«Գրանցված է»

ՀՀ արդարադատության

նախարարության կողմից

13 փետրվարի 2002 թ.

Պետական գրանցման թիվ 10202028

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՐԴԱՐԱԴԱՏՈՒԹՅԱՆ ՆԱԽԱՐԱՐ

13 փետրվարի 2002 թ. ք. Երևան

N 66

Հ Ր Ա Մ Ա Ն

ՊԱՐՏԱՊԱՆԻՆ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՊԱՏԿԱՆՈՂ ԳՈՒՅՔԻ ԵՎ ԳՈՒՅՔԱՅԻՆ ԻՐԱՎՈՒՆՔՆԵՐԻ ԿԱԶՄԻ ԵՎ ՔԱՆԱԿԻ ՄԱՍԻՆ ՀԱՅՏԱՐԱՐԱԳՐԻ ՁԵՎԸ ԵՎ ՆԵՐԿԱՅԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Ի կատարումն «Դատական ակտերի հարկադիր կատարման մասին» Հայաստանի Հանրապետության օրենքի 30 հոդվածի 2-րդ մասի՝

Հրամայում եմ`

1. Հաստատել պարտապանին սեփականության իրավունքով պատկանող գույքի և գույքային իրավունքների կազմի և քանակի մասին հայտարարագրի ձևը և ներկայացման կարգը։

2. Հաստատել պարտապանին սեփականության իրավունքով պատկանող գույքի և գույքային իրավունքների կազմի և քանակի մասին հայտարարագրի լրացման կարգը։

Դ. Հարությունյան

Հաստատված է ՀՀ արդարադատության նախարարի 13 փետրվարի 2002 թ. N 66 հրամանով

Կ Ա Ր Գ

Պարտապանից սեփականության իրավունքով պատկանող գույքի եվ գույքային իրավունքների կազմի եվ քանակի մասին հայտարարագիր վերցնելու

1. Սույն կարգով սահմանվում է ՀՀ Արդարադատության նախարարության դատական ակտերի հարկադիր կատարումն ապահովող ծառայության հարկադիր կատարողի կողմից կատարողական վարույթ հարուցելուց հետո պարտապանից՝ նրան սեփականության իրավունքով պատկանող գույքի և գույքային իրավունքների կազմի և քանակի մասին հայտարարագիր վերցնելու կարգը։

2. Հարկադիր կատարողը կատարողական վարույթ հարուցելուց հետո տասն օրվա ընթացքում պարտապանից հայտարարագիր է վերցնում սեփականության իրավունքով իրեն պատկանող գույքի և գույքային իրավունքների մասին։

3. Պարտապան իրավաբանական անձից հարկադիր կատարողը հայտարարագիրը ընդունում է գործադիր տնօրենից (նախագահից) կամ այլ լիազորված անձից։ Վերջինս պարտավոր է հայտարարագրի հետ ներկայացնել նաև կազմակերպության գործունեության վերջին հաշվեկշիռը։

4. Հարկադիր կատարողը հայտարարագիր չի վերցնում՝

- ոչ գույքային բնույթի կատարողական վարույթներով,

- եթե պարտապանը մինչև հայտարարագիր տալը սույն կանոնակարգով սահմանված ժամկետում կամավոր կատարել է կատարողական թերթի պահանջը։

-մինչև 50.000 դրամի չափով գույքային բնույթի բռնագանձման վերաբերյալ կատարողական վարույթներով:

(4-րդ կետը լրաց. 03.05.06 N 76-Ն)

5. Հետախուզման մեջ գտնվող պարտապան ֆիզիկական կամ իրավաբանական անձանցից հարկադիր կատարողը հայտարարագիր վերցնում է նրանց հայտնաբերելուց երեք օրվա ընթացքում։

