«Գրանցված է»

ՀՀ արդարադատության

նախարարության կողմից

10 փետրվարի 2011 թ.

Պետական գրանցման թիվ 11011072

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ

8 փետրվարի 2011 թ.

N 96-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐԻ 2010 ԹՎԱԿԱՆԻ ՄԱՅԻՍԻ 18-Ի N 396-Ն ՀՐԱՄԱՆՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի պահանջով`

Հրամայում եմ՝

1. Հայաստանի Հանրապետության կրթության և գիտության նախարարի 2010 թվականի մայիսի 18-ի «Հանրակրթական ուսումնական հաստատության ղեկավարման իրավունքի հավաստագրման լիազոր մարմնի կազմավորման և գործունեության կարգը հաստատելու մասին» N 396-Ն հրամանի հավելվածում կատարել հետևյալ լրացումները և փոփոխությունները.

1) Հրամանով հաստատված կարգի (այսուհետ` կարգ) 6-րդ կետում «միաժամանակ գործող» բառերը հանել,

2) կարգի 8-րդ կետի 2-րդ ենթակետը շարադրել նոր խմբագրությամբ.

«2) զբաղեցրած պաշտոնը,»,

3) կարգի 9-րդ կետի 2-րդ ենթակետը շարադրել նոր խմբագրությամբ.

«2) Հայաստանի Հանրապետության մարզպետարանների և (կամ) Երևանի քաղաքապետարանի ներկայացուցիչներ` ընդամենը 2 անդամ,»,

4) կարգի 10-րդ կետը շարադրել նոր խմբագրությամբ.

«10. Սույն կարգի 9-րդ կետով կազմավորված Հավաստագրման հանձնաժողովի կազմը հաստատում է Նախարարը:»,

5) կարգի 11-րդ կետը շարադրել նոր խմբագրությամբ.

«11. Նախարարության աշխատակազմը, Հավաստագրման հանձնաժողովի կազմավորումից հետո 12 ժամվա ընթացքում, Հավաստագրման հանձնաժողովի անդամներին տեղեկացնում է հավաստագրման քննություն անցկացնելու օրվա, ժամի և վայրի մասին:»,

6) կարգի 17-րդ կետի 3-րդ ենթակետը շարադրել նոր խմբագրությամբ.

«3) անցկացնում է հավաստագրման քննությունները համաձայն Նախարարի 2010 թվականի մայիսի 18-ի N 395-Ն հրամանով հաստատված «Հանրակրթական ուսումնական հաստատության ղեկավարման իրավունքի (հավաստագրման) համար քննությունների կազմակերպման և անցկացման կարգի» պահանջներին համապատասխան,»,

7) ուժը կորցրած ճանաչել կարգի 17-րդ կետի 4-րդ, 5-րդ, 6-րդ ,7-րդ, 8-րդ և 9-րդ ենթակետերը,

8) կարգի 26-րդ կետը շարադրել նոր խմբագրությամբ.

«26. Հավաստագրման հանձնաժողովի լիազորությունները դադարում են բողոքարկման ժամկետը ավարտվելուց հետո:»,

9) կարգի 27-րդ և 28-րդ կետերը ուժը կորցրած ճանաչել:

2. Հայաստանի Հանրապետության կրթության և գիտության նախարարության աշխատակազմի հանրակրթության վարչությանը և իրավաբանական վարչությանը` փաստաթուղթը սահմանված կարգով ներկայացնել Հայաստանի Հանրապետության արդարադատության նախարարություն` պետական գրանցման:

 3. Սույն հրամանի կատարման վերահսկողությունը վերապահել Հայաստանի Հանրապետության կրթության և գիտության նախարարի տեղակալ Մ. Մկրտչյանին:

Ա. Աշոտյան