«Գրանցված է»
ՀՀ արդարադատության
նախարարության կողմից
20 հունիսի 2005 թ.
Պետական գրանցման թիվ 32205217

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆՆ ԱՌԸՆԹԵՐ ԱՆՇԱՐԺ ԳՈՒՅՔԻ ԿԱԴԱՍՏՐԻ ՊԵՏԱԿԱՆ ԿՈՄԻՏԵ

13 մայիսի 2005 թ. ք. Երևան

N 131-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ԱՆՇԱՐԺ ԳՈՒՅՔԻ ԿԱԴԱՍՏՐԻ ՊԵՏԱԿԱՆ ԿՈՄԻՏԵԻ ՆԱԽԱԳԱՀԻ 2002 ԹՎԱԿԱՆԻ ՓԵՏՐՎԱՐԻ 12-Ի N 89-Կ ՀՐԱՄԱՆՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Գույքի նկատմամբ իրավունքների պետական գրանցման մասին» Հայաստանի Հանրապետության օրենքի 49-րդ հոդվածի պահանջներով`

Հրամայում եմ`

Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահի 2002 թվականի փետրվարի 12-ի «Պետական գրանցման, գույքի և դրա նկատմամբ իրավունքների և սահմանափակումների վերաբերյալ տեղեկատվության տրամադրման վճարների ցանկը հաստատելու մասին» N 89-Կ հրամանում կատարել հետևյալ փոփոխությունը և լրացումները`

հրամանով հաստատված ցանկի`

1. «Անշարժ գույքի և դրա նկատմամբ գրանցված իրավունքների և սահմանափակումների վերաբերյալ տեղեկատվության տրամադրում» բաժնի 10-րդ կետը շարադրել նոր խմբագրությամբ` համաձայն Հավելվածի:

2. «Անշարժ գույքի և դրա նկատմամբ գրանցված իրավունքների և սահմանափակումների վերաբերյալ տեղեկատվության տրամադրում» բաժնի 19-րդ կետից հետո լրացնել նոր` 20-րդ, 21-րդ, 22-րդ, 23-րդ կետերը` համաձայն Հավելվածի:

3. Սույն հրամանով հաստատված փոփոխությունը և լրացումները ներկայացնել Հայաստանի Հանրապետության ֆինանսների և էկոնոմիկայի նախարարություն` համաձայնեցման:

4. Սույն հրամանը սահմանված կարգով ներկայացնել Հայաստանի Հանրապետության արդարադատության նախարարություն` պետական գրանցման:

5. Սույն հրամանը ուժի մեջ է մտնում պաշտոնական հրապարակմանը հաջորդող տասներորդ օրվանից:

Համաձայնեցված է ՀՀ ֆինանսների և էկոնոմիկայի նախարար պրն Վ. Խաչատրյան 27 մայիսի 2005 թ. N 558-Ա հրաման

Հաստատված է ՀՀ կառավարությանն առընթեր անշարժ գույքի կադաստրի պետական կոմիտեի նախագահ պրն Մ. Վարդանյան 13 մայիսի 2005 թ.

Հավելված

Ց Ա Ն Կ

ԱՆՇԱՐԺ ԳՈՒՅՔԻ ԵՎ ԴՐԱ ՆԿԱՏՄԱՄԲ ԳՐԱՆՑՎԱԾ ԻՐԱՎՈՒՆՔՆԵՐԻ ԵՎ ՍԱՀՄԱՆԱՓԱԿՈՒՄՆԵՐԻ ՎԵՐԱԲԵՐՅԱԼ ՏԵՂԵԿԱՏՎՈՒԹՅԱՆ ՏՐԱՄԱԴՐՈՒՄ

10	Կադաստրային քարտեզներում արտահայտված տեղեկատվության տրամադրում
	Բազային շերտերում1 արտահայտված տեղեկատվություն (1 հա).
	ա) Երևան քաղաք,	6000 դրամ
	բ) Քաղաքային համայնքների (Երևան քաղաքի տարածքից բացի) կառուցապատված հատվածներ,	3000 դրամ
	գ) Գյուղական համայնքների կառուցապատված հատվածներ,	1500 դրամ
	դ) Քաղաքային (Երևան քաղաքի տարածքից բացի) և գյուղական համայնքների չկառուցապատված հատվածներ և այլ տարածքներ	500 դրամ

20	1:500 - 1:1000000 մասշտաբի տեղագրական հատակագծերի և քարտեզների յուրաքանչյուր անվանակարգային (նոմենկլատուրային) թերթը
	ա) ռաստերային ֆորմատով,	4000 դրամ
	բ) վեկտորային ֆորմատով	80000 դրամ
21	Օդալուսանկար ցանկացած մասշտաբի (18x18 կամ 23x23սմ), ռաստերային ֆորմատով	1500 դրամ
22	Տիեզերական նկար 1մ և ավելի պակաս թույլատրելիություն ունեցող, ռաստերային ֆորմատով, 1կմ2	12000 դրամ
23	Տիեզերական նկար 1մ-ից ավելի թույլատրելիություն ունեցող, ռաստերային ֆորմատով, 1կմ2	3000 դրամ