«Գրանցված է»
ՀՀ արդարադատության

նախարարության կողմից
22 հունիսի 2005 թ.
Պետական գրանցման թիվ 11405223

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆՆ ԱՌԸՆԹԵՐ
ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՎԱՐՉՈՒԹՅՈՒՆ

27 մայիսի 2005 թ. ք. Երևան

N 78-Ն

Հ Ր Ա Մ Ա Ն

ԸՆԿԵՐՈՒԹՅՈՒՆՆԵՐԻ ՄԱՍՆԱՎՈՐԵՑՎՈՂ ԲԱԺՆԵՏՈՄՍԵՐԻ ԹՈՂԱՐԿՄԱՆ ՕՐԻՆԱԿԵԼԻ ԱԶԴԱԳԻՐԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարության 2005 թվականի մարտի 3-ի «Հայաստանի Հանրապետության կառավարության 1998 թվականի մայիսի 8-ի N 278 որոշման մեջ փոփոխություններ և լրացումներ կատարելու մասին» N 313-Ն որոշման 2-րդ կետով սահմանված պահանջների կատարումն ապահովելու նպատակով.

Հրամայում եմ`

1. Հաստատել ընկերությունների մասնավորեցվող բաժնետոմսերի թողարկման օրինակելի ազդագիրը` համաձայն հավելվածի:

2. ՈՒժը կորցրած ճանաչել Հայաստանի Հանրապետության սեփականաշնորհման նախարարի 1999 թվականի նոյեմբերի 10-ի «Մասնավորեցվող ընկերությունների բաժնետոմսերի թողարկման ազդագրի օրինակելի ձևը հաստատելու մասին» N 144-Հ հրամանը:

Վարչության պետ`

Կ. Կիրակոսյան

Հավելված ՀՀ կառավարությանն առընթեր  պետական գույքի կառավարման վարչության պետի 2005 թ. մայիսի 27-ի N 78-Ն հրամանի

Ա Զ Դ Ա Գ Ի Ր

«_______________________________________________»

(ընկերության անվանում)

ընկերության մասնավորեցվող

պետական բաժնետոմսերի թողարկման

Սույն ազդագրով ՀՀ կառավարության 200____թ. _____ «___»-ի N___ որոշմամբ բաժնետոմսերի ազատ բաժանորդագրությամբ մասնավորեցման է ներկայացվում «_________________» բաց բաժնետիրական ընկերության սովորական (անվանական) բաժնետոմսերը:

1. Ընդհանուր տեղեկություններ

1.1	Մասնավորեցվող  օբյեկտի գտնվելու վայրը
1.2	Գրանցման ամսաթիվը, գրանցող մարմնի անվանումը
1.3	Զբաղեցրած հողային տարածքը (հա)
	տեղեկություններ հողահատկացման հիմքերի մասին		Անշարժ գույքի սեփականության (օգտագործման) իրավունքի գրանցման վկայական
1.4	Ընկերության շենքերի մակերեսը (ք/մ), որից՝
1.4.1	արտադրական (ք/մ)
1.4.2	ոչ արտադրական (ք/մ)
1.5	Աշխատողների թվաքանակը (200___թ.-ի______  1-ի  դրությամբ)
1.6	Գնահատված ակտիվները
1.7	Մեկնարկային գինը
	Մասնավորեցման ենթակա բաժնետոմսեր	արժեքը (հազ.դրամ) քանակը (հատ) անվանական արժեքը (դրամ)
1.8	գաղտնի

2. Ընկերության հաշվեկշռի ցուցանիշներ ( ____ ________200___թ. դրությամբ)

(հազ. դրամ)

Հ/Հ	Ցուցանիշի  անվանումը	Հաշվեկշռային արժեքը	Գնահատված արժեքը
2.1.	Ոչ  ընթացիկ ակտիվներ, այդ թվում
2.1.1.	Հիմնական միջոցներ, այդ թվում՝
	շենքեր (- հատ),
	տրանսպորտային միջոցներ  (-հատ)
	կառուցվածքներ և փոխանցող հարմարանքներ (-հատ)
	մեքենաներ և սարքավորումներ (- հատ)
2.1.2.	Անավարտ ոչ ընթացիկ նյութական ակտիվներ
2.1.3.	Ոչ նյութական  ակտիվներ
2.1.4.	Այլ ոչ ընթացիկ ակտիվներ
2.2.	Ընթացիկ ակտիվներ
2.3.	Ոչ ընթացիկ պարտավորություններ
2.4.	Ընթացիկ պարտավորություններ, այդ թվում՝

