահովում են Թեթև մտավոր հետամնացություն ունեցող երեխաների հատուկ կրթության առարկայական չափորոշչով և ծրագրերով ու Չափավոր և ծանր մտավոր հետամնացություն ունեցող երեխաների հատուկ կրթության առարկայական չափորոշչով և ծրագրերով ամրագրված գիտելիքների, կարողությունների և հմտությունների յուրացումը:

14. Սովորողների պատրաստվածության մակարդակը տարրական դպրոցում (IV դասարան) գնահատվում է «Մայրենի» և «Մաթեմատիկա» առարկաներից մշակված համապատասխան հարցարանների միջոցով, հիմնական դպրոցի ավարտական դասարանում (IX դասարան)՝ ավարտական և ավագ դպրոցի ուսումնառության ավարտին (XII դասարան)՝ պետական ավարտական քննություններով` բացառությամբ մտավոր հետամնացություն ունեցող երեխաների հանրակրթական հատուկ (օժանդակ) դպրոցի: Մտավոր հետամնացություն ունեցող սովորողների գիտելիքների ստուգումը կատարվում է համաձայն անհատական ուսուցման պլանի (ԱՈՒՊ):

15. Հաստատությունում (2-12-րդ դասարաններ) գործում է գնահատման 10-միավորային համակարգ։ Ընթացիկ գնահատման ժամանակ կարող են կիրառվել նաև գնահատման այլ համակարգեր, որոնք բերվում են 10-միավորային գրանցման: Գիտելիքների ստուգումների, հիմնական և միջնակարգ կրթության ավարտական և պետական ավարտական քննությունների ժամանակ կիրառվող գնահատման համակարգերը նույնպես բերվում են 10 կամ 20-միավորային գրանցման։

16. Ուսումնական տարին բաժանվում է կիսամյակների: Սովորողների ընթացիկ գնահատականների հիման վրա ձևավորվում է կիսամյակային, իսկ կիսամյակային գնահատականների (գնահատականի) միջոցով` տարեկան գնահատականները՝ բացառությամբ սույն հրամանի 1-ին կետի 2-րդ ենթակետի Հավելված 2-ի (այսուհետ՝ Հավելված 2) 16-րդ կետով նախատեսված դեպքի:

17. 120-200 ժամ բացակայելու դեպքում «Հանրակրթության մասին» ՀՀ օրենքի 16-րդ հոդվածի 11-րդ մասով սահմանված` տվյալ դասարանի ուսումնական պլանով նախատեսված հինգ առարկաներից անցկացվում են քննություններ, իսկ մյուս առարկաներից` ամփոփիչ ստուգողական աշխատանքներ («Ֆիզկուլտուրա» առարկայից նորմատիվների հանձնում): Քննությունների և ստուգողական աշխատանքների գնահատականները 2-12-րդ դասարանների սովորողների համար համարվում են տարեկան գնահատականներ.

1) որևէ կիսամյակում 120-200 ժամ բացակայության դեպքում կիսամյակային (տարեկան) գնահատականներ չեն նշանակվում` անկախ ընթացիկ գնահատականների առկայությունից: Բոլոր առարկաների տարեկան գնահատականները որոշվում են սույն կետով նախատեսված քննությունների և ամփոփիչ ստուգողական աշխատանքների արդյունքում:

18. Առաջին դասարանում սովորողներին ընթացիկ և ամփոփիչ գնահատականներ չեն նշանակվում, և ընթացիկ գնահատումը կատարվում է բնութագրման միջոցով: Տարեկան ամփոփիչ գնահատման նպատակով կազմվում է յուրաքանչյուր սովորողի կրթական զարգացման բնութագիրը` համաձայն Հայաստանի Հանրապետության կրթության և գիտության նախարարի 2007 թվականի հոկտեմբերի 4-ի 846-Ն հրամանով հաստատված կարգի:

19. Հաստատությունում խմբային ուսուցման կազմակերպման հիմնական ձևը դասն է: Դասի տևողությունը 45 րոպե է:

Տարրական դպրոցում յուրաքանչյուր դասաժամի միջնամասում՝ որոշակի ժամանակ հատկացվում է լիցքաթափող և վերականգնող վարժություններին ու խաղերին՝ Նախարարության մեթոդական ցուցումների համաձայն:

20. Ուսումնական տարվա ընթացքում 3-12-րդ դասարանների աշակերտներին տրվում են արձակուրդներ` աշնանային՝ 2012թ. հոկտեմբերի 22-ից 28-ը ներառյալ, ձմեռային՝ 2012թ. դեկտեմբերի 29-ից 2013թ. հունվարի 13-ը ներառյալ, գարնանային՝ մարտի 18-ից 24-ը ներառյալ:

21. Առաջին դասարանցիների աշնանային արձակուրդները տևում են հոկտեմբերի 22-ից նոյեմբերի 4-ը ներառյալ, ձմեռայինը՝ դեկտեմբերի 29-ից 2013թ. հունվարի 27-ը ներառյալ, իսկ գարնանայինը՝ մարտի 18-ից մարտի 31-ը ներառյալ:

22. Երկրորդ դասարանցիների արձակուրդները տևում են 2012թ. հոկտեմբերի 22-ից 28-ը ներառյալ, դեկտեմբերի 29-ից 2013թ. հունվարի 27-ը ներառյալ և մարտի 18-ից 24-ը ներառյալ:

23. Լիազոր մարմնի ենթակայության հանրակրթական ուսումնական հաստատությունների համար վերևում սահմանված արձակուրդների ժամկետներում կարող են կատարել փոփոխություններ` առնվազն 5 օր առաջ համաձայնեցնելով Նախարարության հետ:

24. Հաստատությունը (անկախ ենթակայությունից), դեկտեմբեր, հունվար, փետրվար ամիսների ընթացքում` եղանակային անբարենպաստ պայմանների դեպքում, կարող է նախատեսել մինչև 10 օր տևողությամբ հավելյալ արձակուրդ` բաց թողած ժամերը լրացնելու և ըստ ենթակայության՝ լիազոր մարմնին և Նախարարությանը՝ 5-օրյա ժամկետում տեղեկացնելու պայմանով:

1) Նախարարության ենթակայության հաստատություններում վերոնշյալ արձակուրդների ժամկետների փոփոխությունները, ինչպես նաև հաստատության կողմից հավելյալ արձակուրդի նախատեսումը կատարվում են նույն ընթացակարգով:

2) Ոչ պետական ուսումնական հաստատությունում արձակուրդների տևողությունը և ժամկետները սահմանում է հիմնադիրը` այդ մասին 5 օր առաջ տեղյակ պահելով Նախարարությանը:

2. ՀԱՆՐԱԿՐԹԱԿԱՆ ՀԱՏՈՒԿ ՊԵՏԱԿԱՆ ԾՐԱԳՐԵՐ ԻՐԱԿԱՆԱՑՆՈՂ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ՈՒՍՈՒՄՆԱԿԱՆ ՊԼԱՆՆԵՐԻ ԸՆԴՀԱՆՐԱԿԱՆ ՊԱՐԶԱԲԱՆՈՒՄՆԵՐ

25. Դպրոցական բաղադրիչի տնօրինման կարգ

1) Դպրոցական բաղադրիչի ժամաքանակը հատկացվում է ուսումնական պլանի պետական բաղադրիչով տվյալ դասարանի պետական պարտադիր առարկայացանկում նախատեսված և (կամ) Նախարարության կողմից երաշխավորված լրացուցիչ առարկայացանկում ընդգրկված առարկաներին և (կամ) սովորողների նախասիրություններին, ուսումնական հաստատության առանձնահատկություններին, համայնքի կարիքներին համապատասխան կրթություն կազմակերպելու նպատակով:

2) Նախարարությունը կարող է երաշխավորել «Կիրառական տնտեսագիտություն», «Կյանքի հմտություններ», «Բնապահպանություն», «Էկոլոգիա», «Էներգիայի և ռեուրսների օգտագործում», «Ֆերմերային գործ», «Տրամաբանություն», «Գրաբար», «Հայկական հարցի պատմություն», «Հոգեբանություն», «Բարոյագիտություն», «Մշակույթի պատմություն» առարկաների ուսուցումը՝ հաստատության կողմից դրանց առարակայական ծրագրերը սահմանված կարգով Նախարարություն հաստատման ներկայացվելու դեպքում:

ա. Հաստատությունը կարող է ներդնել նաև նոր առարկաներ (դասընթացներ)՝ դրանց ծրագրերը սահմանված կարգով Նախարարությանը հաստատման ներկայացնելու դեպքում:

3) Հաստատության տնօրենը ուսումնական պլանի դպրոցական բաղադրիչի ժամաքանակի բաշխումը կատարում է մանկավարժական խորհրդի որոշմամբ՝ ելնելով ուսումնական հաստատության, դասարանի պատրաստությունից, մանկավարժներով, ծրագրերով, դասագրքերով և երաշխավորված լրացուցիչ առարկայացանկի որևէ առարկայի լիարժեք ուսուցման կազմակերպման նպատակով Նախարարության կողմից հանրակրթական ուսումնական հաստատությունների համար երաշխավորված այլ ուսումնական գրականությամբ ապահովվածությունից և ուսուցման կազմակերպման համար անհրաժեշտ այլ պայմաններից, ինչպես նաև Նախարարության հանձնարարականներից:

4) Դպրոցական բաղադրիչի ժամաքանակի բաշխումը պարտադիր է:

5) Դպրոցական բաղադրիչով սահմանված ժամաքանակի շրջանակում դասավանդվող առարկայացանկը ամրագրվում է ուսումնական հաստատության ուսպլանում և դասացուցակում:

6) Դպրոցական բաղադրիչի ժամաքանակը ուսումնական պլանի պետական բաղադրիչում ընդգրկված առարկաներին տրամադրելու դեպքում դասարանը կիսելու հարցը կարգավորվում է «Հանրակրթական հատուկ պետական ծրագրեր իրականացնող ուսումնական հաստատությունների ուսումնական պլանի պարզաբանմամբ» սահմանված կարգով:

7) Հաստատություններում, որտեղ ուսումնական պլանով 6-7-րդ դասարաններում նախատեսված են «Կերպարվեստ» և «Երաժշտություն» առարկաները, դրանցից մեկը, Հաստատության ընտրությամբ, դասավանդվում է առաջին, մյուսը՝ երկրորդ կիսամյակում:

26. Զարգացնող, հատուկ մանկավարժական ժամաքանակի տնօրինման կարգ

1) Զարգացնող, հատուկ մանկավարժական պարապմունքներն անցկացվում են խմբային կամ անհատական պարապմունքների ձևով՝ ելնելով սովորողների կարիքներից: Պարապմունքներն ամրագրվում են դասացուցակում կամ առանձին կարգացուցակում: Անհատական պարապմունքների դեպքում զարգացնող, հատուկ մանկավարժական պարապմունքներին հատկացվող ժամաքանակը բաշխվում է շաբաթվա օրերի միջև՝ ամրագրվելով դասացուցակին կից կարգացուցակում:

2) Զարգացնող, հատուկ մանկավարժական խմբային պարապմունքի միջնամասում որոշակի ժամանակ հատկացվում է լիցքաթափող և վերականգնող վարժություններին ու խաղերին` ելնելով սովորողների կարիքներից:

3. ՀԱՆՐԱԿՐԹԱԿԱՆ ՀԱՏՈՒԿ ՊԵՏԱԿԱՆ ԾՐԱԳՐԵՐ ԻՐԱԿԱՆԱՑՆՈՂ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ՈՒՍՈՒՄՆԱԿԱՆ ՊԼԱՆՆԵՐԻ ՊԱՐԶԱԲԱՆՈՒՄ

27. Հաստատության դասարանի (խմբի) միջին խտությունը՝ սանիտարական նորմերի պահպանմամբ, սահմանվում է.

1) լսողության, տեսողության, հենաշարժական համակարգի, խոսքի ծանր խանգարումներ ունեցող երեխաների, մտավոր թերզարգացում ունեցող երեխաների հանրակրթական հատուկ (օժանդակ) ուսումնական հաստատություններում` 15 սովորող (ընդ որում` սովորողների թիվը դասարանում (խմբում) չի կարող գերազանցել 18-ը),

2) չափավոր և ծանր մտավոր հետամնացություն և բազմակի խնդիրներ ունեցող սովորողների թիվը յուրաքանչյուր դասարանում (խմբերում) չպետք է գերազանցի 9-ը,

3) հակասոցիալական վարք ունեցող երեխաների հանրակրթական հատուկ ուսումնական հաստատություններում` 20 աշակերտ (ընդ որում` սովորողների թիվը դասարանում (խմբում) չի կարող գերազանցել 25-ը):

28. Հիմնադրի կողմից սահմանված խտությունից ավելի պակաս խտությամբ դասարան կարող է բացվել հաստատության լրացուցիչ ֆինանսավորման միջոցների հաշվին, ուսումնական հաստատության խորհրդի որոշմամբ:

29. Տարրական դպրոցում (1-4-րդ դասարաններ), եթե դասարանում սովորողների թիվը տվյալ տիպի համար սահմանված դասարանի առավելագույն խտությունից ավելի է, ապա ռուսաց լեզու, օտար լեզու առարկաների դասաժամերին կարելի է դասարանը բաժանել երկու խմբի:

30. Միջին դպրոցում «Հայոց լեզու» (7-9-րդ դասարաններ), «Ռուսաց լեզու», «Օտար լեզու» (5-9-րդ դասարաններ), «Ինֆորմատիկա» (6-9-րդ դասարաններ՝ համակարգչային դասարանի առկայության դեպքում) առարկաների պարապմունքներին դասարանը կարելի է բաժանել երկու խմբի, եթե դասարանում սովորողների թիվը հավասար է տվյալ տիպի համար սահմանված դասարանի առավելագույն խտությունից ավելի է: «Տեխնոլոգիա» առարկայի պարապմունքներին դասարանը կիսվում է երկու խմբի՝ տղաների և աղջիկների՝ անկախ սովորողների թվից (ուսուցումը կազմակերպվում է յուրաքանչյուր խմբի համար հաստատված համապատասխան առարկայական ծրագրով):

31. Տեսողության, լսողության, հենաշարժական համակարգի խախտումներով և մտավոր հետամնացություն ունեցող սովորողների հանրակրթական հատուկ հաստատություններում «Նախնական զինվորական պատրաստություն» առարկան փոխարինվում է «Անվտանգ կենսագործունեություն» առարկայով:

32. Անհրաժեշտության դեպքում հաստատությունն իրավասու է, Նախարարության համաձայնությամբ, վերաբաշխելու առարկաների ուսուցմանը օրինակելի ուսումնական պլանով հատկացված ժամերը՝ պահպանելով տվյալ առարկայի տարեկան ընդհանուր ժամաքանակը:

33. 8-11-րդ դասարանում Նախարարության կողմից երաշխավորված ծրագրի և ուսումնական նյութի հիման վրա դասավանդվում է «Առողջ ապրելակերպ» դասընթացը, որին յուրաքանչյուր դասարանում տարեկան տրամադրվում է 14 դասաժամ:

1) «Առողջ ապրելակերպ» դասընթացին տրամադրված ժամաքանակը ձևավորվում է «Ֆիզկուլտուրա» առարկայի ժամաքանակից առանձնացված 14 դասաժամի հաշվին:

2) «Ֆիզկուլտուրա» առարկայի ծրագրով նախատեսված ուսումնական նյութերը ենթարկվում են թեմատիկ վերաբաշխման՝ պահպանելով տվյալ դասարանի համար Նախարարության հաստատած ծրագրային ամբողջ ծավալը:

3) «Առողջ ապրելակերպ» դասընթացը դասավանդվում է 2013թ. հունվար-փետրվար ամիսներին:

4) «Առողջ ապրելակերպ» դասընթացի ընթացիկ գնահատում չի կատարվում: Դասամատյանում գրանցումները կատարվում են առանձին էջում:

34. 6-12-րդ դասարաններում «Հայոց լեզու», «Մաթեմատիկա», «Ինֆորմատիկա», «Քիմիա», «Ֆիզիկա», «Կենսաբանություն», «Հայոց պատմություն» և այլ առարկաների ծրագրերով ամսական առնվազն 1 (մեկ) ժամ ուսուցումը կազմակերպվում է համակարգչային կաբինետում (դրա առկայության դեպքում)` ելնելով յուրաքանչյուր առարկայից մատուցվող ուսումնական նյութի բովանդակային և դասավանդման մեթոդական պահանջներից: Այն առավել արդյունավետ իրականացնելու համար անհրաժեշտ է օգտագործել Նախարարության կողմից երաշխավորված էլեկտրոնային ուսումնական նյութերը (լազերային սկավառակներ):

35. Համաշխարհային պատմության և Հայոց պատմության համաժամանակյա թեմաների ուսուցումն ապահովելու նպատակով ուսուցիչներին իրավունք է տրվում մասնակի փոփոխություններ կատարել նշված առարկաների դասացանկում՝ պահպանելով յուրաքանչյուր առարկային հատկացված ընդհանուր ժամաքանակը:

36. Հավելված 2.1-ի աղյուսակների պարզաբանումներ

1) Հավելված 2.1-ի Աղյուսակ 1-ում՝ Զարգացնող, հատուկ մանկավարժական պարապմունքների ժամերը տրամադրվում են`

ա. բրայլյան համակարգի ուսուցմանը, մնացորդային տեսողական ընկալման զարգացմանը

(պարապմունքներն անցկացվում են անհատական ուսուցման ձևով),

բ. «Կողմնորոշում շրջապատում» խմբային և անհատական պարապմունքներին,

գ. «Արև համակարգ» համակարգչային ծրագրով սովորողների ուսումնառության (անհատական և խմբային) կազմակերպմանը,

դ. «Ռիթմիկա» առարկային:

2) «Կերպարվեստ» առարկայի ժամերը կարելի է տրամադրել ռելիեֆային արվեստի ուսումնասիրությանը:

3) Հավելված 2.1-ի Աղյուսակ 2.1-ում և Աղյուսակ 2.2-ում Զարգացնող, հատուկ մանկավարժական պարապմունքների ժամերը տրամադրվում են լսողական ընկալման և արտաբերման զարգացման անհատական աշխատանքներին և բաշխվում հետևյալ կերպ`

ա. 1-5-րդ դասարաննների յուրաքանչյուր աշակերտի համար` շաբաթական 60 րոպե,

բ. 6-9-րդ դասարաննների յուրաքանչյուր աշակերտի համար` շաբաթական 40 րոպե:

4) Հիմնական դպրոցի «Մայրենի» և «Հայոց լեզու» առարկաների դասաժամերից յուրաքանչյուր դասարանում 2-ական ժամ հատկացվում է «Խոսքի զարգացում» դասընթացին և շուրթերից կարդալու տեխնիկային:

5) Հավելված 2.1-ի Աղյուսակ 3-ում՝ Զարգացնող, հատուկ մանկավարժական պարապմունքներին տրամադրված ժամերը հատկացվում են լոգոպեդական անհատական և խմբային աշխատանքներին:

6) Հավելված 2.1-ի Աղյուսակ 4-ում՝ Զարգացնող, հատուկ մանկավարժական պարապմունքների ժամերը հատկացվում են բուժական ֆիզկուլտուրային և լոգոպեդական պարապմունքներին:

7) Հավելված 2.1-ի Աղյուսակ 5-ում՝

ա. Յուրաքանչյուր 4 դասարան-կոմպլեկտի համար նախատեսվում է մեկ հատուկ մանկավարժ` երեխայի զարգացման առանձնահատկությանը բնորոշ կարիքներին նպատակաուղղված հատուկ մանկավարժական խմբային և անհատական գործընթացի իրականացման, ԱՈՒՊ-ներով նախատեսված աշխատանքների համակարգման, ինչպես նաև սովորողների սոցիալական հմտությունների զարգացման նպատակով:

բ. 1-9-րդ դասարաններում դասավանդումն իրականացվում է թեթև մտավոր հետամնացություն ունեցող երեխաների առարկայական չափորոշիչներին, ծրագրերին համապատասխան:

գ. 1-9-րդ դասարաններում սովորողը, որպես կանոն, փոխադրվում է հաջորդ դասարան՝ անհատական ուսումնական պլանով սահմանված գիտելիքների, հմտությունների և կարողությունների անհրաժեշտ նվազագույնի յուրացման պայմանով: Առանձին դեպքերում սովորողը կարող է մնալ նույն դասարանում՝ դպրոցի մանկավարժական խորհրդի որոշմամբ և ծնողի (օրինական ներկայացուցչի) համաձայնությամբ:

8) Այն սովորողների համար, ովքեր կրթական կարիքի գնահատման արդյունքում չեն կարող յուրացնել ուսումնական որևէ առարկայի չափորոշչով սահմանված կրթության բովանդակության պարտադիր նվազագույն ծավալը, այդ առարկաներին հատկացված ժամերը ԱՈՒՊ-ով տրամադրվում են ուսումնական պլանով նախատեսված այլ առարկայի:

9) Հավելված 2.1-ի Աղյուսակ 6-ում՝

ա. Յուրաքանչյուր 4 դասարան-կոմպլեկտի համար նախատեսվում է մեկ հատուկ մանկավարժ` երեխայի զարգացման առանձնահատկությանը բնորոշ կարիքներին նպատակաուղղված հատուկ մանկավարժական խմբային և անհատական գործընթացի իրականացման, ԱՈՒՊ-ներով նախատեսված աշխատանքների համակարգման, ինչպես նաև սովորողների սոցիալական հմտությունների զարգացման նպատակով:

բ. «Հայրենագիտություն» առարկան դիտարկվում է որպես հայրենի երկրի պատմության և աշխարհագրության ինտեգրված դասընթաց:

գ. «Ես և շրջակա աշխարհը» առարկայի դասաժամերը հատկացվում են չափավոր և ծանր մտավոր հետամնացություն ունեցող երեխաների «Ես և շրջակա աշխարհը» առարկայական չափորոշչով նախատեսված ենթաբաժիններին` Սոց. կենցաղ կողմնորոշում, Ճանապարհային երթևեկություն, Բնություն, Վերարտադրողական առողջություն, Ժամ, ժամանակ, Ազատ ժամանց:

դ. «Տեխնոլոգիա» առարկայի դասաժամերը բոլոր դասարաններում դասացուցակով պետք է լինեն նույն ժամին` երեխաների ընդգրկումն ըստ նախասիրությունների ապահովելու համար:

ե. «Երաժշտություն» առարկայի դասաժամերի շրջանակում իրականացվում է դերախաղի, պարի ուսուցում:

զ. Մտավոր թերզարգացում ունեցող սովորողների գիտելիքների ստուգումը իրականացվում է համաձայն անհատական ուսուցման պլանի (ԱՈՒՊ-ի):

10) Հավելված 2.1-ի Աղյուսակ 7-ում՝

ա. Հակասոցիալական վարք դրսևորած երեխաների հատուկ հանրակրթական ուսումնական հաստատատություններն աշխատում են շուրջտարյա ռեժիմով:

բ. Անձի ձևավորման, նրա սոցիալ-հոգեբանական հմտությունների և նախասիրությունների զարգացման նպատակով յուրաքանչյուր դասարան-կոմպլեկտի համար կազմակերպվում է 1 (մեկ) խմբակ: Խմբակները կոմպլեկտավորվում են ըստ երեխաների նախասիրությունների:

11) Հավելված 2.1-ի Աղյուսակ 8-ում՝

ա. Յուրաքանչյուր 4 դասարան-կոմպլեկտի համար նախատեսվում է մեկ հատուկ մանկավարժ` երեխայի զարգացման առանձնահատկությանը բնորոշ կարիքներին նպատակաուղղված հատուկ մանկավարժական խմբային և անհատական գործընթացի իրականացման, ԱՈՒՊ-ներով նախատեսված աշխատանքների համակարգման, ինչպես նաև սովորողների սոցիալական հմտությունների զարգացման նպատակով:

բ. Մտավոր հետամնացություն ունեցող երեխաների արհեստագործական հատուկ խմբերի ուսուցումը իրականացվում է թեթև մտավոր հետամնացություն ունեցող և չափավոր և ծանր մտավոր հետամնացություն ունեցող երեխաների առարկայական չափորոշիչներին, ծրագրերին համապատասխան, ինչպես նաև նախարարության կողմից հաստատված ծրագրերով:

12) Հավելված 2.1-ի Աղյուսակ 9-ում՝ Զարգացնող, հատուկ մանկավարժական պարապմունքների ժամերը տրամադրվում են բրայլյան համակարգի ուսուցմանը:

2012 թ. մայիսի 25-ի թիվ 537-Ն հրամանով հաստատված օրինակելի ուսումնական պլանի Հավելված 2.1

Աղյուսակ 1

Տեսողության խանգարումներ ունեցող երեխաների հանրակրթական հատուկ ուսումնական հաստատության ուսումնական պլան

Ուսումնական առարկաներ	Շաբաթական ժամերի քանակը
	I	II	III	IV	V	VI	VII	VIII	IX
Մայրենի	7	8	8	8	7	6	-	-	-
Հայոց լեզու	-	-	-	-	-	-	3	2	2
Գրականություն	-	-	-	-	-	-	2	3	3
Ռուսաց լեզու	-	2	2	3	3	3	3	3	3
Օտար լեզու	-	-	2	2	2	2	2	2	2
Մաթեմատիկա	4	4	4	4	5	5	-	-	-
Երաժշտություն	2	1	1	1	1	0,5	0,5	-	-
Կերպարվեստ	2	1	1	1	1	0,5	0,5	-	-
Ես և շրջակա աշխարհը	-	1	1	2	-	-	-	-	-
Հայրենագիտություն	-	-	-	-	1	-	-	-	-
Բնագիտություն	-	-	-	-	2	2	-	-	-
Աշխարհագրություն	-	-	-	-		1	1	2	-
Հայաստանի աշխարհագրություն	-	-	-	-	-	-	-	-	2
Համաշխարհային պատմություն	-	-	-	-	-	1	1	1	1
Հայոց պատմություն	-	-	-	-	-	1.5	1.5	1.5	1.5
Հայոց եկեղեցու պատմություն	-	-	-	-	1	1	11	11	11
Հասարակագիտություն	-	-	-	-	-	-	-	1	1
Հանրահաշիվ	-	-	-	-	-	-	3	3	3
Երկրաչափություն	-	-	-	-	-	-	2	2	2
Ինֆորմատիկա	-	-	-	-	-	1	1	1	1
Ֆիզիկա	-	-	-	-	-	-	2	2	2
Քիմիա	-	-	-	-	-	-	1	2	2
Կենսաբանություն	-	-	-	-	-	-	2	2	2
Տեխնոլոգիա	2	2	1	1	1	1	2	-	-
ՆԶՊ և անվտ. կենսագործ.	-	-	-	-	-	-	-	1	1
Ֆիզկուլտուրա	3	2	2	3	3	3	3	3	3
Շախմատ	-	2	2	-	-	-	-	-	-
Դպրոցական բաղադրիչ	-	1	2	2	2	2.5	2.5	2.5	2.5
Ընդամենը	20	24	26	27	29	31	34	35	35
Զարգացնող, հատուկ մանկավարժական պարապմունքներ	6	6	6	6	4	4	4	4	4

Աղյուսակ 2.1

Լսողության խանգարումներ ունեցող երեխաների հանրակրթական հատուկ կրթահամալիրի ուսումնական պլան (չլսող երեխաների դասարաններ)

Ուսումնական առարկաներ	Շաբաթական ժամերի քանակը
	նախ./խումբ	I	II	III	IV	V	VI	VII	VIII	IX
Մայրենի	5	7	8	9	8	8	10	-	-	-
Հայոց լեզու	-	-	-	-	-	-	-	5	5	5
Գրականություն	-	-	-	-	-	-	-	4	4	4
Առարկայական գործնական ուսուցում	2	2	2	2	4	4	-	-	-	-
Ռուսաց լեզու	-	-	2	-	-	-	-	-	-	-
Ժեստերի լեզու	1	1	1	1	1	1	1	1	1	1
Մաթեմատիկա	4	4	4	4	4	5	5	-	-	-
Ռիթմիկա	2	1	1	1	1	1	0,5	0,5	-	-
Կերպարվեստ	-	-	1	1	1	1	0,5	0,5	-	-
Ես և շրջակա աշխարհը	1	1	1	1	2	-	-	-	-	-
Հայրենագիտություն	-	-	-	-	-	1	-	-	-	-
Բնագիտություն	-	-	-	-	-	2	2	-	-	-
Աշխարհագրություն	-	-	-	-	-	-	1	1	2	-
Հայաստանի աշխարհագրություն	-	-	-	-	-	-	-	-	-	2
Համաշխարհային պատմություն	-	-	-	-	-	-	1	1	1	1
Հայոց պատմություն	-	-	-	-	-	-	1.5	1.5	1.5	1.5
Հայոց եկեղեցու պատմություն	-	-	-	-	-	1	1	11	11	11
Հասարակագիտություն	-	-	-	-	-	-	-	-	1	1
Հանրահաշիվ	-	-	-	-	-	-	-	3	3	3
Երկրաչափություն	-	-	-	-	-	-	-	2	2	2
Ինֆորմատիկա	-	-	-	-	-	-	1	1	1	1
Ֆիզիկա	-	-	-	-	-	-	-	2	2	2
Քիմիա	-	-	-	-	-	-	-	1	2	2
Կենսաբանություն	-	-	-	-	-	-	-	2	2	2
Տեխնոլոգիա	-	-	-	-	-	-	1	2	-	-
ՆԶՊ (Անվտանգ կենսագործունեություն)	-	-	-	-	-	-	-	-	1	1
Ֆիզկուլտուրա	3	3	2	2	3	3	3	3	3	3
Շախմատ	-	-	2	2	-	-	-	-	-	-
Դպրոցական բաղադրիչ	-	1	-	3	3	2	2.5	2.5	2.5	2.5
Ընդամենը	18	20	24	26	27	29	31	34	35	35
Զարգացնող, հատուկ մանկավարժական պարապմունքներ	20	18	18	18	18	18	6	6	6	4

