«Գրանցված է»

ՀՀ արդարադատության

նախարարության կողմից

22 հուլիսի 2011 թ.

Պետական գրանցման թիվ 11311354

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՊԱՇՏՊԱՆՈՒԹՅԱՆ ՆԱԽԱՐԱՐ

6 հուլիսի 2011 թ. ք. Երևան

N 780-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐԻ 2009 ԹՎԱԿԱՆԻ ՍԵՊՏԵՄԲԵՐԻ 25-Ի N 1050-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հայաստանի Հանրապետության պաշտպանության նախարարության համակարգում քննիչի պաշտոնում նշանակվելու համար քննություններ անցկացնելու կարգն առավել արդյունավետ դարձնելու և քննությունների ընթացքը կանոնակարգելու նպատակով՝

ՀՐԱՄԱՅՈՒՄ ԵՄ՝

1. Հայաստանի Հանրապետության պաշտպանության նախարարի 2009 թվականի սեպտեմբերի 25-ի «Հայաստանի Հանրապետության պաշտպանության նախարարության համակարգում քննիչի պաշտոնում նշանակվելու համար քննություններ անցկացնելու կարգը հաստատելու մասին» N 1050-Ն հրամանում՝

1) 5-րդ կետում «ոչ շուտ, քան նախորդ քննության արդյունքների ամփոփման օրը,» բառերը փոխարինել «յուրաքանչյուր տարվա նոյեմբեր-դեկտեմբեր ամիսներին» բառերով,

2) լրացնել նոր «37.1.» կետ՝ հետևյալ բովանդակությամբ.

«37.1. Քննիչի այն թեկնածուն, ով ունի դատախազի, քննիչի պաշտոնում 3 տարվա մասնագիտական աշխատանքի ստաժ և, եթե չի անցել այդ պաշտոնը թողնելուց հետո 3 տարի, ազատվում է քննության գրավոր փուլից և մասնակցում է միայն բանավոր փուլին՝ հարցազրույցին:»:

2. Հայաստանի Հանրապետության պաշտպանության նախարարի տեղակալ, գեներալ-մայոր Վ. Գասպարյանին՝ ստանձնել հրամանի կատարման վերահսկողությունը:

Պաշտպանության նախարար

Ս. Օհանյան