«Գրանցված է»

ՀՀ արդարադատության

նախարարության կողմից

14 ապրիլի 2004 թ.

Պետական գրանցման թիվ 11604080

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐ

30 մարտի 2004 թ. ք. Երևան

N 77-Ն

Հ Ր Ա Մ Ա Ն

ՈՒՂԵՎՈՐԱՏԱՐ ՏՐԱՆՍՊՈՐՏՈՎ ԱՌԱՆՁԻՆ ԽՄԲԵՐԻ ՔԱՂԱՔԱՑԻՆԵՐԻ ԵՐԹԵՎԵԿՈՒԹՅԱՆ ԱՐՏՈՆՈՒԹՅՈՒՆՆԵՐԻ ԻՐԱՎՈՒՆՔԸ ՀԱՍՏԱՏՈՂ ՎԿԱՅԱԿԱՆՆԵՐԻ ՁԵՎԸ ԵՎ ԴՐԱՆՑ ՏԱԼՈՒ ԿԱՐԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով Հայաստանի Հանրապետության կառավարության 2004 թվականի փետրվարի 5-ի «Հայրենական Մեծ պատերազմի վետերաններին, նրանց հավասարեցված անձանց և զոհվածների ընտանիքներին դրամական օգնության նշանակման և վճարման կարգը հաստատելու մասին» 207-Ն, 2004 թվականի փետրվարի 5-ի «Հաշմանդամ դարձած զինծառայողներին և զոհված (մահացած) զինծառայողների ընտանքիներին դրամական օգնության նշանակման և վճարման կարգը հաստատելու մասին» N 208-Ն և 1997 թվականի հուլիսի 8-ի «Հայաստանի Հանրապետությունում հաշմանդամների սոցիալական պաշտպանության մասին», «Զինծառայողների և նրանց ընտանիքների անդամների սոցիալական ապահովության մասին» և «Բռնադատվածների մասին» Հայաստանի Հանրապետության օրենքներում փոփոխություններ կատարելու մասին» Հայաստանի Հանրապետության օրենքի կիրարկումն ապահովելու միջոցառումների և առանձին խմբերի քաղաքացիների արտոնությունների մասին» N 251 որոշումներով.

1. Հաստատել՝

ա) Ուղևորատար տրանսպորտով առանձին խմբերի քաղաքացիներին երթևեկության արտոնությունները հաստատող վկայականները տալու կարգը՝ համաձայն հավելված 1-ի:

բ) Նախկին ԽՍՀՄ հերոսների, Սոցիալիստական աշխատանքի հերոսների, Հայաստանի ազգային հերոսների, Մարտական խաչի 1-ին և 2-րդ աստիճանի, ինչպես նաև «Փառքի» երեք աստիճանի շքանշաններով պարգևատրված անձանց և ծերանոցներում ու մանկատներում ապրող պետական լրիվ խնամքի տակ գտնվող անձանց մերձքաղաքային (մինչև 50 կմ) և ներքաղաքային ուղևորատար տրանսպորտով (բացի տաքսուց) անվճար երթևեկության արտոնությունները հաստատող վկայականի ձևը՝ համաձայն հավելված 2-ի:

գ) Հայրենական Մեծ պատերազմի տարիներին թիկունքում անձնազոհ աշխատանքի համար նախկին ԽՍՀՄ շքանշաններով և մեդալներով պարգևատրված անձանց և հինգ ու ավելի երեխա ունեցող ծնողներից որևէ մեկի ներքաղաքային ուղևորատար տրանսպորտով (բացի տաքսուց) անվճար երթևեկության արտոնությունները հաստատող վկայականի ձևը՝ համաձայն հավելված 3-ի:

դ) 1-ին և 2-րդ խմբի հաշմանդամների և բռնադատվածների ներքաղաքային ուղևորատար տրանսպորտով (բացի ավտոբուսից և տաքսուց) անվճար երթևեկության արտոնությունները հաստատող վկայականի ձևը՝ համաձայն հավելված 4-ի:

4. Ուժը կորցրած ճանաչել՝

Հայաստանի Հանրապետության տրանսպորտի նախարարի 1997 թվականի հոկտեմբերի 13-ի «Ուղևորատար տրանսպորտով առանձին խմբերի քաղաքացիների երթևեկության արտոնությունների իրավունքը հաստատող վկայականների ձևի և դրանց տալու կարգը հաստատելու մասին» N 163 հրամանը:

ՀՀ տրանսպորտի և կապի նախարար

Ա. Մանուկյան

Հավելված 1 ՀՀ տրանսպորտի և կապի նախարարի 30.03.2004 թ. N 77-Ն հրամանի

Կ Ա Ր Գ

ՈՒՂԵՎՈՐԱՏԱՐ ՏՐԱՆՍՊՈՐՏՈՎ ԱՌԱՆՁԻՆ ԽՄԲԵՐԻ ՔԱՂԱՔԱՑԻՆԵՐԻ ԵՐԹԵՎԵԿՈՒԹՅԱՆ ԱՐՏՈՆՈՒԹՅՈՒՆՆԵՐԻ ԻՐԱՎՈՒՆՔԸ ՀԱՍՏԱՏՈՂ ՎԿԱՅԱԿԱՆՆԵՐԻ ՏՐՄԱՆ

1. Ուղևորատար տրանսպորտով երթևեկության արտոնության իրավունքը հաստատող վկայական (այսուհետ՝ վկայական) ստանալու համար արտոնություն ունեցող Հայաստանի Հանրապետության քաղաքացին փոստով կամ անձամբ Հայաստանի Հանրապետության տրանսպորտի և կապի նախարարության «Տրանսպորտային փոխադրումներ» պետական ոչ առևտրային կազմակերպություն»  (այսուհետ՝ կազմակերպություն) ներկայացնում է՝

ա) այդ արտոնությունը հաստատող փաստաթղթերը, որոնց պատճեններն արվելուց հետո դրանք վերադարձվում են քաղաքացուն.

բ) անձնագիրը (մինչև 16 տարեկան երեխաների ծննդյան վկայականը)՝ պատճենի հետ միասին (անձնագրի 2, 3, 5 էջերը).

գ) մեկ լուսանկար 3x4 չափսի:

(1-ին կետը խմբ., փոփ. 26.09.11 N 570-Ն)

2. (կետն ուժը կորցրել է 26.09.11 N 570-Ն)

3. Վկայականները համարակալվում են՝

ա) Երևան քաղաքի բնակիչների համար՝ հնգանիշ թվով, սկսած 00001-ից հաջորդաբար մինչև 99999-ը:

բ) մարզերի համար՝ կոտորակային թվով, որի համարիչի երկնիշ թվով նշվում է տվյալ մարզին շնորհված համարը, հայտարարում՝ քառանիշ թվով 0001-ից հաջորդաբար մինչև 9999-ը:

4. Վկայականները պատրաստվում են համակարգչային եղանակով, լուսանկարը փակցված վիճակում ստորագրվում են կազմակերպության տնօրենի կողմից և կնքվում կազմակերպության կնիքով, ապա երեսպատվում պոլիմերային թաղանթով (լամինացիա) և հանձնվում քաղաքացուն:

(4-րդ կետը խմբ. 26.09.11 N 570-Ն)

5. Վկայականները քաղաքացիներին տրվում են անվճար պահանջվող բոլոր փաստաթղթերը նրա կողմից հանձնելուց հինգ աշխատանքային օր հետո:

(պարբերությունն ուժը կորցրել է 26.09.11 N 570-Ն)

(5-րդ կետը լրաց., փոփ. 26.09.11 N 570-Ն)

6. Քաղաքացիներին վկայականների հատկացման համար փաստաթղթերի ընդունումը և վկայականների հանձնումը կատարվում է աշխատանքային բոլոր օրերին ժամը 9:00-13:00 և 14:00-18:00:

(6-րդ կետը խմբ. 26.09.11 N 570-Ն)

7. Վկայականների փոխանցելը, նվիրելը, օտարելը (վաճառելը) արգելվում է:

8. Վկայականը կորցնելու դեպքում այն անվավեր է ճանաչվում և քաղաքացին նոր վկայական ստանում է սույն կարգի պահանջներին համապատասխան:

(8-րդ կետը խմբ. 26.09.11 N 570-Ն)

9. Վկայականը օգտագործման համար ոչ պիտանի դառնալու դեպքում քաղաքացուն դրա կրկնօրինակը տրվում է ոչ պիտանի վկայականը հետ հանձնելուց հինգ օր հետո:

10. Վկայականները տրվում են՝

- 1-ին և 2-րդ խմբի հաշմանդամներին ԲԱՓՀ-ի կողմից հաշմանդամության կարգավիճակի սահմանված ժամկետով

- մանկուց հաշմանդամներին միչև 18 տարին լրանալը

- մնացած խմբերի քաղաքացիներին՝ անժամկետ:

11. Կազմակերպության կողմից վկայականների հաշվառումն իրականացվում է համակարգչի միջոցով, հաշվառման մատյանում հաշվառելով հետևյալ տվյալները՝ համաձայն ձևի.