3. Ընկերության բաժնետոմսերի մեկնարկային գինը

3.1. Ընկերության բաժնետոմսերի մեկնարկային գինը կազմում է ------ հազ. դրամ, որը համապատասխանում է բաժնետոմսերի ___ հատ մեկնարկային քանակի` յուրաքանչյուրը ____ դրամ անվանական արժեքով:

Ազատ բաժանորդագրությամբ մասնավորեցման ենթակա բաժնետոմսերի մեկնարկային գինը կազմում է ___ հազ. դրամ, որը համապատասխանում է բաժնետոմսերի ___ հատ մեկնարկային քանակի յուրաքանչյուրը ___դրամ անվանական արժեքով:

3.2. Բաժնետոմսերի բաժանորդագրությունը համարվում է կայացած, եթե բաժանորդագրության արդյունքներով հաշվարկված փաստացի բաժանորդագրված բաժնետոմսերի ընդհանուր քանակից հանած աշխատավորական կոլեկտիվի կողմից բաժանորդագրված բաժնետոմսերի քանակը գերազանցում է բաժանորդագրությամբ վաճառքի ենթակա բաժնետոմսերի նախնական քանակի և կոլեկտիվի կողմից փաստացի բաժանորդագրված բաժնետոմսերի քանակի տարբերության ___ տոկոսը:

3.3. ՀՀ կառավարության 200_թ._____ի N__ որոշմամբ ընկերության պարտավորությունները 200__թ. ___ ___ դրությամբ կազմում են` _____հազ. դրամ, այդ թվում`

4. Տեղեկություններ բաժանորդագրության մասին

Բաժնետոմսերի բաժանորդագրությունը սկսվում է գրանցված ազդագրի մամուլում հրապարակման տասներորդ օրվանից սկսած և ավարտվում է երեսունհինգ օրվա ընթացքում, այդ թվում` աշխատավորական կոլեկտիվի անդամների փակ բաժանորդագրությունը` մեկ ամսվա ընթացքում:

«Պետական գույքի մասնավորեցման (սեփականաշնորհման) մասին» ՀՀ օրենքով, ՀՀ կառավարության ______թ. ___ ___-ի N___ որոշմամբ և այլ նորմատիվ իրավական ակտերով բաժնետոմսերում ներդրումներ կատարողների նկատմամբ սահմանափակումները չեն սահմանված:

Բաժանորդագրության վճարումները կատարվում են դրամով` Հայխնայբանկի մասնաճյուղերում ____հաշվի համարով: Հաշիվները սպասարկող բանկերի կողմից բաժնետոմսերի բաժանորդագրության համար վճարվող գումարները ընդունվում, հաշվառվում և ՀՀ օրենսդրությամբ սահմանված դեպքերում վերադարձվում են գործող կարգի համաձայն:

Ընկերության բաժնետոմսերի բաժանորդագրության (տեղաբաշխման) հայտերի ընդունումը կատարվում է ՀՀ կառավարությանն առընթեր պետական գույքի կառավարման վարչության «Աճուրդի կենտրոն» պետական ոչ առևտրային կազմակերպության կողմից` գործունեության իրականացման հետևյալ վայրում __________________(բաժանորդագրության ավարտի օրը` մուտքը մինչև ժամը ___):

Բաժնետոմսերի տեղաբաշխումից` մասնավորեցումից ստացված միջոցները «Պետական գույքի մասնավորեցման (սեփականաշնորհման) մասին» ՀՀ օրենքի 28 հոդվածի համաձայն փոխանցվում են Հայաստանի Հանրապետության պետական բյուջե:

5. Այլ տեղեկություններ բաժանորդագրության մասին

Բաժնետոմսերի ազատ բաժանորդագրությամբ պետական գույքի մասնավորեցումն իրականացվում է փակ բաժանորդագրությամբ` աշխատավորական կոլեկտիվի անդամների համար և բաց բաժանորդագրությամբ այլ անձանց համար, ընդ որում` կոլեկտիվի անդամները բաց բաժանորդագրությանը կարող են մասնակցել ընդհանուր հիմունքներով:

Բաժնետոմսերի տեղաբաշխումն ավարտվելուց հետո Ընկերությունը պարտավոր է ապահովել ռեեստրի վարումը և պահպանումն Ընկերության պետական գրանցման պահից մեկ ամսվա ընթացքում` օրենքով և այլ իրավական ակտերով սահմանված կարգով:

Բաժնետոմսերի բաժանորդագրությանը կարող են մասնակցել` իրավաբանական և ֆիզիկական անձինք, «Պետական գույքի մասնավորեցման (սեփականաշնորհման) մասին» ՀՀ օրենքի 2-րդ հոդվածով սահմանված` մասնավորեցվող ընկերության աշխատավորական կոլեկտիվի անդամներ համարվող անձինք, համայնքները, (այսուհետև` մասնակիցներ):

