«Գրանցված է»

ՀՀ արդարադատության

նախարարության կողմից

28 ապրիլի 2009 թ.

Պետական գրանցման թիվ 32209179

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

ԿԱՌԱՎԱՐՈՒԹՅԱՆՆ ԱՌԸՆԹԵՐ

ԱՆՇԱՐԺ ԳՈՒՅՔԻ ԿԱԴԱՍՏՐԻ ՊԵՏԱԿԱՆ ԿՈՄԻՏԵ

 

26 փետրվարի 2009 թ. ք. Երևան

N 51-Ն

 

Հ Ր Ա Մ Ա Ն

 

ԿԱԴԱՍՏՐԱՅԻՆ ՔԱՐՏԵԶԱԳՐՄԱՆ ԱՇԽԱՏԱՆՔՆԵՐԻ ԻՐԱԿԱՆԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

 

Ղեկավարվելով «Գեոդեզիայի և քարտեզագրության մասին» Հայաստանի Հանրապետության օրենքի 5-րդ հոդվածի «բ» ենթակետով, 8-րդ հոդվածի և Հայաստանի Հանրապետության կառավարության 2001 թվականի հոկտեմբերի 24-ի «Գեոդեզիայի և քարտեզագրության բնագավառում Հայաստանի Հանրապետության կառավարության լիազորած պետական կառավարման մարմնի իրավասությունները Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեին վերապահելու մասին» N 1028 որոշման պահանջներով՝

 

Հրամայում եմ՝

 

1. Հաստատել Կադաստրային քարտեզագրման աշխատանքների իրականացման հրահանգը՝ համաձայն հավելվածի։

2. Սույն հրամանը սահմանված կարգով ներկայացնել Հայաստանի Հանրապետության արդարադատության նախարարություն՝ պետական գրանցման։

3. Սույն հրամանը ուժի մեջ է մտնում պաշտոնական հրապարակմանը հաջորդող տասներորդ օրը։

 

Կոմիտեի նախագահ՝

Մ. Վարդանյան

 

Հավելված ՀՀ կառավարությանն առընթեր անշարժ գույքի կադաստրի պետական կոմիտեի նախագահի 2009 թ. փետրվարի 26-ի N 51-Ն հրամանի

 

Հ Ր Ա Հ Ա Ն Գ

 

ԿԱԴԱՍՏՐԱՅԻՆ ՔԱՐՏԵԶԱԳՐՄԱՆ ԱՇԽԱՏԱՆՔՆԵՐԻ ԻՐԱԿԱՆԱՑՄԱՆ

 

Գ Լ ՈՒ Խ 1

 

ԸՆԴՀԱՆՈՒՐ ԴՐՈՒՅԹՆԵՐ

 

1. Սույն հրահանգը սահմանում է անշարժ գույքի կադաստրային քարտեզագրման աշխատանքների բովանդակությունը, դրանց նկատմամբ առաջադրված պահանջները և այդ աշխատանքների իրականացման կարգը:

2. Կադաստրային հանութագրման նյութերը (կադաստրային քարտեզները և կադաստրային հատակագծերը) տեղանքի փոքրացված և ընդհանրացված արտապատկերումներն են համապատասխան մասշտաբով և պայմանական նշաններով, որոնց վրա արտահայտվում են անշարժ գույքի բոլոր միավորները (անկախ սեփականության ձևից), դրանց տեղադրությունը, սահմանները, մակերեսները, տեսքերն ու տեսակները, վերգետնյա և ստորգետնյա մայրուղային հաղորդակցուղիների ցանցը և անշարժ գույքի վերաբերյալ այլ տվյալներ:

3. Կադաստրային հատակագծերը (քարտեզները) հանդիսանում են անշարժ գույքի պետական գրանցման համակարգի հիմնական փաստաթղթերից մեկը և ծառայում են անշարժ գույքի միավորի նկատմամբ իրավունքների պետական գրանցման, գնահատման, հողի հարկի և գույքահարկի բազայի ստեղծման, ինչպես նաև բազմանպատակ կադաստրի վարման համար:

4. Կադաստրային քարտեզագրման աշխատանքների համար ելակետային նյութեր են ծառայում անշարժ գույքի վերաբերյալ գրաֆիկական և տեքստային իրավական փաստաթղթերը, 1:50-1:500, 1:1000, 1:2000, 1:5000, 1:10000 և 1:25000 մասշտաբների հանույթները, հողաշինարարական և քաղաքաշինական ծրագրային փաստաթղթերը, գլխավոր հատակագծերը, գեոդեզիական հիմքի կոորդինատների ժողովածուները:

5. Կադաստրային քարտեզագրման աշխատանքները կարող են իրականացվել համապատասխան լիցենզիա ունեցող իրավաբանական անձանց միջոցով:

6. Կադաստրային հատակագծերը (քարտեզները) կարող են լինել թղթային և թվային (էլեկտրոնային կրիչների վրա):

7. Անշարժ գույքի պետական գրանցման նպատակով կադաստրային քարտեզագրման աշխատանքները կատարվում են անշարժ գույքի յուրաքանչյուր միավորի համար: Իրավունքների պետական գրանցման ժամանակ անշարժ գույքի յուրաքանչյուր միավորին կադաստրային հատակագծի (քարտեզի) վրա տրվում է առանձին ծածկագիր: Անշարժ գույքի կադաստրային ծածկագիրը՝ դա թվերի համակցություն է, որը համապատասխանում է անշարժ գույքի միավորին և պահպանվում է այնքան ժամանակ, քանի դեռ այն գոյություն ունի որպես ֆիզիկական և իրավական մեկ ամբողջություն: Իրավունքների պետական գրանցում չստացած, ինչպես նաև ինքնակամ կառուցված շենքերին, շինություններին և ինքնակամ զբաղեցված հողամասերին տրվում են հերթական համարներ (պայմանական ծածկագրեր):

8. Կադաստրային ծածկագրման նպատակով Հայաստանի Հանրապետության տարածքը բաժանվում է կադաստրային տարածքների (մարզերի), ենթատարածքների (համայնքների), սեկտորների (համայնքի վարչական սահմաններից դուրս՝ մարզի վարչական տարածք), կադաստրային թաղամասերի և միավորների:

9. Կադաստրային հանութագրման աշխատանքները պետք է իրականացվեն ժամանակակից գեոդեզիական էլեկտրոնային գործիքներով և սարքավորումներով (էլեկտրոնային տախեոմետր, արբանյակային դիրքորոշման (GPS) կայան, լազերային հեռաչափ և այլն), որոնց ճշտության նկատմամբ պահանջները տրված են հավելված 2-ում:

10. Կադաստրային քարտեզագրման աշխատանքները իրականացվում են.

1) առաջին պետական գրանցում իրականացնելու նպատակով ամբողջական տարածքների և թաղամասերի համար, այսուհետ՝ համատարած քարտեզագրում,

2) անշարժ գույքի առանձին միավորների նկատմամբ ընթացիկ հաշվառման, գրանցման, միավորման կամ բաժանման նպատակով, այսուհետ՝ լոկալ քարտեզագրում:

11. Կադաստրային քարտեզագրման աշխատանքներն իրականացվում են երեք փուլերով՝

1) նախապատրաստական,

2) դաշտային,

3) գրասենյակային:

 

Գ Լ ՈՒ Խ  2

 

ՆԱԽԱՊԱՏՐԱՍՏԱԿԱՆ ԱՇԽԱՏԱՆՔՆԵՐ

 

12. Կադաստրային քարտեզագրման աշխատանքների նախապատրաստական փուլն իր մեջ ընդգրկում է՝

1) Անհրաժեշտ գրաֆիկական և տեքստային տեղեկատվության, պետական գեոդեզիական և խտացման ցանցերի կետերի ուսումնասիրում և հավաքագրում,

2) Սեփականատերերի, օգտագործողների, անշարժ գույքի միավորների վերաբերյալ անհրաժեշտ տեղեկատվության ուսումնասիրում և հավաքագրում:

 

Բ Ա Ժ Ի Ն  1

 

ԱՆՀՐԱԺԵՇՏ ԳՐԱՖԻԿԱԿԱՆ ԵՎ ՏԵՔՍՏԱՅԻՆ ՏԵՂԵԿԱՏՎՈՒԹՅԱՆ, ՊԵՏԱԿԱՆ ԳԵՈԴԵԶԻԱԿԱՆ ԵՎ ԽՏԱՑՄԱՆ ՑԱՆՑԵՐԻ ԿԵՏԵՐԻ ՈՒՍՈՒՄՆԱՍԻՐՈՒՄ ԵՎ ՀԱՎԱՔԱԳՐՈՒՄ

 

13. Կադաստրային քարտեզագրման համատարած հանութագրման աշխատանքները նախատեսված են ամբողջական տարածքներում անշարժ գույքի միավորների նկատմամբ իրավունքների առաջին պետական գրանցման, գնահատման, հողի հարկի և գույքահարկի բազայի ստեղծման, բազմանպատակ կադաստրի վարման, ինչպես նաև որոշակի պարբերականությամբ քարտեզների թարմացման համար:

14. Այդ աշխատանքների իրականացումից առաջ կատարվում է տվյալ տարածքի վերաբերյալ անհրաժեշտ գրաֆիկական տեղեկատվության, պետական գեոդեզիական և խտացման ցանցերի կետերի ուսումնասիրում և անհրաժեշտ տվյալների հավաքագրում, որն իր մեջ ներառում է՝

1) համապատասխան մասշտաբի տեղագրա-գեոդեզիական, քարտեզագրական, հանութագրման նյութեր, հողաշինարարական և քաղաքաշինական ծրագրային փաստաթղթեր, բնակավայրերի գլխավոր հատակագծեր, հողերի օգտագործման սխեմաներ և այլ նյութեր,

2) տվյալ տարածքի վարչական սահմանների նկարագրության և առկա հողային ֆոնդի վերաբերյալ տեղեկատվություն,

3) տվյալ տարածքում առկա վերգետնյա և ստորգետնյա մայրուղային հաղորդակցուղիների ցանցի վերաբերյալ տեղեկատվություն, որոնք առկա գույքային միավորների համար կարող են առաջացնել սահմանափակումներ կամ սերվիտուտներ,

4) հանութային աշխատանքների իրականացման համար տվյալ տարածքում առկա անհրաժեշտ պետական գեոդեզիական, խտացման և հանութային ցանցերի կետերի վերաբերյալ տվյալներ:

15. Առաջին պետական գրանցումն ավարտված տարածքներում լոկալ քարտեզագրման աշխատանքներն իրականացվում են նոր առաջացած անշարժ գույքի առկայության, գույքի միավորման կամ բաժանման դեպքերում: Աշխատանքներն իրականացնելուց առաջ առաջնահերթ ուսումնասիրվում է գույքի վերաբերյալ անհրաժեշտ իրավական հիմքերի առկայությունը, հողամասի օտարման կամ օգտագործման տրամադրված սահմանված կարգով հաստատված հատակագծային գրաֆիկական նյութերը և անհրաժեշտ այլ տվյալներ: Պետական գեոդեզիական ցանցի և խտացման ցանցերի կետերի հավաքագրումը պայմանավորված է հանութագրվող տարածքի մակերեսից, կառուցապատման խտությունից, վերգետնյա և ստորգետնյա մայրուղային հաղորդակցուղիների ցանցի առկայությունից, (որոնք կարող են հանդիսանալ տվյալ գույքային միավորի համար սահմանափակում կամ սերվիտուտ) և այլ հանգամանքներից: Ելնելով հանութագրվող տարածքի առանձնահատկություններից՝ վերը նշված նյութերը ձեռք են բերվում ըստ անհրաժեշտության:

 

Բ Ա Ժ Ի Ն  2

 

ՍԵՓԱԿԱՆԱՏԵՐԵՐԻ, ՕԳՏԱԳՈՐԾՈՂՆԵՐԻ ԱՆՇԱՐԺ ԳՈՒՅՔԻ ՄԻԱՎՈՐՆԵՐԻ ՎԵՐԱԲԵՐՅԱԼ ՏԵՂԵԿԱՏՎՈՒԹՅԱՆ ՀԱՎԱՔԱԳՐՈՒՄ

 

16. Առաջին պետական գրանցումն իրականացնելու նպատակով կատարվող համատարած կադաստրային քարտեզագրման աշխատանքներից առաջ անհրաժեշտ է, որպեսզի պատվիրատուն լիցենզավորված անձին տրամադրի տվյալներ` հանութագրվող տարածքում սեփականության սուբյեկտների, իրավունքի տեսակների, օգտագործման ձևերի, անշարժ գույքի նպատակային և գործառնական նշանակության, տեսքերի և տեսակների, ինչպես նաև անշարժ գույքի նկատմամբ իրավահաստատող փաստաթղթերի վերաբերյալ: Բացի այդ, իրավասու մարմինների կողմից պետք է տրամադրվեն սեփականատերերի ցուցակներն ըստ սեփականաշնորհման հանձնաժողովների արձանագրությունների, հողամասերի, շենքերի, շինությունների վերաբերյալ օրենսդրությամբ սահմանված կարգով հատկացման որոշումները, անշարժ գույքի օտարման, օգտագործման, վարձակալության պայմանագրերը, քաղվածքներ նախկին ծխամատյաններից կամ տնտեսական գրքերից, հողի սեփականության, օգտագործման իրավունքի ժամանակավոր և պետական ակտերը, անշարժ գույքի սեփականության (օգտագործման) իրավունքի գրանցման վկայականները, այգեգործների տոմսերը, հիփոթեքի, սահմանափակումների, այդ թվում՝ սերվիտուտների, ինչպես նաև քաղաքաշինական գործունեություն ծավալելու, սեփականաշնորհելու վերաբերյալ տրված փաստաթղթերը:

17. Լոկալ քարտեզագրման աշխատանքներ իրականացնելուց առաջ անշարժ գույքի միավորի վերաբերյալ վերը նշված տեղեկատվությունը ըստ անհրաժեշտության պատվիրատուի կողմից տրամադրվում է միայն տվյալ գույքային միավորի համար, իսկ առանձին դեպքերում՝ համապատասխան իրավասու մարմինների կողմից պետք է տրամադրվի նաև սահմանակից հողօգտագործողների վերաբերյալ:

 

Գ Լ ՈՒ Խ  3

 

ԴԱՇՏԱՅԻՆ ԱՇԽԱՏԱՆՔՆԵՐԻ ԻՐԱԿԱՆԱՑՄԱՆ ՓՈՒԼ

 

18. Կադաստրային քարտեզագրման դաշտային աշխատանքների իրականացման փուլը համատարած հանութագրման ժամանակ իր մեջ ընդգրկում է հետևյալ աշխատանքի տեսակները. գեոդեզիական խտացման և հանութային ցանցի ստեղծումը, համայնքի վարչական սահմանների նկարագրի հիման վրա սահմանների ճշգրտումը և համաձայնեցումը, անշարժ գույքի միավորների հանութագրումը, ինչպես նաև հողային ֆոնդի հողային ֆոնդում ընդգրկված հողերի հանութագրումը և դասակարգումը ըստ նպատակային և գործառնական նշանակության, դաշտային աշխատանքների ընթացիկ և վերջնական ստուգումները:

19. Լոկալ հանութագրման աշխատանքների իրականացման ընթացքում կատարվում է. հանութային ցանցի ստեղծում (ըստ անհրաժեշտության), անշարժ գույքի նկատմամբ սեփականատերերի, օգտագործողների իրավունքները հաստատող փաստաթղթերի հիման վրա բնության մեջ անշարժ գույքի միավորների սահմանների ճշգրտում, շենքերի, շինությունների հանութագրում, սերվիտուտ առաջացնող մայրուղային հաղորդակցուղային ցանցերի և այլ անշարժ գույքի միավորների հանութագրում:

 

Բ Ա Ժ Ի Ն  1

 

ԳԵՈԴԵԶԻԱԿԱՆ ԽՏԱՑՄԱՆ ԵՎ ՀԱՆՈՒԹԱՅԻՆ ՑԱՆՑԵՐԻ ՍՏԵՂԾՈՒՄԸ

 

20. Կադաստրային քարտեզագրման աշխատանքների կարևորագույն և պարտադիր պայմաններից մեկը, դա անշարժ գույքի յուրաքանչյուր միավորի պլանային կոորդինատների կապակցումն է ընդունված մեկ միասնական կոորդինատային համակարգում՝ սույն հրահանգով սահմանված ճշտությամբ:

21. Կադաստրային քարտեզագրման աշխատանքները Հայաստանի Հանրապետությունում իրականացվում են ՀՀ կառավարության 2002 թվականի մարտի 11-ի «Հայաստանի Հանրապետության տարածքում WGS-84 համաշխարհային գեոդեզիական կոորդինատային համակարգը ներդնելու մասին» N 225 որոշման պահանջներին համապատասխան` ՎԻՋԻԷՍ-84 (WGS-84) համաշխարհային գեոդեզիական կոորդինատային համակարգում, իսկ առանձին դեպքերում պետական մարմինների պատվերով, իրենց լիազորությունների շրջանակներում, կարող են իրականացվել նաև պետական գեոդեզիական ԿՀ-42 կոորդինատային համակարգում:

22. Անցումը մեկ կոորդինատային համակարգից մյուսին իրականացվում է համապատասխան բանաձևերի միջոցով:

23. Կադաստրային քարտեզագրման աշխատանքների իրականացման համար անհրաժեշտ ելակետային տվյալները լիցենզավորված անձանց տրամադրվում են սահմանված կարգով՝ լիազոր մարմնի կողմից:

24. Կադաստրային ենթատարածքներում (համայնքներում, սեկտորներում) համատարած կադաստրային հանութագրման իրականացման ժամանակ, օգտագործելով նախապատրաստական փուլում ձեռքբերված տեղեկատվությունը և հետազոտման տվյալները, անհրաժեշտ է խտացնել գոյություն ունեցող գեոդեզիական ցանցը կամ ստեղծել տվյալ տարածքի հանութային ցանց` կապակցելով գեոդեզիական ցանցի կետերի հետ (հավելված 5): Խտացման և հանութային գեոդեզիական ցանցերի ստեղծման աշխատանքների ընթացքում պետք է օգտագործվեն բարձր ճշտություն ապահովող գործիքներ և սարքավորումներ (էլեկտրոնային տախեոմետրեր, նիվելիրներ, արբանյակային դիրքորոշման կայաններ (GPS)):

25. Խտացման և հանութային գեոդեզիական ցանցերը անհրաժեշտ է ստեղծել Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահի 2002 թվականի հուլիսի 11-ի «1:500, 1:2000 և 1:5000 մասշտաբի տեղագրական հանույթների հրահանգի մասին» N 392-Ն հրահանգի պահանջներին համապատասխան:

26. Էլեկտրոնային տախեոմետրի կիրառմամբ ստեղծվող հանութային ցանցը պետք է բավարարի հավելված 1-ում տրված պահանջներին: Այս դեպքում ընթացքի հարաբերական սխալը չպետք է գերազանցի` 1:6000, ընթացքի կամ պարագծի անկյունային անկապքը չպետք է գերազանցի` +20^// Ön, որտեղ n-ը` անկյունների թիվն է, անկյան չափման միջին քառակուսային սխալը չպետք է գերազանցի +10^II , կողմերի չափման միջին քառակուսային սխալը չպետք է գերազանցի 2-3 սմ:

Պետական գեոդեզիական ցանցին կապակցելու դեպքում անհրաժեշտ է հաշվի առնել երկրի կորության ազդեցությունը չափվող գծերի վրա:

27. Գեոդեզիական խտացման և հանութային ցանցերի, ինչպես նաև դրանց ստեղծման նպատակով օգտագործված ելակետային կետերի կոորդինատները լրացվում են կոորդինատների ժողովածուում (հավելված 6):

 

Բ Ա Ժ Ի Ն  2

 

ԿԱԴԱՍՏՐԱՅԻՆ ՀԱՆՈՒՅԹԻ ԻՐԱԿԱՆԱՑՈՒՄԸ

 

28. Կադաստրային հանութագրման աշխատանքներն իրականացվում են գեոդեզիական հիմքի կետերից:

29. Կադաստրային համատարած հանութագրման ընթացքում իրականացվում են աշխատանքների հետևյալ տեսակները՝

1) համայնքի վարչական սահմանների ճշգրտում, սահմանասյուների տեղազննում, անհրաժեշտության դեպքում՝ հանութագրում,

2) անշարժ գույքի միավորների սահմանների հանութագրում,

3) հողամասերին ամրակայված շենքերի, շինությունների հանութագրում և դասակարգում ըստ նպատակային և գործառնական նշանակության,

4) հողային ֆոնդում ընդգրկված հողերի հանութագրում և դասակարգում ըստ նպատակային և գործառնական նշանակության,

5) հաղորդակցուղիների մայրուղային ցանցի ճշգրտում, որը կարող է առաջացնել սերվիտուտ:

30. Լոկալ կադաստրային հանութագրման ընթացքում իրականացվում են հետևյալ աշխատանքները՝

1) անշարժ գույքի միավորների սահմանների հանութագրում,

2) հողամասին ամրակայված շենքեր, շինությունների հանութագրում և դասակարգում ըստ նպատակային և գործառնական նշանակության,

3) հողամասի հանութագրում և դասակարգում ըստ նպատակային և գործառնական նշանակության,

4) հաղորդակցուղիների մայրուղային ցանցի ճշգրտում, որն առաջացնում է սերվիտուտ:

Կադաստրային հանույթը իրականացվում է ժամանակակից գեոդեզիական էլեկտրոնային գործիքներով և սարքավորումներով (էլեկտրոնային տախեոմետր, արբանյակային դիրքորոշման կայան, լազերային հեռաչափ և այլն):

 

Բ Ա Ժ Ի Ն  3

 

ԿԱԴԱՍՏՐԱՅԻՆ ՀԱՆՈՒՅԹԻ ԻՐԱԿԱՆԱՑՄԱՆ ՄԵԹՈԴՆԵՐԸ ԵՎ ԵՂԱՆԱԿՆԵՐԸ

 

31.Կադաստրային հանույթը կարող է իրականացվել հետևյալ մեթոդներով՝

1) տախեոմետրային հանույթ (էլեկտրոնային տախեոմետրի կիրառմամբ),

2) արբանյակային դիրքորոշման (GPS) ընդունիչների միջոցով իրականացվող հանույթ, կոմբինացված հանույթ, որի դեպքում օգտագործվում են օդալուսանկարահանման և տիեզերալուսանկարահանման նյութերը վերոհիշյալ եղանակներից որևէ մեկի հետ համատեղ:

32. Տախեոմետրային հանույթն իրականացվում է գեոդեզիական հիմքի կետերից՝ տախեոմետրի օգնությամբ: Էլեկտրոնային տախեոմետրով աշխատանքներն սկսելուց առաջ այն կենտրոնացվում է գեոդեզիական հիմքի կետի վրա՝ օպտիկական ուղղալարի օգնությամբ, որից հետո կատարվում է գործիքի կողմնորոշում առնվազն երկու հարևան գեոդեզիական հիմքի կետերով: Այդ նպատակով էլեկտրոնային տախեոմետրում մուտքագրվում են հարևան գեոդեզիական հիմքի կետերի կոորդինատները և գործիքի դիտման առանցքը ուղղորդում են այդ կետերի վրա տեղակայված անդրադարձիչներին: Ուղղորդված կետերի կոորդինատները ստանալուց և ստուգելուց հետո իրականացվում է տեղանքի կադաստրային հանույթը: Էլեկտրոնային տախեոմետրի կիրառման դեպքում կադաստրային հանույթի ենթակա տարրերի կոորդինատները անմիջապես ստացվում են դաշտում, որոնք ավտոմատ կերպով անմիջապես գրանցվում են տախեոմետրի ներքին հիշողության մեջ: Այն դեպքերում, երբ անշարժ գույքի միավորի որևէ շրջադարձային կետ հնարավոր չէ չափագրել տախեոմետրով, ապա անհրաժեշտ բոլոր չափումները կարող են կատարվել լազերային հեռաչափի կամ ժապավենի միջոցով: Տեղանքում կատարված բոլոր չափագրումների համար կազմվում է կադաստրային հանույթի ուրվանկար (աբրիս) (հավելված 7):

Տախեոմետրում կուտակված չափագրման տվյալների և կազմված ուրվանկարների հիման վրա կատարվում են թվայնացման աշխատանքներ:

33. Արբանյակային դիրքորոշման (GPS) ընդունիչների միջոցով իրականացվող կադաստրային հանույթի կիրառման ժամանակ բազային կայանը կենտրոնացվում է հայտնի կոորդինատներ ունեցող գեոդեզիական հիմքի կետի վրա, իսկ շարժվող (GPS) ընդունիչը հերթականությամբ տեղադրվում է կադաստրային հանույթի ենթակա կետերի վրա: Այս դեպքում նույնպես տեղանքում կատարված բոլոր չափագրումների համար կազմվում է կադաստրային հանույթի ուրվանկար: Կայանի և (GPS) ընդունիչի հիշողության մեջ կուտակված տվյալներով և ուրվանկարներով իրականացվում են թվայնացման աշխատանքներ:

34. Կոմբինացված հանույթի դեպքում օգտագործվում են հանութագրվող տարածքի օդալուսանկարահանման և տիեզերական հանութագրման նյութերը վերոհիշյալ եղանակներից որևէ մեկի հետ համատեղ:

Կադաստրային հանութագրման ընթացքում, ելնելով քարտեզագրվող տարածքի պայմաններից և հանութային ցանցի կողմերի դասավորությունից, հիմնականում կիրառվում են իրադրությունների հանույթի գծային հատումների և բևեռային եղանակները:

35. Բևեռային եղանակով հանույթն իրականացվում է գեոդեզիական ցանցի հիմքի կետերից, որի ընթացքում էլեկտրոնային տախեոմետրը հերթականությամբ ուղղորդվում է հանույթի ենթակա կետերի վրա տեղակայված անդրադարձիչներին և անմիջապես տեղանքում ստացվում են հանութագրված կետերի կոորդինատները:

36. Գծային հատումների եղանակը կիրառվում է այն դեպքերում, երբ հնարավոր չէ տեղանքում կիրառել հանույթի բևեռային եղանակը: Գծային հատումների եղանակով հանույթն իրականացնելու դեպքում կետի տեղադիրքը որոշվում է կատարելով 3-ից ոչ պակաս գծային հատումներ՝ գեոդեզիական հիմքի կետերից կամ կայուն եզրագիծ ունեցող անշարժ գույքի միավորների անկյուններից: Այս դեպքում թեք տարածքներում պետք է հաշվի առնել թեքման անկյունները, ինչպես նաև հատումների ուղղությունները չպետք է հատվեն 30 աստիճանից փոքր մեծություն ունեցող և 150 աստիճանը չգերազանցող անկյունների տակ:

37. Կադաստրային հանութագրման աշխատանքների ընթացքում հանույթի են ենթարկվում անշարժ գույքի բոլոր միավորները՝ հողամասեր, շենքեր, շինություններ անկախ սեփականության ձևից և օգտագործման նպատակից, ճանապարհային ցանցը, գետերը, լճերը, ջրանցքները, վերգետնյա և ստորգետնյա մայրուղային հաղորդակցուղային ցանցերը, որոնք կարող են առաջացնել սերվիտուտ:

38. Համայնքի վարչական սահմանների ճշգրտման և հանութագրման աշխատանքները կատարելիս անհրաժեշտ է հիմք ընդունել տվյալ համայնքի վերաբերյալ ՀՀ կառավարության համապատասխան որոշմամբ հաստատված վարչական սահմանների նկարագիրը: Աշխատանքների ավարտից հետո սահմանների հանութագրման տվյալները պետք է համաձայնեցվեն տվյալ համայնքի ղեկավարի հետ:

39. Հանութագրման աշխատանքին զուգահեռ կազմվում է տվյալ տարածքի ուրվանկարը (աբրիս), որի վրա պատկերվում են անշարժ գույքի միավորների սխեմատիկ տեղադրությունը, կոորդինատավորված կետերը, դրանց համարները և անհրաժեշտ այլ տվյալներ (հավելված 7):

40. Հողամասերի սահմաններից բացի կոորդինատավորվում են նաև շենքերի և շինությունների անկյունները: Շենքերի, շինությունների բոլոր այն կողմերը, որոնք հնարավոր չէ հանույթի ենթարկել գործիքային եղանակով, չափագրվում են լազերային հեռաչափի կամ ժապավենի միջոցով, իսկ չափագրման տվյալները լրացվում են ուրվագծի վրա:

41. Հասարակական նշանակության բացօթյա օբյեկտների ոչ հիմնական շինությունները հանութագրվում են առանց մանրամասն չափագրման, հատակագծի վրա կատարելով համապատասխան նշում՝ «ոչ հիմնական շինություն»:

42. Կադաստրային հանութային աշխատանքները բնակավայրի ներսում իրականացվում են 1:50-1:500, 1:1000, 1:2000, 1:5000 մասշտաբներով, իսկ բնակավայրից դուրս՝ 1:2000, 1:5000, 1:10000, 1:25000 մասշտաբներով՝ ելնելով տեղանքի բնույթից և հանութագրվող տարրերի խտությունից:

43. Հանութային աշխատանքների իրականացման արդյունքում անշարժ գույքի միավորները, ըստ իրենց նպատակային և գործառնական նշանակության, պետք է պատկերվեն սույն հրահանգի հավելված 9-ում, ինչպես նաև Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահի 2006 թվականի մայիսի 5-ի «1:10 000 մասշտաբի տեղագրական քարտեզների պայմանական նշանների հրահանգը» և «1:500, 1:1000, 1:2000, 1:5000 մասշտաբների տեղագրական հատակագծերի համար պայմանական նշանների հրահանգը», «Տեղագրական տեղեկատվության 1։500-1։10000 մասշտաբների թվային քարտեզագրության ավտոմատացված համակարգում օգտագործելու համար դասակարգչի հրահանգը» հաստատելու մասին N 06-119-Ն հրամանով հաստատված հրահանգներում տրված համապատասխան պայմանական նշաններով: Շենքերի, շինությունների դասակարգումը ըստ նպատակային և գործառնական նշանակությունների պետք է համապատասխանի Հայաստանի Հանրապետության քաղաքաշինության նախարարի և Հայաստանի Հանրապետության անշարժ գույքի պետական միասնական կադաստրի վարչության պետի 1998 թվականի մայիսի 26-ի «Հայաստանի Հանրապետության տարածքում ըստ նպատակային նշանակության, շենքերի և շինությունների դասակարգումը» N 108-Կ հրամանով հաստատված կարգով:

44. Կադաստրային հանույթների վրա արտահայտված մայրուղային հաղորդակցուղիների ցանցի վերաբերյալ տվյալները, որոնք առաջացնում են սերվիտուտ, համաձայնեցվում են տվյալ տարածքի համապատասխան ծառայության հետ: Դաշտային աշխատանքներին զուգընթաց ճշգրտվում են նաև անշարժ գույքի միավորին սահմանակից հողօգտագործողների անունները (անվանումները):

45. Առաջին պետական գրանցումն ավարտված տարածքներում լոկալ քարտեզագրման աշխատանքներն իրականացվում են նոր առաջացած անշարժ գույքի առկայության, գույքի միավորման կամ բաժանման դեպքերում, որի արդյունքում կազմվում է հանութագրվող տարածքի հատակագիծ (հավելված 8):

46. Նոր առաջացած անշարժ գույքի չափագրումը պետք է կատարվի Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահի 2008 թվականի սեպտեմբերի 30-ի «Անշարժ գույքի (հողամասերի, շենքերի, շինությունների) հաշվառման» հրահանգը, «Բնակելի, առանձին կանգնած հասարակական, արտադրական նշանակության շենքերի, շինությունների և դրանցով զբաղեցված հողամասերի բնութագիրը», «Բազմաբնակարան բնակելի շենքի բնակարանի, բազմաբնակարան բնակելի շենքում տեղակայված ոչ բնակելի տարածքի, հասարակական և արտադրական նշանակության օբյեկտի բնութագիրը», «Հողամասի, շենք, շինության հարկերի մակերեսների հաշվարկի» ձևաթղթերը, «Ուրվագծերի (ձևաթղթերի) և հողամասի, շենք, շինությունների հարկերի մակերեսների հաշվարկի ձևաթղթի լրացման մեթոդական ցուցումները» հաստատելու մասին» N 307-Ն հրամանի և սույն հրահանգի պահանջներին համապատասխան՝ նախատեսված եղանակներից որևէ մեկի միջոցով, որի արդյունքում կատարված չափագրումների հիման վրա կազմվում է տվյալ տարածքի ուրվագիծը: Նոր առաջացած գույքի չափագրման աշխատանքները իրականացվում են Էլեկտրոնային տախեոմետրի կիրառմամբ կամ գծային հատումների մեթոդով, որը կարող է կիրառվել միայն համեմատաբար փոքր մակերես ունեցող անշարժ գույքի դեպքում: Գծային հատումների մեթոդով չափագրումները կատարվում են հետևյալ կերպ. կադաստրային քարտեզի վրա արտահայտված տեղանքի բնորոշիչ տարրերից (շենքերի, շինությունների, պարիսպների, ցանկապատերի, խաչմերուկների անկյուններ, հենասյուներ և այլն) կատարվում են 3-ից ոչ պակաս գծային հատումներ (չափումներ) մինչև նոր հատկացված հողամասի սահմանագծերի բեկման կետերը: Հատումների երկարությունը չպետք է գերազանցի չափիչ սարքի (հեռաչափի, չափերիզի) երկարությունը, իսկ հատումների ուղղությունները չպետք է հատվեն 30 աստիճանից պակաս մեծություն ունեցող և 150 աստիճանը չգերազանցող անկյունների տակ: Չափագրման իրականացման ընթացքում կադաստրային քարտեզի տվյալ հատվածի պատճենի վրա կազմվում է տվյալ տարածքի ուրվագիծը, որի վրա պատկերվում է անշարժ գույքի միավորների սխեմատիկ տեղադրությունը, հողակտորների և շենքերի, շինությունների չափերը, դրանց հերթական համարները և այլ անհրաժեշտ տվյալներ: Կազմված հատակագիծը հիմք է հանդիսանում նոր առաջացած անշարժ գույքի միավորները հերթապահ կադաստրային քարտեզներում արտահայտելու համար, որն իրականացվում է տեղում կատարված չափագրման տվյալները կադաստրային քարտեզի տվյալ հատվածի վրա տեղադրելու եղանակով: Ստացված հատակագծի վրա իրականացվում է նոր առաջացած գույքային միավորների պայմանական ծածկագրում: Կազմված ուրվագծի, ներկայացված իրավահաստատող փաստաթղթերի և սեփականատիրոջ (օգտագործողի) դիմումի հիման վրա սահմանված կարգով կազմվում է կադաստրային գործ և կատարվում է անշարժ գույքի նկատմամբ իրավունքի պետական գրանցում:

47. Կադաստրային քարտեզներում առկա հողամասերի վրա նոր կառուցված շենքեր, շինությունների տեղանքին կապակցման և քարտեզում արտահայտման աշխատանքները ևս իրականացվում են նույն կարգով, իսկ շենքերի, շինությունների ներքին չափագրման աշխատանքներն իրականացվում են վերը նշված հրահանգի պահանջներին համապատասխան:

48. Գծային հատումների եղանակով չափագրման պայմաններին չբավարարող բոլոր մյուս նոր առաջացած գույքերի չափագրման, քարտեզագրման և տեղանքին կապակցման աշխատանքները պետք է իրականացվեն միայն էլեկտրոնային տախեոմետրի կիրառմամբ: Հանութային աշխատանքների համար որպես ելակետային պլանային հիմք կարող է հանդիսանալ պետական գեոդեզիական ցանցը, ինչպես նաև տվյալ համայնքի կադաստրային քարտեզագրման նպատակով նախկինում ստեղծված գեոդեզիական ցանցը, որոնց հիման վրա (անհրաժեշտության դեպքում) ստեղծվում է լրացուցիչ հանութային ցանց:

49. Հանութային ցանցի կետերից ժամանակակից գեոդեզիական էլեկտրոնային գործիքներով հանութագրման ժամանակ, կադաստրային հանույթի ենթակա տարրերի կոորդինատները անմիջապես ստացվում են դաշտում և միաժամանակ կազմվում է տվյալ տարածքի ուրվագիծը (աբրիսը), որի վրա պատկերվում են նոր առաջացած անշարժ գույքի միավորների սխեմատիկ տեղադրությունը, սահմանները, շենքերը, շինությունները, մայրուղային հաղորդակցուղային ցանցեր, դրանց կոորդինատավորված կետերը և այդ կետերի համարները: Որպես ուրվագծի հիմք պետք է ընդունել կադաստրային քարտեզի տվյալ հատվածի պատճենը:

50. Կադաստրային էլեկտրոնային քարտեզների կազմման նպատակով հանութագրման բոլոր անհրաժեշտ տվյալները էլեկտրոնային սարքերից (տախեոմետր կամ արբանյակային դիրքորոշման կայան) կամ նրանց հիշողության քարտից ներածվում է համակարգիչ, որից հետո կազմված ուրվագծի հիման վրա կատարվում է թվայնացում: Ստացված կադաստրային քարտեզի վրա իրականացվում է նոր առաջացած գույքային միավորների պայմանական ծածկագրում:

Տարբեր տարածքների հանույթների համակցման ժամանակ թույլատրելի սխալը չպետք է գերազանցի քարտեզի մասշտաբի 0.3 մմ չափը:

51. Անշարժ գույքի միավորների միավորման կամ բաժանման դեպքում չափագրումը պետք է իրականացվի հետևյալ եղանակով. կադաստրային քարտեզի տվյալ հատվածի պատճենի վրա նախկին միավորի (միավորների) սահմանագծերի, դրանց չափերի, նշված մակերեսների վրա կարմիր գույնի թանաքով դրվում են խաչեր այնպես, որ նախկին տվյալները լինեն ընթեռնելի: Նախկին միավորի ծածկագիրը չեղյալ է համարվում (արխիվացվում է), իսկ առկա քարտեզի հատվածի հին ծածկագրի վրա դրվում է խաչ` կարմիր գույնի թանաքով: Չափագրման նոր տվյալները (սահմանագիծ, չափեր, մակերես) կադաստրային քարտեզի վրա տրվում են կապույտ գույնի թանաքով` քարտեզի տվյալ մասշտաբին համապատասխան ճշտությամբ: Նոր առաջացած միավորին տրվող ծածկագիրը պետք է ունենա տվյալ կադաստրային թաղամասում առկա միավորների վերջին ծածկագրին հաջորդող հերթական համարը:

Անշարժ գույքի բաժանման դեպքում, բաժանման եզրագծի բեկման կետերի տեղանքի հետ կապակցումը իրականացվում է գծային հատումների եղանակով` վերը նշված հաջորդականությամբ:

Տարածքային ստորաբաժանումը հերթապահ կադաստրային քարտեզում կատարում է միավորման կամ բաժանման հետ կապված բոլոր փոփոխությունները և դրանց վերաբերյալ տվյալները փոխանցվում է տեղեկատվական կենտրոն, որտեղ տվյալների բազայում կատարվում է համապատասխան փոփոխություն:

52. Նոր առաջացած անշարժ գույքի կադաստրային հանութագրման աշխատանքների ավարտից հետո կատարվում է տվյալ տարածքի լուսանկարահանում տվյալ օրվա դրությամբ, որը հետագայում կցվում է կատարված աշխատանքների հաշվետվությանը:

Կադաստրային քարտեզագրման դաշտային աշխատանքների ավարտից անմիջապես հետո, անկախ այն հանգամանքից, քարտեզագրումը կատարվել է համատարած, թե լոկալ տարածքի համար, բոլոր հանութային նյութերի, ուրվագծերի (աբրիսների) վրա անհրաժեշտ է նշել աշխատանքների կատարման ամսաթիվը, որը նշանակելու է, որ քարտեզում արտահայտված տեղեկատվությունը համապատասխանում է տեղանքում տվյալ օրվա դրությամբ եղած իրադրությանը:

 

Բ Ա Ժ Ի Ն  4

 

ԿԱԴԱՍՏՐԱՅԻՆ ՀԱՏԱԿԱԳԾԵՐԻ ԵՎ ՔԱՐՏԵԶՆԵՐԻ ՃՇՏՈՒԹՅԱՆ ԲՆՈՒԹԱԳՐԵՐԸ

 

53. Հատակագծերի (քարտեզների) ճշտության թվային բնութագիր է ծառայում եզրագծային կետի դիրքի միջին քառակուսային m_t, կամ միջին Q_t սխալը` հանութային ցանցի ամենամոտ կետի նկատմամբ (Q_t=0.8m_t):

54. Միջին քառակուսային m_t, սխալի Dt սահմանային արժեքը ընդունվում է հավասար 2m_t:

Գործնականում տարբեր բնույթ ունեցող եզրագծերի կետերի դիրքի միջին քառակուսային սխալները կարելի է գնահատել հավելված 3-ում բերված տվյալներով:

55. Այդ տվյալներին տեղանքում համապատասխանող արժեքները ստանալու համար անհրաժեշտ է դրանք բազմապատկել հատակագծի թվային մասշտաբի հայտարարով:

56. Սահմանային սխալները (∆t) չպետք է գերազանցեն աղյուսակում բերված արժեքների կրկնակին և չպետք է գերազանցի կատարվող ստուգումների քանակի 10%-ը (եթե կատարվել է 100 կետի ստուգում, ապա 10 կետի համար սխալանքը կարող է հավասար լինել 2 m_t, մնացած ստուգված կետերի համար սխալները պետք է լինեն 2m_t-ից փոքր):

57. Հատակագծի վրա գտնվող կայուն եզրագիծ ունեցող անշարժ գույքի միավորների (օրինակ` շենքերի) միջև եղած հեռավորությունները պետք է համապատասխանեն բնության մեջ դրանց հեռավորություններին, սխալանքը չպետք է գերազանցի m=0.2մմM միջին քառակուսային սխալը:

 

Բ Ա Ժ Ի Ն  5

 

ԴԱՇՏԱՅԻՆ ԱՇԽԱՏԱՆՔՆԵՐԻ ՍՏՈՒԳՈՒՄԸ ԵՎ ԸՆԴՈՒՆՈՒՄԸ

 

58. Կադաստրային քարտեզագրման աշխատանքների կատարման ժամանակ և դրանց ավարտից հետո իրականացվում է աշխատանքների ստուգում և ընդունում: Աշխատանքների ստուգումը և ընդունումը կատարվում է դրանք սույն հրահանգի պահանջների հետ համապատասխանությունը ստուգելու նպատակով:

59. Համատարած քարտեզագրման աշխատանքների ստուգումը կատարվում է հետևյալ եղանակներով.

1) համեմատվում են կադաստրային քարտեզից գրաֆիկական կամ անալիտիկ եղանակով վերցված ստուգվող կետերի կոորդինատները՝ տեղանքում անմիջականորեն չափված և հաշվարկված համապատասխան կետերի կոորդինատների հետ,

2) ստուգվող գույքային միավորի գրաֆիկական չափերը համեմատվում են տեղանքում անմիջականորեն չափված համապատասխան մեծությունների հետ,

3) ստուգվում է մայրուղային հաղորդակցուղային ցանցերի առկայությունը և տեղադիրքը:

60. Շենքերի և շինությունների չափագրման աշխատանքների ստուգումը իրականացվում է երկու փուլով.

1) Բնության մեջ կատարված չափագրումների ճշտության ստուգում,

2) Գրասենյակային աշխատանքների՝ հատակագծերի գծագրման և մակերեսների հաշվարկման ճշտության ստուգում:

61. Չափագրման աշխատանքների ստուգման ժամանակ ստուգվում է դրանց ճշտությունը և ամբողջականությունը, հողամասի վրա առանձին շինությունների դասավորության համապատասխանությունը փաստացի վիճակին:

62. Ստուգման են ենթարկվում քարտեզագրվող տարածքի անշարժ գույքի միավորների մինչև 15%-ը: Կատարված աշխատանքների ճշտությունը պետք է բավարարի կադաստրային հանույթների ճշտության նկատմամբ առաջադրվող պահանջներին:

63. Գեոդեզիական հիմքի, հանույթի, սահմանների ճշտության համար պատասխանատու է աշխատանքները կատարողը: Թերություններ հայտնաբերելու դեպքում աշխատանքները վերադարձվում են կատարողին՝ սեփական միջոցների հաշվին ուղղումներ կատարելու համար:

64. Լոկալ տարածքների քարտեզագրման դաշտային աշխատանքների ստուգումը կարող է իրականացվել ըստ սեփականատիրոջ պահանջի, իր կողմից վարձված լիցենզավորված անձի միջոցով: Անհամապատասխանությունների հայտնաբերման դեպքում կատարված աշխատանքները հետ են վերադարձվում թերություններն ուղղելու համար:

 

Բ Ա Ժ Ի Ն  6

 

ԴԱՇՏԱՅԻՆ ԱՇԽԱՏԱՆՔՆԵՐԻ ԱՎԱՐՏԻՑ ՀԵՏՈ ՆԵՐԿԱՅԱՑՎՈՂ ՆՅՈՒԹԵՐԸ

 

65. Համատարած քարտեզագրման դաշտային աշխատանքների ավարտից հետո անհրաժեշտ է ներկայացնել հետևյալ նյութերը.

1) հանձնվող նյութերի ցանկը,

2) կադաստրային հանույթի ուրվանկարները,

3) հիշողության քարտերը,

4) գեոդեզիական ցանցի սխեման,

5) գեոդեզիական հիմքի կետերի կոորդինատների հաշվարկման ամփոփագրերը,

6) գեոդեզիական հիմքի կետերի կոորդինատների ժողովածուն,

7) գեոդեզիական հիմքի և խտացման ցանցի կետերի տեղադրման (կառուցման) ուրվանկարները և լուսանկարները,

8) բացատրագիր:

Լոկալ տարածքների քարտեզագրման դաշտային աշխատանքների ավարտից հետո կազմվում է առանձին գործ, որը հետագայում պետք է ներառվի աշխատանքների կատարման ամփոփ հաշվետվության մեջ:

 

Գ Լ ՈՒ Խ  4

 

Բ Ա Ժ Ի Ն  1

 

ԳՐԱՍԵՆՅԱԿԱՅԻՆ ԱՇԽԱՏԱՆՔՆԵՐ

 

66. Կադաստրային քարտեզագրման գրասենյակային աշխատանքների փուլն իր մեջ ներառում է՝

1) անշարժ գույքի միավորների վերաբերյալ գրաֆիկական տվյալների մշակումը, մուտքագրումը և թվայնացումը,

2) կադաստրային պայմանական ծածկագրումը (համարակալումը),

3) կադաստրային քարտեզների (հատակագծերի) ստուգումը,

4) անշարժ գույքի միավորների և օգտագործողների վերաբերյալ տեղեկատվության ամփոփումը:

 

ԱՆՇԱՐԺ ԳՈՒՅՔԻ ՄԻԱՎՈՐՆԵՐԻ ՎԵՐԱԲԵՐՅԱԼ ԳՐԱՖԻԿԱԿԱՆ ՏՎՅԱԼՆԵՐԻ ՄՈՒՏՔԱԳՐՈՒՄ ԵՎ ԹՎԱՅՆԱՑՈՒՄ

 

67. Անշարժ գույքի միավորների վերաբերյալ գրաֆիկական տվյալների մուտքագրումը և թվայնացումը իրականացվում է դաշտային հանութագրման տվյալների հիման վրա: էլեկտրոնային քարտեզների կազմման համար անհրաժեշտ է մուտքագրել կադաստրային քարտեզագրման անհրաժեշտ տվյալները էլեկտրոնային տախեոմետրի կամ արբանյակային դիրքորոշման (GPS) ընդունիչների հիշողության քարտից կամ ներքին հիշողությունից (R 232): Մուտքագրված տվյալներով և կազմված ուրվանկարներով կատարվում են թվայնացման աշխատանքներ: Կադաստրային քարտեզները (հատակագծերը) կազմվում են բացառապես էլեկտրոնային եղանակով բնակավայրերում՝ 1:50 - 1: 500, 1:1000, 1: 2000, բնակավայրերից դուրս՝ 1:2000, 1:5000, 1: 10000, 1: 25000 մասշտաբներով:

68. էլեկտրոնային եղանակով թվային կադաստրային հատակագծեր (քարտեզներ) կազմելու ժամանակ օգտագործվում են քարտեզագրական ծրագրերի համապատասխան ծրագրային փաթեթներ, որոնց թվային տվյալները պետք է լինեն դիվիջի Ավտոկադ (.dwg (AutoCad)) կամ դիջիէն Մայքրոստեյշն (.dgn (Microstation)) կամ շեյփ ԱրկԳիս (.shape (ArcGis)) կամ մեփինֆո Մեփինֆո (.mapinfo (MapInfo)) ֆորմատներով:

69. Կադաստրային քարտեզների մուտքագրման և թվայնացման ընթացքում անհրաժեշտ է իրականացնել հետևյալ աշխատանքները.

1) նախապատրաստական աշխատանքներ, որոնց կատարման ժամանակ պետք է ստուգվեն թվային քարտեզների կազմման համար հիմք ծառայող նյութերի որակը,

2) մուտքագրման աշխատանքներ, որոնց կատարման ժամանակ մուտքագրվում են դաշտային հանութային նյութերը` էլեկտրոնային տախեոմետրերի ու արբանյակային դիրքորոշման կայանների միջոցով ստացված դաշտային հանութային տվյալները (եթե աշխատանքները կատարվել են էլեկտրոնային եղանակներով), պլանշետները (եթե աշխատանքները կատարվել են ավանդական եղանակներով), ինչպես նաև նոր առաջացած անշարժ գույքի չափագրման գրաֆիկական տվյալները (երկարություն, լայնություն, որևէ հստակ արտահայտված օբյեկտից հեռավորություն): Էլեկտրոնային տախեոմետրի և արբանյակային դիրքորոշման կայանի չափագրման տվյալները մուտքագրվում են համակարգչի մեջ դրանց հիշողության քարտից կամ ներքին հիշողությունից՝ ինտերֆեյսի միջոցով:

3) մուտքագրված կետերի ստացում էկրանի վրա,

4) ռաստրային պատկերների մշակում,

5) ռաստրային պատկերների վեկտորացում,

6) թեմատիկ շերտերի ստեղծում և վերականգնում (անհրաժեշտության դեպքում),

7) տոպոլոգիայի ստուգում և ճշտում,

8) ավելորդ տարրերի հեռացում,

9) բազային քարտեզի խմբագրում և ստուգում,

10) կադաստրային թվային քարտեզների (բազային և թեմատիկ) բազմացումը՝ էլեկտրոնային կրիչների և թղթի վրա:

70. Կադաստրային քարտեզների ծածկագրման (համարակալման) ընթացքում անհրաժեշտ է իրականացնել հետևյալ աշխատանքները.

1) ծածկագրման (համարակալման) նպատակով տոպոլոգիայի ստուգում,

2) տիրույթների փակության ստուգում և ճշտում,

3) ավելորդ տարրերի հեռացում,

4) ծածկագրում (համարակալում) (կադաստրային թաղամասերի, սեկտորների, հողամասերի, շենքերի, շինությունների),

Ծածկագրման (համարակալման) աշխատանքներն անհրաժեշտ է իրականացնել Առփակ (Arpac) համակարգում:

71. Կատարվող աշխատանքների որակի նկատմամբ ներկայացվող պահանջները.

1) Թվային կադաստրային քարտեզները պետք է համապատասխանեն ելակետային նյութերին:

2) Թվայնացման պետք է ենթարկվեն ելակետային նյութերի վրա պատկերված բոլոր գրաֆիկական տարրերը:

3) Չի թույլատրվում միևնույն գրաֆիկական բնութագրություն (գույն, հաստություն և տիպ) ունեցող տարբեր տիպի օբյեկտների պատկերումը միևնույն թեմատիկ շերտում:

72. Պահանջներ գրաֆիկական տեղեկատվության նկատմամբ.

1) Կոորդինատային ցանցը պատկերել քարտեզի թերթի շրջանակի շերտում:

2) Գրաֆիկական տեղեկատվությունը պատկերելու համար օգտագործել գծերի հետևյալ տեսակները՝

3) գիծ,

4) բազմագիծ,

5) աղեղ,

6) շրջան:

7) Կոմունիկացիոն ցանցը պատկերվում է անընդհատ գծերով (առանց հատվածների):

8) Տարածական օբյեկտները նկարագրվում են կետերի կոորդինատների հերթականությամբ:

9) Տարածական բարդ օբյեկտները, որոնցից մեկը տեղադրված է մյուսի մեջ, նկարագրել հետևյալ կերպ. արտաքին ուրվագիծը՝ ժամացույցի սլաքի հակառակ ուղղությամբ, իսկ ներքինը՝ ժամացույցի սլաքի ուղղությամբ:

10) Տարածական օբյեկտների ձևավորման ժամանակ պատկերել միայն ուրվագիծը (առանց գունավորումների):

11) Գծային և տարածական օբյեկտները, որոնց պայմանական նշանները ընդհատվում են այլ օբյեկտների նշաններով, թվայնացվում են առանց առանձին հատվածների բաժանելու:

12) Եթե տարածական օբյեկտի պատկերը դուրս է գալիս թերթի շրջանակից, ապա տվյալ օբյեկտը հատող կողմի հատվածը հանդիսանում է նրա սահմանային գիծը:

13) Երկու հատվող օբյեկտների համար պետք է ֆիքսվեն միայն հանգուցային կետերը, ընդ որում յուրաքանչյուր հանգուցային կետ պետք է սկիզբ հանդիսանա նոր ուրվագծի համար, եթե նույնիսկ այն բաժանում է միևնույն օբյեկտը:

14) Թվայնացման ժամանակ բոլոր օբյեկտները բաժանվում են թեմատիկ խմբերի, որոնցից յուրաքանչյուրը պարունակում է 1 կամ ավելի շերտեր:

15) Թվային քարտեզների փոխակերպման (տրանսֆորմացիայի) դեպքում օգտագործել միայն աֆինային ձևափոխությունը:

16) Հարևան թերթերի կցակարման աշխատանքների (համաձայնեցման) կատարման ժամանակ միևնույն ուրվագծով կետերը պետք է ունենան միևնույն կոորդինատները (գտնվեն թերթի շրջանակի վրա) և միևնույն պայմանական նշանը: Այդ պատճառով անհրաժեշտ է առաջին հերթին իրականացնել գրաֆիկական ֆայլի տրանսֆորմացիա, այնուհետև՝ շրջանակների կցակար, իսկ վերջում՝ տեղեկատվության ձևափոխում՝ համապատասխան պայմանական նշաններով:

17) Տեքստային տեղեկատվությունը պատկերել օբյեկտների խմբերի առանձին շերտում:

18) Տեքստային տեղեկատվությունը չպետք է ծածկի օբյեկտների ուրվագծերը:

19) Ուրվագծերի ատրիբուտները (գծի տիպ, գույն, հաստություն) տրվում են յուրաքանչյուր կոնկրետ օբյեկտին:

73. Վարձակալությամբ տրամադրված նոր առաջացած անշարժ գույքը կադաստրային քարտեզներում ցույց է տրվում նարնջագույն սահմանագծերով:

74. Նոր առաջացած հողամասերը գծվում են մանուշակագույն ընդհատվող սահմանագծով, իսկ շենքերը` փիրուզագույն սահմանագծերով: Տեղեկատվական կենտրոնում ստուգումները կատարելուց հետո վերը նշված սահմանագծերը փոխարինվում են կադաստրային քարտեզներում նախատեսված պայմանական գծերով:

75. Համատարած քարտեզագրման թվայնացման աշխատանքների ավարտից հետո էլեկտրոնային քարտեզի վրա պատկերվում են՝

1) կոորդինատային ցանցը,

2) գեոդեզիական հիմքի կետերը,

3) համայնքի սահմանները,

4) կադաստրային թաղամասերի սահմանները,

5) կադաստրային միավորների սահմանները,

6) շենքերը և շինությունները,

7) կադաստրային պայմանական ծածկագրերը (համարները),

8) անշարժ գույքի միավորների գծային չափերը և մակերեսները,

9) հաղորդակցուղիները:

Լոկալ տարածքների քարտեզագրման թվայնացման աշխատանքների ավարտից հետո էլեկտրոնային քարտեզի վրա պատկերվում են՝

10) կադաստրային թաղամասի սահմանները,

11) կադաստրային միավորների սահմանները և դրանց բեկման կետերի կոորդինատները,

12) շենքերը և շինությունները,

13) կադաստրային պայմանական ծածկագրերը (համարները),

14) անշարժ գույքի միավորների գծային չափսերը և մակերեսները,

15) տվյալ տարածքում առկա հաղորդակցուղիները:

 

Բ Ա Ժ Ի Ն  2

 

ԱՆՇԱՐԺ ԳՈՒՅՔԻ ՄԻԱՎՈՐՆԵՐԻ ԿԱԴԱՍՏՐԱՅԻՆ ԾԱԾԿԱԳՐՈՒՄԸ ԵՎ ՀԱՄԱՐԱԿԱԼՈՒՄԸ

 

1. ԻՐԱՎՈՒՆՔՆԵՐԻ ՊԵՏԱԿԱՆ ԳՐԱՆՑՈՒՄ ՍՏԱՑԱԾ ԱՆՇԱՐԺ ԳՈՒՅՔԻ ՄԻԱՎՈՐՆԵՐԻ ԾԱԾԿԱԳՐՈՒՄԸ

 

76. Իրավունքների պետական գրանցում ստացած անշարժ գույքի միավորին տրվում է կադաստրային ծածկագիր` ՀՀ կառավարության 1998 թվականի փետրվարի 17-ի «Անշարժ գույքի ծածկագրման կարգը հաստատելու մասին» N 91 որոշմամբ հաստատված կարգի պահանջներին համաձայն:

77. Անշարժ գույքի կադաստրային ծածկագիրը՝ դա թվերի համակցություն է, որը համապատասխանում է անշարժ գույքի միավորին և պահպանվում է այնքան ժամանակ, քանի դեռ այն գոյություն ունի որպես ֆիզիկական և իրավական մեկ ամբողջություն: Տվյալ կադաստրային ծածկագիրը չի կարող տրվել այլ միավորի, եթե նույնիսկ այդ միավորը դադարեցրել է իր գոյությունը:

78. Կադաստրային ծածկագրման նպատակով Հայաստանի Հանրապետության տարածքը բաժանվում է կադաստրային տարածքների, ենթատարածքների, սեկտորների, կադաստրային թաղամասերի և միավորների:

79. Կադաստրային տարածքների (մարզերի) և կադաստրային ենթատարածքների (համայնքների) ծածկագրերը տրված են հավելված 10-ում:

80. Կադաստրային ծածկագիրն ունի հաստատուն և աստիճանական կառուցվածք՝ բաղկացած հետևյալ խմբերից.