6. Հայցի ապահովման կատարողական վարույթներով պարտապանից հայտարարագիր ընդունելուց հետո, եթե նույն գործով դատարանը վճիռ է կայացրել և ԴԱՀԿ ծառայության նոր կատարողական թերթ է ստացվել, ապա պարտապանից հարկադիր կատարողը նոր հայտարարագիր չի վերցնում։

7. Հայտարարագիրը ստանալուց հետո, եթե պարզվի, որ հայտարարատուն սեփականության իրավունքով իրեն պատկանող գույքի և գույքային իրավունքների կազմի և քանակի մասին հայտարարագրում նշված տվյալները թաքցրել կամ խեղաթյուրել է, հարկադիր կատարողը նախապատրաստում է նյութեր և օրենքով սահմանված կարգով լուծում դրանց ընթացքը։

8. Պարտապանից հայտարարագիր ընդունել միայն սույն կանոնակարգն ուժի մեջ մտնելուց հետո հարուցված կատարողական վարույթներով։

Հաստատված է ՀՀ արդարադատության նախարարի 13 փետրվարի 2002 թ. N 66 հրամանով

Կ Ա Ր Գ

Կատարողական վարույթով պարտապան իրավաբանական կամ ֆիզիկական անձանց սեփականության իրավունքով պատկանող գույքի եվ գույքային իրավունքների մասին հայտարարագրի լրացման

1. Սույն կարգով սահմանվում է կատարողական վարույթով իրավաբանական կամ ֆիզիկական անձանց սեփականության (համասեփականության) իրավունքով պատկանող գույքի և գույքային իրավունքների մասին հայտարարագրի լրացման կարգը:

2. Հայտարարագրի ցուցանիշներն ամբողջական լրացված են համարվում, եթե.

ա) սահմանված բաժիններից յուրաքանչյուրում լրացված վերջին տողին հաջորդ չլրացված տողի կամ որևէ չլրացված բաժնի 1-ին տողի 2-րդ սյունակում դրված է գծիկ.

բ) հայտարարագրի բոլոր էջերի վերջում դրված է հայտարարատուի ստորագրությունը.

գ) հայտարարագրերում գրանցումները կատարված են գրիչով, իսկ կատարված ուղղումները վավերացված են հայտարարատուի ստորագրությամբ:

3. Հայտարարատուներին ընդհանուր բաժնային սեփականության իրավունքով պատկանող գույքը յուրաքանչյուր հայտարարատուի կողմից հայտարարագրում նշվում է իր բաժնեմասի չափով:

4. ՓԲԸ, ԲԲԸ, ՍՊԸ-ի (գործադիր տնօրեն, նախագահ) ղեկավար աշխատող հայտարարատուների կողմից հայտարարագիրը լրացվում է հետևյալ կարգով.

ա) «1. Հայտարարատուի անունը, ազգանունը, հայրանունը» տողում լրացվում է հայտարարատուի անունը, ազգանունը, հայրանունը (լրիվ).

բ) «2. Աշխատանքի վայրը, ղեկավար աշխատողի պաշտոնը» տողում լրացվում է հայտարարատուի աշխատանքի վայրի լրիվ անվանումը, հայտարարատուի զբաղեցրած պաշտոնը.

գ) «4. Հասցեն» տողում լրացվում է ՓԲԸ, ԲԲԸ, ՍՊԸ-ի գտնվելու վայրի հասցեն և հեռախոսահամարը:

5. «Շենքեր և շինություններ»  բաժինը լրացվում է հետևյալ կարգով.

ա) 2-րդ «Գտնվելու վայրը (հասցեն)» սյունակում լրացվում է հայտարարատուին պատկանող շենքերի և շինությունների գտնվելու վայրը (հասցեն).

բ) 3-րդ «Բնակելի, հասարակական, արտադրական, այլ» սյունակում լրացվում է 2-րդ սյունակի համապատասխան տողում նշված հայտարարատուին պատկանող շենքերի և շինությունների  բնակելի (մարդկանց բնակության համար նախատեսված՝ բնակելի և օժանդակ մասերից բաղկացած, կոմունալ հարմարություններով օժտված), հասարակական (բնակչության սոցիալական սպասարկման, ինչպես նաև վարչական ու հասարակական կազմակերպությունների տեղակայման համար նախատեսված) և արտադրական (արդյունաբերական, գյուղատնտեսական և տնտեսության մյուս ճյուղերի արտադրությունների տեղակայման և դրանց մեջ տեխնոլոգիական սարքավորումների շահագործման համար անհրաժեշտ պայմաններն ապահովող (կամ այլ) լինելը.

գ) 4-րդ՝ «Գույքի նկատմամբ իրավունքը» սյունակում լրացվում է 2-րդ սյունակի համապատասխան տողում նշված, հայտարարատուին պատկանող շենքի և շինության նկատմամբ իրավունքը՝ միանձնյա սեփականության, ընդհանուր համատեղ սեփականության, ընդհանուր բաժնային սեփականության: Ընդ որում, ընդհանուր համատեղ սեփականության դեպքում նշվում է նաև համասեփականատերերի թիվը.

դ) 5-րդ «չափը (քմ)» սյունակում լրացվում է 2-րդ սյունակի համապատասխան տողում նշված, հայտարարատուին պատկանող շենքի և շինության տարածքը՝ քառակուսի մետրերով:

6. «Հողամասեր» բաժինը  լրացվում է հետևյալ կարգով՝

ա) 2-րդ «Գտնվելու վայրը (հասցեն)» սյունակում լրացվում է հայտարարատուին պատկանող յուրաքանչյուր հողամասի գտնվելու վայրը (հասցեն)՝ առանձին-առանձին.

բ) 3-րդ «Հողամասի տեսակը» սյունակում լրացվում է 2-րդ սյունակի համապատասխան տողում նշված, հայտարարատուին պատկանող հողամասի տեսակը (տնամերձ, գյուղատնտեսական, ոչ գյուղատնտեսական).

գ) 4-րդ «Գույքի նկատմամբ իրավունքը» սյունակում լրացվում է 2-րդ սյունակի համապատասխան տողում նշված, հայտարարատուին պատկանող հողամասի նկատմամբ իրավունքը՝ միանձնյա սեփականության, ընդհանուր համատեղ սեփականության, ընդհանուր բաժնային սեփականության, անհատույց օգտագործման կամ վարձակալության: Ընդ որում, ընդհանուր համատեղ սեփականության դեպքում նշվում է նաև համասեփականատերերի թիվը.

դ) 5-րդ՝ «Չափը (հա)» սյունակում լրացվում է 2-րդ սյունակի համապատասխան տողում նշված, հայտարարատուին պատկանող հողամասի չափը հեկտարով:

7. «Այլ անշարժ գույք» բաժինը լրացվում է հետևյալ կարգով՝

ա) 2-րդ «Գտնվելու վայրը (հասցեն)» սյունակում լրացվում է հայտարարատուին պատկանող յուրաքանչյուր այլ անշարժ գույքի գտնվելու վայրը (հասցեն)՝ առանձին-առանձին.

բ) 3-րդ՝ «Անվանումը» սյունակում լրացվում է 2-րդ սյունակի համապատասխան տողում նշված, հայտարարատուին պատկանող այլ անշարժ գույքի անվանումը՝ բացառությամբ 1-ին և 2-րդ բաժիններում նշվածների.

գ) 4-րդ «Գույքի նկատմամբ իրավունքը» սյունակում լրացվում է 2-րդ սյունակի համապատասխան տողում նշված, հայտարարատուին պատկանող այլ անշարժ գույքի նկատմամբ իրավունքը՝ միանձնյա սեփականության, ընդհանուր համատեղ սեփականության, ընդհանուր բաժնային սեփականության: Ընդ որում, ընդհանուր համատեղ սեփականության դեպքում նշվում է նաև համասեփականատերերի թիվը.

դ) 5-րդ՝ «Չափը (հա)» սյունակում լրացվում է 2-րդ սյունակի համապատասխան տողում նշված, հայտարարատուին պատկանող այլ անշարժ գույքը՝ չափման համապատասխան միավորներով:

8. «Փոխադրամիջոցներ» բաժինը լրացվում է հետևյալ կարգով՝

ա) 2-րդ «Անվանումը և մակնիշը» սյունակում լրացվում է հայտարարատուին պատկանող փոխադրամիջոցի (ավտոմոբիլային տրանսպորտի միջոց, անվավոր, թրթուրավոր, ինքնագնաց մեքենաներ կամ մեխանիզմներ, օդային և ջրային փոխադրամիջոցներ) լրիվ անվանումը և մակնիշը.

բ) 3-րդ «Թողարկման տարեթիվը» սյունակում լրացվում է 2-րդ սյունակի համապատասխան տողում նշված, հայտարարատուին պատկանող փոխադրամիջոցի թողարկման (արտադրության) տարեթիվը.

գ) 4-րդ «Գույքի նկատմամբ իրավունքը» սյունակում լրացվում է 2-րդ սյունակի համապատասխան տողում նշված, հայտարարատուին պատկանող փոխադրամիջոցի նկատմամբ իրավունքը՝ միանձնյա սեփականության, ընդհանուր համատեղ սեփականության, ընդհանուր բաժնային սեփականության, անհատույց օգտագործման կամ վարձակալության: Ընդ որում, ընդհանուր համատեղ սեփականության դեպքում նշվում է նաև համասեփականատերերի թիվը:

9. «Պարտատոմսեր, բաժնետոմսեր, այլ ներդրումներ» բաժինը լրացվում է հետևյալ կարգով՝

ա) 3-րդ «Կազմակերպությունը» սյունակում լրացվում է հայտարարատուին պատկանող պարտատոմսը, բաժնետոմսը, արժեթուղթը (բանկային վկայագիրը) թողարկողի լրիվ անվանումը, կամ կազմակերպությունը, որի կանոնադրական  (բաժնեհավաք) կապիտալում ներդրում է կատարել հայտարարատուն.

բ) 4-րդ «Տեսակը» սյունակում  լրացվում է 2-րդ սյունակի համապատասխան տողում նշված, հայտարարատուին պատկանող՝

- պարտատոմսի տեսակը՝ պարտատոմս ըստ ներկայացնողի կամ պարտատոմս անվանական, կամ  պարտատոմս գրավով ապահովված, պարտատոմս երաշխավորությամբ ապահովված, կամ պարտատոմս առանց ապահովման, կամ այլ բաժնետոմս,

- բաժնետոմսի տեսակը՝ բաժնետոմս ըստ ներկայացնողի կամ բաժնետոմս անվանական, կամ բաժնետոմս ազատ շրջանառու, կամ բաժնետոմս սահմանափակ շրջանառու, կամ բաժնետոմս  հասարակ, կամ բաժնետոմս արտոնյալ, կամ այլ բաժնետոմս,

- այլ արժեթուղթ,

-այլ ներդրում կանոնադրական կապիտալում կամ բաժնեհավաք կապիտալում.

գ) «Անվանական արժեք» սյունակում լրացվում է 2-րդ սյունակի համապատասխան տողում նշված հայտարարատուին պատկանող պարտատոմսի, բաժնետոմսի, այլ արժեթղթի մեկ հատի անվանական արժեքը՝ Հայաստանի Հանրապետության դրամով կամ արտարժույթով:

Անվանական արժեք չունեցող արժեթղթերի դեպքում 5-րդ սյունակում դրվում է «-» նշանը:

10. «Չեկեր, մուրհակներ»  բաժինը լրացվում է հետևյալ կարգով՝

ա) 3-րդ «Տեսակը» սյունակում  լրացվում է 2-րդ սյունակի համապատասխան տողում նշված, հայտարարատուին պատկանող՝ չեկի տեսակը՝ չեկ անվանական կամ չեկ օրդերային, կամ չեկ ըստ ներկայացնողի, կամ այլ չեկ, մուրհակի տեսակը՝ մուրհակ հասարակ կամ մուրհակ փոխանցելի (վճարագիր).

