«Գրանցված է»
ՀՀ արդարադատության
նախարարության կողմից
10 նոյեմբերի 2006 թ.
Պետական գրանցման թիվ 11606379

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐ

1 նոյեմբերի 2006 թ. ք. Երևան

N 274-Ն

Հ Ր Ա Մ Ա Ն

ՀԵՌԱՐՁԱԿՄԱՆ ՀԱՃԱԽՈՒԹՅՈՒՆՆԵՐԻ ՍՊԱՍԱՐԿՄԱՆ ՏԱՐԵԿԱՆ ԵԹԵՐԱՎՃԱՐՆԵՐԻ ՉԱՓԵՐԸ ՀԱՍՏԱՏԵԼՈՒ ՄԱՍԻՆ

«Հեռուստատեսության և ռադիոյի մասին» Հայաստանի Հանրապետության օրենքի 53-րդ հոդվածին և Հայաստանի Հանրապետության կառավարության 2006 թ. հուլիսի 6-ի «Հայաստանի Հանրապետության տրանսպորտի և կապի նախարարությանը լիազորություն վերապահելու և Հայաստանի Հանրապետության կառավարության 2005 թվականի հոկտեմբերի 6-ի N 1807-Ն որոշման մեջ լրացում կատարելու մասին» N 946-Ն որոշման առաջին կետին համապատասխան.

Հաստատել հեռարձակման հաճախությունների սպասարկման տարեկան եթերավճարների չափերը` համաձայն հավելվածի:

ՀՀ տրանսպորտի և կապի նախարար`

Ա. Մանուկյան

Հավելված ՀՀ տրանսպորտի և կապի նախարարի 2006 թվականի նոյեմբերի 1-ի N 274-Ն հրամանի

  Հեռարձակման հաճախությունների սպասարկման տարեկան եթերավճարների չափերը

Հոդված N	Դիրք N	Սպասարկման ծառայությունների տեսակները	Վճարի չափը (դրամ)
I		Ռադիոհաղորդիչ կայաններ 30 ՄՀց-300 ՄՀց հաճախային տիրույթում, հատկացված մեկ հաճախության համար, ըստ հաղորդիչների ճառագայթման հզորությունների
	1	- մինչև 100 Վտ ներառյալ	300 000
	2	- 101 Վտ-500 Վտ ներառյալ	600 000
	3	- 501 Վտ-1000 Վտ ներառյալ	900 000
	4	- 1 ԿՎտ-ից բարձր	1 200 000
II		Հեռուստատեսային հաղորդիչ կայաններ մետրային և դեցիմետրային տիրույթներում հատկացված մեկ հաճախության կապուղու համար ըստ զբաղեցրած հաճախության գոտու, հաստատված գործակցի և բնակչության թվաքանակի (հաշվարկը 1 մլն բնակչի համար)	800 000
III		Հեռուստատեսային և ռադիոհաղորդումների ընդունիչ համակարգի բաշխիչ ցանցերը եթերային-կաբելային հեռուստատեսության համակարգեր, մեկ հաճախային կապուղու համար, ըստ հաղորդչի 1 Վտ հզորության	15 000

ՀՀ տրանսպորտի և կապի նախարարության աշխատակազմի ղեկավար`

Վ. Մարության