1) թվերի առաջին խումբը կադաստրային տարածքի՝ մարզի ծածկագիրն է, կազմվում է երկնիշ թվերից և սկսվում է 01-ից,

2) թվերի երկրորդ խումբը կադաստրային ենթատարածքի՝ համայնքի ծածկագիրն է, կազմվում է եռանիշ թվերից և սկսվում է 001-ից,

3) եթե անշարժ գույքի միավորը գտնվում է մարզի վարչական տարածքում, բայց համայնքի վարչական սահմաններից դուրս (կադաստրային սեկտոր), ապա այն նույնպես ծածկագրվում է թվերի երկրորդ խմբով և սկսվում է 801-ից,

4) թվերի երրորդ խումբը կադաստրային թաղամասի ծածկագիրն է, կազմվում է եռանիշ թվերից և սկսվում է 001-ից,

5) թվերի չորրորդ խումբը հողամասի ծածկագիրն է, կազմվում է եռանիշ թվերից և սկսվում է 001-ից։

81. Հողամասին ամրակայված շենքերին, շինություններին տրվում են առանձին կադաստրային ծածկագրեր, որոնք կազմված են եռանիշ թվերից և սկսվում է 001-ից։

82. Շենքերի, շինությունների մաս հանդիսացող անշարժ գույքի առանձին միավորներին (բնակելի և ոչ բնակելի տարածքներին) տրվում է եռանիշ թվից բաղկացած ծածկագիր, որն սկսվում է 001-ից:

83. Կադաստրային ծածկագրման աշխատանքները իրականացվում են կադաստրային քարտեզների վրա: Կադաստրային տարածքները համապատասխանում են մարզերի վարչական տարածքներին և բաժանվում են առանձին կադաստրային ենթատարածքների և սեկտորների:

84. Կադաստրային ենթատարածքները համապատասխանում են համայնքների վարչական տարածքներին, իսկ կադաստրային սեկտորները՝ համայնքների վարչական սահմաններից դուրս գտնվող տարածքներին և բաժանվում են առանձին կադաստրային թաղամասերի:

85. Կադաստրային թաղամասը բոլոր կողմերից փողոցներով, ճանապարհներով, երկաթգծերով, գետերով, ջրանցքներով, բնական լանդշաֆտի և բնության մեջ հստակ սահմանագծերով առանձնացված տարածք է:

86. Կադաստրային թաղամասերը բաժանվում են առանձին միավորների (հողամասերի), որոնցից յուրաքանչյուրը ստանում է առանձին ծածկագիր:

87. Հողամասերի վրա շենքերը և շինությունները ծածկագրվում են ըստ իրենց նպատակային նշանակության. սկզբում ծածկագրվում են հիմնական կառույցները, այնուհետև օժանդակ շինությունները: Քաղաքային տարածքներում՝ սկզբում բազմաբնակարան շենքերը, այնուհետև մյուս շենքերը և շինությունները: Շենքերը և շինությունները ծածկագրվում են սկսած 001 թվից:

88. Բազմաբնակարան շենքերում բնակարանները ծածկագրվում են իրենց հասցեներին համապատասխան՝ սկսելով 001 թվով՝ առաջին մուտքի առաջին բնակարանից: Օրինակ՝ Երևան քաղաքի Արաբկիր համայնքի 24-րդ թաղամասի 12-րդ հողամասի 2-րդ շենքի 18-րդ բնակարանի ծածկագիրը կունենա հետևյալ տեսքը՝ 01-003-024-012-002-018: Եթե շենքում բնակարաններից բացի կան նաև անշարժ գույքի այլ միավորներ (խանութ, կենցաղ սպասարկման օբյեկտ և այլն), ապա դրանք ծածկագրվում են բնակարանների ծածկագրումից հետո հաջորդող հերթականությամբ:

89. Ինքնակամ զբաղեցված հողամասերի, շենքերի, շինությունների առկայությամբ անշարժ գույքի նկատմամբ իրավունքների պետական գրանցման ընթացքում ինքնակամ զբաղեցված հողամասերի, շենքերի, շինությունների համարակալումը կատարվում է Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահի 2005 թվականի հուլիսի 19-ի «Ինքնակամ կառուցված շենքերի, շինությունների և ինքնակամ զբաղեցված հողամասերի առկայությամբ գույքի նկատմամբ իրավունքների պետական գրանցման հրահանգը հաստատելու մասին» N 207-Ն հրամանով հաստատված հրահանգի պահանջներին համապատասխան:

90. Իրավունքների պետական գրանցում ստացած գծային կառույցների, հաղորդակցուղային ցանցերի և ստորգետնյա շինությունների դեպքում նույնպես իրականացվում են ծածկագրման (համարակալման) աշխատանքներ:

 

2. ԿԱԴԱՍՏՐԱՅԻՆ ՔԱՐՏԵԶԱԳՐՈՒՄԻՑ ՀԵՏՈ ԱՆՇԱՐԺ ԳՈՒՅՔԻ ՄԻԱՎՈՐՆԵՐԻ ՀԱՄԱՐԱԿԱԼՈՒՄԸ (ՊԱՅՄԱՆԱԿԱՆ ԾԱԾԿԱԳՐՈՒՄԸ)

 

91. Կադաստրային քարտեզագրման աշխատանքների ավարտից հետո համարակալվում են (պայմանական ծածկագրեր են ստանում) հատակագծերում (քարտեզներում) արտացոլված անշարժ գույքի բոլոր միավորները` հողամասերը, շենքերը, շինությունները, գծային կառուցվածքները, որոնց տրվում են հաշվառման հերթական համարներ (պայմանական ծածկագրեր)` անկախ սեփականության ձևից:

92. Կադաստրային հատակագծի (քարտեզի) վրա անցկացվում են համայնքի վարչական սահմանը, բնակավայրի սահմանագիծը, ճանապարհները (փողոցները), երկաթուղիները, գետերը, ջրանցքները և բնական լանդշաֆտի հիմնական գծերը: Վերոհիշյալ գծերի հատումներից ձևավորվում են առանձին կադաստրային թաղամասերը:

93. Սկզբում համարակալվում են բնակավայրի սահմանագծից ներս գտնվող կադաստրային թաղամասերը (հավելված 11): Համարակալումը սկսվում է 001 թվով:

94. Բնակավայրի սահմանագծից ներս գտնվող կադաստրային թաղամասերի համարակալումից հետո նույն սկզբունքով իրականացվում է նաև բնակավայրի սահմանագծից դուրս գտնվող տարածքներում կադաստրային թաղամասերի համարակալումը (հավելված 12): Բնակավայրի սահմանագծից դուրս գտնվող կադաստրային թաղամասերի համարակալումը սկսվում է բնակավայրի վերջին թաղամասի համարին հաջորդող հարյուրակ գումարած մեկ թվից, այսինքն՝ բնակավայրի թաղամասերի համարների և բնակավայրից դուրս գտնվող կադաստրային թաղամասերի համարների միջև թողնվում են պահուստային համարներ՝ անհրաժեշտության դեպքում բնակավայրի տարածքում նոր առաջացած կադաստրային թաղամասերի համարակալման համար: Օրինակ, եթե բնակավայրում համարակալվել է մինչև 085 համար կադաստրային թաղամասը, ապա բնակավայրից դուրս գտնվող կադաստրային թաղամասերի համարակալումը սկսվում է 101-ից, 086-ից մինչև 101 համարները հանդիսանում են պահուստային համարներ:

95. Եթե համայնքի վարչական սահմաններում կան տարբեր բնակավայրեր կամ միևնույն բնակավայրի 2 տարբեր հատվածներ (հավելված 13), ապա դրանցից վարչական կենտրոնին մոտ գտնվող կամ առավել մեծ տարածք ունեցող հատվածին տրվում է 001 համարը, իսկ մնացած բնակավայրերին կամ հատվածներին տրվում է հաջորդ հարյուրակ գումարած մեկ թիվը:

96. Կադաստրային թաղամասերի ներսում հողամասերի համարակալումը սկսվում է 001 թվից: Համարակալվում են անշարժ գույքի միավորները՝ անկախ սեփականության ձևից:

97. Կադաստրային թաղամասերի և հողամասերի համարակալումը նպատակահարմար է սկսել տվյալ տարածքի հյուսիս-արևմտյան անկյունից և շարունակել ժամացույցի սլաքի ուղղությամբ:

98. Հողամասերի վրա շենքերը, շինությունները կապակցվում են հողամասի հետ և համարակալվում են հետևյալ սկզբունքով.

առաջին հերթին համարակալվում են հողամասի վրա գտնվող հիմնական նպատակային նշանակություն ունեցող կառույցները (բնակելի տուն, բազմաբնակարան շենք, ադմինիստրատիվ շենք և այլն), որից հետո ըստ հերթականության համարակալվում են մնացած օժանդակ շինությունները: Քաղաքային տարածքներում՝ սկզբում բազմաբնակարան շենքերը, այնուհետև մյուս շենքերը և շինությունները (հավելված 14):

Շենքերը և շինությունները համարակալվում են սկսած 001 թվից: Օրինակ՝ համայնքի 28 թաղամասի 5-րդ հողամասի հաշվառման համարը (պայմանական ծածկագիրը) կլինի՝ 03-037-028-005, իսկ այդ հողամասի վրա գտնվող բնակելի տան համարը (պայմանական ծածկագիրը) կլինի՝ 03-037-028-005-001:

Իրականացված աշխատանքների արդյունքում կադաստրային հատակագծի (քարտեզի) վրա համարակալվում են անշարժ գույքի բոլոր միավորները, բացի բազմաբնակարան շենքերի առանձին միավորներից:

Իրավունքների պետական գրանցման դեպքում գրանցված անշարժ գույքի միավորի հաշվառման համարը (պայմանական ծածկագիրը) նույնացվում է որպես կադաստրային ծածկագիր, 3.2.1 կետի պահանջներին համապատասխան:

Իրավունքների պետական գրանցում չստացած անշարժ գույքի միավորների հաշվառման համարները (պայմանական ծածկագրերը) կադաստրային հատակագծերում (քարտեզներում) տրվում են 30-50% փոքր շրիֆտով, քան կադաստրային ծածկագրերը, բայց անհրաժեշտ է հետևել, որ տվյալ հատվածի տպագրման ժամանակ դրանք լինեն ընթեռնելի, հակառակ դեպքում անհրաժեշտ է հատակագծի ազատ հատվածում կատարել տվյալ համարի դուրսգրում:

 

3. ԿԱԴԱՍՏՐԱՅԻՆ ՔԱՐՏԵԶԱԳՐՈՒՄՆ ԱՎԱՐՏՎԱԾ ՏԱՐԱԾՔՆԵՐՈՒՄ ՆՈՐ ԱՌԱՋԱՑԱԾ, ՄԻԱՎՈՐՎԱԾ ԿԱՄ ԲԱԺԱՆՎԱԾ ԱՆՇԱՐԺ ԳՈՒՅՔԻ ՄԻԱՎՈՐՆԵՐԻ ԾԱԾԿԱԳՐՈՒՄԸ

 

99. Կադաստրային քարտեզագրումն ավարտված տարածքներում անշարժ գույքի նոր միավորի առաջացման, գույքային միավորների բաժանման կամ միավորման դեպքում անհրաժեշտ է իրականացնել ծածկագրման աշխատանքներ:

100. Կադաստրային քարտեզում նոր առաջացած գույքի դեպքում տվյալ անշարժ գույքի միավորի վրա գրվում է ծածկագիր՝ կապույտ գույնի թանաքով, որը տվյալ թաղամասում ծածկագրված միավորների վերջին համարին հաջորդող հերթական համարը պետք է լինի:                     

101. Անշարժ գույքի միավորի բաժանման կամ միավորման դեպքում չափագրման նոր տվյալները (սահմանագիծ, չափեր) կադաստրային քարտեզի պատճենի վրա տրվում են կապույտ գույնի թանաքով: Նախկին միավորի ծածկագիրը չեղյալ է համարվում (արխիվացվում է), իսկ կադաստրային գործում առկա քարտեզի հատվածի պատճենի հին ծածկագրի վրա դրվում է խաչ՝ կարմիր գույնի թանաքով: Նույն գույնի թանաքով խաչեր են դրվում նաև նախկին միավորի սահմանների, դրանց չափերի, նշված մակերեսների վրա, այնպես, որ նախկին տվյալները լինեն ընթեռնելի: Նոր առաջացած միավորին տրվող ծածկագիրը պետք է ունենա տվյալ կադաստրային թաղամասում առկա միավորների վերջին ծածկագրին հաջորդող հերթական համարը: Կատարված փոփոխությունները փոխանցվում են տեղեկատվական կենտրոն:

102. Եթե նոր առաջացած անշարժ գույքի միավորների կադաստրային հատակագծում (քարտեզում) տեղադրման, նոր ճանապարհների նախագծման և կառուցման կամ բնակավայրի սահմանի փոփոխության հետևանքով առաջանում են նոր կադաստրային թաղամասեր, ապա առաջնահերթ ծածկագրվում են նաև այդ թաղամասերը: Այդ թաղամասերին տրվում է տվյալ տարածքում ծածկագրված կադաստրային թաղամասերի վերջին համարին հաջորդող հերթական համարը, այսինքն՝ եթե կադաստրային թաղամասը առաջացել է բնակավայրի ներսում կամ նրան կից և համարվում է բնակավայրի տարածք, ապա նրան տրվում է բնակավայրի տարածքում ծածկագրված կադաստրային թաղամասերի վերջին համարին հաջորդող հերթական համարը: Եթե նոր կադաստրային թաղամասը առաջացել է այլ կադաստրային թաղամասի որևէ հողամասի մի հատվածի վրա, ապա տվյալ հողամասի ծածկագրի վրա դրվում է կարմիր գույնի խաչ, իսկ մնացած մյուս հատվածի նոր ծածկագիրը գրվում է կապույտ գույնի թանաքով, որը տվյալ թաղամասում ծածկագրված միավորների վերջին համարին հաջորդող հերթական համարը կլինի: Նախկին ծածկագիրը չեղյալ է համարվում (արխիվացվում է): Այնուհետև ծածկագրում է իրականացվում նաև նոր առաջացած կադաստրային թաղամասերի համար՝ նույն սկզբունքով: Նոր առաջացած թաղամասերի ներսում կապույտ գույնի թանաքով իրականացվում է առանձին հողամասերի ծածկագրումը ըստ հերթականության՝ սույն բաժնի 1 կետի պահանջներին համապատասխան:

 

4. ԿԱԴԱՍՏՐԱՅԻՆ ՔԱՐՏԵԶՆԵՐԻ ԵՎ ՀԱՏԱԿԱԳԾԵՐԻ ՍՏՈՒԳՈՒՄԸ

 

103. Գրասենյակային աշխատանքների ստուգման ժամանակ ստուգվում են հատակագծի ընդհանուր ձևավորումը, հողամասի հատակագծի համապատասխանությունը ուրվագծին, գծագրում նշված մասշտաբների ճշտությունը, պայմանական նշանները, բոլոր գրառումների առկայությունը և լրացման ճշտությունը:

104. Էլեկտրոնային կադաստրային քարտեզներ և հատակագծեր ստուգելու ընթացքում ստուգվում են՝

1) ելակետային քարտեզագրական նյութերի որակը,

2) ելակետային քարտեզագրական նյութերի տեսաներածման որակը,

3) թվայնացման որակը:

105. Ելակետային քարտեզագրական նյութերի որակը ստուգելիս հաշվի են առնում՝

1) քարտեզի թերթի (բնօրինակի) և նրա պատճենի առկայությունը,

2) մաթեմատիկական հիմքի (կոորդինատային ցանց, գեոդեզիական հիմքի կետեր) ճշտությունը չպետք է գերազանցի տեսական չափերը համապատասխանաբար +0.2 մմ-ը բնօրինակի և +0.3 մմ-ը պատճենի համար:

106. Տեսաներածման որակի ստուգումը ընդգրկում է՝

1) Տեսաներածման ճշտության ստուգումը, որի ժամանակ ռաստրային պատկերի կոորդինատային ցանցի անկյունագծերի երկարությունը չպետք է գերազանցի +0.2 մմ-ը փաստացի չափերի նկատմամբ։

2) Տեսաներածման ամբողջականության և որակի ստուգումը կատարվում է տեսողական եղանակով, որի ժամանակ համակարգչի էկրանի ռաստրային պատկերը համեմատվում է ելակետային քարտեզի վրա պատկերված բոլոր տարրերի հետ:

107. Թվայնացման որակի ստուգումը ընդգրկում է՝

1) թվայնացման ճշտությունը,

2) թվայնացման տեղեկատվության ամբողջականությունը և հավաստիությունը:

Կադաստրային քարտեզի թվայնացման ճշտությունը ստուգվում է գեոդեզիական հիմքի կետերի, կոորդինատային ցանցի տվյալները համեմատելով դրանց տեսական մեծությունների հետ: Մնացած տեղեկատվությունը ստուգվում է թվային քարտեզների տպիչի վրա ստացված պատճենները համեմատելով ելակետային քարտեզագրական նյութերի հետ:

108. Ծածկագրման (համարակալման) որակի ստուգումը ընդգրկում է՝

1) ծածկագրման ճշտությունը ըստ թաղամասերի և հողամասերի,

2) ծածկագրերի ամբողջականությունը և հավաստիությունը:

Ծածկագրման ճշտությունը անհրաժեշտ է ստուգել թվային քարտեզների տպիչի վրա ստացված պատճենները համեմատելով ելակետային քարտեզագրական նյութերի հետ:

Կադաստրային քարտեզների վրա առանձին տարրերի (օբյեկտների) պատկերման սխալները չպետք է գերազանցեն հավելված 4-ում բերված արժեքները:

 

5. ԱՆՇԱՐԺ ԳՈՒՅՔԻ ՄԻԱՎՈՐՆԵՐԻ ԵՎ ՕԳՏԱԳՈՐԾՈՂՆԵՐԻ ՎԵՐԱԲԵՐՅԱԼ ՏԵՂԵԿԱՏՎՈՒԹՅԱՆ ԱՄՓՈՓՈՒՄԸ

 

109. Համատարած կադաստրային քարտեզագրման աշխատանքների ավարտից հետո կազմվում է քարտեզագրված տարածքի հողային ֆոնդի առկայության և բաշխվածության վերաբերյալ ամփոփագիր` ըստ նպատակային նշանակության, հողատեսքերի, գործառնական նշանակության և սեփականության սուբյեկտների (հավելված 15): Կազմվում է նաև անշարժ գույքի միավորների, օգտագործողների և սեփականատերերի վերաբերյալ ամփոփ տեղեկագիր (հավելված 16), որում պետք է արտացոլվեն անշարժ գույքի բոլոր միավորների` հողամասերի և շենքերի, շինությունների վերաբերյալ տեղեկատվությունը:

110. Տեղեկագրի հողամասերի վերաբերյալ բաժնում անհրաժեշտ է լրացնել հողամասերի պայմանական ծածկագրերը (համարները), դրանց նպատակային և գործառնական նշանակությունները, մակերեսները (բնակավայրի տարածքում քառակուսի մետրով, իսկ բնակավայրից դուրս տարածքներում հեկտարով), անշարժ գույքի միավորների օգտագործողների և սեփականատերերի անունները (անվանումները):

111. Տեղեկագրի շենքերի, շինությունների վերաբերյալ բաժնում անհրաժեշտ է լրացնել դրանց պայմանական ծածկագրերը (համարները), մակերեսները՝ արտաքին չափերով (քառ.մ), հարկայնությունը, կառուցման նյութը և կառուցման տարեթիվը:

112. Հողամասերի, շենքերի, շինությունների վերաբերյալ տեղեկատվությունը լրացվում է հանութագրման ժամանակ փաստացի վիճակին համապատասխան, ինչպես նաև սեփականատիրոջ կամ տեղական ինքնակառավարման մարմնի կողմից տրված տեղեկատվության հիման վրա:

113. Լոկալ տարածքների կադաստրային քարտեզագրման աշխատանքների ավարտից հետո հանձնվող նյութերը պետք է ներկայացվեն Հայաստանի Հանրապետության կառավարությանն առընթեր անշարժ գույքի կադաստրի պետական կոմիտի նախագահի 2008 թվականի սեպտեմբերի 25-ի «Տեղագրական քարտեզագրման և հողաշինարարական աշխատանքների իրականացում» լիցենզավորման ենթակա գործունեության իրականացման համար պարտադիր պահանջներ և պայմաններ սահմանող իրավական ակտերի ցանկը հաստատելու մասին» N 290-Ն հրամանով հաստատված ցանկի պահանջներին համապատասխան:

114. Կադաստրային հատակագծերում և քարտեզներում արտահայտված անշարժ գույքի միավորների մակերեսները որոշվում են միայն համակարգչային հատուկ ծրագրերի միջոցով` վերլուծական (անալիտիկ) եղանակով:

115. Կադաստրային հատակագծերում և քարտեզներում և տեղեկագրերում շենքերի, շինությունների մակերեսները տրվում են քառակուսի մետրով՝ 0.01 մ ճշտությամբ, հողամասերի մակերեսները բնակավայրերի տարածքներում տրվում են քառակուսի մետրի 0.01 ճշտությամբ, իսկ բնակավայրից դուրս տարածքներում՝ հեկտարի 0.01 ճշտությամբ:

 

6. ԿԱԴԱՍՏՐԱՅԻՆ ՔԱՐՏԵԶԱԳՐՄԱՆ ԱՇԽԱՏԱՆՔՆԵՐԻ ԱՎԱՐՏԻՑ ՀԵՏՈ ՀԱՆՁՆՎՈՂ ՆՅՈՒԹԵՐԸ

 

116. Կադաստրային քարտեզագրման աշխատանքների ամբողջական ավարտից հետո կատարված աշխատանքների վերաբերյալ անհրաժեշտ է ներկայացնել հաշվետվություն` երկու օրինակից, որը պետք է հաստատված լինի աշխատանքներն իրականացնող լիցենզավորված անձի կողմից` ստորագրությամբ և կնիքով, նշելով լիցենզիայի համարը, աշխատանքների կատարման և հանձման ամսաթվերը, ինչպես նաև հաշվետվության թերթերի քանակը: Հաշվետվությունը պետք է պարունակի հետևյալ նյութերը.

1) քարտեզագրված տարածքի հատակագիծը (կամ քարտեզը) թղթային և էլեկտրոնային կրիչներով: Կադաստրային քարտեզներում պատկերված անշարժ գույքի միավորները պետք է արտահայտվեն համապատասխան պայմանական նշաններով, կադաստրային ծածկագրերով (համարներով), գծային չափերով և մակերեսներով: Կադաստրային քարտեզի բոլոր տարրերի պատկերումը և գրագրությունները պետք է լինեն պարզ, ընթեռնելի և միևնույն տառաշարերով (շրիֆտով): Տպագրված կադաստրային հատակագծերի (քարտեզների) հարևան տարածքների առանձին թերթերը պետք է միմյանց հետ լինեն համադրված: Տպագրված կադաստրային հատակագծերի (քարտեզների) թերթերի վրա հստակ պետք է նշված լինեն դաշտային աշխատանքների կատարման և ավարտված աշխատանքների վերջնական հանձնման ամսաթվերը,

2) քարտեզագրված տարածքի էքսպլիկացիան (տարբեր հողատեսքերի հանութագրման դեպքում),

3) ամփոփ տեղեկագիր` անշարժ գույքի միավորների, օգտագործողների և սեփականատերերի վերաբերյալ,

4) քարտեզագրված տարածքի լուսանկարները տվյալ օրվա դրությամբ,

5) կատարված աշխատանքների ամփոփ բացատրագիր` քարտեզագրված տարածքի, դաշտային աշխատանքների կատարման ամսաթվի, աշխատանքների բնույթի, ծավալների, հանույթի տեսակի, մասշտաբի, աշխատանքները կատարող ֆիզիկական անձանց (անուն, ազգանուն, ստորագրություն, վկայականի համար) վերաբերյալ:

 

7. ԿԱԴԱՍՏՐԱՅԻՆ ՀԱՏԱԿԱԳԾԵՐԻ ԵՎ ՔԱՐՏԵԶՆԵՐԻ ԹԱՐՄԱՑՈՒՄԸ

 

117. Կադաստրային քարտեզների թարմացումը իրականացվում է ժամանակի տվյալ պահին համապատասխան արդիական կադաստրային քարտեզներ ստանալու նպատակով: Կադաստրային քարտեզների թարմացման աշխատանքները՝ կախված տեղանքում փոփոխությունների ինտենսիվությունից և իրականացվող քաղաքաշինական ծրագրերի ծավալից կատարվում են այն տարածքներում, որտեղ համատարած քարտեզագրման աշխատանքների ավարտից հետո անշարժ գույքի հետ կապված փոփոխությունները մեծ ծավալ են կազմում: Թարմացման աշխատանքներն իրականացվում են օդալուսանկարահանման կամ տիեզերական հանութագրման արդյունքում ստացված օրթոֆոտոհատակագծերի հիման վրա՝ Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահի 2002 թվականի հուլիսի 11-ի «1:500, 1:2000 և 1:5000 մասշտաբի տեղագրական հանույթների հրահանգի մասին» N 392-Ն հրամանով հաստատված հրահանգի պահանջներին համապատասխան: Թարմացման են ենթարկվում տեղանքի այն տարրերը և գույքային միավորները, որոնք բացակայում են նախկինում ստեղծված հատակագծերում և քարտեզներում կամ կրել են որոշակի փոփոխություն:

118. Կադաստրային քարտեզները թարմացվում են նաև նոր առաջացած, միավորված և բաժանված անշարժ գույքի միավորների նկատմամբ իրավունքների պետական գրանցման ժամանակ, երբ իրականացվում է տվյալ գույքը քարտեզում արտացոլելու գործընթացը:

119. Տարածքային ստորաբաժանումների կողմից ընթացիկ հաշվառման, գույքագրման, տեղազննության, գույքի գրանցման, ինքնակամ գույքի օրինականացման գործընթացի ժամանակ փոփոխությունների բացահայտման դեպքում կադաստրային քարտեզների տվյալ հատվածի վրա կատարվում են համապատասխան լրացումներ, որոնք փոխանցվում են կադաստրային քարտեզների տվյալների բազա:

120. Ինքնակամ կառուցված գույքի բացահայտման դեպքում դրանք կադաստրային քարտեզներում պետք է արտահայտվեն մուգ կապույտ գույնով և պայմանական ծածկագրերով, մինչև դրանց օրինականացումը:

121. Փոփոխությունների վերաբերյալ ներկայացվող տվյալներում պետք է հստակ արտահայտված լինեն համայնքի անվանումը, կադաստրային թաղամասը, նոր առաջացող կամ փոփոխվող և նրանց սահմանակից միավորները, դրանց ծածկագրերը (համարները) և գծային չափերը:

 

Գ Լ ՈՒ Խ  5

 

Բ Ա Ժ Ի Ն  1

 

ԱՆՇԱՐԺ ԳՈՒՅՔԻ ՄԻԱՎՈՐԻ (ՀՈՂԱՄԱՍԻ) ՍԱՀՄԱՆՆԵՐԻ ԱՄՐԱՑՈՒՄԸ

 

ԸՆԴՀԱՆՈՒՐ ԴՐՈՒՅԹՆԵՐ

 

122. Հայաստանի Հանրապետության վարչատարածքային միավորների սահմանները ամրացվում են «Հայաստանի Հանրապետության վարչատարածքային բաժանման մասին» Հայաստանի Հանրապետության օրենքի և ՀՀ կառավարության համապատասխան որոշմամբ հաստատված վարչատարածքային միավորի սահմանների նկարագրի հիման վրա՝ Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահի 2001 թվականի նոյեմբերի 20-ի «ՀՀ վարչատարածքային միավորների սահմանագծերի նկարագրման և սահմանների ամրացման հրահանգի հաստատման մասին» N 847-Կ հրամանի պահանջներին համապատասխան:

123. Անշարժ գույքի առանձին միավորների սահմանների ամրացման համար հիմք են հանդիսանում հողամասերի սահմանների շրջադարձային (բեկման) կետերի կոորդինատները:

124. Անշարժ գույքի սահմանները լինում են մոտավոր և ճշգրիտ:

125. Մոտավոր են համարվում անշարժ գույքի սահմանների սխեմատիկ արտապատկերումները կադաստրային քարտեզների (հատակագծերի) վրա, առանց սահմանային ճշգրիտ չափագրումների:

126. Ճշգրիտ են համարվում անշարժ գույքի այն սահմանները, որոնց շրջադարձային (բեկման), անկյունային կետերը և դրանց միացնող գծերը ճշգրիտ արտապատկերված են կադաստրային հատակագծերում և քարտեզներում: Ճշգրիտ սահմանների շրջադարձային կետերի կոորդինատները հիմք են հանդիսանում հողամասի սահմանների ամրացման համար:

127. Սահմանները տեղանքում ամրացվում են սահմանանիշերով միայն սեփականատիրոջ պատվերով և նրա միջոցների հաշվին:

128. Առանձին հողամասերի սահմանները ամրացնելու, այսինքն՝ սահմանազատում կատարելու համար, իրավունքը հաստատող փաստաթղթերի առկայության դեպքում իրականացվում են հետևյալ աշխատանքները՝

1) հողամասերի սահմանային կետերի տեղափոխում բնության մեջ,

2) հողամասերի սահմանների ամրացում սահմանանիշերով,

3) սահմանանիշերի կոորդինատների որոշում,

4) հողամասերի մակերեսների որոշում,

5) սահմանազատման գործի կազմում:

129. Հողամասերի սահմանազատման և դրանց հետ կապված կադաստրային քարտեզագրման աշխատանքները կարող են կատարվել համապատասխան լիցենզիա ունեցող ֆիզիկական կամ իրավաբանական անձանց կողմից:

 

Բ Ա Ժ Ի Ն  2

 

ՍԱՀՄԱՆԱՆԻՇԵՐԻ ՏԵՍԱԿՆԵՐԸ

 

130. Սահմանանիշերը լինում են 2 տեսակի՝

1) երկարաժամկետ պահպանության սահմանանիշեր,

2) ժամանակավոր սահմանանիշեր:

Սահմանանիշերով ամրացվում են հողամասերի սահմանների շրջադարձային կետերը:

131. Սահմանանիշերով չեն ամրացվում և որպես սահմանանիշ կարող են ծառայել այն կետերը, որոնք համընկնում են քարից, բետոնից կառուցված պատերի, ցանկապատերի, պարիսպների, շենքերի և շինությունների պատերի անկյուններին, ինչպես նաև բնական լանդշաֆտի էլեմենտների (ժայռեր, ձորեր, գետեր, գետակներ) և բնական այլ սահմանների հետ:

132. Չկառուցապատված տարածքներում որպես երկարաժամկետ պահպանության սահմանանիշեր օգտագործվում են 20-50 մմ տրամագիծ և 40-100 սմ երկարություն ունեցող բետոնե շաղախով ամրացված մետաղյա խողովակները (հավելված N 17):

133. Կառուցապատված տարածքներում որպես երկարատև պահպանության սահմանանիշեր են օգտագործվում մետաղյա դրոշմանիշեր, որոնք ցեմենտի շաղախով ամրացվում են շենքերի, շինությունների պատերին և փողոցների մայթեզրերին (հավելված N 18):

134. Երկարատև պահպանության սահմանանիշերը պահպանության են հանձնվում համապատասխան արձանագրություն կազմելով:

135. Ժամանակավոր սահմանանիշեր են համարվում փայտյա և մետաղյա ձողերը, որոնք ամրացվում են միայն կադաստրային քարտեզագրման աշխատանքների իրականացման համար: Դրանք ծառայում են կադաստրային թաղամասերի կամ առանձին հողամասերի սահմանների ամրացման համար: Ժամանակավոր սահմանանիշերը պահպանության չեն հանձնվում:

 

Բ Ա Ժ Ի Ն  3

 

ՀՈՂԱՄԱՍԵՐԻ ՍԱՀՄԱՆԱԶԱՏՄԱՆ ԲՈՎԱՆԴԱԿՈՒԹՅՈՒՆԸ

 

136. Հողամասերի սահմանազատումը համալիր աշխատանք է, որն իրականացվում է հողամասի ձեռքբերման վերաբերյալ համապատասխան փաստաթղթի (անշարժ գույքի նկատմամբ համապատասխան իրավունքի գրանցման վկայականի) և հերթապահ կադաստրային քարտեզի (հատակագծի) հիման վրա և իր մեջ ընդգրկում է՝

1) Կադաստրային քարտեզների (հատակագծերի) ուսումնասիրություն,

2) Սահմանազատման ենթակա հողամասերի սահմանների դաշտային հետազոտություն,

3) Սահմանազատման ենթակա հողամասերի սեփականատերերի և օգտագործողների տեղեկացում՝ սահմանազատման աշխատանքների կատարման մասին,

4) Սահմանանիշերի կոորդինատների փոխանցում բնության մեջ,

5) Տեղանքում հողամասերի սահմանների շրջադարձային կետերի սահմանանիշերով ամրացում,

6) Հողամասի մակերեսի որոշում,

7) Սահմանների վերականգնման և ամրացման գործի հանձնում արխիվ:

 

4. ՍԱՀՄԱՆԱՆԻՇԵՐԻ ՏԵՂԱԴԻՐՔԻ ԴԱՇՏԱՅԻՆ ՀԵՏԱԶՈՏՈՒԹՅՈՒՆ

 

Դաշտային հետազոտությունները (տեղազննություն) տեղանքում կատարվում են նախկինում սահմանազատման առկայությունը ստուգելու, դաշտային աշխատանքների առավել հարմար տեխնոլոգիայի ընտրության և սահմանանիշերի տեսակներն ու տեղադրման վայրն ընտրելու նպատակով:

 

5. ԾԱՆՈՒՑՈՒՄ ՍԵՓԱԿԱՆԱՏԵՐԵՐԻՆ ԵՎ ՀՈՂՕԳՏԱԳՈՐԾՈՂՆԵՐԻՆ ՀՈՂԱՄԱՍԵՐԻ ՍԱՀՄԱՆԱԶԱՏՄԱՆ ՄԱՍԻՆ

 

137. Սահմանազատման աշխատանքները կատարող անձը օրենսդրությամբ սահմանված կարգով վաղօրոք՝ աշխատանքները սկսելուց առնվազն տասը օրացուցային օր առաջ, սահմանազատվող և հարևան հողամասերի սեփականատերերին ու հողօգտագործողներին պատվիրված ծանուցագրի միջոցով տեղեկացնում է սահմանազատման աշխատանքների կատարման օրվա և ժամի մասին:

Ծանուցագրերը կազմվում են երկու օրինակից, որոնցից մեկը կցվում է գործին (հավելված N 19):

Եթե հարևան սեփականատերերից որևէ մեկը 2 անգամ ծանուցագիր ստանալուց հետո չի ներկայանում, ապա սահմանազատումը կատարվում է առանց նրա, որի մասին կազմվում է համապատասխան արձանագրություն համայնքի ղեկավարի ներկայացուցչի և հարևան հողօգտագործողների հետ:

 

6. ՏԵՂԱՆՔՈՒՄ ՀՈՂԱՄԱՍԵՐԻ ՍԱՀՄԱՆՆԵՐԻ ԱՄՐԱՑՈՒՄԸ ԵՎ ՀԱՄԱՁԱՅՆԵՑՈՒՄԸ

 

138. Հողամասերի սահմանների որոշումը կատարվում է տեղանքում՝ անշարժ գույքի կադաստրի պետական կոմիտեի տարածքային ստորաբաժանման ներկայացուցչի, սահմանազատվող և կից հողամասերի սեփականատերերի, օգտագործողների կամ նրանց ներկայացուցիչների ներկայությամբ, որոնց լիազորությունները վավերացված են սահմանված կարգով տրված լիազորագրերով:

139. Հողամասերի սահմանազատման համար հիմք է հանդիսանում կադաստրային գործը (անշարժ գույքի նկատմամբ համապատասխան իրավունքի գրանցման վկայականը և հերթապահ կադաստրային քարտեզը), որի հիման վրա վերականգնում են հողամասերի սահմանները` համաձայնեցնելով կից հողամասերի սեփականատերերի, օգտագործողների կամ նրանց ներկայացուցիչների հետ:

Հողամասերի սահմանների ամրացումը կատարվում է սահմանված տիպի սահմանանիշերով:

140. Սահմանները ամրացնելուց հետո կազմվում է արձանագրություն, որը ստորագրվում է սահմանազատվող և կից հողակտորների սեփականատերերի, օգտագործողների (կամ նրանց կողմից լիազորված անձանց) և աշխատանքներն իրականացնող ձեռնարկության ղեկավարի կողմից: Ակտը հաստատվում է անշարժ գույքի կադաստրի պետական կոմիտեի տարածքային ստորաբաժանման ղեկավարի կողմից և կցվում է տվյալ հողամասի կադաստրային գործին:

 

7. ՍԱՀՄԱՆԱՆԻՇԵՐԻ ԿՈՈՐԴԻՆԱՏՆԵՐԻ ՈՐՈՇՈՒՄԸ

 

141. Այն տարածքներում, որտեղ կադաստրային քարտեզագրման աշխատանքներ դեռևս չեն կատարվել, սահմանազատման աշխատանքները իրականացվում են հետևյալ հաջորդականությամբ.