բ) 4-րդ «Արժեքը» սյունակում լրացվում է 2-րդ սյունակի համապատասխան տողում նշված, հայտարարատուին պատկանող չեկում կամ մուրհակում նշված գումարը՝ Հայաստանի Հանրապետության դրամով կամ արտարժույթով:

11. «Մշակութային արժեքներ և հնաոճ իրեր» բաժինը լրացվում է հետևյալ կարգով՝

ա) 2-րդ «Արժեքի անվանումը» սյունակում լրացվում է 2-րդ սյունակի համապատասխան տողում նշված, հայտարարատուին պատկանող մշակութային արժեքների և հնաոճ իրերի անվանումը՝ առանձին-առանձին:

բ) 3-րդ «Ստեղծման ժամանակաշրջանը» սյունակում 2-րդ սյունակի համապատասխան տողում նշված, հայտարարատուին պատկանող մշակութային արժեքներից և հնաոճ իրերից յուրաքանչյուրի ստեղծման ժամանակաշրջանը կամ դարը, կամ տարեթիվը.

գ) 5-րդ «Ծանոթություն» սյունակում լրացվում է 2-րդ սյունակի համապատասխան տողում նշված, հայտարարատուին պատկանող մշակութային արժեքներից և հնաոճ իրերից յուրաքանչյուրի հեղինակի անունը, ազգանունը (կեղծանունը):

12. «Դրամական միջոցներ» բաժինը լրացվում է հետևյալ կարգով՝

«Դրամական միջոցներ» սյունակում լրացվում են հայտարարատուին պատկանող դրամական միջոցները (Հայաստանի Հանրապետության դրամը կամ արտարժույթը)՝ առանձին տողերով (թվերով կամ բառերով):

13. «Տնային կենդանիներ» բաժինը լրացվում է հետևյալ կարգով՝

«Տեսակներ» սյունակում լրացվում են տնային կենդանիների տեսակների անվանումը.

ա) խոշոր եղջերավոր անասուններ (կովեր, եզներ, գոմեշներ, մոզիներ, հորթեր, ձիեր):

բ) մանր եղջերավոր անասուններ (ոչխարներ, այծեր).

գ) այլ տնային կենդանիներ, խոզեր, խոճկորներ, թռչուններ.

դ) «Քանակը» սյունակում լրացվում է 2-րդ սյունակի համապատասխան տողում նշված տնային կենդանիների քանակը.

ե) «Ծանոթություն» սյունակում լրացվում է 2-րդ սյունակում նշված կենդանիների տարիքը, մոտավոր քաշը և արժեքը:

14. «Գյուղմթերքներ» բաժինը լրացվում է հետևյալ կարգով.

ա) «Անվանումը» բաժնում լրացվում է գյուղմթերքների անվանումը (տեսակը) ցորեն, գարի, ծիրան, կարտոֆիլ և այլն).

բ) «Չափի միավորը» սյունակի համապատասխան տողում նշվում է համապատասխան տեսակի գյուղմթերքի քանակը (կգ, տոննա):

15. «Աշխատավարձ, նպաստներ, կենսաթոշակներ, կրթաթոշակներ» բաժինը լրացվում է հետևյալ կարգով՝

ա) «Տեսակը» սյունակում լրացվում է հայտարարատուի յուրաքանչյուր ամիս ստացվող դրամական փոխհատուցման տեսակը (աշխատավարձ, նպաստ, կենսաթոշակ, կրթաթոշակ):

բ) «Գումարի չափը» սյունակում լրացվում է 2-րդ սյունակի համապատասխան տողում նշված դրամական փոխհատուցման տեսակի չափը:

16. «Վերջին վեց ամիսների ընթացքում օտարված անշարժ գույք և տրանսպորտային միջոցներ» բաժինը լրացվում է հետևյալ կարգով.

