ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌԵՎՏՐԻ, ՍՊԱՍԱՐԿՈՒՄՆԵՐԻ ԵՎ ԶԲՈՍԱՇՐՋԻԿՈՒԹՅԱՆ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն

27 մարտի 1996 թ. N 93

ՀՀ ՆԱԽԿԻՆ ԱՌԵՎՏՐԻ ՆԱԽԱՐԱՐՈՒԹՅԱՆ 12.06.1995 Թ. N 85 ՀՐԱՄԱՆՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հաշվի առնելով ՀՀ էկոնոմիկայի նախարարության համաձայնությունը (07.12.1995 թ. N ՀՀ 18 ձդ-410 գրությունը, կցվում է), և ի լրումն ՀՀ նախկին առևտրի նախարարության 12.06.1995 թ. «Հացի և հացաբուլկեղենի մանրածախ առևտրի կանոնները հաստատելու մասին» N 85 հրամանի 6-րդ կետի հրամայում եմ՝

1. ՀՀ նախկին առևտրի նախարարության 12.06.1995 թ. «Հացի և հացաբուլկեղենի մանրածախ առևտրի կանոնները հաստատելու մասին» N 85 հրամանի 6-րդ կետում կատարել հետևյալ լրացումը.

«Կոնցենտրատների» բառից հետո ավելացնել «ալկոհոլային խմիչքներ» բառերը։

2. Ուժը կորցրած ճանաչել ՀՀ նախկին առևտրի նախարարության 12 հունիսի 1995 թ. N 85 հրամանով հաստատված «Հացի և հացաբուլկեղենի մանրածախ առևտրի կանոնների» 6-րդ կետը.

3. «Հացի և հացաբուլկեղենի մանրածախ առևտրի կանոնները»՝ 6-րդ կետի նոր խմբագրությամբ ուղարկել ՀՀ արդարադատության նախարարու­թյուն պետական գրանցման համար.

4. «Հացի և հացաբուլկեղենի մանրածախ առևտրի կանոնների» 6-րդ կետը ուժի մեջ է մտնում ՀՀ արդարադատության նախարարությունում գրանց­վելու պահից։

Նախարար

Վ. Մելքոնյան

 

Հաստատված է  ՀՀ նախկին առևտրի նախարարության 1995 թ. հունիսի 12-ի N 85 հրամանով Կանոնների 6-րդ կետի լրացումը կատարված է ՀՀ առևտրի, սպասարկումների և զբոսաշրջիկության նախարարության 1996 թ. մարտի 27-ի N 93 հրամանով

Գրանցված է Հայաստանի Հանրապետության արդարադատության նախարարության կողմից 29 ապրիլի 1996 թ.: Գրանցման N 04960020

ՀԱՑԻ ԵՎ ՀԱՑԱԲՈՒԼԿԵՂԵՆԻ ՄԱՆՐԱԾԱԽ ԱՌԵՎՏՐԻ ԿԱՆՈՆՆԵՐԸ

1. Հացի և հացաբուլկեղենի մանրածախ վաճառքը կարգավորվում է Հայաստանի Հանրապետության կառավարության 19.05.95 թ. «Մանրածախ առևտրի հիմնական կանոնները հաստատելու մասին» N 272 որոշմամբ և սույն կանոններով։

2. Հացի և հացաբուլկեղենի մանրածախ վաճառքը կատարվում է հացի և հացաբուլկեղենի մասնագիտացված խանութներում, պարենային ապրանք­ների խանութներում, ոչ պարենային ապրանքների խանութների առանձնացված բաժիններում, տաղավարներում, կրպակներում, ավտոմեքենա-խանութներում։

3. Աշխատանքային ռեժիմով սահմանված ժամերին հացի և հացաբուլ­կեղենի մանրածախ վաճառք իրականացնող մասնագիտացված խանութներում, ըստ մատակարարման գրաֆիկի, պետք է լինի հացի որոշակի տեսականի՝ համաձայն խանութի ու մատակարարի միջև կնքված պայմանագրի։

4. Հացը և հացաբուլկեղենը խանութներում վաճառքում կարող են գտնվել թխվելու պահից սկսած ոչ ավելի՝

36 ժամ — տարեկանի և ցորեն-տարեկանի թեփահան և կեղևահան ալ­յուրից, ինչպես նաև ցորենի և տարեկանի տեսակավորված ալյուրի խառնուրդից հացը.