Մեկ մասնակցի կողմից բաժանորդագրվող բաժնետոմսերի քանակը չի սահմանափակվում, բացառությամբ` ՀՀ օրենսդրությամբ սահմանված դեպքերի: Ընդ որում, մասնակիցը կարող է բաժանորդագրվել բաժանորդագրության ենթակա բաժնետոմսերի նախնական քանակից ավելի բաժնետոմսեր:

Բաժնետոմսերի ազատ բաժանորդագրությունն իրականացվում է բաժանորդագրման հայտերի (այսուհետև` հայտեր) ընդունման միջոցով: Մասնակիցների կամ նրանց լիազորած անձանց կողմից հայտերը ներկայացվում են ընկերության սույն ազդագրում նշված գտնվելու վայր(եր)ով` հայտում նշված գումարի մուծման մասին անդորրագրի և դրա պատճենի հետ միասին: Մեկ մասնակիցը, տվյալ բաժանորդագրությանը մասնակցելու համար, բաժանորդագրության յուրաքանչյուր օր կարող է ներկայացնել միայն մեկ հայտ:

Հայտի ներկայացման ժամկետ է համարվում այն ընդունողի կողմից հայտի ստացման օրը: Մասնավորեցվող ընկերության աշխատավորական կոլեկտիվի անդամներին փակ բաժանորդագրության համար վերապահված բաժնետոմսերի բաժանորդագրությունն իրականացնելու համար պետական կառավարման համապատասխան վերադաս մարմինը կամ ընկերության ղեկավար մարմինը հրավիրում է աշխատավորական կոլեկտիվի ժողով կամ համաժողով (այսուհետև` ժողով):

Ժողովը համարվում է կայացած, եթե նրան մասնակցում են կոլեկտիվի անդամների ընդհանուր թվի երկու երրորդը: Կոլեկտիվի անդամներն ունեն փակ բաժանորդագրության ենթակա բաժնետոմսերի ձեռք բերման հավասար իրավունքներ: Կոլեկտիվի անդամի` իրեն հասանելիք բաժնեմասի բաժանորդագրությունից հրաժարվելու դեպքում այդ բաժնեմասը բաշխվում է ժողովի որոշմամբ` կոլեկտիվի մնացած անդամների միջև:

Աշխատավորական կոլեկտիվի ընդհանուր ժողովի որոշմամբ աշխատավորական կոլեկտիվի անդամներին վերապահվում է պետական բաժնեմասի որոշակի մասը, բայց 20 տոկոսից ոչ ավելի, ընդ որում, միայն այն դեպքում, երբ աշխատավորական կոլեկտիվի անդամների ավելի քան 50 տոկոսը ցանկություն է հայտնել և բաժանորդագրվել է ընկերության պետական բաժնեմասի մինչև 20 տոկոսին:

Եթե փակ բաժանորդագրության համար նախատեսված ժամկետում փակ բաժանորդագրությանը մասնակցել ցանկացողների թվաքանակը չի գերազանցում աշխատավորական կոլեկտիվի անդամների 50 տոկոսը, ապա փակ բաժանորդագրությունը չի իրականացվում և կոլեկտիվին փակ բաժանորդագրության համար վերապահված բաժնետոմսերը ենթակա են վաճառքի բաց բաժանորդագրության միջոցով:

Հայտ ներկայացրած անձանց գրավոր պահանջով ՀՀ կառավարությանն առընթեր պետական գույքի կառավարման վարչությունը տալիս է քաղվածք հայտերի գրանցամատյանից պահանջ ներկայացրած անձի վերաբերյալ, որտեղ նշվում է.

անունը, ազգանունը (իրավաբանական անձանց համար` անվանումը),

անձնագրի սերիան և համարը (իրավաբանական անձանց համար` գրանցման համարը),

բաժանորդագրման նպատակով մուծված գումարը (թվերով, տառերով),

տրման ամսաթիվը:

Հայտի մերժման դեպքում հայտատուին, հայտի ներկայացման օրվանից հետո երեք աշխատանքային օրվա ընթացքում ՀՀ կառավարությանն առընթեր պետական գույքի կառավարման վարչությունը գրավոր տեղյակ է պահում մերժման մասին` նշելով մերժման պատճառները:

Բաժանորդագրության արդյունքների մասին տեղեկությունները հրապարակվում են արդյունքների ամփոփումից հետո մեկ ամսվա ընթացքում Հայաստանի Հանրապետության կառավարության սահմանած կարգով: Բաժնետոմսերի բաժանորդագրությունը համարվում է չկայացած, եթե բաժանորդագրության արդյունքներով հաշվարկված փաստացի բաժանորդագրված բաժնետոմսերի ընդհանուր քանակից հանած աշխատավորական կոլեկտիվի կողմից բաժանորդագրված բաժնետոմսերի քանակը չի գերազանցում բաժանորդագրությամբ վաճառքի ենթակա բաժնետոմսերի նախնական քանակի և կոլեկտիվի կողմից փաստացի բաժանորդագրված բաժնետոմսերի քանակի տարբերության __ տոկոսը:

Բաժանորդագրության արդյունքում յուրաքանչյուր մասնակցին, բացառությամբ կոլեկտիվի անդամների, հասանելիք բաժնետոմսերի քանակը հավասար է նրանց կողմից ներկայացված և հայտերում նշված (չմերժված) բաժնետոմսերի քանակին:

Բաժնետոմսերի բաժանորդագրության արդյունքում ձևավորված ընկերության կանոնադրական կապիտալը հաշվարկվում է ՀՀ կառավարության 1998 թ. մայիսի 8-ի թիվ 278 որոշմամբ հաստատված կարգով:

Մասնավորեցման հետևանքով սեփականության իրավունքի փոխանցումը վավերացվում է պետական գույքի մասնավորեցման գործարքով, որը գրավոր կնքում են լիազորված պետական մարմինը և գնորդը` ՀՀ կառավարության սահմանած կարգով: Բաժնետոմսերի սեփականության իրավունքը համարվում է փոխանցված` բաժնետոմսերը սահմանված կարգով գրանցամատյանում (ռեեստրում) գրանցվելու պահից:

6. Բաց բաժնետիրական ընկերության բաժնետերերի ընդհանուր ժողով

Բաժնետոմսերի բաժանորդագրության ավարտից հետո ՀՀ կառավարությանն առընթեր պետական գույքի կառավարման վարչությունը բաժանորդագրության արդյունքներն ամփոփելուց հետո մեկամսյա ժամկետում հրավիրում է ընկերության բաժնետերերի ժողովը (այսուհետև` ժողով) այդ մասին հրապարակելով տեղեկություն մամուլում կամ զանգվածային լրատվության մյուս միջոցներում:

Ընկերության բաժնետերերի ժողովը համարվում է իրավազոր, եթե նրա աշխատանքներին մասնակցում են բաժնետերեր (կամ նրանց լիազոր ներկայացուցիչները), որոնք համատեղ տիրապետում են բոլոր մասնակիցներին հասանելիք բաժնեմասերի 2/3-ից ոչ պակաս մասին:

Ընկերության բաժնետերերի ժողովը`

ա) լսում է տեղեկատվություն բաժանորդագրության արդյունքների վերաբերյալ,

բ) հաստատում է ընկերության բաժնետերերի բաժնեմասերի ամբողջականացումը (կլորացումը),

գ) ընդունում է ընկերության կանոնադրությունը:

Ընկերության բաժնետերերի ժողովի որոշումները ընդունվում են ժողովին մասնակցող բաժնետերերի ձայների պարզ մեծամասնությամբ, ընդ որում, բաժնետերերի ձայները հաշվարկվում են ընկերության մեկ ձայնի իրավունք տվող բաժնետոմս, մեկ ձայն սկզբունքով:

Ընկերության բաժնետերերի ժողովում հաստատված ընկերության բաժնետերերի ցուցակը հանձնվում է Հայաստանի կենտրոնական դեպոզիտարիա:

Բաժնետերերի ժողովի քվորումի բացակայության դեպքում ՀՀ կառավարությանն առընթեր պետական գույքի կառավարման վարչության կողմից ընկերության բաժնետերերի չկայացած ժողովի ամսաթվից հաշված մեկ ամսվա ընթացքում հրավիրվում է նոր ժողով, որը համարվում է իրավազոր, եթե նրա աշխատանքներին մասնակցում են ընկերության բաժնետերերը (նրանց կողմից լիազորված անձինք), որոնք համատեղ տիրապետում են ընկերության ընդհանուր բաժնեմասերի 50-ից ավելի տոկոսին: Եթե այս պայմանները չեն կատարվում և ՀՀ կառավարությանն առընթեր պետական գույքի կառավարման վարչությունը ՀՀ կառավարության հաստատմանն է ներկայացնում տվյալ ընկերության մասնավորեցման մասին ՀՀ կառավարության որոշման նոր նախագիծ:

Ներդրողը, ծանոթանալով սույն ազդագրին, պետք է ինքնուրույն գնահատի տվյալ արժեթղթերում սեփական ներդրման ռիսկը` մինչև ձեռքբերման որոշման ընդունումը: