120.0239.29.11.99

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ, ՊԵՏԱԿԱՆ ՌԵԳԻՍՏՐԻ ԵՎ ՎԵՐԼՈՒԾՈՒԹՅԱՆ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն

29.11.1999 թ.

N 239

«ԱՐՏԱԴՐԱԿԱՆ ՀԶՈՐՈՒԹՅԱՆ ՀԱՇՎԵԿՇԻՌ»` ՁԵՎ ՀՀ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆԸ ԵՎ ԴՐԱ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Պետական վիճակագրության մասին» ՀՀ օրենքի 9 հոդվածի «ժ» ենթակետը և Հայաստանի Հանրապետության վիճակագրության, պետական ռեգիստրի և վերլուծության նախարարության կանոնադրության 12 կետի «թ» ենթակետը`

Հրամայում եմ`

Հաստատել «Արտադրական հզորության հաշվեկշիռ»` ձև ՀՀ պետական վիճակագրական հաշվետվությունը և նրա լրացման հրահանգը:

Նախարար

Ս. Մնացականյան

Հաստատված է ՀՀ վիճակագրության, պետական ռեգիստրի և վերլուծության նախարարի 29.11.1999 թ. թիվ 239 հրամանով

Հ Ր Ա Հ Ա Ն Գ

«ԱՐՏԱԴՐԱԿԱՆ ՀԶՈՐՈՒԹՅԱՆ ՀԱՇՎԵԿՇԻՌ» (ՁԵՎ ՀՀ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

Սույն հրահանգը մշակված է ՀՀ Ազգային Ժողովի կողմից 29.05.96 թ. ընդունված «Պետական վիճակագրության մասին» ՀՀ օրենքի 9 հոդվածի «Ժ» կետի համաձայն:

ԸՆԴՀԱՆՈՒՐ ԴՐՈՒՅԹՆԵՐ

● Հրահանգը սահմանում է կազմակերպությունների «Արտադրական հզորության հաշվեկշիռ» (Ձև ՀՀ) վիճակագրական հաշվետվության լրացման կարգը:

● Հաշվետվությունները ներկայացնում են ՀՀ վիճակագրության, պետական ռեգիստրի և վերլուծության նախարարության կողմից ընտրանքային կարգով ընտրված իրավաբանական անձինք (այսուհետև` կազմակերպություններ¹), որոնք նախապես գրավոր տեղեկացվում են վիճակագրական մարմինների կողմից:

_____

¹ Սույնը տարածվում է նաև ՀՀ քաղաքացիական օրենսգրքի (ընդունվել է 17 հուլիսի 1998 թ.) ուժի մեջ մտնելուց առաջ ստեղծված այն կազմակերպական-իրավական տեսակի կազմակերպությունների վրա, որոնք նախատեսված չեն օրենսգրքի 5-րդ գլխով.

● Փաստացի գործունեության հիմնական տեսակ է համարվում գործունեության այն տեսակը, որը հաշվետու ժամանակաշրջանում հավելյալ արժեքի ընդունման 2 ծավալում փաստացի ունեցել է առավել մեծ տեսակարար կշիռ²: Փաստացի գործունեության հիմնական տեսակի ծածկագիրը լրացվում է ձեռնարկությունների պետական ռեգիստրի կողմից տրված վկայականից կամ (եթե վկայականում տվյալ գործունեության տեսակը նշված չէ) տնտեսական գործունեության ընդհանուր դասակարգիչի հիման վրա` անհրաժեշտության դեպքում ստանալով դրա համար խորհրդատվություն վիճակագրական մարմիններից:

● Հաշվետվությունը լրացվում է սկզբնական հաշվառման հավաստի տվյալների հիման վրա:

● Հաշվետվությունը կազմակերպությունը ներկայացնում է ձևում նշված հասցեներով և սահմանված ժամկետում:

● Ձևի ձախ անկյունում նշված կոդերը կազմակերպությունը չի լրացնում:

● Հաշվետվությունները ստորագրում է կազմակերպության ղեկավարը, ինչպես նաև նշվում է կատարողի (գլխավոր հաշվապահ կամ դրա համար լիազորված այլ աշխատակից) ազգանունն ու հեռախոսի համարը:

● Վիճակագրական տեղեկատվությունների ներկայացման հետ կապված այլ խնդիրները կարգավորվում են ՀՀ գործող օրենսդրությամբ:

___

² Առավել մեծ տեսակարար կշռի որոշման համար առաջարկվում է կողմնորոշվել ընդհանուր հասույթի, հավելյալ արժեքի կամ աշխատողների ընդհանուր թվաքանակի մեջ ունեցած բաժնով և այլ համանման բնութագրող չափանիշներով:

I. Արտադրական հզորությունների տարեկան հաշվեկշիռ

1. Արտադրական հզորության հաշվեկշիռը դա ցուցանիշների համակարգ է, որը բնութագրում է հզորության մեծությունը, նրա փոփոխման վրա ազդող գործոնները և հաշվետու ժամանակաշրջանում դրա օգտագործման մակարդակը:

2. Արտադրական հզորությունների հաշվեկշիռները կազմում են կազմակերպությունները հաշվետու տարվա վերջին առկա արտադրական հզորության որոշման, ներարտադրական ռեզերվների բացահայտման և արտադրանքի ծավալների ավելացման, արտադրության նեղ տեղերի վերացման (որոնք արգելակում են արտադրանքի առանձին տեսակների արտադրությանը), մեքենաների, սարքավորումների, տրանսպորտային միջոցների օգտագործման բարելավման, դրանց պարապուրդների կրճատման նպատակով:

Արտադրական հզորությունների հաշվեկշիռների կազմումն և վերլուծությունը թույլ է տալիս գնահատել ձեռք բերված համակցումները տարբեր փոխկապակցված ճյուղերի զարգացման գործում և նպաստում են դրանց համաչափությունը ապահովող միջոցառումների մշակմանը, արտադրության ավելի ռացիոնալ մասնագիտացմանը, կոոպերացմանը և այլն:

3. Արտադրական հզորությունների հաշվեկշիռները կազմակերպությունների կողմից կազմվում են թողարկվող արտադրանքի ամբողջ անվանացանկի համար, անկախ նրանից թե այդ արտադրանքը կազմակերպության համար հիմնական, պրոֆիլային թե ոչ պրոֆիլային բնույթ է կրում:

Մեքենաշինական և մետաղամշակման կազմակերպությունների արտադրական հզորությունների հաշվեկշիռներում, յուրաքանչյուր արտադրատեսակի թողարկման տվյալների հետ մեկտեղ (բնեղեն արտահայտությամբ) բերվում են տվյալներ թողարկված արտադրանքի ընդհանուր ծավալի վերաբերյալ, համադրելի գներով:

Այն դեպքերում, երբ կազմակերպությունները արտադրանք են թողարկում վարձակալած սարքավորումներով և տարածքներում, արտադրական հզորությունների հաշվեկշիռները կազմվում են անկախ նրանից թե ինչպիսի սարքավորումներով և տարածքներում է թողարկվել արտադրանքը` ձեռնարկության հաշվեկշռում գտնվող, ժամանակավոր կամ վարձակալած:

4. Արտադրական հզորությունների հաշվեկշիռները կազմվում են համաձայն ՀՀ վիճնախարարության կողմից հաստատված ՀՀ ձևի:

5. Հաշվեկշռում հաշվի է առնվում հաշվետու տարում արտադրական հզորության ավելացումը, որը տեղի է ունեցել`

- նոր կազմակերպությունների գործարկման և գործող կազմակերպությունների ընդլայնման հաշվին,

- գործող կազմակերպությունների վերակառուցման հետևանքով արտադրական հզորությունների հավելաճի հաշվին,

- գործող կազմակերպությունների տեխնիկական վերազինման և կազմակերպատեխնիկական միջոցառումների հետևանքով արտադրական հզորությունների հավելաճի հաշվին,

