«Գրանցված է»

ՀՀ արդարադատության

նախարարության կողմից

13 օգոստոսի 2008 թ.

Պետական գրանցման թիվ 11808241

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՖԻՆԱՆՍՆԵՐԻ ՆԱԽԱՐԱՐ

30 հուլիսի 2008 թ. ք. Երևան

N 699-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐԻ 2007 ԹՎԱԿԱՆԻ ՀՈՒՆՎԱՐԻ 9-Ի N 5-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասը, «Հայաստանի Հանրապետության կառավարության կառուցվածքի մասին» Հայաստանի Հանրապետության օրենքի 1-ին և 2-րդ հոդվածները, Հայաստանի Հանրապետության Նախագահի 2008 թվականի ապրիլի 21-ի ՆՀ-85-Ն հրամանագրի 1-ին կետի 4-րդ ենթակետը և Հայաստանի Հանրապետության Նախագահի 2008 թվականի մայիսի 20-ի ՆՀ-121-Ն հրամանագրի 2-րդ կետը`

Հրամայում եմ`

Հայաստանի Հանրապետության ֆինանսների և էկոնոմիկայի նախարարի 2007 թվականի հունվարի 9-ի «Հայաստանի Հանրապետության բյուջետային ու հանրային հատվածի հաշվապահական հաշվառման դասակարգումները և դրանց կիրառման ցուցումները հաստատելու մասին» N 5-Ն հրամանի հավելված 23-ում կատարել հետևյալ փոփոխությունները և լրացումները.

1. բյուջետային ծախսերի գերատեսչական դասակարգման «Հայաստանի Հանրապետության նախարարություններ» ենթահատվածի «ՀՀ առևտրի և տնտեսական զարգացման նախարարություն» բառերը փոխարինել «ՀՀ էկոնոմիկայի նախարարություն» բառերով, «ՀՀ ֆինանսների և էկոնոմիկայի նախարարություն» բառերը` «ՀՀ ֆինանսների նախարարություն» բառերով, իսկ «ՀՀ էներգետիկայի նախարարություն» բառերը` «ՀՀ էներգետիկայի և բնական պաշարների նախարարություն» բառերով,

2. բյուջետային ծախսերի գերատեսչական դասակարգման «Հայաստանի Հանրապետության նախարարություններ» ենթահատվածի «ՀՀ սպորտի և երիտասարդության հարցերի նախարարություն 1 04 022» տողից հետո լրացնել նոր տող հետևյալ բովանդակությամբ.

1) «ՀՀ արտակարգ իրավիճակների նախարարություն 1 04 023»,

3. բյուջետային ծախսերի գերատեսչական դասակարգման «Հայաստանի Հանրապետության գերատեսչություններ» ենթահատվածի «Մարդու իրավունքների պաշտպանի աշխատակազմ 1 05 035» տողից հետո լրացնել նոր տողեր հետևյալ բովանդակությամբ`

1) «ՀՀ արտաքին գործերի նախարարության Սփյուռքի հետ կապերի պետական կոմիտե 1 05 036».

2) «ՀՀ կառավարությանն առընթեր միջուկային անվտանգության կարգավորման պետական կոմիտե 1 05 037»,

4. բյուջետային ծախսերի գերատեսչական դասակարգման «Հայաստանի Հանրապետության գերատեսչություններ» ենթահատվածի «ՀՀ տարածքային կառավարման նախարարության Հայաստանի փրկարար ծառայություն» բառերը փոխարինել` «ՀՀ արտակարգ իրավիճակների նախարարության Հայաստանի փրկարար ծառայություն» բառերով:

Նախարար

Տ. Դավթյան