1) Տեղանքում սահմանները ամրացվում են սահմանանիշերով,

2) Սահմանանիշերի ամրացումից հետո իրականացվում են նրանց պլանային դիրքի որոշման աշխատանքներ: Սահմանանիշերի կոորդինատները որոշվում են մետրի 0.01 ճշտությամբ։ Օրինակ՝ X = 4526.78մ, Y= 3741.23մ:

Չափումները կատարելու համար կիրառում են՝

3) էլեկտրոնային տախեոմետր,

4) արբանյակային դիրքորոշման կայան:

Գեոդեզիական չափումների արդյունքներով հաշվարկում են սահմանանիշերի կոորդինատները:

142. Հողամասերի մակերեսների հաշվարկումը կատարվում է վերլուծական եղանակով` համակարգչային հատուկ ծրագրերի միջոցով:

 

8. ՍԱՀՄԱՆԱԶԱՏՄԱՆ ԱՐԴՅՈՒՆՔՆԵՐԻ ԲՈՂՈՔԱՐԿՈՒՄԸ

 

Հողամասերի սահմանազատման արդյունքները կարող են բողոքարկվել աշխատանքները ավարտելուց հետո մեկամսյա ժամկետում՝ դիմելով կոմիտեի տարածքային ստորաբաժանում, կադաստրի պետական կոմիտե կամ դատական կարգով:

 

9. ՍԱՀՄԱՆԱԶԱՏՄԱՆ ԳՈՐԾԻ ՁԵՎԱԿԵՐՊՈՒՄԸ

 

143. Սահմանազատման աշխատանքների ավարտից հետո աշխատանքներ կատարողը պատվիրատուին և (կամ) անշարժ գույքի կադաստրի պետական կոմիտեի աշխատակազմի տարածքային ստորաբաժանմանն է հանձնում սահմանազատման գործը, որի մեջ պետք է ընդգրկված լինի ՝

1) Բացատրագիր՝ կատարված աշխատանքների մասին,

2) Գեոդեզիական ցանցի կետերի կոորդինատների ժողովածուն, որոնք հիմք են հանդիսացել սահմանազատման աշխատանքները իրականացնելու համար (հավելված N 6),

3) Հողամասի հատակագիծը (հավելված N 8),

4) Սահմանազատված հողամասերի օգտագործողներին տրված ծանուցագրերը (հավելված N 19),

5) Հողամասերի սահմանազատման վերաբերյալ կազմված արձանագրությունը (հավելված N 20),

6) Տեղանքի և ամրացված սահմանանիշերի լուսանկարները՝ կատարման օրվա նշագրումով,

7) Սահմանազատման գործը գրանցվում և դրվում է տվյալ հողամասի կադաստրային գործի մեջ:

 

Հավելված 1

 

Էլեկտրոնային տախեոմետրի կիրառմամբ ստեղծվող գեոդեզիական ցանցի ընթացքների ցուցանիշները եվ բնութագրերը

 

Բնութագրերի և ցուցանիշների անվանումը	Պարամետրերը, նշանակությունը, նրան համապատասխանող ճշտությունները հատակագծերի կազմման ընթացքում
	մասշ. 1:500		մասշ. 1:1000		մասշ. 1:2000		մասշ. 1:5000		մասշ. 1:10000
	քաղաքային		քաղաքային		քաղաքային		քաղաքային		քաղաքային
	չկառուցապատ.		չկառուցապատ.		չկառուցապատ.		չկառուցապատ.		չկառուցապատ.
	ընթացքի կողմի միջ. երկարութ. (մ)				ընթ. կող. միջ. երկ. (մ)		ընթ. կող. միջ.երկ. (մ)		ընթ. կող. միջ. երկ. (մ)
	200	100	500	200	500	200	500	200	500	200
1	2	3	4	5	6	7	8	9	10	11
Ընթացքի սահմանային երկարությունը (կմ)
ա) Երկու ելակետային կետերի միջև	1.8 2.0	1.3 1.5	3.2 2.5	2.8 2.5	6.0 7.5	5.0 6.5	9.0 12.0	6.0 8.0	25.0	18.0
բ) ելակետային կետերի ու հանգուցային կետերի միջև	1.5 1.8	1.2 1.4	2.8 3.0	2.0 2.5	4.5 5.5	4.0 5.0	6.0 8.0	4.5 7.0	18.0	12.0
գ) Երկու հանգուցային կետերի միջև	1.2 1.5	1.0 1.2	2.5 2.8	2.0 2.3	4.0 4.5	3.5 4.0	5.0 7.0	3.5 6.0	12.0	9.0
Սահմանային պարագիծը (կմ)	4.0 4.5	3.0 4.0	8.5 9.5	7.0 7.5	15.0 18.0	12.0 15.0	37.0 45.0	30.0 37.0	45.0	40.0
Բազմանկյան կողմերի թիվը ոչ ավելի՝
ա) Ընթացքում	9 12	13 15	10 12	14 16	18 20	25 28	27 30	20 25	60	90
բ) Պարագծի մեջ	15 20	30 40	20 25	35 45	37 45	52 68	90 100	95 100	100	100

 

Հավելված 2

 

Կադաստրային հանութագրման աշխատանքներում կիրառվող գեոդեզիական գործիքներով եվ սարքավորումներով անկյունների եվ գծերի երկարությունների չափման նկատմամբ պահանջվող ճշտությունները

 

Է լ ե կ տ ր ո ն ա յ ի ն  տ ա խ ե ո մ ե տ ր
	TC-305		TC-605
հորիզոնական անկյան չափման ճշտությունը	5''		5''
հեռավորության չափման ճշտությունը	+2մմ + Dx10-6		+3մմ + Dx10-6
Լ ա զ ե ր ա յ ի ն  հ ե ռ ա չ ա փ  D I S T O
հեռավորության չափման ճշտությունը		+3 մմ
Ժ ա պ ա վ ե ն ա մ ե տ ր
հեռավորության չափման հարաբերական սխալը		1/1000

 

 

Հավելված 3

 

Կադաստրային հատակագծերի եվ քարտեզների ճշտության բնութագրերը

 

Հ/հ	Տեղագրական օբյեկտի անվանումը	mt սմ հատա-կագծի (քարտեզի) վրա	mt սմ տեղանքում
			մինչև 1:500	1:500	1:1000	1:2000	1:5000	1:10000	1:25000
1	Կապիտալ շինություններ, պարիսպների անկյուններ, հորերի կենտրոններ, այլ հստակ ճանաչվող առարկաներ	0.02	4	10	20	40	100	200	500
2	Ասֆալտած ճանապարհների հատման կետերը, գյուղերի թաղամասերի հատման կետերը, առուների և ուրիշ հաստատուն օբյեկտների եզրագծերը	0.04-0.05	8-10	20-25	40-50	80-100	200-250	400-500	1000-1250
3	Վարելահողի սահմանները, գրունտային ճանապարհների, անտառուղիների հատումները և ժամանակի ընթացքում քիչ փոփոխվող այլ օբյեկտներ	0.06-0.10	12-20	30-50	60-100	120-200	300-500	600-1000	1500-2500
4	Անտառների, արոտատեղերի, գետերի և գետակների, ինչպես նաև ուրիշ փոփոխվող և հստակ չճանաչվող օբյեկտների եզրագծերի կետերը	0.11-0.15	22-30	55-75	110-150	220-300	550-750	1100-1500	2750-3750

 

Հավելված 4

 

Կադաստրային հատակագծերի եվ քարտեզների վրա առանձին տարրերի (օբյեկտների) պատկերման նկատմամբ պահանջվող ճշտությունները

 

Սխալների անվանումը	Թույլատրելի առավելագույն սխալները
Օբյեկտի բնութագրման սխալը	5-ից ավելի
Օբյեկտի պլանային տեղադիրքի սխալը	3-ից ավելի
Մաթեմատիկական հիմքի սխալի (կոորդինատային ցանց, գեոդեզիական հիմքի կետեր) գերազանցում 0.2 մմ-ից ավելի	1-ից ավելի
Առանձին շերտերում օբյեկտների անհամապատասխանություն, օբյեկտների ուրվագծերի հատումներ	5-ից ավելի
Բաց թողնված (չպատկերված) օբյեկտներ	3-ից ավելի
Չհամաձայնեցված ուրվագծի առկայություն իրար կից (հարևան) թերթերի վրա	1-ից ավելի
Ռաստրային հիմքի (ելակետային քարտեզի) և թվայնացման արդյունքում ստացված քարտեզի վրա պատկերված միևնույն օբյեկտի տեղադիրքի տարբերությունը՝ ա) կետի 0.15 մմ-ից ավելի շեղում բ) գծի 0.2 մմ-ից ավելի շեղում	30% ավելի 30% ավելի

 

Հավելված 5

 

Հ Ա Տ Ա Կ Ա Գ Ի Ծ

 

ԳԵՈԴԵԶԻԱԿԱՆ ԽՏԱՑՄԱՆ ԵՎ ՀԱՆՈՒԹԱՅԻՆ ՑԱՆՑԻ

 

Մ 1:_______

 

 

____________________________ (կատարող կազմակերպության անվանումը)	____________________________ (լիցենզիայի համարը)
________________________________ (ղեկավարի անունը, ազգանունը, ստորագրությունը)	______________________________ (կատարողի անունը, ազգանունը, ստորագրությունը)
	___________________ (ամսաթիվը)   Կ.Տ.

 

Պայմանական նշաններ

 

 

Հավելված 6

 

ԿՈՈՐԴԻՆԱՏՆԵՐԻ ԺՈՂՈՎԱԾՈՒ

 

ՀՀ______________________մարզի______________________համայնք

 

Կետերի N	Կետերի տեսակը	Կոորդինատները		Բացարձակ բարձրությունները
		X	Y	H
Գեոդեզիական ցանցի ելակետային կետեր
Գեոդեզիական խտացման և հանութային ցանցի կետեր

 

____________________________ (կատարող կազմակերպության անվանումը)	____________________________ (լիցենզիայի համարը)
________________________________ (ղեկավարի անունը, ազգանունը, ստորագրությունը)	______________________________ (կատարողի անունը, ազգանունը, ստորագրությունը)
	___________________ (ամսաթիվը)   Կ.Տ.

 

Հավելված 7

 

Կադաստրային հանույթի ուրվանկար

 

 

Պայմանական նշաններ

 

■ 20, ■ 21 Գեոդեզիական հանութային ցանցի կետեր,

 

4, 5 Անշարժ գույքի միավորների հանութագրվող կետերի համարներ,

 

Չափված գծի երկարությունը (մ):

 

Հավելված 8

 

ՀԱՏԱԿԱԳԻԾ N_______

 

____________________________________________________ (մարզի, համայնքի անվանումը) ____________________________________________________ (անշարժ գույքի սեփականատիրոջ (օգտագործողի) անունը (անվանումը))   ___________________________________ անշարժ գույքի պայմանական ծածկագիրը (համարը) Մ1:                        (մասշտաբը) ___________________________ (կատարող կազմակերպության անվանումը) _________________________ (լիցենզիայի համարը) ____________________________ (ղեկավարի անունը, ազգանունը, ստորագրությունը) __________________________ (կատարողի անունը, ազգանունը, ստորագրությունը) __________________ (ամսաթիվը)   Կ.Տ.

 

Հավելված 9

 

Կադաստրային հատակագծերում և քարտեզներում օգտագործվող պայմանական նշաններ

 

 

 

Հավելված 10

 

Ց ա ն կ

 

ՀՀ կադաստրային տարածքների (մարզերի) ծածկագրերի

 

Հ/հ	Կադաստրային տարածքի անվանումը	Կադաստրային տարածքի ծածկագիրը
1	Երևան	01
2	Արագածոտն	02
3	Արարատ	03
4	Արմավիր	04
5	Գեղարքունիք	05
6	Լոռի	06
7	Կոտայք	07
8	Շիրակ	08
9	Սյունիք	09
10	Վայոց ձոր	10
11	Տավուշ	11

 

Ց ա ն կ

 

ՀՀ կադաստրային ենթատարածքների ծածկագրերի

 

Երևան քաղաքի ենթատարածքների ծածկագրերը
Հ/հ	Կադաստրային ենթատարածքի անվանումը	Կադաստրային ենթատարածքի ծածկագիրը
1	Աջափնյակ	01-001
2	Ավան	01-002
3	Արաբկիր	01-003
4	Դավթաշեն	01-004
5	Էրեբունի	01-005
6	Կենտրոն	01-006
7	Մալաթիա-Սեբաստիա	01-007
8	Նոր Նորք	01-008
9	Նորք-Մարաշ	01-009
10	Նուբարաշեն	01-010
11	Շենգավիթ	01-011
12	Քանաքեռ-Զեյթուն	01-012
ՀՀ Արագածոտնի մարզի ենթատարածքների (համայնքների) ծածկագրերը
Հ/հ	Կադաստրային ենթատարածքի անվանումը	Կադաստրային ենթատարածքի ծածկագիրը
1	Աշտարակ	02-001
2	Ապարան	02-002
3	Թալին	02-003
4	Ագարակ (Աշտարակի շրջ.)	02-004
5	Ագարակավան	02-005
6	Ալագյազ	02-006
7	Ակունք	02-007
8	Աղձք	02-008
9	Սադունց	02-009
10	Անտառուտ	02-010
11	Աշնակ	02-011
12	Ավան	02-012
13	Մեծաձոր	02-013
14	Ավշեն	02-014
15	Արագած (Ապարանի շրջ.)	02-015
16	Արագածավան	02-016
17	Արագածոտն	02-017
18	Արա	02-018
19	Թաթուլ	02-019
20	Արտաշատավան	02-020
21	Արտենի	02-021
22	Արուճ	02-022
23	Ափնագյուղ	02-023
24	Բազմաղբյուր	02-024
25	Օթևան	02-025
26	Արևուտ	02-026
27	Բերքառատ	02-027
28	Բյուրական	02-028
29	Գառնահովիտ	02-029
30	Գեղադիր	02-030
31	Գեղաձոր	02-031
32	Գեղարոտ	02-032
33	Գետափ	02-033
34	Կանչ	02-034
35	Դաշտադեմ	02-035
36	Դավթաշեն	02-036
37	Ճարճակիս	02-037
38	Դիան	02-038
39	Դպրեվանք	02-039
40	Եղիպատրուշ	02-040
41	Եղնիկ	02-041
42	Երնջատափ	02-042
43	Երրորդ սովխոզ	02-043
44	Զարինջա	02-044
45	Զովասար	02-045
46	Թթուջուր	02-046
47	Թլիկ	02-047
48	Իրինդ	02-048
49	ԼԵռնապար	02-049
50	Լեռնարոտ	02-050
51	Լուսագյուղ	02-051
52	Լուսակն	02-052
53	Ծաղկահովիտ	02-053
54	Ծաղկաշեն	02-054
55	Ծաղկասար	02-055
56	Ծիլքար	02-056
57	Կաթնաղբյուր	02-057
58	Կարբի	02-058
59	Կարմրաշեն	02-059
60	Կաքավաձոր	02-060
61	Կոշ	02-061
62	Հակկո	02-062
63	Հարթավան	02-063
64	Հացաշեն	02-064
65	Հնաբերդ	02-065
66	Ձորագլուխ	02-066
67	Դդմասար	02-067
68	Ղազարավան	02-068
69	Մաստարա	02-069
70	Մելիքգյուղ	02-070
71	Միրաք	02-071
72	Կայք	02-072
73	Ներքին Բազմաբերդ	02-073
74	Ներքին Սասունաշեն	02-074
75	Նիգավան	02-075
76	Նոր Ամանոս	02-076
77	Շողակն	02-077
78	Նորաշեն (Արագածի շրջ.)	02-078
79	Նոր Արթիկ	02-079
80	Նոր Եդեսիա	02-080
81	Շամիրամ	02-081
82	Շենավան	02-082
83	Շենկանի	02-083
84	Շղարշիկ	02-084
85	Ոսկեթաս	02-085
86	Ոսկեհատ	02-086
87	Ոսկեվազ	02-087
88	Չքնաղ	02-088
89	Պարտիզակ	02-089
90	Ջամշլու	02-090
91	Ջրամբար	02-091
92	Ռյա թազա	02-092
93	Սաղմոսավան	02-093
94	Կանիաշիր	02-094
95	Սասունիկ	02-095
96	Սարալանջ	02-096
97	Սիփան	02-097
98	Սորիկ	02-098
99	Սուսեր	02-099
100	Վարդաբյուր	02-100
101	Վարդենիս	02-101
102	Վարդենուտ	02-102
103	Վերին Բազմաբերդ	02-103
104	Վերին Սասնաշեն	02-104
105	Վերին Սասունիկ	02-105
106	Տեղեր	02-106
107	Ցամաքասար	02-107
108	Ուշի	02-108
109	Ուջան	02-109
110	Փարպի	02-110
111	Քուչակ	02-111
112	Օհանավան	02-112
113	Օշական	02-113
114	Օրգով	02-114
115	Միջնատուն	02-115
ՀՀ Արարատի մարզի ենթատարածքների (համայնքների) ծածկագրերը
Հ/հ	Կադաստրային ենթատարածքի անվանումը	Կադաստրային ենթատարածքի ծածկագիրը
1	Արտաշատ	03-001
2	Արարատ	03-002
3	Մասիս	03-003
4	Վեդի	03-004
5	Աբովյան	03-005
6	Ազատաշեն	03-006
7	Ազատավան	03-007
8	Այգավան	03-008
9	Այգեզարդ	03-009
10	Այգեպատ	03-010
11	Այգեստան	03-011
12	Այնթապ	03-012
13	Ավշար	03-013
14	Արալեզ	03-014
15	Արարատ	03-015
16	Արաքսավան	03-016
17	Արբաթ	03-017
18	Արգավանդ	03-018
19	Արմաշ	03-019
20	Արևաբույր	03-020
21	Արևշատ	03-021
22	Բաղրամյան	03-022
23	Բարձրաշեն	03-023
24	Բերդիկ	03-024
25	Բերքանուշ	03-025
26	Բյուրավան	03-026
27	Բուրաստան	03-027
28	Գեղանիստ	03-028
29	Գետազատ	03-029
30	Գետափնյա	03-030
31	Գոռավան	03-031
32	Դալար	03-032
33	Դաշտավան	03-033
34	Դաշտաքար	03-034
35	Դարակերտ	03-035
36	Դարբնիկ	03-036
37	Դեղձուտ	03-037
38	Դիմիտրով	03-038
39	Դիտակ	03-039
40	Դվին	03-040
41	Եղեգնավան	03-041
42	Երասխ	03-042
43	Զանգակատուն	03-043
44	Զորակ	03-044
45	Լանջազատ	03-045
46	Լանջանիստ	03-046
47	Լանջառ	03-047
48	Լուսաշող	03-048
49	Լուսառատ	03-049
50	Խաչփառ	03-050
51	Կանաչուտ	03-051
52	Հայանիստ	03-052
53	Հնաբերդ	03-053
54	Հովտաշատ	03-054
55	Հովտաշեն	03-055
56	Ղուկասավան	03-056
57	Մասիս	03-057
58	Մարմարաշեն	03-058
59	Մխչյան	03-059
60	Մրգանուշ	03-060
61	Մրգավան	03-061
62	Մրգավետ	03-062
63	Նարեկ	03-063
64	Նիզամի	03-064
65	Նշավան	03-065
66	Նոյակերտ	03-066
67	Նորաբաց	03-067
68	Նորամարգ	03-068
69	Նորաշեն	03-069
70	Նոր Խարբերդ	03-070
71	Նոր կյանք	03-071
72	Նոր Կյուրին	03-072
73	Նոր ուղի	03-073
74	Շահումյան	03-074
75	Շաղափ	03-075
76	Ոսկետափ	03-076
77	Ոստան	03-077
78	Պարույր Սևակ	03-078
79	Ջրահովիտ	03-079
80	Ջրաշեն	03-080
81	Ռանչպար	03-081
82	Սայաթ - Նովա	03-082
83	Սիս	03-083
84	Սիսավան	03-084
85	Սիփանիկ	03-085
86	Սուրենավան	03-086
87	Վանաշեն	03-087
88	Վարդաշատ	03-088
89	Վարդաշեն	03-089
90	Գինեվետ	03-090
91	Վերին Արտաշատ	03-091
92	Վերին Դվին	03-092
93	Տափերական	03-093
94	Ուրցալանջ	03-094
95	Ուրցաձոր	03-095
96	Փոքր Վեդի	03-096
97	Քաղցրաշեն	03-097
ՀՀ Արմավիրի մարզի ենթատարածքների (համայնքների) ծածկագրերը
Հ/հ	Կադաստրային ենթատարածքի անվանումը	Կադաստրային ենթատարածքի ծածկագիրը
1	Արմավիր (Հոկտեմբերյան)	04-001
2	Վաղարշապատ (Էջմիածին)	04-002
3	Մեծամոր	04-003
4	Ակնալիճ	04-004
5	Ակնաշեն	04-005
6	Աղավնատուն	04-006
7	Ամասիա	04-007
8	Ամբերդ	04-008
9	Այգեկ	04-009
10	Այգեշատ (Արմավիրի շրջ.)	04-010
11	Այգեշատ (Էջմիածնի շրջ.)	04-011
12	Ապագա	04-012
13	Առատաշեն	04-013
14	Արագած	04-014
15	Արազափ	04-015
16	Արաքս (Արմավիրի շրջ.)	04-016
17	Արաքս (Էջմիածնի շրջ.)	04-017
18	Արգավանդ	04-018
19	Արգինա	04-019
20	Արմավիր	04-020
21	Արշալույս	04-021
22	Արտամետ	04-022
23	Արտիմետ	04-023
24	Արտաշար	04-024
25	Արևադաշտ	04-025
26	Արևաշատ	04-026
27	Արևիկ	04-027
28	Բագարան	04-028
29	Բաղրամյան (Բաղրամյանի շրջ.)	04-029
30	Բաղրամյան (Էջմիածնի շրջ.)	04-030
31	Բամբակաշատ	04-031
32	Բերքաշատ	04-032
33	Գայ	04-033
34	Գետաշեն	04-034
35	Գրիբոյեդով	04-035
36	Դալարիկ	04-036
37	Դաշտ	04-037
38	Դողս	04-038
39	Եղեգնուտ	04-039
40	Երասխահուն	04-040
41	Երվանդաշատ	04-041
42	Զարթոնք	04-042
43	Մայիսյան	04-043
44	Լենուղի	04-044
45	Լեռնագոգ	04-045
46	Լեռնամերձ	04-046
47	Լուկաշին	04-047
48	Լուսագյուղ	04-048
49	Խանջյան	04-049
50	Խորոնք	04-050
51	Ծաղկալանջ	04-051
52	Ծաղկունք	04-052
53	Ծիածան	04-053
54	Կողթավան	04-054
55	Հայթաղ	04-055
56	Հայկաշեն	04-056
57	Հայկավան	04-057
58	Հացիկ	04-058
59	Սարդարապատ	04-059
60	Հովտամեջ	04-060
61	Հուշակերտ	04-061
62	Այգեվան	04-062
63	Մարգարա	04-063
64	Մեծամոր	04-064
65	Մերձավան	04-065
66	Մյասնիկյան	04-066
67	Մրգաշատ	04-067
68	Մրգաստան	04-068
69	Մուսալեռ	04-069
70	Նալբանդյան	04-070
71	Նոր Արմավիր	04-071
72	Նոր Արտագես	04-072
73	Նոր Կեսարիա	04-073
74	Նորակերտ	04-074
75	Նորապատ	04-075
76	Նորավան	04-076
77	Շահումյան	04-077
78	Շահումյանի թռչնաֆաբրիկա	04-078
79	Շենավան	04-079
80	Շենիկ	04-080
81	Ոսկեհատ	04-081
82	Պտղունք	04-082
83	Ջանֆիդա	04-083
84	Ջրաշեն	04-084
85	Ջրառատ	04-085
86	Ջրաբի	04-086
87	Գեղակերտ	04-087
88	Ալաշկերտ	04-088
89	Վանանդ	04-089
90	Վարդանաշեն	04-090
91	Տալվորիկ	04-091
92	Տանձուտ	04-092
93	Տարոնիկ	04-093
94	Փարաքար	04-094
95	Փշատավան	04-095
96	Քարակերտ	04-096
97	Ֆերիկ	04-097
98	Թաիրով	04-098
ՀՀ Գեղարքունիքի մարզի ենթատարածքների (համայնքների) ծածկագրերը
Հ/հ	Կադաստրային ենթատարածքի անվանումը	Կադաստրային ենթատարածքի ծածկագիրը
1	Գավառ	05-001
2	Ճամբարակ	05-002
3	Մարտունի	05-003
4	Սևան	05-004
5	Վարդենիս	05-005
6	Ազատ	05-006
7	Ախպրաձոր	05-007
8	Ակունք	05-008
9	Աղբերք	05-009
10	Այգուտ	05-010
11	Այրք	05-011
12	Անտառամեջ	05-012
13	Աստղաձոր	05-013
14	Ավազան	05-014
15	Արեգունի	05-015
16	Արծվանիստ	05-016
17	Արծվաշեն	05-017
18	Արտանիշ	05-018
19	Արփունք	05-019
20	Բերդկունք	05-020
21	Գանձակ	05-021
22	Գեղամաբակ	05-022
23	Գեղամասար	05-023
24	Գեղամավան	05-024
25	Գեղարքունիք	05-025
26	Գեղաքար	05-026
27	Գեղահովիտ	05-027
28	Գետիկ	05-028
29	Դարանակ	05-029
30	Դդմաշեն	05-030
31	Դպրաբակ	05-031
32	Դրախտիկ	05-032
33	Երանոս	05-033
34	Զոլաքար	05-034
35	Զովաբեր	05-035
36	Ծովասար	05-036
37	Թթուջուր	05-037
38	Լանջաղբյուր	05-038
39	Լիճք	05-039
40	Լճաշեն	05-040
41	Լճավան	05-041
42	Լճափ	05-042
43	Լուսակունք	05-043
44	Խաչաղբյուր	05-044
45	Ծակքար	05-045
46	Ծաղկաշեն	05-046
47	Ծաղկունք	05-047
48	Ծափաթաղ	05-048
49	Ծովագյուղ	05-049
50	Ծովազարդ	05-050
51	Ծովակ	05-051
52	Ծովինար	05-052
53	Կալավան	05-053
54	Կախակն	05-054
55	Կարճաղբյուր	05-055
56	Կարմիրգյուղ	05-056
57	Կութ	05-057
58	Կուտական	05-058
59	Հայրավանք	05-059
60	Ձորագյուղ	05-060
61	Ձորավանք	05-061
62	Մադինա	05-062
63	Մարտունի	05-063
64	Մաքենիս	05-064
65	Մեծ Մասրիկ	05-065
66	Ներքին Գետաշեն	05-066
67	Ներքին Շորժա	05-067
68	Նորաբակ	05-068
69	Նորակերտ	05-069
70	Նորաշեն	05-070
71	Նորատուս	05-071
72	Շատջրեք	05-072
73	Շատվան	05-073
74	Շորժա	05-074
75	Չկալովկա	05-075
76	Ջաղացաձոր	05-076
77	Ջիլ	05-077
78	Սարուխան	05-078
79	Սեմյոնովկա	05-079
80	Սոթք	05-080
81	Վահան	05-081
82	Վաղաշեն	05-082
83	Վանևան	05-083
84	Վարդաձոր	05-084
85	Վարդենիկ	05-085
86	Վարսեր	05-086
87	Վերին Գետաշեն	05-087
88	Վերին Շորժա	05-088
89	Տորֆավան	05-089
90	Տրետուք	05-090
91	Փամբակ	05-091
92	Փոքր Մասրիկ	05-092
ՀՀ Լոռու մարզի ենթատարածքների (համայնքների) ծածկագրերը
Հ/հ	Կադաստրային ենթատարածքի անվանումը	Կադաստրային ենթատարածքի ծածկագիրը
1	Վանաձոր	06-001
2	Ալավերդի	06-002
3	Ախթալա	06-003
4	Թումանյան	06-004
5	Շամլուղ	06-005
6	Սպիտակ	06-006
7	Ստեփանավան	06-007
8	Տաշիր	06-008
9	Ագարակ	06-009
10	Ազնվաձոր	06-010
11	Աթան	06-011
12	Ահնիձոր	06-012
13	Ամրակից	06-013
14	Այգեհատ	06-014
15	Անտառամուտ	06-015
16	Ապավեն	06-016
17	Արդվի	06-017
18	Արծնի	06-018
19	Արջուտ	06-019
20	Արևածագ	06-020
21	Արևաշող	06-021
22	Աքորի	06-022
23	Բազում	06-023
24	Բլագոդարնոյե	06-024
25	Բովաձոր	06-025
26	Անտառաշեն	06-026
27	Գարգառ	06-027
28	Գեղասար	06-028
29	Գյուլագարակ	06-029
30	Գոգարան	06-030
31	Գուգարք	06-031
32	Դաշտադեմ	06-032
33	Դարպաս	06-033
34	Դեբետ	06-034
35	Դսեղ	06-035
36	Եղեգնուտ	06-036
37	Թեղուտ	06-037
38	Լեջան	06-038
39	Լեռնահովիտ	06-039
40	Լեռնանցք	06-040
41	Լեռնապատ	06-041
42	Լեռնավան	06-042
43	Լերմոնտովո	06-043
44	Լոռի Բերդ	06-044
45	Լորուտ	06-045
46	Լուսաղբյուր	06-046
47	Խնկոյան	06-047
48	Ծաթեր	06-048
49	Ծաղկաբեր	06-049
50	Ծաղկաշատ	06-050
51	Կաթնաղբյուր	06-051
52	Կաթնաջուր	06-052
53	Կաթնառատ	06-053
54	Կաճաճկուտ	06-054
55	Կարմիր Աղեկ	06-055
56	Կողես	06-056
57	Կուրթան	06-057
58	Հագվի	06-058
59	Հալավար	06-059
60	Հաղպատ	06-060
61	Հարթագյուղ	06-061
62	Հոբարձ	06-062
63	Հովնանաձոր	06-063
64	Ձյունաշող	06-064
65	Ձորագետ	06-065
66	Ձորագյուղ	06-066
67	Ձորամուտ	06-067
68	Ղուրսալ	06-068
69	Ճոճկան	06-069
70	Մարգահովիտ	06-070
71	Մարց	06-071
72	Մեդովկա	06-072
73	Մեծ Այրում	06-073
74	Մեծավան	06-074
75	Մեծ Պառնի	06-075
76	Մեղվահովիտ	06-076
77	Միխայելովկա	06-077
78	Մղարթ	06-078
79	Յաղդան	06-079
80	Նեղոց	06-080
81	Նովոսելցովո	06-081
82	Նորաշեն	06-082
83	Նոր Խաչակապ	06-083
84	Շահումյան	06-084
85	Շամուտ	06-085
86	Շենավան	06-086
87	Շիրակամուտ	06-087
88	Շնող	06-088
89	Չկալով	06-089
90	Պաղաղբյուր	06-090
91	Պետրովկա	06-091
92	Պրիվոլնոյե	06-092
93	Պուշկինո	06-093
94	Ջիլիզա	06-094
95	Ջրաշեն	06-095
96	Սարալանջ	06-096
97	Սարահարթ	06-097
98	Սարամեջ	06-098
99	Սարատովկա	06-099
100	Սարչապետ	06-100
101	Սվերդլով	06-101
102	Վահագնաձոր	06-102
103	Վահագնի	06-103
104	Վարդաբլուր	06-104
105	Ուռուտ	06-105
106	Ուրասար	06-106
107	Փամբակ	06-107
108	Քարաբերդ	06-108
109	Քարաձոր	06-109
110	Քարինջ	06-110
111	Քարկոփ	06-111
112	Օձուն	06-112
113	Ֆիոլետովո	06-113
ՀՀ Կոտայքի մարզի ենթատարածքների (համայնքների) ծածկագրերը
Հ/հ	Կադաստրային ենթատարածքի անվանումը	Կադաստրային ենթատարածքի ծածկագիրը
1	Հրազդան	07-001
2	Աբովյան	07-002
3	Բյուրեղավան	07-003
4	Եղվարդ	07-004
5	Ծաղկաձոր	07-005
6	Նոր Հաճն	07-006
7	Չարենցավան	07-007
8	Ալափարս	07-008
9	Ակունք	07-009
10	Աղավնաձոր	07-010
11	Առինջ	07-011
12	Արագյուղ	07-012
13	Արամուս	07-013
14	Արգել	07-014
15	Արզական	07-015
16	Արզնի	07-016
17	Արտավազ	07-017
18	Բալահովիտ	07-018
19	Բջնի	07-019
20	Բուժական	07-020
21	Գառնի	07-021
22	Գեղադիր	07-022
23	Գեղաշեն	07-023
24	Գեղարդ	07-024
25	Գետամեջ	07-025
26	Գողթ	07-026
27	Զառ	07-027
28	Զովաշեն	07-028
29	Զովունի	07-029
30	Զովք	07-030
31	Զորավան	07-031
32	Թեղենիք	07-032
33	Լեռնանիստ	07-033
34	Կաթնաղբյուր	07-034
35	Կամարիս	07-035
36	Կապուտան	07-036
37	Կարենիս	07-037
38	Կոտայք	07-038
39	Հանքավան	07-039
40	Հատիս	07-040
41	Հացավան	07-041
42	Ձորաղբյուր	07-042
43	Մայակովսկի	07-043
44	Մարմարիկ	07-044
45	Մեղրաձոր	07-045
46	Մրգաշեն	07-046
47	Նոր Արտամետ	07-047
48	Նոր Գեղի	07-048
49	Նոր գյուղ	07-049
50	Նոր Երզնկա	07-050
51	Նուռնուս	07-051
52	Ողջաբերդ	07-052
53	Պռոշյան	07-053
54	Պտղնի	07-054
55	Ջրաբեր	07-055
56	Ջրառատ	07-056
57	Ջրվեժ	07-057
58	Գետարգել	07-058
59	Սարալանջ	07-059
60	Սոլակ	07-060
61	Մաբերդ	07-061
62	Վերին Պտղնի	07-062
63	Քաղսի	07-063
64	Քանաքեռավան	07-064
65	Քասախ	07-065
66	Քարաշամբ	07-066
67	Ֆանտան	07-067
ՀՀ Շիրակի մարզի ենթատարածքների (համայնքների) ծածկագրերը
Հ/հ	Կադաստրային ենթատարածքի անվանումը	Կադաստրային ենթատարածքի ծածկագիրը
1	Գյումրի	08-001
2	Արթիկ	08-002
3	Մարալիկ	08-003
4	Ազատան	08-004
5	Ալվար	08-005
6	Ախուրիկ	08-006
7	Ախուրյան	08-007
8	Աղին	08-008
9	Աղվորիկ	08-009
10	Ամասիա	08-010
11	Այգեբաց	08-011
12	Անիավան	08-012
13	Անիպեմզա	08-013
14	Անուշավան	08-014
15	Աշոցք	08-015
16	Առափի	08-016
17	Արդենիս	08-017
18	Արեգնադեմ	08-018
19	Արփենի	08-019
20	Արևիկ	08-020
21	Արևշատ	08-021
22	Բագրավան	08-022
23	Բայանդուր	08-023
24	Բանդիվան	08-024
25	Բաշգյուղ	08-025
26	Բավրա	08-026
27	Բենիամին	08-027
28	Բերդաշեն	08-028
29	Գառնառիճ	08-029
30	Գեղանիստ	08-030
31	Գետափ	08-031
32	Գետք	08-032
33	Բյուրակն	08-033
34	Գոգհովիտ	08-034
35	Գտաշեն	08-035
36	Գուսանագյուղ	08-036
37	Երազգավորս	08-037
38	Զարիշատ	08-038
39	Զորակերտ	08-039
40	Զույգաղբյուր	08-040
41	Թավուշ	08-041
42	Թորոսգյուղ	08-042
43	Իսահակյան	08-043
44	Լանջիկ	08-044
45	Լեռնագյուղ	08-045
46	Լեռնակերտ	08-046
47	Լեռնուտ	08-047
48	Լուսակերտ	08-048
49	Լուսաղբյուր	08-049
50	Ծաղկուտ	08-050
51	Կամո	08-051
52	Կապս	08-052
53	Կառնուտ	08-053
54	Կարմրավան	08-054
55	Կարմրաքար	08-055
56	Կաքավասար	08-056
57	Կրաշեն	08-057
58	Կրասար	08-058
59	Հայկաձոր	08-059
60	Հայկասար	08-060
61	Հայկավան	08-061
62	Հայրենյաց	08-062
63	Հառիճ	08-063
64	Հարթաշեն	08-064
65	Հացիկ	08-065
66	Հողմիկ	08-066
67	Հոռոմ	08-067
68	Հովիտ	08-068
69	Հովտաշեն	08-069
70	Հովտուն	08-070
71	Հովունի	08-071
72	Ձիթհանքով	08-072
73	Ձորակապ	08-073
74	Ձորաշեն	08-074
75	Ղազանչի	08-075
76	Ղարիբջանյան	08-076
77	Մայիսյան	08-077
78	Մարմաշեն	08-078
79	Մեծ Մանթաշ	08-079
80	Մեծ Սարիար	08-080
81	Մեծ Սեպասար	08-081
82	Մեղրաշատ	08-082
83	Մեղրաշեն	08-083
84	Բասեն	08-084
85	Մուսայելյան (Աշոցքի շրջ.)	08-085
86	Նահապետավան	08-086
87	Նոր կյանք	08-087
88	Շաղիկ	08-088
89	Շիրակ	08-089
90	Շիրակավան	08-090
91	Ողջի	08-091
92	Ոսկեհասկ	08-092
93	Պեմզաշեն	08-093
94	Ջաջուռ	08-094
95	Ջաջուռավան	08-095
96	Ջրաձոր	08-096
97	Ջրառատ	08-097
98	Ջրափի	08-098
99	Սալուտ	08-099
100	Սառնաղբյուր	08-100
101	Սարագյուղ	08-101
102	Սարալանջ	08-102
103	Սարակապ	08-103
104	Սարապատ	08-104
105	Սարատակ	08-105
106	Սիզավետ	08-106
107	Սպանդարյան	08-107
108	Վահրամաբերդ	08-108
109	Վարդաղբյուր	08-109
110	Վարդաքար	08-110
111	Տուֆաշեն	08-111
112	Ցողամարգ	08-112
113	Փանիկ	08-113
114	Փոքրաշեն	08-114
115	Փոքր Մանթաշ	08-115
116	Փոքր Սարիար	08-116
117	Փոքր Սեպասար	08-117
118	Քարաբերդ	08-118
119	Քեթի	08-119
ՀՀ Սյունիքի մարզի ենթատարածքների (համայնքների) ծածկագրերը
Հ/հ	Կադաստրային ենթատարածքի անվանումը	Կադաստրային ենթատարածքի ծածկագիրը
1	Կապան	09-001
2	Ագարակ	09-002
3	Գորիս	09-003
4	Դաստակերտ	09-004
5	Մեղրի	09-005
6	Սիսիան	09-006
7	Քաջարան	09-007
8	Ագարակ	09-008
9	Ալվանք	09-009
10	Ախլաթյան	09-010
11	Աղիտու	09-011
12	Աղվանի	09-012
13	Անգեղակոթ	09-013
14	Անտառաշատ	09-014
15	Աշոտավան	09-015
16	Առաջաձոր	09-016
17	Արավուս	09-017
18	Արծվանիկ	09-018
19	Արևիս	09-019
20	Բալաք	09-020
21	Բարձրավան	09-021
22	Բնունիս գյուղ	09-022
23	Բռնակոթ	09-023
24	Ակներ	09-024
25	Գեղանուշ	09-025
26	Գեղի	09-026
27	Գետաթաղ	09-027
28	Գորայք	09-028
29	Գուդեմնիս	09-029
30	Դավիթ Բեկ	09-030
31	Դարբաս	09-031
32	Տավրուս	09-032
33	Եղեգ	09-033
34	Եղվարդ	09-034
35	Թանահատ	09-035
36	Թասիկ	09-036
37	Լեհվազ	09-037
38	Լեռնաձոր	09-038
39	Լիճք	09-039
40	Լծեն	09-040
41	Լոր	09-041
42	Աճանան	09-042
43	Խդրանց	09-043
44	Խնածախ	09-044
45	Խնձորեսկ	09-045
46	Խոզնավար	09-046
47	Խոտ	09-047
48	Ծավ	09-048
49	Ծղուկ	09-049
50	Կաղնուտ	09-050
51	Կարճևան	09-051
52	Կոռնիձոր	09-052
53	Կուրիս	09-053
54	Հալիձոր	09-054
55	Հարթաշեն	09-055
56	Հարժիս	09-056
57	Հացավան	09-057
58	Ձորաստան	09-058
59	Ղարատղա	09-059
60	Իշխանասար	09-060
61	Ճակատեն	09-061
62	Մուցք	09-062
63	Ներքին Խնձորեսկ	09-063
64	Ներքին Խոտանան	09-064
65	Ներքին Հանդ	09-065
66	Նռնաձոր	09-066
67	Նորաշենիկ	09-067
68	Նորավան	09-068
69	Շաղատ	09-069
70	Շաքի	09-070
71	Շենաթաղ	09-071
72	Շիկահող	09-072
73	Շինուհայր	09-073
74	Շվանիձոր	09-074
75	Շրվենանց	09-075
76	Շուռնուխ	09-076
77	Որոտան (Գորիսի շրջ.)	09-077
78	Որոտան (Սիսիանի շրջ.)	09-078
79	Չափնի	09-079
80	Սալվարդ	09-080
81	Սառնակունք	09-081
82	Սյունիք	09-082
83	Նժդեհ	09-083
84	Սպանդարյան	09-084
85	Սվարանց	09-085
86	Սրաշեն	09-086
87	Սևաքար	09-087
88	Վահրավար	09-088
89	Վաղատին	09-089
90	Վաղատուր	09-090
91	Վանեք	09-091
92	Վարդանիձոր	09-092
94	Վարդավանք	09-094
95	Վերին Խոտանան	09-095
96	Վերիշեն	09-096
97	Տաթև	09-097
98	Տանձավեր	09-098
99	Տանձատափ	09-099
100	Տաշտուն	09-100
101	Տեղ	09-101
102	Տոլորս	09-102
103	Տորունիք	09-103
104	Ուժանիս	09-104
105	Ույծ	09-105
106	Նոր Աստղաբերդ	09-106
108	Քաշունի	09-108
109	Քաջարան	09-109
110	Քարահունջ	09-110
111	Քարաշեն	09-111
113	Օխտար	09-113
ՀՀ Վայոց ձորի մարզի ենթատարածքների (համայնքների) ծածկագրերը
Հ/հ	Կադաստրային ենթատարածքի անվանումը	Կադաստրային ենթատարածքի ծածկագիրը
1	Եղեգնաձոր	10-001
2	Ջերմուկ	10-002
3	Վայք	10-003
4	Ագարակաձոր	10-004
5	Ազատեկ	10-005
6	Աղավնաձոր	10-006
7	Աղնջաձոր	10-007
8	Արենի	10-008
9	Արին	10-009
10	Արտաբույնք	10-010
11	Արտավան	10-011
12	Արփի	10-012
13	Բարձրունի	10-013
14	Գետափ	10-014
15	Գլաձոր	10-015
16	Գնդեվազ	10-016
17	Գնիշիկ	10-017
18	Գողթանիկ	10-018
19	Գոմք	10-019
20	Ելփին	10-020
21	Եղեգիս	10-021
22	Զառիթափ	10-022
23	Զեդեա	10-023
24	Թառաթումբ	10-024
25	Խաչիկ	10-025
26	Խնձորուտ	10-026
27	Կարմրաշեն	10-027
28	Հերհեր	10-028
29	Հերմոն	10-029
30	Հորբատեղ	10-030
31	Հորս	10-031
32	Մալիշկա	10-032
33	Մարտիրոս	10-033
34	Նոր Ազնաբերդ	10-034
35	Շատին	10-035
36	Չիվա	10-036
37	Ռինդ	10-037
38	Սալլի	10-038
39	Սարավան	10-039
40	Սերս	10-040
41	Վարդահովիտ	10-041
42	Վերնաշեն	10-042
43	Փոռ	10-043
44	Քարագլուխ	10-044
ՀՀ Տավուշի մարզի ենթատարածքների (համայնքների) ծածկագրերը
Հ/հ	Կադաստրային ենթատարածքի անվանումը	Կադաստրային ենթատարածքի ծածկագիրը
1	Իջևան	11-001
2	Բերդ	11-002
3	Դիլիջան	11-003
4	Նոյեմբերյան	11-004
5	Ազատամուտ	11-005
6	Ակնաղբյուր	11-006
7	Աղավնավանք	11-007
8	Աճարկուտ	11-008
9	Այգեհովիտ	11-009
10	Այգեձոր	11-010
11	Այգեպար	11-011
12	Այրում	11-012
13	Աչաջուր	11-013
14	Արծվաբերդ	11-014
15	Արճիս	11-015
16	Բագրատաշեն	11-016
17	Բաղանիս	11-017
18	Բարեկամավան	11-018
19	Բերդավան	11-019
20	Բերքաբեր	11-020
21	Գանձաքար	11-021
22	Գետահովիտ	11-022
23	Գոշ	11-023
24	Դեբեդավան	11-024
25	Դեղձավան	11-025
26	Դիտավան	11-026
27	Դովեղ	11-027
28	Ենոքավան	11-028
29	Թեղուտ	11-029
30	Տավուշ	11-030
31	Իծաքար	11-031
32	Լճկաձոր	11-032
33	Լուսահովիտ	11-033
34	Լուսաձոր	11-034
35	Խաշթառակ	11-035
36	Խաչարձան	11-036
37	Ծաղկավան (Իջևանի շրջ.)	11-037
38	Ծաղկավան (Բերդի շրջ.)	11-038
39	Կիրանց	11-039
40	Կոթի	11-040
41	Կողբ	11-041
42	Հաղարծին	11-042
43	Հաղթանակ	11-043
44	Հովք	11-044
45	Մոսեսգեղ	11-045
46	Նավուր	11-046
47	Ներքին Կարմիր աղբյուր	11-047
48	Նորաշեն	11-048
49	Ոսկեպար	11-049
50	Ոսկեվան	11-050
51	Չինարի	11-051
52	Չինչին	11-052
53	Չորաթան	11-053
54	Պառավաքար	11-054
55	Պտղավան	11-055
56	Ջուջևան	11-056
57	Սարիգյուղ	11-057
58	Սևքար	11-058
59	Վազաշեն	11-059
60	Վարագավան	11-060
61	Վերին Կարմիր աղբյուր	11-061
62	Զորական	11-062

 

Հավելված 11

 

Օ ր ի ն ա կ

 

համայնքի բնակավայրի սահմանագծից ներս գտնվող տարածքի կադաստրային թաղամասերի պայմանական ծածկագրման (համարակալման)

 

Հավելված 12

 

Օ ր ի ն ա կ

 

համայնքի բնակավայրի սահմանագծից դուրս գտնվող տարածքի կադաստրային թաղամասերի պայմանական ծածկագրման (համարակալման)

 

Հավելված 13

 

Օ ր ի ն ա կ

 

համայնքի ներսում մեկից ավելի բնակավայրեր ունեցող տարածքների կադաստրային թաղամասերի պայմանական ծածկագրման (համարակալման)

 

Հավելված 14

 

Օ ր ի ն ա կ

 

բնակավայրի տարածքի կադաստրային թաղամասում գտնվող շենքերի, շինությունների պայմանական ծածկագրման (համարակալման)

 

Հավելված 15

 

Ա Մ Փ Ո Փ Ա Գ Ի Ր

 

հողային ֆոնդի առկայության ԵՎ բաշխման

 

(ըստ նպատակային նշանակության, հողատեսքերի ու գործառնական նշանակության և սեփականության սուբյեկտների)

 

առ ____________.200... թ.
Մարզ՝
		(անվանում)		(ծածկագիր*)
Համայնք՝
		(անվանում)		(ծածկագիր*)

 

(հեկտարներով)

NN	Նպատա- կային նշանա- կություն	Հողատեսք, գործառնական նշանակություն	պայմա- նական ծածկա- գիրը (համարը)	Ընդա- մենը (2+3+ 4+8 +12)	Սեփականության սուբյեկտ
					ՀՀ քաղա- քա- ցիների	ՀՀ իրա- վաբա- նական անձանց	համայնքային				պետական				Օտար- երկրյա պետու- թյուն- ների, կազ- մակեր- պու- թյուն- ների և ՀՀ-ում կացու- թյան հատուկ կարգա- վիճակ ունեցող անձանց
							ընդա- մենը (5+6 +7)	տրված անհա- տույց օգտա- գործ- ման	տրված վար- ձակա- լության	օգտա- գործ- ման և վար- ձակա- լության չտրված	ընդա- մենը (9+10 +11)	տրված անհա- տույց օգտա- գործ- ման	տրված վար- ձակա- լության	օգտա- գործման և վարձակա- լության չտրված
	Ա	Բ	Գ	1	2	3	4	5	6	7	8	9	10	11	12
1.1	1. Գյուղա- տնտե- սական	վարելահող
1.2		բազմ. տնկ., ընդամ.
1.2.1		այդ թվում՝ պտղ. այգի
1.2.2		խաղողի այգի
1.2.3		այլ բազմամյա
1.3		խոտհարք
1.4		արոտ
1.5		այլ հողատեսքեր
1		Ընդամենը
2.1	2. Բնակա- վայրերի	բնակելի կառուց.
2.1.1		այդ թվում՝ տնամերձ
2.1.2		այգեգ-ն (ամառ-ն)
2.2		հասարակ կառուց.
2.3		խառը կառուցապ.
2.4		ընդհ. օգտագործ.
2.5		այլ հողեր
2		Ընդամենը
3.1	3. Արդյուն. ընդերքօգ. և այլ արտ նշան. օբ.	արդյունաբ.
3.2		գյուղտնտ., արտադ.
3.3		պահեստների
3.4		ընդերք. օգտագործ.
3		Ընդամենը
4.1	4. Էներգե- տիկայի, տրանս- պորտի, կապի, կոմունալ ենթակ. օբ.	էներգետիկայի
4.2		կապի
4.3		տրանսպորտի
4.4		կոմուն. ենթակառ.
4		Ընդամենը
5.1	5. Հատուկ պահ- պանվող տարածք- ների	բնապահպան.
5.1.1		այդ թվում՝ արգելց.
5.1.2		արգելավայրեր
5.1.3		ազգային պարկ
5.2		առողջարարակ.
5.3		հանգստի
5.4		պատմ. և մշակութ.
5		Ընդամենը
6	6. Հատուկ նշանա- կության	Ընդամենը
7.1	7. Անտա- ռային	անտառ
7.2		թփուտ
7.3		վարելահող
7.4		խոտհարք
7.5		արոտ
7.6		այլ հողեր
7		Ընդամենը
8.1	8. Ջրային	գետեր
8.2		ջրամբարներ
8.3		լճեր
8.4		ջրանցքներ
8.5		հդտ. և ջր. այլ օբ.
8		Ընդամենը
9.1	9. Պահու- ստային	աղուտներ
9.2		ավազուտներ
9.3		ճահիճներ
9.4
9.5		այլ անօգտագործելի հողեր
9		Ընդամենը
ԸՆԴԱՄԵՆԸ ՀՈՂԵՐ (1+2+3+4+5+6+7+8+9)

                      

Համայնքի ղեկավար`

____________

ԱԳԿՊԿ տարածքային ստորաբաժանման ղեկավար`

____________

(ստորագրություն, կնիք)

(ստորագրություն, կնիք)

 

Հավելված 16

 

Տարածքի ծածկագիրը _________ Ենթատարածքի ծածկագիրը _______

 

Տ ե ղ ե կ ա գ ի ր

 

____________ մարզի ___________ համայնքի անշարժ գույքի միավորների, օգտագործողների և սեփականատերերի

 

Հ/հ	Անշարժ գույքի միավորի օգտա- գործողի, սեփակա- նատիրոջ անվանումը (անուն, ազգանուն, հայրանուն)	Հողամասեր				Շենքեր, շինություններ					Ծանոթու- թյուն
		Պայմանական ծածկագիրը (համարը)	Նպատա- կային նշանա- կությունը	Գործառնական նշանակությունը (հողատեսքը)	Մակերեսը	Պայմանական ծածկագիրը (համարը)	Հարկայ- նությունը	Կառուց- ման նյութը	Կառուցման տարեթիվը	Մակերեսը (քառ.մ)
1	2	3	4	5	6	7	8	9	10	11	12

 

Հավելված 17

 

Ու ր վ ա գ ի ծ

 

չկառուցապատված տարածքում երկարաժամկետ պահպանության սահմանանիշի

 

Հավելված 18

 

Ու ր վ ա գ ի ծ

 

կառուցապատված տարածքում երկարաժամկետ պահպանության սահմանանիշի

 

Հավելված 19

Ծ ա ն ու ց ա գ ի ր   Տրվում է__________________________________________________________ սահմանազատվող հողամասի սեփականատիրոջ/օգտագործողի տվյալները   Խնդրվում է Ձեզ «___»_________ 20__թ-ի ժամը ___-ին ներկայանալ անձամբ կամ ուղարկել Ձեր ներկայացուցչին _________________________ հասցեով _________________________ հողամասի պայմանական ծածկագիրը (համարը)   Ձեր և Ձեր հարևանների հողամասերի սահմանների ճշտման և վերականգնման աշխատանքներին մասնակցելու համար: Ձեր կամ Ձեր լիազորված անձի (լիազորագրով) ներկայությունը սահմանազատման աշխատանքներին և համապատասխան փաստաթղթերի ստորագրմանը պարտադիր է:  _______________________________ ստորագրությունը, անունը, ազգանունը            ''_____'' ___________________ 20 թ.

Հավելված 20

 

«_____» _________________ 20 թ. Ա ր ձ ա ն ա գ ր ու թ յ ու ն   հողամասի սահմանազատման վերաբերյալ ___________________________________________________________ սահմանազատվող հողամասի պայմանական ծածկագիրը (համարը)   Հիմք ընդունելով ________________________ դիմումը տրված «___» ______ 20 թ-ին                           դիմումատուի անունը (անվանումը)   _________________________________________________________ սահմանազատում իրականացնող անձի անունը (անվանումը) և տվյալները   կատարել է ________________________________ հողամասի սահմանազատման աշխատանքներ:                   հողամասի պայմանական ծածկագիրը (համարը)

 

Սահմանազատումը կատարել է հողամասերի սեփականատերերի (օգտագործողների) կամ նրանց կողմից լիազորված անձանց ներկայությամբ

 

Սահմանակետի հերթական համարը	Սահմանանիշի համարը	Սահմանակետերի կոորդինատները		Սահմանազատ-վող հողամասի կողմերը	Սահմանակից հողօգտագործողների անվանումները
		x	y
1				1-2
2
				2-3
3
				3-4
4

 

Կատարող կազմակերպության անվանումը՝	____________________ (Կ.Տ.)
Լիցենզիայի համարը՝	____________________
Կատարողի ստորագրությունը, անունը, ազգանունը՝	____________________
Սահմանազատվող հողամասի սեփականատիրոջ ստորագրությունը, անունը, ազգանունը (անվանումը)՝	____________________
Սահմանակից հողօգտագործողների ստորագրությունները, անունները, ազգանունները (անվանումները)՝	____________________