- արտադրանքի անվանացանկի և տեսականու փոփոխման հաշվին (արտադրանքի աշխատատարության նվազում),

- այլ կազմակերպություններից ստացված օբյեկտների, մեքենաների և սարքավորումների հաշվին:

Տեխնիկական վերազինման և կազմակերպատեխնիկական միջոցառումների հետևանքով արտադրական հզորությունների հավելաճը հաշվարկելիս հաշվի են առնվում աշխատանքի հետևյալ տեսակները`

- աշխատանքի միջոցների կատարելագործում (հնացած և ֆիզիկական մաշված սարքավորումների արդիականացում և փոխարինում նորով, առավել արտադրողականով, գործող արտադրական տարածքներում նոր լրացուցիչ սարքավորումների տեղադրում),

- աշխատանքի առարկաների կատարելագործում (հումքի, նյութերի և վառելիքի բաղադրության կամ որակի բարելավում, առավել առաջավոր հումքի և նյութերի տեսակների օգտագործում),

- տեխնոլոգիական գործընթացների կատարելագործում (գործող տեխնոլոգիական գործընթացների պարամետրերի բարելավում, այդ թվում ավելի բարձր արագությունների, լարվածությունների, ճնշումների, ջերմության օգտագործման հաշվին),

- արտադրական գործընթացների ավտոմատացում և մեքենայացում,

- արտադրության կազմակերպման և կառավարման կատարելագործում (կոոպերացում ընդլայնում և արտադրության մասնագիտացման մակարդակի բարձրացում, տեխնոլոգիական սարքավորումների աշխատանքի հերթափոխության մեծացում, արտադրության և ընդհանուր գործարանային տնտեսության կազմակերպման և կառուցվածքի բարելավում):

6. Արտադրական հզորությունների հաշվեկշռում հաշվի է առնվում հաշվետու տարում նրա նվազումը, ի հաշիվ`

- մաշվածության հետևանքով սարքավորումների դուրս գրման, օգտակար հանածոների և անտառահումքային ռեսուրսների պաշարների սպառման, լեռնաերկրաբանական պայմանների վատթարացման, անցմանը այլ հումքերի օգտագործման սահմանված կարգով օբյեկտների, մեքենաների, սարքավորումների հանձնմանը այլ կազմակերպություններին, տարերային աղետների և այլ պատճառների,

- արտադրանքի անվանացանկի և տեսականու փոփոխման (արտադրատեսակի աշխատատարության մեծացում):

7. Հաշվետվական ձևում «հզորության մեծացումը տեխնիկական վերազինման և կազմակերպա-տեխնիկական միջոցառումների անցկացման հաշվին» սյունակում արտացոլվում է հզորության հավելաճը, որը հավասար է նոր և հին սարքավորումների արտադրողականության տարբերությանը:

8. Կազմակերպության արտադրական հզորության տակ հասկացվում է տվյալ կազմակերպությանը ամրագրված աշխատանքի միջոցներով (արտադրական տարածքներ, ագրեգատներ, սարքավորումներ) արտադրանքի թողարկման, հումքի արդյունահանման և վերամշակման առավելագույն հնարավորությունը 1 տարում (օրում, հերթափոխում) համապատասխան սահմանված աշխատանքային ռեժիմին:

II. Լրացման կարգը

9. Ա սյունակում ցույց է տրվում հաշվետու տարում թողարկված արտադրատեսակների անվանումը:

10. Բ սյունակում ցույց է տրվում չափի միավորը:

11. Գ սյունակում ցույց է տրվում տողի համարը 01-04, որոնց բովանդակությունը և լրացման կարգը բերված է հաշվետվության ծանոթությունում:

12. 1-ին սյունակի 01 տողում ցույց է տրվում հզորությունը հաշվետու տարվա սկզբի դրությամբ, ըստ նախորդ տարվա հաշվեկշռի:

Մինչև հաշվետու տարին գործարկված կազմակերպությունները, որոնց հզորությունները գտնվում են յուրացման փուլում, 1-ին սյունակում լրացնում են իրենց նախագծային հզորությունը:

Այն դեպքում, երբ փաստացի թողարկված արտադրանքի անվանացանկը և տեսականին էապես տարբերվում է նախագծայինից, հզորության որոշումը կատարվում է ըստ փոփոխված անվանացանկի: 1-ին սյունակի 01 տողով բերվում է հզորությունը` ըստ թողարկվող արտադրանքի փաստացի անվանացանկի, իսկ 02 տողով` հզորությունը ըստ նախագծի:

Հաշվետու տարում գործարկված կազմակերպությունները սյունակ 1 չեն լրացնում, իսկ գործարկված նախագծային հզորությունը լրացնում են, համապատասխանաբար, 3-րդ և 4-րդ սյունակներում:

13. 2-9 սյունակներում ցույց է տրվում հաշվետու տարում արտադրական հզորության փոփոխությունը:

2-րդ սյունակում բերվում են տվյալներ հաշվետու տարում հզորության ընդհանուր աճի վերաբերյալ, որոնք որպես կանոն պետք է հավասար լինեն 3-6 սյունակների տվյալների հանրագումարին: Այն դեպքերում, երբ հաշվետու ժամանակաշրջանում այլ կազմակերպություններից փոխանցման և այլ պատճառներով ստացվել են մեքենաներ և սարքավորումներ, 2-րդ սյունակի տվյալները մեծ կլինեն 3-6 սյունակների տվյալների հանրագումարից:

14. 3, 4, 5 սյունակներում ցույց է տրվում արտադրական հզորությունների գործարկումը, ի հաշիվ նոր կազմակերպությունների շինարարության, գործող կազմակերպությունների ընդլայնման և վերակառուցման հաշվին, ինչպես նաև գործող կազմակերպությունների հզորության հավելաճը տեխնիկական վերազինման և կազմակերպա-տեխնիկական միջոցառումների հաշվին, որոնք պետք է համապատասխանեն Ձև N-2-Կշ «Հաշվետվություն օբյեկտների հիմնական ֆոնդերի գործարկման և կապիտալ ներդրումների կատարման մասին» վիճակագրական (տարեկան) հաշվետվական ձևի տվյալներին):

Այն դեպքերում, երբ թողարկվող արտադրանքի անվանացանկը և տեսականին էապես տարբերվում է կազմակերպության շինարարության, ընդլայնման և վերակառուցման նախագծերով նախատեսված արտադրանքի անվանացանկից և տեսականուց, 3-րդ և 4-րդ սյունակներում բերվում են` 01 տողով` արտադրանքի թողարկման հզորությունը ըստ փաստացի անվանացանկի և տեսականու, իսկ 02 տողով` նախագծով նախատեսված արտադրանքի անվանացանկի և տեսականու:

Նշված հզորությունների գործարկման վերաբերյալ տվյալները բերվում են միայն այն կազմակերպությունների համար, որոնց շահագործման ընդունման ակտերը հաստատված են: Այն դեպքում, երբ գործարկվող հզորությունների ընդունման ակտերը ստորագրված են ընդունման հանձնաժողովի կողմից, սակայն չեն հաստատվել սահմանված կարգով, այդ հզորությունների և թողարկվող արտադրանքի տվյալները 01 տողի հանրագումարում չեն ներառվում, այլ բերվում են առանձին 04 տողով «բացի այդ, ըստ չհաստատված ընդունման ակտերի»:

15. 6-րդ և 8-րդ սյունակներում բերվում են տվյալներ, համապատասխանաբար, արտադրական մեծացման և նվազման վերաբերյալ, ի հաշիվ հաշվետու տարում թողարկվող արտադրանքի անվանացանկի և տեսականու փոփոխության:

Արտադրանքի անվանացանկի և տեսականու փոփոխության հետևանքով հզորության մեծացման (նվազման) հաշվարկը կատարվում է այն դեպքերում, երբ արտադրական հզորության հաշվարկում ընդունված արտադրանքի անվանացանկը զգալիորեն տարբերվում է նախորդ հաշվեկշռի փաստացի տվյալներից:

16. 7-րդ սյունակում ցույց են տրվում տվյալներ արտադրական հզորության ընդհանուր նվազման վերաբերյալ, որոնք որպես կանոն պետք է հավասար լինեն 8-րդ և 9-րդ սյունակների հանրագումարին:

Այն դեպքերում, երբ հաշվետու ժամանակաշրջանում տեղի է ունեցել մեքենաների և սարքավորումների դուրս գրում այլ կազմակերպություններին փոխանցելու և այլ պատճառներով, 7-րդ սյունակի տվյալները մեծ կլինեն 8-րդ և 9-րդ սյունակների հանրագումարից:

17. 9-րդ սյունակում ցույց են տրվում տվյալներ արտադրական հզորության դուրս գրման վերաբերյալ, որոնք տեղի են ունեցել սարքավորումների մաշվածքի, օգտակար հանածոների և անտառահումքային ռեսուրսների պաշարների սպառման, լեռնաերկրաբանական պայմանների վատթարացման, հումքի այլ տեսակների անցման, շենքերի և կառույցների ծայրաստիճան մաշվածքի, տարերային աղետների հետևանքով:

18. 10-րդ սյունակում ցույց է տրվում կազմակերպության արտադրական հզորությունը հաշվետու տարուն հաջորդող տարվա հունվարի 1-ի դրությամբ, ըստ հաշվետու տարում թողարկված արտադրանքի անվանացանկի և տեսականու: 10-րդ սյունակի տվյալները պետք է համապատասխանեն 1-ին և 2-րդ սյունակների հանրագումարից հանած սյունակ 7:

19. 11-րդ սյունակի 01 տողով ցույց է տրվում հաշվետու տարում գործող միջին տարեկան հզորությանը, որը հաշվարկվում է` տարեսկզբի արտադրական հզորության և հզորության միջին տարեկան աճի հանրագումարից հանելով նրա միջին տարեկան նվազումը: Հզորության միջին տարեկան մեծացումը ի հաշիվ նոր կազմակերպությունների գործարկման, գործող կազմակերպությունների ընդլայնման, վերակառուցման, տեխնիկական վերազինման, կազմակերպա-տեխնիկական միջոցառումների ներդրման հաշվարկվում է թվարկված յուրաքանչյուր գործոնի հաշվին հզորության մեծացման և մինչև տարեվերջ ընկած լրիվ ամիսների թվի արտադրյալով ու ստացված արդյունքը բաժանելով 12:

Հզորության միջին տարեկան նվազումը հաշվարկվում է հետևյալ եղանակով` դուրս գրված հզորությունը բազմապատկվում է դուրս գրման պահից մինչև տարեվերջ մնացած լրիվ ամիսների թվով և ստացված արդյունքը բաժանելով 12:

Հաշվետու տարում միջին տարեկան արտադրական հզորության օգտագործման գործակիցը հաշվարկվում է տվյալ տարում փաստացի թողարկված արտադրանքի և միջին տարեկան հզորության հարաբերությամբ:

Յուրացման փուլում գտնվող կազմակերպությունների հզորությունների օգտագործման մակարդակի ճիշտ գնահատման նպատակով սյունակ 11 02 տողով ցույց է տրվում արտադրանքի արտադրության, հումքի արդյունահանման կամ վերամշակման ծավալը, որոշված համաձայն նախագծային հզորությունների յուրացման նորմերի:

Ընդ որում հաշվի է առնվում, որ, եթե ձեռնարկությունը, մասնակիորեն, գտնվում է յուրացման փուլում, այսինքն այնտեղ գործարկվել կամ վերակառուցվել են առանձին օբյեկտներ, որոնք թողարկում են արտադրանք, նախկինում արտադրված այդ կազմակերպությունում, ապա 02 տողով բերվում է գործող օբյեկտների միջին տարեկան հզորության և արտադրության ծավալի տվյալների հանրագումարը, հաշվի առած նոր գործարկված օբյեկտների յուրացման նորմերը:

20. 12-րդ սյունակի 01 տողով բերվում են տվյալներ հաշվետու տարում, ռեժիմային աշխատաժամանակի ընթացքում, արտադրանքի թողարկման, հումքի արդյունահանման և վերամշակման վերաբերյալ:

12-րդ սյունակի մնացած տողերով բերվում են հետևյալ տվյալները`

02 տողով` արտադրանքի թողարկումը արտառեժիմային աշխատաժամանակում (հանգստյան օրերին, շաբաթօրյակներին, կապիտալ նորոգման ժամկետի կրճատման հաշվին, գործարկման աշխատանքների ժամանակահատվածում և այլն).

