ՀՀ արդարադատության

նախարարության կողմից

18 փետրվարի 2003 թ.

Պետական գրանցման թիվ 11803057

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐ

17 դեկտեմբերի 2002 թ. ք. Երևան

N 855-Ն

Հ Ր Ա Մ Ա Ն

ՖԻՆԱՆՍԱԿԱՆ ՊԱՐՏԱՎՈՐՈՒԹՅՈՒՆՆԵՐԻ ԿԱՏԱՐՄԱՆ ԺԱՄԱՆԱԿԱՑՈՒՅՑԻ, ՊԱՅՄԱՆԱԳՐԻՑ ՔԱՂՎԱԾՔԻ ՕՐԻՆԱԿԵԼԻ ՁԵՎԵՐԸ ԵՎ ԴՐԱՆՑ ԼՐԱՑՄԱՆ ՊԱՀԱՆՋՆԵՐԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարության 2002 թվականի հունվարի 18-ի «Հայաստանի Հանրապետության պետական և համայնքների բյուջեների կատարման կարգը հաստատելու մասին» N 48 որոշման 1-ին կետով հաստատված Հայաստանի Հանրապետության պետական և համայնքների բյուջեների կատարման կարգի 31 և 35-րդ կետի և ՀՀ կառավարության 2001 թվականի դեկտեմբերի 27-ի «Մրցույթի հանձնաժողովների կազմավորման և գործունեության կարգը, գնումների բնութագրերի հաստատման, նախնական հսկողության և ֆինանսավորման կարգը, գնումների ընթացակարգերի արձանագրությունների ստուգման կարգը, մեկ աղբյուրից գնումներ կատարելու ձևով գնանշման միջոցով գնումների իրականացման կարգը, Պետական գնումների գործակալության գործունեության կարգը հաստատելու և Հայաստանի Հանրապետության կառավարության 2000 թվականի սեպտեմբերի 16-ի N 572 որոշման մեջ լրացում կատարելու մասին» N 1267 որոշմամբ հաստատված «Գնումների բնութագրերի հաստատման, նախնական հսկողության և ֆինանսավորման կարգի» 20-րդ կետի կիրարկումն ապահովելու նպատակով`

(նախաբանը լրաց. 17.03.04 N 246-Ն)

Հրամայում եմ`

1. Հաստատել.

ա) «ֆինանսական պարտավորությունների կատարման ժամանակացույցի օրինակելի ձևը»` համաձայն հավելված N 1-ի և «հավելված N 1-ով սահմանված ֆինանսական պարտավորությունների կատարման ժամանակացույցի օրինակելի ձևի լրացման պահանջները»` համաձայն հավելված N 2-ի.

բ) «պայմանագրից քաղվածքի օրինակելի ձևը»` համաձայն հավելված N 3-ի և «հավելված N 3-ով սահմանված պայմանագրից քաղվածքի օրինակելի ձևի լրացման պահանջները»` համաձայն հավելված N 4-ի:

2. Ուժը կորցրած ճանաչել Հայաստանի Հանրապետության ֆինանսների և էկոնոմիկայի նախարարի 2000 թվականի դեկտեմբերի 4-ի ««Պայմանագրից քաղվածքի» ձևը հաստատելու մասին» N 293 և 2000 թվականի դեկտեմբերի 4-ի ««Վճարման ժամանակացույցի» ձևը հաստատելու մասին» N 296 հրամանները:

Նախարար՝

Վ. Խաչատրյան

Հավելված N 1 Հայաստանի Հանրապետության ֆինանսների և էկոնոմիկայի նախարարի 2002 թվականի դեկտեմբերի 17-ի N 855-Ն հրամանի

ՖԻՆԱՆՍԱԿԱՆ ՊԱՐՏԱՎՈՐՈՒԹՅՈՒՆՆԵՐԻ ԿԱՏԱՐՄԱՆ ԺԱՄԱՆԱԿԱՑՈՒՅՑ

1. Հիմնարկի անվանումը՝____________________		3. Հիմնարկին սպասարկող տեղական գանձապետական բաժանմունքի անվանումը___________
2. Բյուջետային ծախսերի գործառնական դասակարգման՝		4. Գանձապետական բյուջետային հաշվի համարը`_______________________
Խումբ Ենթախումբ Ծրագիր Նախարարություն		5. Գանձապետական արտաբյուջետային հաշվի համարը`___________________
Ծրագրի անվանումը----------------------------------------

Ձեռք բերվող ապրանքի, աշխատանքի, ծառայության անվանումը*	Բյուջետային ծախսերի տնտ. դասակարգման հոդվածը	Ընդամենը տարեկան	Նախատեսվում է ֆինանսավորել Հայաստանի Հանրապետության ----------թվականի պետական բյուջեից, ընդ որում՝					Նախատեսվում է ֆինանսավորել «---»«------------» «------» թվականի հաստատված արտաբյուջետային միջոցների գոյացման և տնօրինման նախահաշվով նախատեսված միջոցների հաշվին, ընդ որում՝
			I եռամսյակ			,,,,,,	Ընդամենը	I եռամսյակ			,,,,,,	Ընդամենը
			հունվար	փետրվար	մարտ	,,,,,,		հունվար	փետրվար	մարտ	,,,,,,
1	2	3=7+11	4	5	6	,,,,,,	7	8	9	10	,,,,,,	11
						,,,,,,					,,,,,,
						,,,,,,					,,,,,,
						,,,,,,					,,,,,,
						,,,,,,					,,,,,,

Հիմնարկի՝
	Պատասխանատու ստորաբաժանման ղեկավարի ստորագրությունը	_________	Տեղական գանձապետական բաժանմունքի պաշտոնատար անձի ստորագրությունը		_________
	Գլխավոր ֆինանսիստի ստորագրությունը`	_________			Կնիքի տեղը
	«------» «----------------» «200---» թվական	Կնիքի տեղը	«------» «----------------» «200---» թվական

Հավելված N 2 Հայաստանի Հանրապետության ֆինանսների և էկոնոմիկայի նախարարի 2002 թվականի դեկտեմբերի 17-ի N 855-Ն հրամանի

Լ Ր Ա Ց Մ Ա Ն  Պ Ա Հ Ա Ն Ջ Ն Ե Ր

ՀԱՎԵԼՎԱԾ 1-ՈՎ ՍԱՀՄԱՆՎԱԾ «ՖԻՆԱՆՍԱԿԱՆ ՊԱՐՏԱՎՈՐՈՒԹՅՈՒՆՆԵՐԻ ԿԱՏԱՐՄԱՆ ԺԱՄԱՆԱԿԱՑՈՒՅՑԻ ՕՐԻՆԱԿԵԼԻ ՁԵՎԻ»

Հավելված N 1-ով սահմանված` «Ֆինանսական պարտավորությունների կատարման ժամանակացույցի օրինակելի ձևը» լրացվում է հետևյալ կերպ.

1. աղյուսակի 1-ին սյունակում` ապրանքների, աշխատանքների և ծառայությունների ձեռքբերմանը չառնչվող հոդվածների գծով պարտավորություններ ստանձնելիս լրացվում է համապատասխան հոդվածի անվանումը,

2. աղյուսակում նշված` վճարման ենթակա գումարները ներկայացվում են տարեսկզբից աճողական կարգով,

3. վեցամսյա, իննամսյա և տարեկան կտրվածքներով ներկայացվող տեղեկատվության համար աղյուսակի 6-րդ և 10-րդ սյունակներին անմիջապես հաջորդող սյունակների փոխարեն ավելացվում են համապատասխան քանակությամբ սյունակներ,

4. պատասխանատու ստորաբաժանման ղեկավարի ստորագրությունը դրվում է միայն ապրանքների, աշխատանքների և ծառայությունների ձեռքբերմանն առնչվող հոդվածների գծով պայմանագրեր կնքելիս:

5. Եթե գնումների գծով ծախսերի ֆինանսավորումը նախատեսվում է իրականացնել.

ա) միայն բյուջետային միջոցների հաշվին, ապա նշվում է միայն տվյալ հիմնարկի գանձապետական բյուջետային հաշվի համարը (տիտղոսային մասի կետ 4), և աղյուսակում լրացվում են 1-ից 7-րդ սյունակները,

բ) արտաբյուջետային միջոցների հաշվին, ապա նշվում է միայն տվյալ հիմնարկի գանձապետական արտաբյուջետային հաշվի համարը (տիտղոսային մասի կետ 5), և աղյուսակում լրացվում են 1-ից 3-րդ և 8-ից 11-րդ սյունակները,

գ) միաժամանակ և բյուջետային և արտաբյուջետային միջոցների հաշվին, ապա նշվում է երկու հաշվեհամարները միաժամանակ (համապատասխանաբար տիտղոսային մասի կետ 4 և կետ 5) և աղյուսակում լրացվում են 1-ից 11-րդ սյունակները:

6. աղյուսակի 1-ին սյունակում՝ պետական և ծառայողական գաղտնիք պարունակող ապրանքների, աշխատանքների և ծառայությունների ձեռքբերման նպատակով ֆինանսական պարտավորություններ ստանձնելիս, ձեռքբերվող ապրանքների, աշխատանքների և ծառայությունների անվանման փոխարեն լրացվում է «գաղտնի» բառը:

(6-րդ կետը լրաց. 03.06.04 N 521-Ն)

(հավելվածը լրաց. 03.06.04 N 521-Ն)

Հավելված N 3 Հայաստանի Հանրապետության ֆինանսների և էկոնոմիկայի նախարարի 2002 թվականի դեկտեմբերի 17-ի N 855-Ն հրամանի

Հիմնարկի` Գլխավոր ֆինանսիստի ստորագրությունը` ________________   Պատասխանատու ստորաբաժանման ղեկավարի ____________ ստորագրությունը Կնիքի տեղը ------ ---------------- 200--- թվական

Տեղական գանձապետական բաժանմունքի     պաշտոնատար անձի ստորագրությունը ____________     Կնիքի տեղը   ------ ---------------- 200--- թվական

(հավելվածը խմբ. 17.03.04 N 246-Ն)

