ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՄԱՔՍԱՅԻՆ ՎԱՐՉՈՒԹՅԱՆ ՊԵՏ

Հ Ր Ա Մ Ա Ն

28.02.1998 թ.

N 7-ՄՎը

«ԱՅԼ ՊԵՏՈՒԹՅՈՒՆՆԵՐՈՒՄ ԳՐԱՆՑՎԱԾ ՏՐԱՆՍՊՈՐՏԱՅԻՆ ՄԻՋՈՑՆԵՐՈՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԱՎՏՈՄՈԲԻԼԱՅԻՆ ՃԱՆԱՊԱՐՀՆԵՐԻՑ ՕԳՏՎԵԼՈՒ ՀԱՄԱՐ ՎՃԱՐԻ ՀԱՇՎԱՐԿՄԱՆ ԵՎ ՎՃԱՐՄԱՆ ԿԱՐԳԻ ՄԱՍԻՆ» ՀՐԱՀԱՆԳԻ ՀԱՍՏԱՏՄԱՆ ՄԱՍԻՆ

1997 թ. սեպտեմբերի 24-ի «Այլ պետություններում գրանցված տրանսպորտային միջոցներով Հայաստանի Հանրապետության պետական ավտոմոբիլային ճանապարհներից օգտվելու համար վճար սահմանելու մասին» ՀՀ օրենքի 10 և 11 հոդվածների, ինչպես նաև Հայաստանի Հանրապետության կառավարության 1997 թ. դեկտեմբերի 12-ի «Այլ Պետություններում գրանցված տրանսպորտային միջոցներով Հայաստանի Հանրապետության պետական ավտոմոբիլային ճանապարհներից օգտվելու համար վճար սահմանելու մասին» ՀՀ օրենքի կիրարկումն ապահովող միջոցառումների մասին» թիվ 583 որոշման 1-ին, 4-րդ և 5-րդ կետերի`

ՀՐԱՄԱՅՈՒՄ ԵՄ.

1. Հաստատել «Այլ պետություններում գրանցված տրանսպորտային միջոցներով Հայաստանի Հանրապետության պետական ավտոմոբիլային ճանապարհներից օգտվելու համար վճարի հաշվարկման և վճարման կարգի մասին» հրահանգը (կցվում է):

Մաքսային վարչության պետ

Մ. Մակարյան

ՀԱՄԱՁԱՅՆ ԵՄ Հայաստանի Հանրապետության ՖԻՆԱՆՍՆԵՐԻ և ԷԿՈՆՈՄԻԿԱՅԻ ՆԱԽԱՐԱՐ Ա. ԴԱՐԲԻՆՅԱՆ 04.03.1998 թ.

ՀԱՄԱՁԱՅՆ ԵՄ Հայաստանի Հանրապետության ՏՐԱՆՍՊՈՐՏԻ ՆԱԽԱՐԱՐ Հ. ՔՈՉԻՆՅԱՆ 11.03.1998 թ.

ՀԱՍՏԱՏՈՒՄ ԵՄ Հայաստանի Հանրապետության ՄԱՔՍԱՅԻՆ ՎԱՐՉՈՒԹՅԱՆ ՊԵՏ Մ. ՄԱԿԱՐՅԱՆ 28.02.1998 թ.

Հ Ր Ա Հ Ա Ն Գ

ԱՅԼ ՊԵՏՈՒԹՅՈՒՆՆԵՐՈՒՄ ԳՐԱՆՑՎԱԾ ՏՐԱՆՍՊՈՐՏԱՅԻՆ ՄԻՋՈՑՆԵՐՈՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԱՎՏՈՄՈԲԻԼԱՅԻՆ ՃԱՆԱՊԱՐՀՆԵՐԻՑ ՕԳՏՎԵԼՈՒ ՀԱՄԱՐ ՎՃԱՐԻ ՀԱՇՎԱՐԿՄԱՆ ԵՎ ՎՃԱՐՄԱՆ ԿԱՐԳԻ ՄԱՍԻՆ