Աղյուսակ 2.2

Լսողության խանգարումներ ունեցող երեխաների հանրակրթական հատուկ կրթահամալիրի ուսումնական պլան

(թույլ լսող երեխաների դասարաններ)

Ուսումնական առարկաներ	Շաբաթական ժամերի քանակը
	նախ./խումբ	I	II	III	IV	V	VI	VII	VIII	IX
Մայրենի	5	7	8	9	8	8	8	-	-	-
Հայոց լեզու	-	-	-	-	-	-	-	4	3	4
Գրականություն	-	-	-	-	-	-	-	3	3	3
Առարկայական գործ. ուսուցում	2	2	2	2	2	-	-	-	-	-
Ռուսաց լեզու	-	-	2	2	2	2	2	2	2	2
Ժեստերի լեզու	-	-	-	-	1	1	1	1	1	1
Մաթեմատիկա	4	4	4	4	5	5	5	-	-	-
Երաժշտություն (Ռիթմիկա)	2	1	1	1	1	1	0.5	0.5	-	-
Կերպարվեստ	1	2	1	1	1	1	0.5	0.5	-	-
Ես և շրջակա աշխարհը	1	1	1	1	1	-	-	-	-	-
Հայրենագիտություն	-	-	-	-	-	1	-	-	-	-
Բնագիտություն	-	-	-	-	-	2	2	-	-	-
Աշխարհագրություն	-	-	-	-	-	-	1	1	2	-
Հայաստանի աշխարհագրություն	-	-	-	-	-	-	-	-	-	2
Համաշխարհային պատմություն	-	-	-	-	-	-	1	1	1	1
Հայոց պատմություն	-	-	-	-	-	-	1.5	1.5	1.5	1.5
Հայոց եկեղեցու պատմություն	-	-	-	-	-	1	1	11	11	11
Հասարակագիտություն	-	-	-	-	-	-	-	-	1	1
Հանրահաշիվ	-	-	-	-	-	-	-	3	3	3
Երկրաչափություն	-	-	-	-	-	-	-	2	2	2
Գծագրություն	-	-	-	-	-	-	-	-	-	1
Ինֆորմատիկա	-	-	-	-	-	-	1	1	1	1
Ֆիզիկա	-	-	-	-	-	-	-	2	2	2
Քիմիա	-	-	-	-	-	-	-	1	2	2
Կենսաբանություն	-	-	-	-	-	-	-	2	2	2
Տեխնոլոգիա	-	-	-	-	-	1	1	2	-	-
ՆԶՊ (Անվտանգ կենսագործունեություն)	-	-	-	-	-	-	-	-	1	1
Ֆիզկուլտուրա	3	3	2	2	3	3	3	3	3	3
Շախմատ	-	-	2	2	-	-	-	-	-	-
Դպրոցական բաղադրիչ	-	-	1	2	3	3	2.5	2.5	3.5	1.5
Ընդամենը	18	20	24	26	27	29	31	34	35	35
Զարգացնող, հատուկ մանկավարժական պարապմունքներ	20	18	18	18	18	18	6	6	6	4