ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

15 հունվարի 2009 թ.  ք. Երևան

N 32-Ա

Հ Ր Ա Մ Ա Ն

ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ Ա/Ձ ՍԱՐԳԻՍ ՀՈՎԱԿԻՄՅԱՆԻՆ ՆԱԽԱԶԳՈՒՇԱՑՆԵԼՈՒ ՄԱՍԻՆ

Հիմք ընդունելով ՀՀ ԱՆ ՊՀՀ տեսչության 27.12.2008 թվականի N 13456 գրությունը, «Լիցենզավորման մասին» ՀՀ օրենքի 11-րդ հոդվածի 1-ին մասը` լիցենզավորման ենթակա գործունեության տեսակների իրականացման ժամանակ լիցենզավորված անձինք պարտավոր են պահպանել բնապահպանական, հիգիենիկ և սանիտարահամաճարակային անվտանգության, հակահրդեհային նորմերն ու կանոնները, 36 հոդվածի 2-րդ մասը, ՀՀ կառավարության 2002 թվականի հոկտեմբերի 17-ի N 1662-Ն որոշումը, հաշվի առնելով, որ ստուգման ժամանակ հայտնաբերվել է օրենքի, այլ իրավական ակտերի խախտումներ, այն է՝

1. ատամնատեխնիկական լաբորատորիայի սենքերի բարձրությունը առաջին հարկում կազմել է 207 մ, իսկ նկուղային հարկում` 2,3 մ: Նկուղում տեղակայված աշխատասենյակները զուրկ են բնական լուսավորությունից և օդափոխությունից, ինչը չի բխում ՀՀ ԱՆ 2005 թվականի օգոստոսի 15-ի «Աշխատանքի հիգիենիկ դասակարգումը ըստ արտադրական միջավայրի վնասակար և վտանգավոր գործոնների, աշխատանքային գործընթացի ծանրության և լարվածության ցուցանիշների» սանիտարական կանոնները և նորմերը հաստատելու մասին» N 756-Ն հրամանի 3.1, 3.2, 3.3-րդ կետերի պահանջներից, համաձայն որի մշտական աշխատատեղերը պետք է ապահովված լինեն բնական լուսավորությամբ և օդափոխությամբ և ունենան 3.2 մ-ից ոչ պակաս բարձրություն.

2. ատամնատեխնիկական լաբորատորիան տեղակայված է եղել նկուղային հարկում, ինչը չի բխում ՀՀ ԱՆ 2005 թվականի հոկտեմբերի 26-ի «Ստոմատոլոգիական պոլիկլինիկաներին, կաբինետներին ու ատամնատեխնիկական լաբորատորիաներին ներկայացվող հիգիենիկ պահանջներ» N 2-III-2.2.5 սանիտարական կանոնները և նորմերը հաստատելու մասին» N 983-Ն հրամանի 1.3-րդ կետի պահանջներից, համաձայն որի ատամնատեխնիկական լաբորատորիաների տեղակայումը սահմանվում է «Հասարակական շենքեր և շինություններ» ՍՆԻՊ N 2.08.02-89 շինարարական նորմերով, իսկ համաձայն նշված նորմերի նկուղային հարկերում թույլատրվող օբյեկտների ցանկում ատամնատեխնիկական լաբորատորիաները ընդգրկված չեն.

Հրամայում եմ` 

1. Նախազգուշացում հայտարարել, ք. Երևան, Գյուլբենկյան փող. 39ա, 49/1 հասցեում բժշկական օգնություն և սպասարկում իրականացնող Ա/Ձ Սարգիս Հովակիմյանին և սահմանել 15-օրյա ժամկետ հայտնաբերված թերությունները շտկելու համար:

2. ՀՀ ԱՆ լիցենզավորման բաժնի պետ Մ. Ղազարյանին՝

2.1. Եռօրյա ժամկետում ապահովել սույն հրամանի առաքումը լիցենզավորված անձին:

3. Սույն հրամանի կատարման հսկողությունը հանձնարարել ՀՀ առողջապահության նախարարի տեղակալ Ա. Ղուկասյանին:

Նախարար

Հ. Քուշկյան