«Գրանցված է»
ՀՀ արդարադատության
նախարարության կողմից
14 սեպտեմբերի 2005 թ.
Պետական գրանցման թիվ 05005369

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ	ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԱՌԱՎԱՐՈՒԹՅԱՆՆ ԱՌԸՆԹԵՐ ՈՍՏԻԿԱՆՈՒԹՅԱՆ ՊԵՏ	ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

19 օգոստոսի 2005 թ. թիվ 7-Ն

29 հուլիսի 2005 թ. թիվ 390-Ն

Հ Ա Մ Ա Տ Ե Ղ  Ո Ր Ո Շ ՈՒ Մ

ԻՆԿԱՍԱՑԻՈՆ ԿԱԶՄԱԿԵՐՊՈՒԹՅՈՒՆՆԵՐԻ ԿՈՂՄԻՑ ԱՅԼ ԱՐԺԵՔՆԵՐԻ ԸՆԴՈՒՆՄԱՆ ԵՎ ՀԱՆՁՆՄԱՆ ԿԱՐԳԸ ԵՎ ՊԱՅՄԱՆՆԵՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Ինկասացիայի մասին» Հայաստանի Հանրապետության օրենքի 8-րդ հոդվածի 2-րդ մասը` որոշում ենք.

1. Հաստատել «Ինկասացիոն կազմակերպությունների կողմից այլ արժեքների ընդունման և հանձնման կարգը և պայմանները»` համաձայն հավելված 1-ի (կցվում է):

2. Սույն որոշումն ուժի մեջ է մտնում հրապարակմանը հաջորդող տասներորդ օրվանից:

ՀՀ կառավարությանն առընթեր ոստիկանության պետ, ոստիկանության գեներալ-լեյտենանտ`	ՀՀ կենտրոնական բանկի նախագահ
Հ. Հարությունյան	Տ. Սարգսյան
2005 թ. օգոստոսի 19 Երևան	2005 թ. օգոստոսի 8 Երևան

	Հավելված 1
Հաստատված է Հայաստանի Հանրապետության կառավարությանն առընթեր ոստիկանության պետ, ոստիկանության գեներալ-լեյտենանտ` _____________________ Հ. Հարությունյան	Հաստատված է Հայաստանի Հանրապետության կենտրոնական բանկի խորհրդի 2005 թ. հուլիսի 7-ի թիվ 390-Ն որոշմամբ նախագահ` ______________________Տ. Սարգսյան
19 օգոստոսի 2005 թ. Երևան	8 օգոստոսի 2005 թ. Երևան

Կ Ա Ր Գ  ԵՎ  Պ Ա Յ Մ Ա Ն Ն Ե Ր

ԻՆԿԱՍԱՑԻՈՆ ԿԱԶՄԱԿԵՐՊՈՒԹՅՈՒՆՆԵՐԻ ԿՈՂՄԻՑ ԱՅԼ ԱՐԺԵՔՆԵՐԻ ԸՆԴՈՒՆՄԱՆ ԵՎ ՀԱՆՁՆՄԱՆ

Գ Լ ՈՒ Խ  1

ԸՆԴՀԱՆՈՒՐ ԴՐՈՒՅԹՆԵՐ

Սույն իրավական ակտով սահմանվում է ինկասացիոն կազմակերպությունների կողմից այլ արժեքների ընդունման և հանձնման կարգը և պայմանները, այդ արժեքների ընդունման և հանձնման ժամանակ կողմերի գործունեության իրավական կարգավորումը, ինկասացիոն կազմակերպությունների աշխատակիցների (այսուհետև` ինկասատոր) պատասխանատվությամբ պահպանված այլ արժեքների հանձնման հետ կապված իրավահարաբերությունները:

Գ Լ ՈՒ Խ  2

ԻՆԿԱՍԱՑԻՈՆ ԿԱԶՄԱԿԵՐՊՈՒԹՅԱՆ ԿՈՂՄԻՑ ԱՅԼ ԱՐԺԵՔՆԵՐԻ ԸՆԴՈՒՆՄԱՆ ԵՎ ՀԱՆՁՆՄԱՆ ԿԱՐԳԸ ԵՎ ՊԱՅՄԱՆՆԵՐԸ

1. Ինկասացիոն կազմակերպության կողմից այլ արժեքների ընդունումն ու հանձնումը իրականացվում է պատվիրատուի, բանկի կամ վարկային կազմակերպության և ինկասացիոն կազմակերպության միջև կնքված պայմանագրի հիման վրա և սույն կարգի համաձայն:

2. Արժեթղթերը կամ վճարահաշվարկային փաստաթղթերը ինկասացիոն կազմակերպության միջոցով փոխադրելու համար բանկում կամ վարկային կազմակերպությունում լրացվում է առաքվող արժեքների ցուցակ (ձև 1): Ցուցակը արժեթղթերի կամ վճարահաշվարկային փաստաթղթերի հետ միասին նախապես դրվում է պայուսակի (պարկի կամ հատուկ փակ արկղի) մեջ և կնքվում բանկի կամ վարկային կազմակերպության կնիքով: Պայուսակը (պարկը կամ հատուկ փակ արկղը) ինկասատորին է հանձնվում փակ և կնքված վիճակում:

3. Բանկում կամ վարկային կազմակերպությունում արժեթղթերով կամ վճարահաշվարկային փաստաթղթերով պայուսակը (պարկը կամ հատուկ փակ արկղը) ինկասատորից ընդունվում է փակ և կնքված վիճակում` ստուգելով պայուսակի և կնիքի անվնաս լինելն ու ամբողջականությունը:

Պայուսակի (պարկի կամ հատուկ փակ արկղի) կամ դրանց կնիքների վնասված լինելու, կամ արժեթղթերի կամ վճարահաշվարկային փաստաթղթերի և առաքվող արժեքների ցուցակի անհամապատասխանության դեպքում կազմվում է ակտ` թվարկված դեպքից յուրաքանչյուրի համար առանձին, որը ստորագրվում է արժեքներն ընդունող բանկի կամ վարկային կազմակերպության պատասխանատու անձանց և ինկասատորների կողմից:

Այլ արժեքների փոխադրման ընթացքում հայտնաբերված անհամապատասխանության դեպքում կողմերի հարաբերությունները կարգավորվում են պատվիրատուի, բանկի կամ վարկային կազմակերպության և ինկասացիոն կազմակերպության միջև կնքված պայմանագրով, իսկ դրանով կարգավորված չլինելու դեպքում` Հայաստանի Հանրապետության օրենսդրությամբ սահմանված կարգով:

4. Ինկասացիոն կազմակերպության կողմից հաճախորդներից այլ արժեքների ընդունումը և հանձնումը իրականացվում է բանկի կամ վարկային կազմակերպության, հաճախորդի և ինկասացիոն կազմակերպության միջև կնքված եռակողմ պայմանագրի հիման վրա, սույն կարգի 2.3 կետերի դրույթներին համապատասխան:

5. Ինկասացիոն կազմակերպության միջոցով բանկի կամ վարկային կազմակերպության այլ գույքի ընդունումն ու հանձնումը (բացառությամբ ի պահ ընդունած կամ գրավ վերցված թանկարժեք մետաղների, քարերի, ոսկերչական իրերի, սարքավորումների, դրանց պահեստամասերի) իրականացվում է սովորական բեռների ընդունման և հանձնման համար սահմանված ձևով:

Ի պահ ընդունած կամ գրավ վերցված թանկարժեք մետաղների, քարերի, ոսկերչական իրերի, սարքավորումների, դրանց պահեստամասերի ընդունումն ու հանձնումը իրականացվում են սույն կարգի 2-3 կետերի դրույթներին համապատասխան:

Գ Լ ՈՒ Խ  3

ԻՆԿԱՍԱՏՈՐՆԵՐԻ ՊԱՏԱՍԽԱՆԱՏՎՈՒԹՅԱՄԲ ՊԱՀՊԱՆՎԱԾ ԱՅԼ ԱՐԺԵՔՆԵՐԻ ՀԱՆՁՆՈՒՄԸ

6. Բանկում կամ վարկային կազմակերպությունում, կամ հաճախորդի մոտ սահմանված աշխատանքային օրվա ավարտից հետո ինկասացիոն կազմակերպության կողմից ընդունված այլ արժեքները կարող են պահպանվել ինկասատորների պատասխանատվությամբ:

7. Ինկասատորների պատասխանատվությամբ պահպանված այլ արժեքները հաջորդ աշխատանքային օրը հանձնվում են բանկին կամ վարկային կազմակերպությանը կամ հաճախորդին` սույն կարգով սահմանված կարգով:

Ձև 1

Առաքվող արժեքների ցուցակ

 ___ ______________ 20   թ.

Առաքող կազմակերպությունը	______________________________ (կազմակերպության անվանումը)
Ստացող կազմակերպությունը	______________________________ (կազմակերպության անվանումը)
Ինկասացիոն կազմակերպությունը	______________________________ (անվանումը)

Առաքում ենք արժեքներ (նշել արժեքները, ելնելով դրանց բնութագրող չափանիշներից)

__________________________________________________ (ինկասատորի անունը, ազգանունը)

միջոցով:

Պարկը կնքված է թիվ ____ կնիքով

Արժեքների ընդունման-հանձնման համար

պատասխանատու աշխատակից (ներ)`

Ինկասատոր (ներ)`

Դրոշմակնիքի տեղը`

Ս Տ Ա Ց Ա Գ Ի Ր

___ ________ 20  թ. ցուցակում նշված արժեքները (նշել արժեքները ըստ տեսակների), որոնք առաքվել են ինկասատորի (անունը, ազգանունը) միջոցով, ստացանք:

Արժեքների ընդունումը կատարվել է` ստուգելով __________________________________

_____________________________________________________________________

_____________________________________________________________________

Արժեքների ընդունման-հանձնման համար

պատասխանատու աշխատակից (ներ)`

Արժեքները հանձնեցին

Ինկասատոր (ներ)`