«Գրանցված է»
ՀՀ արդարադատության
նախարարության կողմից
29 դեկտեմբերի 2002 թ.
Պետական գրանցման թիվ 11802439

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐ

20 դեկտեմբերի 2002 թ.  ք. Երևան

N 884-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐԻ 2002 ԹՎԱԿԱՆԻ ՄԱՅԻՍԻ 7-Ի N 368 ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք՝ ընդունելով Հայաստանի Հանրապետության կառավարության 2002 թվականի հուլիսի 11-ի «Հայաստանի Հանրապետության ֆինանսների և էկոնոմիկայի նախարարության կանոնադրությունն ու աշխատակազմի կառուցվածքը հաստատելու մասին» N 1460-Ն որոշման 1-ին կետի «բ» ենթակետով հաստատված Հայաստանի Հանրապետության ֆինանսների և էկոնոմիկայի նախարարության աշխատակազմի կառուցվածքը.

ՀՐԱՄԱՅՈՒՄ ԵՄ՝

Հայաստանի Հանրապետության ֆինանսների և էկոնոմիկայի նախարարի 2002 թվականի մայիսի 7-ի «Գրավատան կազմակերպումը լիցենզավորող հանձնաժողովի կանոնադրությունը հաստատելու մասին» N 368 հրամանի 1-ին կետով հաստատված «Գրավատան կազմակերպումը լիցենզավորող հանձնաժողովի կանոնադրության մեջ կատարել հետևյալ փոփոխությունները.

1. Կանոնադրության 1-ին կետի «ՀՀ ֆինանսների և էկոնոմիկայի նախարարի 2002 թ. ապրիլի 26-ի N 323 հրամանով» բառերը փոխարինել «ՀՀ ֆինանսների և էկոնոմիկայի նախարարի 2002 թ. նոյեմբերի 27-ի N 792-Ա հրամանով» բառերով։

2. Կանոնադրության 5-րդ կետը շարադրել հետևյալ խմբագրությամբ.

«5 Հանձնաժողովի քարտուղարը ի պաշտոնե ֆինանսական շուկայի զարգացման և արժութային կարգավորման ստորաբաժանման ղեկավարն է։»։

3. Կանոնադրության 7-րդ կետի «ա» և «բ» ենթակետերում «ֆինանսական շուկայի զարգացման և արժութային կարգավորման վարչություն» բառերը փոխարինել «ֆինանսական շուկայի զարգացման և արժութային կարգավորման ստորաբաժանման» բառերով։

4. Կանոնադրության 7-րդ կետի «ա» ենթակետում «իրավաբանական գլխավոր վարչություն» բառերը փոխարինել «իրավաբանական ստորաբաժանման» բառերով։

Նախարար`

Վ. Խաչատրյան