I. ԸՆԴՀԱՆՈՒՐ ԴՐՈՒՅԹՆԵՐ

1.1. Սույն հրահանգը ընդունվում է ի կատարումն 1997 թ. սեպտեմբերի 24-ի «Այլ պետություններում գրանցված տրանսպորտային միջոցներով Հայաստանի Հանրապետության պետական ավտոմոբիլային ճանապարհներից օգտվելու համար վճար սահմանելու մասին» ՀՀ օրենքի 10 և 11 հոդվածների, ինչպես նաև Հայաստանի Հանրապետության կառավարության 1997 թ. դեկտեմբերի 12-ի «Այլ պետություններում գրանցված տրանսպորտային միջոցներով Հայաստանի Հանրապետության պետական ավտոմոբիլային ճանապարհներից օգտվելու համար վճար սահմանելու մասին» ՀՀ օրենքի կիրարկումն ապահովող միջոցառումների մասին» թիվ 583 որոշման 1-ին, 4-րդ և 5-րդ կետերի:

1.2. Սույն հրահանգը սահմանում է մաքսային մարմինների կողմից այլ պետություններում գրանցված տրանսպորտային միջոցներով Հայաստանի Հանրապետության պետական ավտոմոբիլային ճանապարհներից օգտվելու համար ֆիզիկական և իրավաբանական անձանցից, իրավաբանական անձի կարգավիճակ չունեցող ձեռնարկություններից և անհատ ձեռներեցներից (այսուհետև` անձինք) վճար (այսուհետ` ճանապարհային վճար) գանձելու կանոնակարգը, ինչպես նաև ճանապարհային վճարի մուծման անդորրագրի ձևը (հավելված 1) և լրացման կարգը:

1.3. Ելնելով մարդատար ավտոմեքենաների նստատեղերի քանակից և բեռնատար ավտոմեքենաների բեռնատարողությունից, սահմանված են ճանապարհային վճարների հետևյալ դրույքաչափերը.

Հ/հ

Ավտոմեքենայի բնութագիրը

Դրույքաչափը (ԱՄՆ դոլարին համարժեք դրամ)

1.	մարդատար ավտոմեքենաներ`	մինչև 7 նստատեղ	20
2.	մարդատար ավտոմեքենաներ`	մինչև 12 նստատեղ (ավտոբուսներ)	40
3.	մարդատար ավտոմեքենաներ`	13-ից մինչև 30 նստատեղ (ավտոբուսներ)	80
4.	մարդատար ավտոմեքենաներ`	31-ից ավել նստատեղ (ավտոբուսներ)	120
5.	բեռնատար ավտոմեքենաներ`	մինչև 1.5 տ բեռնատարողությամբ	30
6.	բեռնատար ավտոմեքենաներ`	1.5-ից մինչև 3 տ բեռնատարողությամբ	50
7.	բեռնատար ավտոմեքենաներ`	3-ից մինչև 5 տ բեռնատարողությամբ	80
8.	բեռնատար ավտոմեքենաներ`	5-ից մինչև 10 տ բեռնատարողությամբ	130
9.	բեռնատար ավտոմեքենաներ`	10-ից մինչև 20 տ բեռնատարողությամբ	160
10.	բեռնատար ավտոմեքենաներ`	20-ից մինչև 40 տ բեռնատարողությամբ	220
11.	բեռնատար ավտոմեքենաներ`	40 տ-ից ավելի բեռնատարողությամբ	300

II. ՃԱՆԱՊԱՐՀԱՅԻՆ ՎՃԱՐԻ ՎՃԱՐՄԱՆ ԿԱՐԳԸ

2.1. Ճանապարհային վճարը մաքսային մարմինների կողմից գանձվում է սահմանային մաքսային կետերում` այլ պետություններում գրանցված տրանսպորտային միջոցները Հայաստանի Հանրապետության տարածք մուտք գործելիս:

2.2. Ճանապարհային վճարը վճարվում է հայկական դրամով և (կամ) արտարժույթով:

Արտարժույթով վճարվող գումարները վերահաշվարկվում են հայկական դրամով` ելնելով վճարման օրը ՀՀ կենտրոնական բանկի սահմանված արտարժութային փոխարժեքից:

2.3. Մաքսային մարմինների կողմից ճանապարհային վճարի գանձումը հիմնավորող փաստաթուղթ է հանդիսանում անդորրագիրը (վճարման հանձնարարագիրը կամ վճարումը հաստատող այլ փաստաթուղթ):

2.4. ՀՀ մաքսային վարչության դեպոզիտային հաշվին մուտքագրված ճանապարհային վճարի գումարները, մինչև 3 բանկային օրվա ընթացքում, փոխանցվում են Հայաստանի Հանրապետության կենտրոնական բանկ` պետական բյուջեի համապատասխան հաշիվներին:

III. ՃԱՆԱՊԱՐՀԱՅԻՆ ՎՃԱՐԻՑ ԱԶԱՏՎԵԼՈՒ ԴԵՊՔԵՐԸ

3.1. Ճանապարհային վճարից ազատվում են.

•  Հայաստանի Հանրապետությունում հավատարմագրված օտարերկրյա դիվանագիտական ներկայացուցչությունների և հյուպատոսական հիմնարկների, նրանց հավասարեցված միջազգային, միջկառավարական (միջպետական) կազմակերպությունների անձնակազմերը,
• այն անձինք, որոնք Հայաստանի Հանրապետության տարածք են փոխադրում բեռներ` մարդասիրական և տեխնիկական օգնության, բարեգործական ծրագրերի շրջանակներում,
• այն անձինք, որոնք Հայաստանի Հանրապետության տարածք են փոխադրում զինվորներ և բեռներ` Հայաստանի Հանրապետությունում տեղակայված Ռուսաստանի Դաշնության ռազմակայաններ,
• օտարերկրյա պետությունների պաշտոնատար անձինք, որոնք Հայաստանի Հանրապետության տարածք են մուտք գործում ՀՀ Նախագահի, ՀՀ Ազգային Ժողովի, ՀՀ Կառավարության, ՀՀ նախարարությունների և գերատեսչությունների հրավերներով,
• Հայաստանի Հանրապետության միջգերատեսչական միջազգային պայմանագրերի համաձայն միջպետական ուղերթներով ուղևորափոխադրումներ իրականացնող անձինք,
• Հայաստանի Հանրապետության կառավարության համապատասխան համաձայնագրերով նախատեսված անձինք,
• Վրաստանի Հանրապետության Ախալքալակ, Ախալցխա, Նինոծմինդա, Բոլնիս, Մառնեուլի, Ծալկա շրջաններում գրանցված, մինչև 7 նստատեղով մարդատար ավտոմեքենաներով, մինչև 1.5 տ բեռնատարողությամբ բեռնատար ավտոմեքենաներով և 1.5 -ից մինչև 3 տ բեռնատարողությամբ բեռնատար ավտոմեքենաներով, Հայաստանի Հանրապետություն մուտք գործած անձինք:

IV. ՃԱՆԱՊԱՐՀԱՅԻՆ ՎՃԱՐԻ ԳԱՆՁՄԱՆ ԱՆԴՈՐՐԱԳՐԻ ԼՐԱՑՄԱՆ ԿԱՐԳԸ

4.1. Ճանապարհային վճարների գանձման անդորրագիրը լրացվում է հետևյալ կերպ.

• անդորրագիր լրացվում է բոլոր դեպքերում` անկախ նրանից գանձում կատարվում է, թե ոչ,
• անդորրագրի համապատասխան տողերում նշվում է համապատասխան տեղեկություններ վճարողի, տրանսպորտային միջոցի մակնիշի և այլնի մասին,
• եթե գանձումը չի կատարվում, ապա անդորրագրի 7 տողում նշվում է արտոնության տեսակը և «անվճար» բառը,
• անդորրագիրը պահվում է մաքսային մարմինների մոտ, իսկ անդորրագրի կտրոնը տրվում է բեռը փոխադրողին (վարորդին):

ՀԱՎԵԼՎԱԾ 1