03 տողով` արտադրանքի թողարկումը չմասնագիտացված հզորություններով, ժամանակավոր հրապարակներում, փորձնական գործարաններում, որոնց հզորությունը չի հաշվարկվում.

04 տողով` արտադրանքի թողարկումը այն հզորություններով, որոնց գործարկման սկիզբը դեռևս չեն հաստատել:

12-րդ սյունակի 01, 02, 03, 04 տողերի տվյալների հանրագումարը պետք է համապատասխանի 1-արտ (տարեկան) հաշվետվական ձևում բերված տվյալներին:

21. 13-րդ սյունակում բերվում են տվյալներ միջին տարեկան հզորության օգտագործման վերաբերյալ (տոկոսներով), որը հաշվարկվում է ռեժիմային աշխատաժամանակում թողարկված արտադրանքի տվյալների և միջին տարեկան հզորության հարաբերությամբ, ընդ որում`

01 տողով բերվում են տվյալներ հաշվետու տարում գործող միջին տարեկան հզորության օգտագործման վերաբերյալ, որը հաշվարկվում է 01 տողի 12-րդ և 11-րդ սյունակների տվյալների հարաբերությամբ.

02 տողով բերվում են տվյալներ միջին տարեկան հզորության օգտագործման վերաբերյալ, հաշվի առած նոր կազմակերպությունների յուրացման նորմատիվները, որը հաշվարկվում է 01 տողի 12-րդ և 02 տողի 11-րդ սյունակների տվյալների հարաբերությամբ:

Միջին տարեկան հզորության օգտագործման մակարդակը չպետք է գերազանցի 100%:

«Տեղեկանք» մասում բերվում է յուրաքանչյուր արտադրատեսակի հզորության հաշվարկի ժամանակ ընդունված աշխատանքի ռեժիմը:

ՀՀ ՎԻՃԱԿԱԳՐՈՒԹՅԱՆ, ՊԵՏԱԿԱՆ ՌԵԳԻՍՏՐԻ ԵՎ ՎԵՐԼՈՒԾՈՒԹՅԱՆ ՆԱԽԱՐԱՐՈՒԹՅՈՒՆ
ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ

ծածկագրերն ըստ`

Ներկայացվում է համաձայն` «Պետական վիճակագրության մասին» ՀՀ օրենքի, ՀՀ կառավարության կողմից հաստատված «Պետական վիճակագրական աշխատանքների ծրագրի» և «Պետական վիճակագրական աշխատանքների իրականցման համար վիճակագրական տեղեկությունների ներկայացման

ՁԿԴ-ի (Ձեռնարկությունների կոդերի դասակարգիչ)

ՊԿՄՆՀ-ի (Պետական կառավարման մարմինների նշանակման համակարգիչ)

ՏԳԸԴ-ի (Տնտեսական գործունեության ընդհանուր դասակարգիչ)

