ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն

14 հունվարի 1998 թ.

N 5-Մ

ԱՌԱՆՁԻՆ ՍՈՎՈՐՈՂՆԵՐԻ ՀԱՄԱՐ ՀԱՆՐԱԿՐԹԱԿԱՆ ԾՐԱԳՐԵՐԻ ՅՈՒՐԱՑՄԱՆ ՆՈՐՄԱՏԻՎ ԺԱՄԿԵՏՆԵՐԻ ՓՈՓՈԽՄԱՆ ՄԱՍԻՆ

ՀՐԱՄԱՅՈՒՄ ԵՄ`

1. Հաստատել «Առանձին սովորողների համար հանրակրթական ծրագրերի յուրացման նորմատիվ ժամկետների փոփոխման մասին» կարգը:

2. Նշված կարգը ներկայացնել ՀՀ արդարադատության նախարարություն պետական գրանցման համար:

Նախարար`

Ա. Պետրոսյան

Հաստատում եմ` ՀՀ կրթության և գիտության նախարար ______________ Ա. Պետրոսյան 07.10.1998 թ.

Կ Ա Ր Գ

ԱՌԱՆՁԻՆ ՍՈՎՈՐՈՂՆԵՐԻ ՀԱՄԱՐ ՀԱՆՐԱԿՐԹԱԿԱՆ ԾՐԱԳՐԵՐԻ ՅՈՒՐԱՑՄԱՆ ՆՈՐՄԱՏԻՎ ԺԱՄԿԵՏՆԵՐԻ ՓՈՓՈԽՄԱՆ

1. Աշակերտի համար հանրակրթական ծրագրի յուրացման նորմատիվ ժամկետը կարելի է փոփոխել ելնելով նրա կողմից հանրակրթական ծրագրի յուրացման փաստական մակարդակից:

Հանրակրթական ծրագրի նորմատիվ ժամկետը փոփոխվում է կրթական պետական չափորոշիչներին համապատասխան գիտելիքների ստուգման հիման վրա: Ուսումնական տարվա ընթացքում դասարանից դասարան փոխադրվել թույլատրվում է այն աշակերտներին, ովքեր նախորդ դասարանն ավարտել և ընթացիկ ուստարում սովորում են գերազանց առաջադիմությամբ:

2. Աշակերտների կրթական ծրագրի յուրացման նորմատիվ ժամկետների փոփոխությունը (ուստարվա ընթացքում դասարանից դասարան վաղաժամկետ փոխադրվելը) կատարվում է հետևյալ ընթացակարգով.

- մինչև 1998 թվականի փետրվարի 10-ը ծնողը, դասղեկը և 3-ից ոչ պակաս դասավանդող ուսուցիչներ միասին գրավոր դիմում են դպրոցի տնօրենին` սովորողին դասարանից դասարան վաղաժամկետ փոխադրելու խնդրանքով:

- մինչև փետրվարի 20-ը դիմումը քննարկվում է մանկավարժական խորհրդի նիստում, որին հրավիրվում է ներկայացուցիչ մարզպետարանի կրթության բաժնից (Երևան քաղաքի կրթության վարչությունից):

Մանկավարժական խորհուրդը քննարկման հիման վրա ընդունում է որոշում` երաշխավորելու և կրթության և գիտության նախարարությանը միջնորդելու մասին: Մանկավարժական խորհրդի որոշումը (կցված նիստի արձանագրությունը) ներկայացվում է նախարարություն:

- փետրվարի 20-ից մինչև մարտի 1-ը ժամանակահատվածում մանկխորհրդի կողմից երաշխավորված աշակերտների դասարանից դասարան վաղաժամկետ փոխադրվելու հարցը քննարկվում է ՀՀ կրթության և գիտության նախարարությունում` նախարարի հրամանով ստեղծված հանձնաժողովի կողմից աշակերտի հետ վարվող հարցազրույցի միջոցով: Հարցազրույցին ներկա է գտնվում աշակերտի դասղեկը:

- Հանձնաժողովի դրական եզրակացության դեպքում աշակերտը իրավունք է ստանում մասնակցելու վաղաժամկետ փոխադրման քննություններին, որն անցկացնում է դպրոցը մինչև մարտի 15-ը: Քննություններն անց են կացվում տվյալ դասարանի երկրորդ կիսամյակի և հաջորդ դասարանի առաջին կիսամյակի բոլոր ուսումնական առարկաներից (բացի ֆիզկուլտուրա, աշխատանքի ուսուցում և ՆԶՊ առարկաներից) գրավոր քննությունների միջոցով):

- Փոխադրական բոլոր քննություններից միայն գերազանց գնահատական ստանալու դեպքում դպրոցի մանկավարժական խորհուրդը որոշում է կայացնում` աշակերտին դասարանից դասարան վաղաժամկետ փոխադրելու մասին և պաշտոնապես տեղեկացնում նախարարությանը:

- Դասարանից դասարան վաղաժամկետ փոխադրված աշակերտների հանձնած գնահատականները համարվում են հաջորդ դասարանի առաջին կիսամյակի ամփոփիչ գնահատականներ, որոնք նշանակվում են դասամատյանում:

Սույն կարգը հաստատվում է ՀՀ կրթության և գիտության նախարարության կանոնադրության 2-րդ գլխի 5-րդ կետի «Ը» ենթակետի հիման վրա:

Սույն կարգը գործում է միայն 1997-98 ուսումնական տարում:

Միջնակարգ կրթության վարչության

ԳՐԱՆՑՎԱԾ Է

Հայաստանի Հանրապետության
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

22 հունվարի1998 թ.

ՊԵՏԱԿԱՆ ԳՐԱՆՑՄԱՆ թիվ 12980076