ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն

16 հուլիսի 1997 թ. N 239

ԱԿՑԻԶԱՅԻՆ ԴՐՈՇՄԱՆԻՇԵՐԻ ՕԳՏԱԳՈՐԾՄԱՆ ԿԱՆՈՆՆԵՐԸ ՀԱՍՏԱՏԵԼՈՒ ՄԱՍԻՆ

Ի կատարումն «Հայաստանի Հանրապետություն ներմուծվող ակցիզային հարկով հարկման ենթակա որոշ ապրանքների դրոշմավորման մասին» Հայաստանի Հանրապետության կառավարության 1997 թվականի հունիսի 10-ի N 175 որոշման 5-րդ կետի ա) ենթակետի և «Հայաստանի Հանրապետությունում արտադրվող ակցիզային հարկով հարկման ենթակա որոշ ապրանքների դրոշմավորման մասին» Հայաստանի Հանրապետության կառավարության հունիսի 12-ի N 178 որոշման 3-րդ կետի ա) ենթակետի,

ՀՐԱՄԱՅՈՒՄ ԵՄ

Հաստատել ակցիզային դրոշմանիշերի օգտագործման կանոնները (կցվում են):

Հաստատված է ՀՀ ֆինանսների և էկոնոմիկայի նախարարության 1997 թ. հուլիսի 16-ի N 239 հրամանով

ԱԿՑԻԶԱՅԻՆ ԴՐՈՇՄԱՆԻՇԵՐԻ ՕԳՏԱԳՈՐԾՄԱՆ ԿԱՆՈՆՆԵՐ

1. Սույն կանոնները հաստատված են ի կատարումն «Հայաստանի Հանրապետություն ներմուծվող ակցիզային հարկով հարկման ենթակա որոշ ապրանքների դրոշմավորման մասին» Հայաստանի Հանրապետության կառավարության 1997 թվականի հունիսի 10-ի N 175 որոշման 5-րդ կետի ա) ենթակետի և «Հայաստանի Հանրապետությունում արտադրվող ակցիզային հարկով հարկման ենթակա որոշ ապրանքների դրոշմավորման մասին» Հայաստանի Հանրապետության կառավարության հունիսի 12-ի N 178 որոշման 3-րդ կետի ա) ենթակետի և պարտադիր են Հայաստանի Հանրապետության օրենսդրությամբ սահմանված կարգով պարտադիր դրոշմավորման ենթակա ակցիզային հարկով հարկման ենթակա ապրանքներ (այսուհետ` ենթաակցիզային ապրանքներ) Հայաստանի Հանրապետություն ներմուծողների, Հայաստանի Հանրապետությունում այդպիսի ապրանքներ արտադրողների, ինչպես նաև մինչև 1997 թվականի սեպտեմբերի 1-ը չիրացված` ենթաակցիզային ապրանքներ իրացնողների համար:

2. Սահմանված կարգով ձեռքբերված ակցիզային դրոշմանիշերի վերավաճառքը, օտարումը կամ փոխանցումն այլ անձանց արգելվում է:

3. Ենթաակցիզային ապրանքներ ներմուծող տնտեսավարող սուբյեկտները ակցիզային դրոշմանիշերը ձեռք են բերում իրենց գրանցման վայրի մաքսատանը, իսկ Հայաստանի Հանրապետությունում ենթաակցիզային ապրանքներ արտադրող կամ ենթաակցիզային ապրանքներ իրացնող անձինք` հարկային տեսչության տարածքային մարմնում:

4. Ակցիզային դրոշմանիշերը համարվում են խիստ հաշվառման փաստաթղթեր և սահմանված կարգով հաշվառվում են ինչպես հարկային և մաքսային մարմինների, այնպես էլ այդ դրոշմանիշերը ձեռք բերող տնտեսավարող սուբյեկտների կողմից: Վերջիններս դրանց գծով վարում են առանձնացված հաշվառում` խիստ հաշվառման փաստաթղթերի համար օրենսդրությամբ սահմանված կարգով:

5. Մաքսային և հարկային մարմինների կողմից համապատասխան գրանցման մատյանում (համապատասխանաբար հավելված 1-ում և հավելված 2-ում սահմանված ձևով) նշվում են դրոշմանիշերի հաշվառման մասին տվյալներ, մասնավորապես տրամադրվող դրոշմանիշերի համարները, սերիաները, քանակը և տրամադրման ժամանակը:

Հայաստանի Հանրապետության մաքսային և հարկային մարմիններն անհրաժեշտության դեպքում կարող են վարել լրացուցիչ գրանցման մատյաններ (քարտեր)` ըստ դրոշմանիշերի ձեռքբերողների:

6. Դրոշմավորումը կատարվում է ապրանքի վրա նախատեսված տեղերում սոսնձման միջոցով դրոշմանիշի փակցմամբ` հավելված 1-ում նշված ձևով: Ապրանքների դրոշմավորման ժամանակ կիրառվում է այնպիսի սոսինձ, որը հնարավորություն չտա պոկելու դրոշմանիշը` առանց վնասելու ապրանքի ապրանքային տեսքը: Օգտագործվող սոսինձը պետք է բացառի ակցիզային դրոշմանիշերի բազմակի օգտագործման հնարավորությունը` առանց վնասելու ակցիզային դրոշմանիշի ամբողջականությունը:

7. Դրոշմավորված ենթաակցիզային ապրանքի վրա պետք է փակցված լինի չվնասված և ամբողջական դրոշմանիշ:

8. Չօգտագործված կամ վնասված դրոշմանիշերը ենթակա են վերադարձման սահմանված կարգով և ժամկետներում:

9. Դրոշմավորված ապրանքների վերաարտահանման դեպքում դրոշմանիշերը վնասվում են արտահանողի կողմից, որպեսզի անհնար դառնա այդ ապրանքների օգտագործումը (իրացումը) Հայաստանի Հանրապետության տարածքում:

Հավելված 1 ՀՀ ֆինանսների և էկոնոմիկայի նախարարության 1997 թ. հուլիսի 16-ի N 239 հրամանի

Հ/Հ	ամսաթիվ	կազմակեր- պության անվանումը, տվյալները 1	մաքսատուն (թղթապանա- կի համարը)	պայմանագրի համարը, ամսաթիվ	դիմումի համարը, ամսաթիվ	ապրանքի անվանումը, ծածկագիրը	ապրանքի քանակը
1	2	3	4	5	6	7	8

մաս երկրորդ

տրամա- դրվող դրոշ- մանիշերի քանակը	վճարման փաստա- թղթի համարը, վճարման ամսաթիվ	ՄՎ ներկա- յանալու օրը, ժամը	դրոշմա- նիշերի սերիան (համարը)	դրոշմա- նիշերի տրամա- դրման անդորրա- գրի համարը	վերա- դարձ- վող դրոշ- մանիշ- երի քանակը	ներ- մուծ- ման ժամ- կետը	ներմու- ծողի լիազոր անձի ստորա- գրու- թյունը	ծանո- թություն
9	10	11	12	13	14	15	16	17

__________________________________
1 հարկ վճարողի հաշվառման համարը, պետռեգիստրի վկայականի համարը, իրավաբանական հասցեն

Հավելված 2 ՀՀ ֆինանսների և էկոնոմիկայի նախարարության 1997 թ. հուլիսի 16-ի N 239 հրամանի

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՏԵՍՉՈՒԹՅԱՆ ԿՈՂՄԻՑ ՏՐԱՄԱԴՐՎՈՂ ԱԿՑԻԶԱՅԻՆ ԴՐՈՇՄԱՆԻՇԵՐԻ ՀԱՇՎԱՌՄԱՆ ՄԱՏՅԱՆ

Հ/Հ	ձեռնարկության անվանումը (ֆիզիկական անձի անուն, ազգանուն)	իրավաբանական հասցեն (ֆիզիկական անձի բնակության վայրը)	հարկ վճարողի հաշվառ- ման համարը (ՀՎՀՀ)	արտադրանքի ծածկագիրն ըստ ԱՏԳ ԱԱ	դրոշմանիշերի ձեռքբերման դիմումի գրանցման օրը և համարը	դրոշմա- նիշերի սերիան (համարը)
1	2	3	4	5	6	7

մաս երկրորդ

դրոշմանիշերի քանակը	դրոշմանիշերի ստացման օրը	Վերադարձված դրոշմանիշեր
		չօգտագործված դրոշմանիշերի վերադարձման դիմումի գրանցման օրը	չօգտագործված դրոշմանիշերի քանակը	վնասված դրոշմանիշերի վերադարձման դիմումի գրանցման օրը	վնասված դրոշմա- նիշերի քանակը

Հավելված 3 ՀՀ ֆինանսների և էկոնոմիկայի նախարարության 1997 թ. հուլիսի 16-ի N 239 հրամանի

ԱԿՑԻԶԱՅԻՆ ԴՐՈՇՄԱՆԻՇԵՐԻ ՓԱԿՑՄԱՆ ՁԵՎԸ

* - Ծանոթություն -	Հավելված 3-ը չի բերվում:

Գրանցված է Հայաստանի Հանրապետության արդարադատության նախարարության կողմից 7 նոյեմբերի 1997 թ. պետական գրանցման թիվ16970055