«Գրանցված է»

ՀՀ արդարադատության

նախարարության կողմից

22 հունիսի 2009 թ.

Պետական գրանցման թիվ 11009230

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ

15 հունիսի 2009 թ. ք. Երևան

N 547-Ն

Հ Ր Ա Մ Ա Ն

ՀՀ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐԻ 2009 Թ. ՄԱՐՏԻ 16-Ի N 185-Ն ՀՐԱՄԱՆՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հիմք ընդունելով «Իրավական ակտերի մասին» ՀՀ օրենքի 70-րդ հոդվածը

ՀՐԱՄԱՅՈՒՄ ԵՄ՝

1. ՀՀ կրթության և գիտության նախարարի 2009 թ. մարտի 16-ի «ՀՀ պետական բուհերի 2009թ. առկա ուսուցման ընդունելության կանոնները հաստատելու մասին» թիվ 185-Ն հրամանով հաստատված կանոնների 39-րդ կետը լրացնել հետևյալ բովանդակությամբ նոր նախադասությամբ. «Հանրապետական ընդունող հանձնաժողովը ըստ անհրաժեշտության կարող է իր որոշմամբ երկարաձգել դիմում-հայտերի ընդունման ժամկետը»:

2. Բարձրագույն և հետբուհական մասնագիտական կրթության վարչությանը (Ռ. Գասպարյան), օրենսդրության և իրավաբանական վարչությանը (Մ. Գրիգորյան), սահմանված կարգով սույն լրացումը ներկայացնել ՀՀ արդարադատության նախարարություն` պետական գրանցման:

ՀՀ կրթության և գիտության  նախարար`

Ա. Աշոտյան