1) քաղաքացու ազգանուն, անուն, հայրանուն.

2) վկայականի համարը.

3) վկայականի տեսակը.

4) վկայականի տրման ամսաթիվը.

5) արտոնության հիմքը.

6) արտոնությունը հաստատող փաստաթղթի տվյալները (անվանումը, համարը, տրման ամսաթիվը).

7) բնակության վայրը.

8) անձնագրի տվյալները (համարը, տրման ամսաթիվը, ում կողմից է տրված).

9) ծննդյան ամսաթիվը։

(11-րդ կետը լրաց. 26.09.11 N 570-Ն)

12. Հաշվառման մատյանում տվյալների հաշվառումը կատարվում է վկայականը տրամադրելուց հետո, վկայականների համարների հաջորդական հաշվառմամբ։

(12-րդ կետը լրաց. 26.09.11 N 570-Ն)

13. Վկայականը անվավեր ճանաչվելու կամ նորով փոխարինվելու դեպքում հաշվառման մատյանի «Ծանոթություն» սյունակում կատարվում է համապատասխան նշում։

(13-րդ կետը լրաց. 26.09.11 N 570-Ն)

14. Վկայականների հատկացման փաստաթղթերը կազմակերպության կողմից արխիվացվում են թղթային տարբերակով և էլեկտրոնային եղանակով՝ սկաներով տվյալների ընթերցման միջոցով։

(14-րդ կետը լրաց. 26.09.11 N 570-Ն)

15. «Տրանսպորտային փոխադրումներ» ՊՈԱԿ-ի տնօրենին՝

1) յուրաքանչյուր կիսամյակ Հայաստանի Հանրապետության աշխատանքի և սոցիալական հարցերի նախարարությունից ստանալ ուղևորատար տրանսպորտով երթևեկության արտոնության իրավունք ունեցող քաղաքացիների ճշտված ցուցակները.

2) յուրաքանչյուր եռամսյակին հաջորդող ամսվա մինչև 10-ը Հայաստանի Հանրապետության տրանսպորտի և կապի նախարարին ներկայացնել տեղեկատվություն վկայականների հատկացման վերաբերյալ։

(15-րդ կետը լրաց. 26.09.11 N 570-Ն)

16. Արտոնությունը կորցնելու հետևանքով սույն հրամանի 15-րդ կետի 1-ին ենթակետում նշված ցուցակներից դուրս մնացած կամ մահացած քաղաքացիների վկայականները, ինչպես նաև գործողության ժամկետը լրացած կամ կորցրած վկայականները ճանաչվում են անվավեր և վկայականն անվավեր ճանաչելու վերաբերյալ կազմակերպությունը հայտարարություն է տեղադրում նախարարության ինտերնետային կայքում։

(16-րդ կետը լրաց. 26.09.11 N 570-Ն)

ՁԵՎ

Հ Ա Շ Վ Ա Ռ Մ Ա Ն  Մ Ա Տ Յ Ա Ն

ՈՒՂԵՎՈՐԱՏԱՐ ՏՐԱՆՍՊՈՐՏՈՎ ԱՌԱՆՁԻՆ ԽՄԲԵՐԻ ՔԱՂԱՔԱՑԻՆԵՐԻ ԵՐԹԵՎԵԿՈՒԹՅԱՆ ԱՐՏՈՆՈՒԹՅՈՒՆՆԵՐԻ ԻՐԱՎՈՒՆՔԸ ՀԱՍՏԱՏՈՂ ՎԿԱՅԱԿԱՆՆԵՐԻ ՀԱՇՎԱՌՄԱՆ

Հ/Հ	ՔԱՂԱՔԱՑՈՒ ԱԶԳԱՆՈՒՆԸ, ԱՆՈՒՆԸ, ՀԱՅՐԱՆՈՒՆԸ	ՎԿԱՅԱԿԱՆԻ			ԱՐՏՈՆՈՒԹՅԱՆ ՀԻՄՔԸ ԵՎ ԱՐՏՈՆՈՒԹՅՈՒՆԸ ՀԱՍՏԱՏՈՂ ՓԱՍՏԱԹՂԹԻ ՏՎՅԱԼՆԵՐԸ (ԱՆՎԱՆՈՒՄԸ, ՀԱՄԱՐԸ, ՏՐՄԱՆ ԱՄՍԱԹԻՎԸ)	ԲՆԱԿՈՒԹՅԱՆ ՎԱՅՐԸ	ԱՆՁՆԱԳՐԻ ՏՎՅԱԼՆԵՐԸ			ԾՆՆԴՅԱՆ ԱՄՍԱ-ԹԻՎԸ	ԾԱՆՈ-ԹՈՒԹՅՈՒՆ
		ՀԱ-ՄԱՐԸ	ՏԵ-ՍԱԿԸ	ՏՐՄԱՆ ԱՄՍԱ-ԹԻՎԸ			ՀԱ-ՄԱՐԸ	ՏՐՄԱՆ ԱՄՍԱ-ԹԻՎԸ	ՈՒՄ ԿՈՂՄԻՑ Է ՏՐՎԱԾ
1	2	3	4	5	6	7	8	9	10	11	12