Հավելված N 4 Հայաստանի Հանրապետության ֆինանսների և էկոնոմիկայի նախարարի 2002 թվականի դեկտեմբերի 17-ի N 855-Ն հրամանի

Լ Ր Ա Ց Մ Ա Ն  Պ Ա Հ Ա Ն Ջ Ն Ե Ր

ՀԱՎԵԼՎԱԾ 1-ՈՎ ՍԱՀՄԱՆՎԱԾ «ՊԱՅՄԱՆԱԳՐԻՑ ՔԱՂՎԱԾՔԻ ՕՐԻՆԱԿԵԼԻ ՁԵՎԻ»

Հավելված N 1-ով սահմանված` «Պայմանագրից քաղվածքի օրինակելի ձևը» լրացվում է հետևյալ կերպ.

1. քաղվածքի տիտղոսային մասի 6-րդ կետում լրացվում է հիմնական պայմանագրի կնքման տարին, ամիսը, ամսաթիվը և համարը, պայմանագրերի փոփոխության դեպքում` նաև փոփոխված պայմանագրի, պարբերական մրցույթով կնքված պայմանագրերի դեպքում` նաև համաձայնագրի կնքման տարին, ամիսը‚ ամսաթիվը և համարը,

2. քաղվածքի տիտղոսային մասի 7-րդ կետը և առաջին աղյուսակի 1-ին սյունակը լրացվում է միայն ապրանքների, աշխատանքների և ծառայությունների ձեռքբերմանն առնչվող բյուջետային ծախսերի տնտեսագիտական դասակարգման հոդվածների գծով պայմանագրեր կնքելիս,

առաջին աղյուսակի 1-ին սյունակում՝ պետական և ծառայողական գաղտնիք պարունակող ապրանքների, աշխատանքների և ծառայությունների ձեռքբերման նպատակով պայմանագրեր կնքելիս, ձեռքբերվող ապրանքների, աշխատանքների և ծառայությունների անվանման փոխարեն լրացվում է «գաղտնի» բառը,

(2-րդ կետը լրաց. 03.06.04 N 521-Ն)

3. քաղվածքի 2-րդ աղյուսակը լրացվում է միայն այն դեպքում, եթե պայմանագրով նախատեսված է կանխավճարի տրամադրում,

4. քաղվածքի 1-ին և 2-րդ աղյուսակներում վճարման (մարման) ենթակա գումարները ներկայացվում են տարեսկզբից աճողական կարգով,

5. վեցամսյա, իննամսյա և տարեկան կտրվածքներով ներկայացվող տեղեկատվության համար 1-ին աղյուսակի 6-րդ և 10-րդ, 2-րդ աղյուսակի 5-րդ և 9-րդ սյունակներին անմիջապես հաջորդող սյունակների փոխարեն ավելացվում են համապատասխան քանակությամբ սյունակներ,

6. քաղվածքի 1-ին աղյուսակում ներկայացված հատկացումները ներառում են նաև համապատասխան ժամանակահատվածում (եռամսյակում, կիսամյակում կամ տարում) հատկացման (մարման) ենթակա ողջ գումարը` ներառյալ նաև 2-րդ աղյուսակում նշված կանխավճարի գումարները,

7. եթե պայմանագրով նախատեսվող գումարների ֆինանսավորումը նախատեսվում է իրականացնել`

ա) միայն բյուջետային միջոցների հաշվին, ապա նշվում է միայն տվյալ հիմնարկի գանձապետական բյուջետային հաշվի համարը (տիտղոսային մասի կետ 4), և լրացվում են 1-ին աղյուսակում` 1-ից 7-րդ, իսկ կանխավճարի նախատեսված լինելու դեպքում նաև 2-րդ աղյուսակի 1-ից 6-րդ սյունակները.

բ) արտաբյուջետային միջոցների հաշվին, ապա նշվում է միայն տվյալ հիմնարկի գանձապետական արտաբյուջետային հաշվի համարը (տիտղոսային մասի կետ 5), և լրացվում են 1-ին աղյուսակում` 1-ից 3-րդ և 8-ից 11-րդ, իսկ կանխավճարի նախատեսված լինելու դեպքում նաև 2-րդ աղյուսակի 1-ից 2-րդ և 7-ից 10-րդ սյունակները.

գ) միաժամանակ և բյուջետային և արտաբյուջետային միջոցների հաշվին, ապա նշվում է երկու հաշվեհամարները միաժամանակ (համապատասխանաբար տիտղոսային մասի կետ 4 և կետ 5), և 1-ին և 2-րդ աղյուսակներում լրացվում են բոլոր սյունակները,

8. քաղվածքի տիտղոսային մասի 9-րդ կետում լրացվում է պայմանագրի առարկայի կատարման և դրա դիմաց վճարումների իրականացման համար պայմանագրով սահմանված վերջնաժամկետը,

9. պատասխանատու ստորաբաժանման ղեկավարի ստորագրությունը դրվում է գնման պայմանագիր կնքելիս:

(հավելվածը խմբ. 17.03.04 N 246-Ն, լրաց. 03.06.04 N 521-Ն)