ա) 2-րդ «գտնվելու վայրը» սյունակում լրացվում է վերջին վեց ամիսների ընթացքում հայտարարատուի կողմից օտարված անշարժ գույքի գտնվելու վայրը.

բ) 3-րդ «բնակելի (հասարակական, արտադրական և այլ) հողամաս, տրանսպորտի տեսակը» սյունակում լրացվում է 2-րդ սյունակի համապատասխան տողում նշված օտարված անշարժ գույքի տեսակը, տրանսպորտային միջոցի մակնիշը.

գ) 4-րդ «երբ է վաճառվել, տարին, ամիսը, գնորդի անուն, ազգանուն, բնակության կամ հաշվառման վայրը» սյունակում լրացվում է անշարժ գույքի, տրանսպորտային միջոցի օտարման օրը, գնորդի անունը, ազգանունը, բնակության կամ հաշվառման վայրը առանձին-առանձին.

դ) 5-րդ «վաճառքի գինը» սյունակում լրացվում է օտարված անշարժ գույքի, տրանսպորտային միջոցի վաճառքի գինը (ՀՀ դրամով կամ արտարժույթով):

(16-րդ կետը լրաց. 03.05.06 N 76-Ն)

Ծանոթություն.

- Եթե ամուսինները գույքը ձեռք են բերել համատեղ ամուսնական կյանքի ընթացքում, ապա հայտարարագրում «Ծանոթություն» սյունակում կատարել համապատասխան նշումներ:

- Եթե հայտարարագրի բաժիններից որևէ մեկի տողերի թիվը բավարար չէ հայտարարագրման ենթակա բոլոր տեղեկությունները լրացնելու համար, ապա դրանք լրացվում են այդ բաժինն ընդգրկող նույնօրինակ (պատճենված) ձևաթղթերի վրա:

- «Ծանոթություն» հատվածում  նշվում են սույն հայտարարագրի լրացման ժամանակ նախորդ էջերում չտեղավորված կամ բաց թողնված մանրամասները, ինչպես նաև հայտարարատուի հայեցողությամբ լրացուցիչ բացատրության կարիք ունեցող տեղեկատվությունը:

Հաստատված է ՀՀ արդարադատության նախարարի 13 փետրվարի 2002 թ. N 66 հրամանով

Հ Ա Յ Տ Ա Ր Ա Ր Ա Գ Ի Ր

Պարտապանին սեփականության իրավունքով պատկանող գույքի եվ գույքային իրավունքների, կազմի եվ քանակի մասին

ՀՀ Արդարադատության նախարարության ԴԱՀԿ __________________ մարզային ստորաբաժանման ___________________________ բաժանմունքի հարկադիր կատարող՝______________________________ղեկավարվելով անուն, ազգանուն «Դատական ակտերի հարկադիր կատարման մասին» Հայաստանի Հանրապետության օրենքի 30 հոդվածի 2-րդ մասով N __________ կատարողական վարույթով՝ վերցրեցի հայտարարագիր պարտապան՝ _______________________________________________________ -ից անուն, ազգանուն, հասցեն (անձնագրի սերիան և համարը), (իրավաբանական անձի անվանումը, գտնվելու վայրը (հասցեն), հայտարարագիր տվողի անունը, ազգանունը և պաշտոնը)   սեփականության իրավունքով նրան պատկանող գույքի, գույքային իրավունքների կազմի և քանակի մասին.