(ձևը լրաց. 26.09.11 N 570-Ն)

(հավելվածը խմբ., փոփ., լրաց. 26.09.11 N 570-Ն)

Հավելված 2 ՀՀ տրանսպորտի և կապի նախարարի 30.03.2004 թ. N 77-Ն հրամանի

Ձ Ե Վ Ա Ն Մ ՈՒ Շ

2004 թվականի մարտ ամսից սկսած նախկին ԽՍՀՄ հերոսներին, Սոցիալիստական աշխատանքի հերոսներին, Հայաստանի ազգային հերոսներին, մարտական խաչի 1-ին և 2-րդ աստիճանի, ինչպես նաև «Փառքի» երեք աստիճանի շքանշաններով պարգևատրված անձանց և հերոսուհի մայրերին տրվող մերձքաղաքային ուղևորատար տրանսպորտով (մինչև 50 կմ) և ներքաղաքային ուղևորատար տրանսպորտով անվճար երթևեկության իրավունքը հաստատող վկայականի:

(ձևանմուշը փոփ. 26.09.11 N 570-Ն)

Վկայականի հիմնագույնը` սպիտակ

Վկայականի վրա արտոնության հիմքերի հապավումները

ՍԱՀ-Սոցիալիստական աշխատանքի հերոս

ՍՄՀ-Սովետական միության հերոս

ՀԱՀ-Հայաստանի ազգային հերոս

ՄԽՇ-Մարտական խաչի 1-ին և 2-րդ աստիճանի շքանշանակիրներ

ՓՇ-«Փառքի» երեք աստիճանի շքանշանակիրներ

ՊԽ-Ծերանոցներում, մանկատներում ապրող պետական լրիվ խնամքի տակ գտնվող անձինք

ՀՄ-«Հերոսուհի մայր» 10 և ավելի երեխաներ ծնած և դաստիարակած մայրեր

(հավելվածը փոփ. 26.09.11 N 570-Ն)

Հավելված 2  ՀՀ տրանսպորտի և կապի նախարարի 30.03.2004 թ. N 77-Ն հրամանի

Ձ Ե Վ Ա Ն Մ ՈՒ Շ

2004 թվականի մարտ ամսից սկսած նախկին ԽՍՀՄ հերոսներին, Սոցիալիստական աշխատանքի հերոսներին, Հայաստանի ազգային հերոսներին, մարտական խաչի 1-ին և 2-րդ աստիճանի, ինչպես նաև «Փառքի» երեք աստիճանի շքանշաններով պարգևատրված անձանց և հերոսուհի մայրերին տրվող մերձքաղաքային ուղևորատար տրանսպորտով (մինչև 50 կմ) և ներքաղաքային ուղևորատար տրանսպորտով անվճար երթևեկության իրավունքը հաստատող վկայականի:

(ձևանմուշը փոփ. 26.09.11 N 570-Ն)

Վկայականի հիմնագույնը` սպիտակ

Վկայականի վրա արտոնության հիմքերի հապավումները

ՍԱՀ-Սոցիալիստական աշխատանքի հերոս

ՍՄՀ-Սովետական միության հերոս

ՀԱՀ-Հայաստանի ազգային հերոս

ՄԽՇ-Մարտական խաչի 1-ին և 2-րդ աստիճանի շքանշանակիրներ

ՓՇ-«Փառքի» երեք աստիճանի շքանշանակիրներ

ՊԽ-Ծերանոցներում, մանկատներում ապրող պետական լրիվ խնամքի տակ գտնվող անձինք

ՀՄ-«Հերոսուհի մայր» 10 և ավելի երեխաներ ծնած և դաստիարակած մայրեր

(հավելվածը փոփ. 26.09.11 N 570-Ն)

Հավելված 3 ՀՀ տրանսպորտի և կապի նախարարի 30.03.2004 թ. N 77-Ն հրամանի

Ձ Ե Վ Ա Ն Մ ՈՒ Շ

Հայրենական Մեծ պատերազմի տարիներին թիկունքում անձնազոհ աշխատանքի համար նախկին ԽՍՀՄ շքանշաններով և մեդալներով պարգևատրված անձանց, ինչպես նաև 5 և ավել երեխա ունեցող ծնողներից մեկին ներքաղաքային ուղևորատար տրանսպորտով (բացի տաքսուց) անվճար երթևեկության իրավունքը հաստատող վկայականի:

(ձևանմուշը փոփ. 26.09.11 N 570-Ն)

Վկայականի հիմնագույնը` դեղին

Վկայականի վրա արտոնության հիմքերի հապավումները

ՀՊԹ-Հայրենական Մեծ պատերազմի ժամանակ թիկունքում անձնուրաց աշխատանքի համար և անբասիր զինվորական ծառայության համար նախկին ԽՍՀՄ շքանշաններով և մեդալներով պարգևատրված անձինք

ԲՄ-Բազմազավակ մայր (5 և ավել երեխա ունեցող ծնող)

ԲՀ-Բազմազավակ հայր (5 և ավել երեխա ունեցող ծնող)

(հավելվածը փոփ. 26.09.11 N 570-Ն)

Հավելված 3 ՀՀ տրանսպորտի և կապի նախարարի 30.03.2004 թ. N 77-Ն հրամանի

Ձ Ե Վ Ա Ն Մ ՈՒ Շ

Հայրենական Մեծ պատերազմի տարիներին թիկունքում անձնազոհ աշխատանքի համար նախկին ԽՍՀՄ շքանշաններով և մեդալներով պարգևատրված անձանց, ինչպես նաև 5 և ավել երեխա ունեցող ծնողներից մեկին ներքաղաքային ուղևորատար տրանսպորտով (բացի տաքսուց) անվճար երթևեկության իրավունքը հաստատող վկայականի:

(ձևանմուշը փոփ. 26.09.11 N 570-Ն)

Վկայականի հիմնագույնը` դեղին

Վկայականի վրա արտոնության հիմքերի հապավումները

ՀՊԹ-Հայրենական Մեծ պատերազմի ժամանակ թիկունքում անձնուրաց աշխատանքի համար և անբասիր զինվորական ծառայության համար նախկին ԽՍՀՄ շքանշաններով և մեդալներով պարգևատրված անձինք

ԲՄ-Բազմազավակ մայր (5 և ավել երեխա ունեցող ծնող)

ԲՀ-Բազմազավակ հայր (5 և ավել երեխա ունեցող ծնող)

(հավելվածը փոփ. 26.09.11 N 570-Ն)

Հավելված 4 ՀՀ տրանսպորտի և կապի նախարարի 30.03.2004 թ. N 77-Ն հրամանի

Ձ Ե Վ Ա Ն Մ ՈՒ Շ

1-ին և 2-րդ խմբի հաշմանդամներին և բռնադատվածներին ներքաղաքային ուղևորատար տրանսպորտով (բացի ավտոբուսից և տաքսուց) անվճար երթևեկության իրավունքը հաստատող վկայականի:

(ձևանմուշը փոփ. 26.09.11 N 570-Ն)

Վկայականի հիմնագույնը` վարդագույն

Վկայականի վրա արտոնության հիմքերի հապավումները

I ԽՀ-1-ին խմբի հաշմանդամ

II ԽՀ-2-րդ խմբի հաշմանդամ

ԲԴ-բռնադատված

ՓԽ-փոխանցում խնամակալին

(հավելվածը փոփ. 26.09.11 N 570-Ն)

Հավելված 4 ՀՀ տրանսպորտի և կապի նախարարի 30.03.2004 թ. N 77-Ն հրամանի

Ձ Ե Վ Ա Ն Մ ՈՒ Շ

1-ին և 2-րդ խմբի հաշմանդամներին և բռնադատվածներին ներքաղաքային ուղևորատար տրանսպորտով (բացի ավտոբուսից և տաքսուց) անվճար երթևեկության իրավունքը հաստատող վկայականի:

(ձևանմուշը փոփ. 26.09.11 N 570-Ն)

Վկայականի հիմնագույնը` վարդագույն

Վկայականի վրա արտոնության հիմքերի հապավումները

I ԽՀ-1-ին խմբի հաշմանդամ

II ԽՀ-2-րդ խմբի հաշմանդամ

ԲԴ-բռնադատված

ՓԽ-փոխանցում խնամակալին

(հավելվածը փոփ. 26.09.11 N 570-Ն)