«Գրանցված է»
ՀՀ արդարադատության
նախարարության կողմից
15 դեկտեմբերի 2005 թ.
Պետական գրանցման թիվ 11705468

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՔԱՂԱՔԱՇԻՆՈՒԹՅԱՆ ՆԱԽԱՐԱՐ

30 նոյեմբերի 2005 թ. ք. Երևան

N 224-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ՆԱԽԱՐԱՐԻ 2004 ԹՎԱԿԱՆԻ ՄԱՐՏԻ 26-Ի ԹԻՎ 29-Ն ՀՐԱՄԱՆՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

«Քաղաքաշինության մասին» ՀՀ օրենքի 10¹ հոդվածի և Հայաստանի Հանրապետության կառավարության 2003 թվականի փետրվարի 20-ի «Հայաստանի Հանրապետության քաղաքաշինության նախարարությանը քաղաքաշինության բնագավառում կառավարման պետական լիազորված մարմնի իրավասություն վերապահելու մասին» թիվ 156-Ն որոշման համաձայն

ՀՐԱՄԱՅՈՒՄ ԵՄ՝

Հայաստանի Հանրապետության քաղաքաշինության նախարարի 2004թ. մարտի 26-ի  «ՀՀՇՆ IV-12.03.01-04 «Գազաբաշխիչ համակարգեր» շինարարական նորմերը հաստատելու մասին» թիվ 29-Ն հրամանում կատարել հետևյալ լրացումները՝

հրամանով հաստատված ՀՀՇՆ IV-12.03.01-04  «Գազաբաշխիչ համակարգեր» շինարարական նորմերի.

1. 7.3 կետի առաջին նախադասության «մետաղական խողովակներից» բառերից հետո լրացնել «իսկ բնակարանի ներքին հատվածը՝ նաև ծալքավոր մետաղական ճկախողովակներից:» բառերը:

2. 7.3 կետում լրացնել նոր պարբերություն հետևյալ բովանդակությամբ.

«Մետաղական ծալքավոր ճկախողովակների և կցամասերի որակը պետք է համապատասխանի ՀՍՏ ԻՍՕ 10380 և ՀՍՏ ԻՍՕ 10806 միջազգային ստանդարտների պահանջներին»:

3. 7.4 կետի երկրորդ նախադասությունը լրացնել հետևյալ բառերով՝

«ինչպես նաև մետաղական ծալքավոր ճկախողովակների օգտագործման դեպքում՝ գազատարերի ճյուղավորման և գազասարքավորումների միացման տեղերում:»

4. ՀՀՇՆ IV-12.03.01-04  «Գազաբաշխիչ համակարգեր» շինարարական նորմերի պահանջների ապահովման  նպատակով կիրառված ստանդարտների ցանկը լրացնել հետևյալ տողերով՝

«ՀՍՏ ԻՍՕ 10380-2005	Խողովակաշարեր. Մետաղական ծալքավոր ճկախողովակներ և ճկախողովակային միացումներ
ՀՍՏ ԻՍՕ10806 -2005	Խողովակաշարեր. Մետաղական ծալքավոր  ճկախողովակների կցամասեր»:

Նախարար`

Ա. Հարությունյան