ՏՎՅԱԼՆԵՐ ՀԱՅՏԱՐԱՐԱԳՐՄԱՆ ԵՆԹԱԿԱ ԳՈՒՅՔԻ ՎԵՐԱԲԵՐՅԱԼ
1. Շենքեր և շինություններ
ը/կ NN	Գտնվելու վայրը (հասցեն)	Բնակելի (հասարակական, արտադրական, այլ)	Գույքի նկատմամբ իրավունքը	Չափը (քմ)
1	2	3	4	5
1.
2.
3.
2. Հողամասեր
NN ը/կ	Գտնվելու վայրը (հասցեն)	Հողամասի տեսակը	Գույքի նկատմամբ իրավունքը	Չափը (հա)
1	2	3	4	5
1.
2.
3.
4.
3. Այլ անշարժ գույք
NN ը/կ	Գտնվելու վայրը (հասցեն)	Անվանումը	Գույքի նկատմամբ իրավունքը	Չափը
1	2	3	4	5
1.
2.
3.
4.
4. Փոխադրամիջոցներ
NN ը/կ	Անվանումը և մակնիշը	Թողարկման տարեթիվը	Գույքի նկատմամբ իրավունքը	ծանոթություն
1	2	3	4	5
1.
2.
3.
4.
5. Պարտատոմսեր, բաժնետոմսեր, այլ ներդրումներ
NN ը/կ	Կազմակերպության անվանումը	Տեսակը	Անվանական արժեքը	ծանոթություն
1	2	3	4	5
1.
2.
3.
4.
6. Չեկեր, մուրհակներ
NN ը/կ	Չեկեր, մուրհակը տրամադրողը	Տեսակը	Արժեքը	ծանոթություն
1	2	3	4	5
1.
2.
3.
4.
7. Մշակութային արժեքներ և հնաոճ իրեր
NN ը/կ	Արժեքի անվանումը	Ստեղծման ժամանակաշրջանը	քանակը	ծանոթություն
1	2	3	4	5
1.
2.
3.
4.
8. Դրամական միջոցներ
NN ը/կ	ՀՀ դրամ	Արտարժույթ	Գումարի չափը	ծանոթություն
1	2	3	4	5
1.
2.
3.
4.
9. Տնային կենդանիներ
NN ը/կ	Տեսակներ	Քանակը	ծանոթություն
1	2	3	4	5
1.
2.
3.
4.
10. Գյուղմթերքներ
NN ը/կ	Անվանումը	Չափի միավորը (կգ, տոննա)	ծանոթություն
1	2	3	4	5
1.
2.
3.
4.
11. Աշխատավարձ, նպաստներ, կրթաթոշակներ, կենսաթոշակներ
NN ը/կ	Տեսակը	Գումարի չափը	ծանոթություն
1	2	3	4	5
1.
2.
3.
4.
12. Վերջին վեց ամիսների ընթացքում օտարված անշարժ գույք և տրանսպորտային միջոցներ
NN ը/կ	Գտնվելու վայրը	Բնակելի (հասարակական, արտադրական և այլ) հողամաս, տրանսպորտի տեսակը	Երբ է վաճառել, տարին, ամիսը, գնորդի անուն, ազգանուն, բնակության կամ հաշվառման վայրը	Վաճառքի գինը
1	2	3	4	5
1.
2.
3.
4.

Պարտապան՝ ___________________________________________ անունը, ազգանունը, ստորագրությունը   Հարկադիր կատարող՝ _____________________________________ հարկադիր կատարողի ազգանունը, ստորագրությունը   ______” ____________ 200   թ.

Իրավաբանական անձը ներկայացնում է վերջին հաշվեկշիռը և գույքացուցակը՝ ստորագրված և հաստատված կլոր կնիքով:

Ծանոթություն.

Պարտապանի կողմից՝ սեփականության իրավունքով իրեն պատկանող գույքի և գույքային իրավունքների կազմի ու քանակի մասին հայտարարագրում տվյալներ թաքցնելը կամ խեղաթյուրելը կամ հայտարարագիր ներկայացնելուց չարամտորեն խուսափելն առաջացնում է պատասխանատվություն՝ օրենքով սահմանված կարգով:

Ծանոթացա պարտապան՝ ______________________________ ստորագրություն, անուն, ազգանուն   _______” ______________ 200   թ.

(հայտարարագիրը լրաց. 03.05.06 N 76-Ն)