Ում է ներկայացվում (անվանումը) ____________________________________________ Ով է ներկայացնում (անվանումը) ____________________________________________ Հիմնադիրները (մասնակիցները)**    1. պետություն 2. համայնք 3. իրավաբանական անձ 4. քաղաքացի               1 □    2 □    3 □   4 □ Օտարերկրյա մասնակցի առկայության դեպքում անհրաժեշտ է կատարել նշում  □ Կազմակերպաիրավական ձևը________________________ծածկագիրը*                I_I_I_I Փաստացի գործունեության հիմնական տեսակը ___________________________________ __________________________________________ ծածկագիրը         I_I_I_I_I_I Ձեռնարկությունների պետռեգիստրում գրանցման                          I_I_I_I_I_I_I_I_I_I_I_I Նույնականացման (իդենտիֆիկացիոն) կոդը*                                             I_I_I_I_I_I_I_I_I Մարզը _______________________________                                     I_I_I Հասցեն ______________________________________________ *) Լրացվում է ձեռնարկությունների պետռեգիստրի կողմից տրված գրանցման վկայականից (կամ ՏԳԸԴ-ի հիման վրա): **) Մի քանի հիմնադիր (մասնակցի) դեպքում □ նշումները կատարվում են միաժամանակ` համապատասխան վանդակներում:

Ձև ՀՀ Փոստային-տարեկան   Հաստատված է ՀՀ վիճնախարարի 1999թ. նոյեմբերի 29-ի թիվ 239 հրամանով   Ներկայացվում է`   1. ՀՀ վիճնախարարություն 2. Վիճակագրության տեղական բաժանմունք   Ներկայացնում են`   ՀՀ վիճնախարարության կողմից ընտրանքային կարգով ընտրված առևտրային կազմակերպությունները   Հաշվետվության ներկայացման ժամկետը`   ոչ ուշ, քան հաշվետու տարվան հաջորդող տարվա մարտի 1-ը:

Հաշվետվությունում ներառված տեղեկությունների գաղտնիությունը երաշխավորվում է դրանք ստացող վիճակագրական մարմնի կողմից: Իրավաբանական անձանց, հիմնարկների պաշտոնատար անձանց կողմից պետական վիճակագրական դիտարկումների համար անհրաժեշտ վիճակագրական հաշվետվությունները սահմանված ժամկետներում և ամբողջ ծավալով չներկայացնելը, դրանք ոչ սահմանված ձևով, աղավաղումներով և անստորագիր ներկայացնելն առաջացնում են պատասխանատվություն` ՀՀ օրենսդրությամբ սահմանված կարգով:

ԱՐՏԱԴՐԱԿԱՆ ՀԶՈՐՈՒԹՅԱՆ ՀԱՇՎԵԿՇԻՌ

1999 Թ.

Արտադրանքի տեսակները

Չափի միավորը

Տողի համարը1)

Նախորդ տարում հաշվեկշռով հաստատված հզորությունը 1999 թ. հունվարի 1-ի դրությամբ

Հաշվետու տարում արտադրական հզորության

Հաշվետու տարվա արտադրանքի անվանացանկի և տեսականու հզորությունը 2000 թ. հունվարի 1-ի դրությամբ (սյուն 1+2-7)

Հաշվետու տարում գործող միջին տարեկան հզորությունը

Հաշվետու տարում արտադ-րանքի թողար- կումը կամ վերամշակվող հումքի քանակը

Հաշվետու տարում միջին տարեկան հզորության օգտագոր-ծումը, %-ով սյուն 12x100 սյուն 11

Հզորության մեծացումը, ընդամենը

այդ թվում

Հզորության նվազումը ընդամենը

այդ թվում

նոր գործարկման և գործող ձեռնարկու-թյունների ընդլայնման հաշվին

գործող ձեռնարկու-թյունների վերա-կառուցման  հաշվին

գործող ձեռ. տեխնի- կական վերազին- ման և կազմա- կերպ. տեխնի- կական միջոցա-ռումների անցկացման հաշվին

արտադ- րանքի անվանա- ցանկի փոփո- խության (աշխատ-ատար. նվազ) հաշվին

արտադ- րանքի անվանա- ցանկի փոփո- խության (աշխատա-տարության մեծացման) հաշվին

դուրս գրելու (մաշվա-ծության, պաշարների վերացման) հաշվին

Ա

Բ

Գ

1

2

3

4

5

6

7

8

9

10

11

12

13

ԱՐՏԱԴՐԱԿԱՆ ՀԶՈՐՈՒԹՅԱՆ ՀԱՇՎԵԿՇԻՌ

1999 Թ.