24 ժամ — ցորեն-տարեկան և ցորենի թեփահան ալյուրից հացը, ցորեն -տարեկանի մաղած տեսակավորված ալյուրից 200 գրամից ավելի քաշով հացը և հացաբուլկեղենը.

16 ժամ — 200 գրամ և պակաս քաշով մանր-հատային արտադրանքը։

5. Հացի և հացաբուլկեղենի ընդունման ժամանակ վաճառողը պարտա­վոր է ստուգել լիցենզիայի առկայությունը, արտադրանքի որակը ըստ օրգանոլեպտիկ ցուցանիշների, յուրաքանչյուր արտադրանքի քաշի համապա­տասխանությունը գործող ստանդարտներին։

6. Հացի և հացաբուլկեղենի խանութներում բացի հացից, հացաբուլկե­ղենից և շաքարային ու ջրային հրուշակեղենից կարելի է կատարել նաև շաքարի, թեյի, սուրճի, կակաոյի, ալյուրի, ձավարեղենի, մակարոնեղենի, ման­կական սննդի, սննդային կոնցենտրատների, ոչ ոգելից և ալկոհոլային խմիչքների, իսկ սրճարանային բաժին ունեցող խանութներում նաև տաք ըմպելիքների վաճառք։

7. Ինքնասպասարկման կարգով հացի և հացաբուլկեղենի մանրածախ վաճառք իրականացնող խանութներում հացը և հացաբուլկեղենը ընտրելու համար պետք է լինեն բռնիչներ, թիակներ, երկուական հատից ոչ պակաս` հացի և հացաբուլկեղենի ցուցադրման սարքավորման յուրաքանչյուր գծա­մետրի հաշվով։

8. Գնորդների ցանկությամբ 0,4 կգ և ավելի հաստատուն քաշ ունեցող (բացի փաթեթավորված արտադրանքից) հացը և հացաբուլկեղենը թույլատրվում է կտրատել 2-4 հավասար մասերի և վաճառել առանց կշռելու։

9. Անորակ հացի և հացաբուլկեղենի վաճառքի հայտնաբերման դեպքում խանութների աշխատողները պարտավոր են գնորդի պահանջով փոխել այն կամ վերադարձնել դրամը։ Գնորդի կողմից վերադարձված անորակ հացը և հացաբուլկեղենը համարվում են սանիտարական խոտան, հանվում են վա­ճառքից և վերադարձման դեպքում կազմվում է համապատասխան ակտ։

10. Հացի և հացաբուլկեղենի խանութներում հացի և հացաբուլկեղենի պաշարները պետք է պահվեն մաքուր, չոր, լավ օդափոխվող և համաչափ ջերմաստիճանի պայմաններում, փակ պահարաններում, ստացիոնար նամ շարժական դարակաշարերում կամ տարասարքավորումներում։

Հացի և հացաբուլկեղենի թարմությունը պահպանելու համար վերջիններս ծածկվում են ծածկոցներով կամ առողջապահության նախարարության կողմից թույլատրված այլ միջոցներով։

11. Արգելվում է հացը և հացաբուլկեղենը պահել սուր կամ ուժեղ հոտ ունեցող ապրանքների հարևանությամբ (ձուկ, օճառ, օծանելիք և այլն) մինչև 5 մետր հեռավորության վրա։

12. Լացի և հացաբուլկեղենի վաճառք իրականացնող խանութներում սույն կանոնները փակցվում են գնորդներին տեսանելի տեղերում։

13. Սույն կանոններն ուժի մեջ են մտնում 1995 թ. հունիսի 15-ից։