Գլխավոր տեղեկություն

Номер

N 163-Ն

Տիպ

Հրաման

Тип

Պաշտոնական Ինկորպորացիա (16.08.2009-по сей день)

Статус

Գործում է

Первоисточник

ՀՀԳՏ 2004.11.01/24(172) Հոդ.324

Принят

Առևտրի և տնտեսական զարգացման նախարար

Дата принятия

27.09.2004

Подписан

Առևտրի և տնտեսական զարգացման նախարար

Дата подписания

27.09.2004

Дата вступления в силу

11.11.2004

«ԳՐԱՆՑՎԱԾ Է»

ՀՀ ԱՐԴԱՐԱԴԱՏՈՒԹՅԱՆ

ՆԱԽԱՐԱՐՈՒԹՅԱՆ ԿՈՂՄԻՑ

18 հոկտեմբերի 2004 թ.

ՊԵՏԱԿԱՆ ԳՐԱՆՑՄԱՆ ԹԻՎ 10304275

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌԵՎՏՐԻ ԵՎ ՏՆՏԵՍԱԿԱՆ ԶԱՐԳԱՑՄԱՆ ՆԱԽԱՐԱՐ

27 սեպտեմբերի 2004 թ.
ք. Երևան
N 163-Ն

Հ Ր Ա Մ Ա Ն

ՀԱՄԱՊԱՏԱՍԽԱՆՈՒԹՅԱՆ ՍԵՐՏԻՖԻԿԱՏԻ ԵՎ ՀԱՄԱՊԱՏԱՍԽԱՆՈՒԹՅԱՆ ՀԱՅՏԱՐԱՐԱԳՐԻ ՁԵՎԵՐԸ ԵՎ ԴՐԱՆՑ ՆԵՐԿԱՅԱՑՎՈՂ ՊԱՀԱՆՋՆԵՐԸ ՍԱՀՄԱՆԵԼՈՒ ՄԱՍԻՆ

Ղեկավարվելով «Համապատասխանության գնահատման մասին» Հայաստանի Հանրապետության օրենքի 11-րդ հոդվածի 1-ին մասով

ՀՐԱՄԱՅՈՒՄ ԵՄ`

1. Սահմանել`

ա) արտադրանքի համապատասխանության սերտիֆիկատի և դրա մաքսային օրինակի ձևերը համաձայն Ձև 1 և Ձև 2-ի,

բ) արտադրանքի համապատասխանության հայտարարագրի և դրա մաքսային օրինակի ձևերը համաձայն Ձև 3 և Ձև 4-ի,

գ) արտադրանքի համապատասխանության սերտիֆիկատի և համապատասխանության հայտարարագրի հավելվածների ձևերը համաձայն Ձև 5 և Ձև 6-ի,

դ) ծառայության համապատասխանության սերտիֆիկատի և դրա հավելվածի ձևերը համաձայն Ձև 7 և Ձև 8-ի,

ե) որակի կառավարման համակարգի համապատասխանության սերտիֆիկատի ձևը համաձայն Ձև 9-ի.

զ) բնապահպանական կառավարման համակարգի համապատասխանության սերտիֆիկատի ձևը համաձայն Ձև 10-ի,

է) անձի համապատասխանության սերտիֆիկատի ձևը համաձայն Ձև 11-ի:

(1-ին կետը լրաց. 10.07.09 N 546-Ն)

2. Սույն հրամանի 1-ին կետով սահմանված ձևերը պետք է պատրաստվեն A 4 (210 x297 մմ) ձևաչափի թղթի վրա` հայերենով:

Թույլատրվում է արտադրանքի, ծառայության և որակի կառավարման համակարգի համապատասխանության սերտիֆիկատները և դրանց հավելվածները ձևակերպել այլ լեզուներով հայտատուների պահանջով:

Համապատասխանության սերտիֆիկատները, համապատասխանության հայտարարագրերը և դրանց հավելվածները պետք է լրացվեն համապատասխանության հավաստման համակարգի ստանդարտներով սահմանված պահանջներին համապատասխան:

3. Սույն հրամանի 1-ին կետով սահմանված ձևերի բլանկների պատվիրման, հրատարակման, հաշվառման, պահպանման և ՀՀ համապատասխանության հավաստման համակարգում հավատարմագրված սերտիֆիկացման մարմիններին բլանկներով ապահովման իրավունքը վերապահել Ստանդարտների ազգային ինստիտուտ փակ բաժնետիրական ընկերությանը:

4. Սույն հրամանի հսկողությունը վերապահել ՀՀ էկոնոմիկայի նախարարի տեղակալ Գ. Բադալյանին:

(4-րդ կետը փոփ. 10.07.09 N 546-Ն)

Կ. Ճշմարիտյան

Ձև 1