Արտադրանքի տեսակները

Չափի միավորը

Տողի համարը1)

Նախորդ տարում հաշվեկշռով հաստատված հզորությունը 1999 թ. հունվարի 1-ի դրությամբ

Հաշվետու տարում արտադրական հզորության

Հաշվետու տարվա արտադրանքի անվանացանկի և տեսականու հզորությունը 2000 թ. հունվարի 1-ի դրությամբ (սյուն 1+2-7)

Հաշվետու տարում գործող միջին տարեկան հղորությունը

Հաշվետու տարում արտադ-րանքի թողար- կումը կամ վերամշակվող հումքի քանակը

Հաշվետու տարում միջին տարեկան հզորության օգտագործումը, %-ով սյուն 12x100 սյուն 11

Հզորության մեծացումը, ընդամենը

այդ թվում

Հզորության նվազումը ընդամենը

այդ թվում

նոր գործարկման և գործող ձեռնարկու-թյունների ընդլայնման հաշվին

գործող ձեռնարկու-թյունների կառուցման  հաշվին

գործող ձեռ. տեխնի- կական վերազին- ման և կազմա- կերպ. տեխնի- կական միջոցա-ռումների անցկացման հաշվին

արտադ- րանքի անվանա- ցանկի փոփո- խության (աշխատ-ատար. նվազ) հաշվին

արտադ- րանքի անվանա- ցանկի փոփո- խության (աշխատա-տարության մեծացման) հաշվին

դուրս գրելու (մաշվա-ծության, պաշարների վերացման) հաշվին

Ա

Բ

Գ

1

2

3

4

5

6

7

8

9

10

11

12

13

ԾԱՆՈԹՈՒԹՅՈՒՆ.

1) Գ սյունակում նշվում է 01 մինչև 04 տողերի համարները, որտեղ բերվում են հետևյալ տվյալները արտադրանքի`

- 01 տողով` հզորությունների առկայությունը, շարժը և օգտագործումը ըստ հաշվետու տարվա արտադրության փաստացի անվանացանկի և տեսականու, ռեժիմային ժամանակաշրջանում թողարկված արտադրանքը (1-13 սյունակ):

- 02 տողով` այն դեպքում, երբ փաստացի թողարկվող արտադրանքի անվանացանկը տարբերվում է նախագծայինից, ապա 3 և 4-րդ սյունակներում բերվում են տվյալներ նախագծով նախատեսված արտադրանքի անվանացանկին համաձայն:

11-րդ սյունակում` ըստ շահագործման նոր հանձնված կազմակերպությունների, բերվում են տվյալներ յուրացման նորմատիվային ժամանակաշրջանում թողարկվելիք արտադրանքի վերաբերյալ:

12-րդ սյունակում բերվում են տվյալներ արտառեժիմային աշխատանքի ժամանակ թողարկված արտադրանքի վերաբերյալ:

- 03 տողով` 12-րդ սյունակում, բացի այդ, բերվում են տվյալներ չմասնագիտացված հզորություններով թողարկված փաստացի արտադրանքի վերաբերյալ:

- 04 տողով` 3-րդ, 4-րդ և 12-րդ սյունակներում բերվում են տվյալներ այն հզորությունների և դրանցով թողարկված արտադրանքի մասին, որոնց շահագործման ակտերը դեռևս հաստատված չեն:

Տեղեկանք. բերվում է յուրաքանչյուր արտադրատեսակի հզորության հաշվարկման ժամանակ ընդունած աշխատանքի ռեժիմը (հերթափոխ կամ ժամ օրվա ընթացքում):

Արտադրանքի տեսակը _________________ _________________ _________________ __ ______________2000 թ. _____________________ կազմողի ազգանունը և հեռախոսի համարը

Աշխատանքի ռեժիմը _______________ _______________ _______________ ՂԵԿԱՎԱՐ`

ԳՐԱՆՑՎԱԾ Է

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

15 մայիսի 2000 Թ.

ՊԵՏԱԿԱՆ ԳՐԱՆՑՄԱՆ թիվ 12000042